14
ekoloji prinsiplərə keçməyi tələb edir. Bu isə təbiətlə münasibətdə ekoloji
maraqların prioritet
təşkil etməsi, üstün götürülməsi deməkdir.
Təbiətdən istifadə cəmiyyətin ətraf mühitlə bağlı bütün münasibətlərinin
cəmini əhatə edir. Təbiətdən istifadə ilə bağlı yaranan münasibətlər xüsusi
münasibət forması - ictimai - ekoloji münasibətləri təşkil edir (şəkil 1).
İctimai-ekoloji münasibətlərin səciyyəvi xüsusiyyətləri:
1. Bu
münasibətlər iradəvi xarakter daşıyır. Onların yaranmasını, dəyişdiril-
məsini və dayandırılmasını insanın iradəsi təyin edir. Məsələn, nəfəs almaq
havadan
istifadəni təşkil etmir, çünki insanın iradəsindən asılı deyil. Bundan
fərqli olaraq, hava hövzəsinə (atmosferə) çirkləndirici maddələrin buraxıl-
ması isə ictimai - ekoloji münasibət olub, insan iradəsi ilə yaradılır, dəyiş-
dirilə və aradan qaldırıla bilər.
«Hər kəsin sağlam ətraf mühitdə yaşamaq hüququ vardır»
(Azərbaycan
Respublikasının Konstitusiyası. Maddə 39, 1-ci bənd). Təbiət-cəmiyyət
münasibətlərinin insanın yaşaması və normal həyat fəaliyyəti üçün zəruri
sağlam ətraf mühit amilləri ilə təmin olunması başlıca vəzifəsidir. Beləliklə,
sağlam mühitdə yaşamaq,
təmiz havadan, sudan, torpaqdan və s. istifadə
etmək ictimai-ekoloji münasibət deyil, sadəcə olaraq hər bir vətəndaşın
konstitusiya hüququdur. Təbiətdən istifadə münasibətləri isə həmin hüququ
əldə rəhbər tutaraq onun təmin olunmasına xidmət etməlidir.
2. Bu münasibətlər müxtəlif ekoloji sistemləri təşkil edən komponentlər və ya
ətraf mühitin təbii obyektləri üzərində qurulur. Məsələn, vəhşi heyvanların
ovlanması təbiətdən
istifadəni təşkil etdiyi halda, onların zooparkda saxlan-
ması təbiətdən istifadəni təşkil etmir. Birinci halda vəhşi heyvanlar təbii
mühitlə ekosistemlə əlaqədə olduğu halda, ikinci halda həmin əlaqələr
kəsilmişdir.
Təbiət-cəmiyyət münasibətləri
İctimai-ekoloji münasibətləri
İradəvi
xarakter
daşıyır
Ekosistemin
komponentləri
üzərində qurulur
«İstismar»
məqsədindən başqa
digər maraqların da
olması
Xüsusi subyekt
kimi dövlət
çıxış edir
Ətraf mühitin mühafizəsi
Ekoloji tarazlığın təmin olunması
Sərvətlərin bərpası və artırılması
Şəkil 1. Təbiət-cəmiyyət münasibətlərinin mahiyyəti
15
Təbiətdən istifadə münasibətləri yalnız ətraf mühitlə əlaqədə olan obyektlər
üzərində qurulur. Bu əlaqələr həmin obyektlərin yaranmasının
və mövcud-
luğunun spesifik xüsusiyyətləri nəzərə alınmaqla qurulur. Təbii obyektdən
müxtəlif məqsədlər üçün suyun götürülməsini mətbəxdəki krandan su götür-
məklə müqayisə etsək, birinci halda təbiətdən istifadə, ikincidə isə sadəcə
olaraq məişətdə sudan istifadə təşkil etmiş olar.
3. Bu
münasibətlərə xüsusi subyekt tərkibinin olması xasdır. Belə ki,
bütün icti-
mai-ekoloji münasibətlərdə bir subyekt kimi dövlət iştirak edir. Həmin müna-
sibətlərdə dövlət xalqın adından çıxış edərək onun maraqlarını təmsil edir.
4. Sırf «istismar» məqsədi ilə yanaşı, aşağıdakı məsələlərin həlli də qarşıda
durur:
• istifadə ilə yanaşı, ətraf mühitin mühafizəsinin həyata keçirilməsi;
• ekosistemlərdə və təbii komplekslərdə ekoloji balansın (tarazlığın) təmin
olunması;
• istifadə ilə yanaşı, təbii sərvətlərin bərpasının və artırılmasının təmin
olunması.
Təbii ehtiyatlar (sərvətlər) anlayışına bütün təbii maddələr və enerji, əlverişli
iqlim şəraiti, torpaq, bitki və heyvanlar aləmi su, mineral və yanacaq xammal və s.
aiddir.
Təbii sərvətlərdən səmərəli istifadə cəmiyyətin tələbatını və istehsal qüvvə-
lərinin inkişafını təmin etmək məqsədi ilə ekosistemlərin və digər təbii obyekt-
lərin istifadəsinin davamlı inkişaf konsepsiyası prinsipləri əsasında
- indiki və
gələcək nəsillərin maraqları naminə həyata keçirilməsini nəzərdə tutur. Bu
konsepsiyaya əsasən səmərəli istifadənin ayrılmaz tərkib hissəsi kimi ekosistem-
lərin mühafizəsi, bərpası və yaxşılaşdırılması çıxış edir.
Yer üzərində əhalinin sayının az, təbii sərvətlərin isə bol olduğu dövrlərdə
cəmiyyət-təbiət münasibətlərinin təbiətə təsiri də zəif idi və bir o qədər nəzərə
çarpmırdı. Təbiətdən istifadə yalnız təbii sərvətlərin istismarı istiqamətində,
təbiətdən nəyisə «qoparmaq», əvəzində ona heç nə qaytarmamaq prinsipi əsasında
həyata keçirilmişdir. Belə münasibət XX əsrin ortalarına kimi davam etmişdir.
XX əsrin ikinci yarısında əhalinin sayının durmadan artması demoqrafik
partlayışla, Elmi-Texniki Tərəqqi isə texniki inqilabla nəticələndi. İstehsal
vasitə-
lərinin sürətlə inkişafı və onların böyük texniki (dağıdıcı) qüvvəyə çevrilməsi
təbiətdən istifadəni təhlükəli bir həddə gətirib çıxardı.
Bu gün qarşılaşdığımız təhlükənin reallığı ondan ibarətdir ki, Yer kürəsində
antropogen amillərin təsiri nəticəsində ekoloji tarazlığı pozulmamış guşə qalma-
mışdır. Təbii sərvətlərdən istifadə elə sürət almışdır ki, onların tükənməsi gözlə-
nildiyindən daha tez baş verə bilər.
1.2. Təbiətə sistemli yanaşma və biosfer haqqında təlim
Təbii sərvətlərdən səmərəli istifadənin əsasını sistemli dərketmə təşkil edir.
Həmin dərketmənin
vacibliyi ondan irəli gəlir ki, təbiətdə baş verən bütün
hadisələr, mövcud biotik və abiotik amillər qarşılıqlı sıx əlaqədə olub, birgə
inkişaf nəticəsində bir-birinə və ətraf mühitə təsir göstərir.