“ATA HOLDİNQ” AÇIQ TİPLİ SƏHMDAR CƏMİYYƏTİ
MALİYYƏ HESABATLARI ÜZRƏ QEYDLƏR
31 DEKABR 2007-Cİ İL TARİXİNDƏ BAŞA ÇATMIŞ İL ÜZRƏ (Davamı)
14
Təqdimat valyutası
Bu konsolidasiya edilmiş maliyyə hesabatları Azərbaycan Manatında (“AZN”) tərtib edilmişdir.
Azərbaycan Manatı Azərbaycan Respublikasının qanuni valyutasıdır. Hesabat tarixinə Azərbaycan
Manatının mübadilə məzənnəsi ilə əlaqədar məlumat üçün 3 saylı Qeydə müraciət edin.
“AtaHoldinq” ASC-nin səhmdarları
31 dekabr 2007-ci və 2006-cı il tarixlərinə, baş şirkətin adi səhmlərinin sahibləri aşağıdakı şəxslər
olmuşdur:
2.
QRUPUN FƏALİYYƏT MÜHİTİ
Azərbaycan Respublikasında inkişaf etməkdə olan ölkələrə xas olan əlamətlər, o cümlədən
Azərbaycan Respublikasından kənarda əksər ölkələrdə sərbəst surətdə konvertasiya edilə bilməyən
valyuta, sərt valyuta nəzarəti, kifayət qədər yüksək inflyasiya və iqtisadi artım səviyyəsi müşahidə
olunur. Azərbaycan Respublikasının iqtisadiyyatı inam və iqtisadi şəraitdə dəyişikliklərə həssasdır.
Azərbaycanın iqtisadiyyatı vaxtaşırı olaraq maliyyə sektoru üzrə inamın aşağı düşməsindən və
likvidliyin azalmasından mənfi təsirə məruz qalır.
Azərbaycan Respublikasının vergi, valyuta və gömrük qanunvericiliyi müxtəlif tərzdə təfsir edilir və
tez-tez əlavə və dəyişikliklərə məruz qalır. Deyilənlərə əlavə olaraq, müflisləşmə haqqında
qanunvericiliyin təkmilləşdirilməsi zərurəti, girovun qeydiyyatı və ödənişə yönəldilməsi ilə əlaqədar
rəsmi və işlək prosedurların olmaması və digər hüquqi və maliyyə xarakterli maneələr hazırda
Azərbaycan Respublikasında fəaliyyət göstərən Şirkətlər qarşısında çətinliklərin yaranmasına gətirib
çıxarır.
3. MÜHASİBAT UÇOTUNUN ƏSAS PRİNSİPLƏRİ HAQQINDA XÜLASƏ MƏLUMAT
Mühasibat uçotunun aparılmasının əsasları
Bu konsolidasiya edilmiş maliyyə hesabatları əməliyyatların tarixi dəyərlə tanınma prinsipi əsasında
Beynəlxalq Maliyyə Hesabatları Standartlarına (“BMHS”) uyğun olaraq hazırlanmışdır. Bu
konsolidasiya edilmiş maliyyə hesabatlarının hazırlanması zamanı istifadə edilmiş əsas mühasibat
uçotu prinsipləri haqqında məlumat aşağıda verilir. Fərqli məlumat verilmədiyi halda, bu qaydalar
əks olunan bütün müddətlər üzrə ardıcıl tətbiq edilmişdir (bax – Qeyd 5, Yeni və ya yenidən
işlənmiş standart və təfsirlərin qəbulu).
Səhmdar
31 dekabr
2007-ci il, %
31 dekabr
2006-cı il, %
“Hyuson Menecment İnk” 51.00
-
“Asbet Limited”
25.00
-
“Klonmel İnterneşnl İnkorporeyted”
24.00
-
“Kolton Enterprayzez S.A.”
-
51.00
“FM Faynenşel Menecment Holdinq” ASC
-
30.92
“Ata Turizm” LTD
-
5.44
“Ata İnşaat” LTD
-
6.37
“Ata Sənaye” LTD
-
6.27
Cəmi 100.00
100.00
“ATA HOLDİNQ” AÇIQ TİPLİ SƏHMDAR CƏMİYYƏTİ
MALİYYƏ HESABATLARI ÜZRƏ QEYDLƏR
31 DEKABR 2007-Cİ İL TARİXİNDƏ BAŞA ÇATMIŞ İL ÜZRƏ (Davamı)
15
Davamlı fəaliyyət
Bu konsolidasiya edilmiş maliyyə hesabatları rəhbərlik tərəfindən “davamlı fəaliyyət” prinsipi
əsasında tərtib edilmişdir. Bu mülahizədən istifadə edərkən, rəhbərlik hazırda Azərbaycan
Respublikasında maliyyə təşkilatlarının fəaliyyəti üçün əlverişli olan makro-iqtisadi durumu, müsbət
pul vəsaitləri axınını, əməliyyatların rentabelliyini və tələb olunduqda xarici mənbələrdən vəsaitlərin
cəlb edilməsi mümkünlüyünü nəzərə almışdır.
Təqdimat valyutası
Digər valyutada təqdim olunması qeyd edilmədiyi halda, bu maliyyə hesabatlarındakı bütün
məbləğlər Azərbaycan Manatında (“AZN”) təqdim edilmişdir.
Konsolidasiya edilmiş maliyyə hesabatları
Törəmə müəssisələr dedikdə elə şirkətlər və digər formada təsis edilmiş hüquqi şəxslər (o cümlədən
xüsusi məqsəd üçün təsis edilmiş hüquqi şəxslər) başa düşülür ki, bunların tərkibində Qrup, birbaşa
və ya dolayısı ilə səsvermə hüquqlarının yarısından çoxuna və ya iqtisadi mənfəəti əldə etmək
məqsədi ilə maliyyə və fəaliyyət qaydalarını digər surətdə müəyyən etmək imkanına malik olsun.
Hesabat tarixinə istifadəsi və ya konvertasiyası mümkün olan potensial səsvermə hüquqlarının
mövcud olması və təsiri Qrupun digər hüquqi şəxsi təsirə malik olub-olmamasını müəyyən etmək
üçün nəzərə alınır. Törəmə müəssisələr, nəzarət Qrupa keçdikdən sonra konsolidasiya olunur
(alınma tarixi) və nəzarət başa çatdıqdan sonra konsolidasiya çərçivəsindən kənar edilir.
Törəmə müəssisələrin satın alınmasını uçota almaq məqsədi ilə satınalma metodu tətbiq olunur.
Satınalmanın qiyməti təqdim edilən aktivlərin ədalətli dəyəri, buraxılmış kapital instrumentləri,
mübadilə tarixi üçün çəkilmiş və ya qəbul edilən öhdəliklər nəzərə alınmaqla müəyyən olunur,
habelə bunların üzərinə satınalma ilə birbaşa olaraq əlaqəli olan xərclər əlavə edilir. Mübadilə tarixi
dedikdə bir əqd çərçivəsində biznes kombinasiyasının yaranması tarixi olan satınalma vaxtı, habelə
bir neçə səhm alınması vasitəsi ilə biznes kombinasiyasının yaranmasına gətirib çıxaran hər bir
səhm alınması tarixi nəzərdə tutulur.
Hər bir mübadilə məzənnəsinə münasibətdə satınalma qiymətinin satın alınan şəxsin xalis
aktivlərinin ədalətli dəyərindən yuxarı olan hissəsi əməliyyatın “qudvil” hissəsini təşkil edir.
Satınalan şəxsin müəyyən edilməsi mümkün olan alınan aktiv, öhdəlik və şərti aktivlərdəki payının
satınalma qiymətindən çox olan hissəsi (”mənfi qudvil”) mənfəət və ya zərər hesabatında dərhal
uçota alınır.
Satın alınan aktivlər, öhdəliklər və şərti öhdəliklər biznes kombinasiya vasitəsi ilə qəbul olunduqda
satınalma tarixi üçün ədalətli qiymət üzrə uçota alınır və bu zaman hər hansı minoritar maraqlar
nəzərə alınmır.
Şirkətlərarası əqdlər, qrup şirkətləri arasındakı əməliyyat qalıqları və əldə olunmamış mədaxil
nəzərə alınmır; xərclərin qaytarılmaması mümkün deyilsə, yaranmamış zərər də nəzərə alınmır.
Şirkət və onun bütün törəmə müəssisələri Qrupun mühasibat siyasətinə uyğun olan vahid mühasibat
uçotu prinsiplərindən istifadə edirlər.
Minoritar maraq dedikdə törəmə müəssisənin xalis nəticələri və xalis aktivlərinin, o cümlədən
ədalətli
dəyər üzrə düzəlişlərin, elə hissəsi nəzərdə tutulur ki, həmin hissə birbaşa və ya dolayısı ilə
Şirkətə mənsub olan maraqlara aid olmasın. Minoritar maraqlar Qrupun kapitalının ayrıca tərkib
hissəsini təşkil edir.