2015-ci ilin İllik Hesabatı
Yüklə 61,32 Mb. Pdf görüntüsü
|
53 • Dayanıqlı inkişaf və korporativ sosial məsuliyyət mövzusunda konfrans (Bakı, Azərbaycan) – sponsor dəstəyi; • Bakıda İtaliya həftəsi (Bakı, Azərbaycan) – sponsor dəstəyi; • Muğam festivalı (Bakı, Azərbaycan) – sponsor dəstəyi; • P World şirkətinin təşkilatçılığı ilə insan resursları sahəsində təcrübə mövzusunda tədbir (Bakı, Azərbaycan) – təşkilat və sponsor dəstəyi; • ABŞ-Azərbaycan Ticarət Palatasının təşkilatçılığı ilə Azərbaycanda ticarət missiyası – təşkilat və sponsor dəstəyi; • “BakıTel” beynəlxalq telekommunikasiya və informasiya texnologiyaları sərgisi (Bakı, Azərbaycan) – iştirak; • İxracın stimullaşdırılması mövzusunda seminar (Bakı, Azərbaycan) – təşkilat dəstəyi; • Bakı əcnəbilər icmasının üzvləri üçün milad bazarı – sponsor dəstəyi.
54 DƏSTƏKLƏYİCİ BÖLMƏLƏR Factoring 2015-ci ildə “PAŞA Bank” ASC Azərbaycanda faktorinq xidmətlərini göstərən ilk maliyyə təsisatı oldu. Hazırda bank ölkədaxili faktorinq, güzəştli hesab-fakturalar, təchizat zəncirinin maliyyələşməsi, ixrac və idxal üzrə faktorinq daxil olmaqla bütün növ faktorinq xidmətlərini/ məhsullarını təklif edir. 2015-ci ildə “PAŞA Bank” ASC Beynəlxalq Faktorlar Assosiasiyasının (Factors Chain International, FCI) Azərbaycandan yeganə üzvü olan bank idi. FCI dünyanın aparıcı faktorinq şirkətlərinin qlobal şəbəkəsidir. Bunun sayəsində “PAŞA Bank” ASC 90 ölkədə 400-dən çox faktorinq xidməti/məhsulu təminatçısına çıxış əldə edib. Faktorinqə dair əsas tələblər aşağıdakılardan ibarətdir: • satıcı (təchizatçı) və alıcı (borclu) arasında müqavilə; • satıcı (təchizatçı) və alıcı (borclu) arasında müəyyən vaxtı əhatə edən kommersiya münasibətlərinin təsdiqi; • satıcı (təchizatçı) və alıcı (borclu) arasında mallar və xidmətlərin təchizatını təsdiqləyən təslim-təhvil aktı; • müqavilə ilə tələb edilən bütün hesab- fakturaların, həmçinin digər köməkçi (müşayiətedici) sənədlərin banka təqdim edilməsi. Faktorinqin üstünlükləri aşağıdakılardır: • kreditə (sonradan ödəmək şərtilə) satış məbləğinin 90%-dək nisbətini dərhal almaq imkanı;
• dövriyyə vəsaitinin münasib maliyyələşmə şərtləri hesabına artırılması; • təyin edilmiş maliyyə vəsaiti və uzunmüddətli ödəniş şərtləri; • alınacaqlar və ödənişlər üzərində artırılmış kredit nəzarəti; • təchizatçı və alıcı arasında etibara əsaslanan münasibətlərin dəstəklənməsi. Faktorinq xidmətləri/məhsulları Azərbaycanda fəaliyyət göstərən kiçik və orta müəssisələr üçün çox uyğundur, onlar üçün girov əsaslı ənənəvi kreditləşmə ilə müqaysədə daha münasib şərtlərlə maliyyə vəsaitinə çıxışı təmin edir. “PAŞA Bank” ASC bu istiqamətdə fəaliyyətinin yaxın illərdə artmağa davam etməsini gözləyir. İnformasiya texnologiyaları “PAŞA Bank” ASC fəaliyyətinin istənilən tərəfi baxımından göstərdiyi xidmətlərin sürətini və keyfiyyətini yüksəldəcək üstün texnologiyalarla işləyir ki, müştəri və işçi məmnunluğu maksimum səviyyədə təmin edilsin. “PAŞA Bank” ASC-nin İnformasiya Texnologiyaları Departamenti bankdakı sistemlər, rabitə xətləri, təhlükəsizlik və proqram təminatı infrastrukturuna görə cavabdehdir. Departamentə həmçinin “PAŞA Bank” ASC sisteminin infrastrukturuna əlavə edilmiş vahid tətbiqi bank proqramının həftənin yeddi günü, günün 24 saaatı ərzində qüsursuz, sürətli, yoxlanılan, genişlənən və daima nəzarət edilən fəaliyyətini təmin etmək tapşırığı verilib. 2015-ci il ərzində “PAŞA Bank” ASC həyata keçirdiyi biznes proseslərinin beynəlxalq standartlara cavab verməsinə şərait yaratmaq məqsədilə müxtəlif səylər göstərməklə texnologiyalarını təkmilləşdirməyə və yeniləməyə davam etmişdir. Həmin il departamentin layihələri aşağıdakılardan ibarət olmuşdur:
55 • “PAŞA Bank” ASC-nin fəaliyyətinin arasıkəsilməzliyini təmin etmək məqsədilə Bakının iki fərqli məkanında yerləşəcək, biri qəza ilə üzləşdikdə belə ikincisi işinə davam edəcək iki məlumat mərkəzindən ibarət olan Stretched Data Center (səpələnmiş məlumat mərkəzi) layihəsi vasitəsilə yeni, olduqca əlçatan informasiya texnologiyaları sistem infrastukturunun yaradılması; • Bütün sistemlərin müntəzəm qaydada yaradılan surətinin (dublikatının) işlənilməsinin tamamlanması; • Bütün tətbiqi internet proqramlarının daha rahat və təhlükəsiz sayılan https rabitə formatına keçirilməsi. Təsis edildiyi tarixdən “PAŞA Bank” ASC Azərbaycan bank sahəsində texnoloji dönüşlərdən innovativ məhsul və xidmətlərədək müxtəlif yenilikləri tətbiq edib. 2015-ci ildə “PAŞA Bank” ASC Vergilər Nazirliyi kimi müxtəlif dövlət/ hökumət qurumlarından daxil olan əmrlərin/ tapşırıqların işlənilməsini tam avtomatlaşdıra bilmiş ilk Azərbaycan bankı oldu. “PAŞA Bank” ASC-nin informasiya texnologiyaları heyəti həmçinin əsas bank işi sistemində əmək haqqı modulu (Salary Module) kimi bankın əsas proseslərini avtomatlaşdırılmaq və onlara sərf edilən vaxtı azaltmaq məqsədini daşıyan bir neçə irimiqyaslı layihəni işləyib və gercəkləşdirib. Bu səylər resursların daha da optimallaşdırılması və əlaqəli biznes proseslərin yeni səmərəlilik səviyyəsinədək artırılması ilə nəticələndi. Müştərilərinə bütün platformalardan arasıkəsilməz, hərtərəfli xidmətlərin göstərilməsinə sadiq qalan “PAŞA Bank” ASC 2015-ci ildə bank xidmətlərinə internet və mobil bankçılıq vasitəsilə məsafədən qoşulmaq imkanının yaradılmasında vacib irəliləyişə nail olmuşdur. Həmin il “PAŞA Bank” ASC korporativ müştərilərə işçilərinin əmək haqqı ödənişlərini Azərbaycan bank sektorunda ilk dəfə olaraq internet bankçılıq xidmətini göstərən filialdan rəsmiləşdirmək imkanını yaratmış internet bankçılıq funksiyasını işə salmışdır. Mobil platformalar vasitəsilə müştəriyə daha yaxın olmaq istiqamətində sürətlə inkiaf edən “PAŞA Bank” ASC loro (sifarişli müxbir) hesabdan kart hesabına bankdaxili ödənişlərin və onlayn pul köçürmələrinin edilməsinə şərait yaradan bağlantı proqramını (interface) işləmişdir. Bununla müştərilər ölkədaxili ödəniş formasını doldurmaq tələbindən azad edilmişdirlər, ödənişlərin işlənilməsi müddəti isə qısaldılmışdır. 2015-ci ildə “PAŞA Bank ASC müştərilərinə kredit kartları üzrə faktiki qalıq məbləğini internet bankçılıq xidmətini göstərən filialdan müraciət əsasında öyrənmək imkanını təmin etdi. Üzərimizə gələn il “PAŞA Bank” ASC rəqəmsal, xüsusilə mobil bankçılığın vüsət tapdığı bazar şəraitində texnologiyalar və innovasiyalar sahəsində səylərini artırmağı planlaşdırır. 2015-ci il ərzində “PAŞA Bank” ASC həyata keçirdiyi biznes proseslərinin beynəlxalq standartlara cavab verməsinə şərait yaratmaq məqsədilə müxtəlif səylər göstərməklə texnologi- yalarını təkmilləşdirməyə və yeniləməyə davam etmişdir. Bank texnologiyaları və innovasiyaları strateji vəzifə kimi qəbul edir. PAŞA Bank 2015-ci ilin İllik Hesabatı Yüklə 61,32 Mb. Dostları ilə paylaş:
|