- 93 -
sisteminin aktiv işləməsində, zehni narahatlqlar zamanı, mədə xəstəliklərində, boy artımının
surətlənməsində, orqanizmin yorğunluğunun aradan qaldırılmasında, qan azlığı zamanı çox effektli
təsir göstərir.
Qeyd edək ki, insanlar tərəfindən çiçək tozu təzə halda istifadə edilsə daha yaxşıdır. Uzun
müddət saxlanılan çiçək tozu öz keyfiyyətini itirir. Məhz bu səbəbdən çiçək tozunu mövsümü
olaraq istifadə etmək daha yaxşıdır. Ancaq çiçək tozuna qarşı allergiyasi olan insanların çiçək
tozundan və tərkibi tozcuqla zəngin olan ari məhsullarından istifadəsi olduqca təhlükəli və risklidir.
Arılar müxtəlif bitkilərdən çiçək tozu toplayaraq onu bioloji stimullaşdırıcı kimi istifadə
edirlər.
Azərbaycanın bitki örtüyünün bu qədər zəngin olması ölkəmizdə arıçılığın geniş miqyasda
inkişafına zəmin yaradan səbəblərdən biridir. Respublikamızda arılar tərəfindən istifadə olunan,
çiçək tozu verən bitkiləri dörd əsas qrupa bölürlər:
I. Yalnız arıların istifadəsi üçün yararlı çiçək
tozu verən bitkilərdir ki, arılar bunlardan yalnız
çiçək tozu yığırlar. Bu qrupa: lalə, dazıotu, qara çörəkotu, dişli topulqa, qaymaqçiçəyi, xoruzgülü,
danaqıran, qazsoğanı, itburnu və s. aiddir.
II. Nektara nisbətən daha çox çiçək tozu verən bitkilərdir ki, bu bitkilərdən arılar əsas etibarı
ilə çiçək tozu toplayırlar. Söyüd, əməkömənci, zəncirotu, pişikotu və s. bu qrupun
nümayəndələrindəndir.
III. Çiçək tozuna nisbətən daha çox nektar verən bitkilərdir ki, bu bitkilərdən bal arıları
əsasən nektar, az miqdarda isə çiçək tozu toplayırlar. Kələm, günəbaxan, adi göyək, poruq, qanqal,
pambıq, qovun, qabaq, adi palıd, böyürtkən, xəndəkotu və s. bu qrupa daxildir.
IV. Eyni dərəcədə həm bal, həm də çiçək tozu verən bitkilərdir ki, Bu bitkilərdən arılar həm
nektarı, həm də çiçək tozunu eyni dərəcədə toplayırlar. Bu qrupa: cökə, gavalı, alma, armud, xaşa,
badam, şaftalı, albalı, dərman köpəkdili otu və s. aiddir.
Ədəbiyyatlarda göstərilir ki, hər bir bitkinin çiçəyinin tozluq kisəsi daxilində yerləşən
milyonlarla tozcuğu vardır. Həmçinin hər bir bitkinin tozcuğunun özünə məxsus quruluşu olur.
Hətta bir fəsiləyə aid olan bitkilərin belə tozcuq hüceyrələrinin quruluşu fərqlidir. Bitkinin tozcuq
hüceyrələrinin quruluşunu təyin etməklə biz balın hansı bitkiyə aid olduğunu deyə bilərik.
Hər hansı regionun bitkilərinin çiçək tozu hüceyrələrini öyrənmək üçün əvvəlcə həmin
bölgənin çiçəkləyən bitkilərinin herbarisini hazırlamaq lazımdır. Çiçək tozunu öyrənmək üçün
əvvəlcə çiçəkləmə dövründə bitki nümunələri yığılaraq günəş şüalarının birbaşa təsiri olmayan,
havalanması yüksək səviyyədə və nisbi rütubəti aşağı olan otaq seçilir. Səliqə ilə düzəldilmiş və
yaxşı qurudulmuş çiçəkli bitkilərin herbariləri laboratoriya tədqiqatına qədər diqqətli saxlanmalıdır.
Bitkilər tam quruduqdan sonra hər bir bitkinin tozluqları götürülərək ekzin təbəqəsinin xarakterik
cəhətlərini öyrənmək üçün əşya şüşəsi üzərinə qoyulur və preparat hazırlanır. Preparat hazırlamaq
üçün dünya praktikasında iki üsuldan istifadə edilir:
- Wode - Haus üsulu
- Erdtman üsulu
Wode - Haus üsulu ən çox istifadə olunan üsuldur. Bu üsulla preparatın hazırlanması
aşağıda göstərilmişdir. Çiçəkdən götürülmüş tozluqlar əşya şüşəsi üzərinə qoyulur, üzərinə bir neçə
damcı su və 2-3 damcı spirt əlavə olunur (spirt tozcuqları fiksə etmək üçündür) və örtük şüşəsi ilə
örtülür. Bir qədər keçdikdən sonra örtücü şüşə götürülərək tozcuq torbacıqlarından iynə ilə
tozcuqlar çıxarılır. Üzərinə qliserinli jelatin tökülərək örtücü şüşə ilə örtülür. Çiçək tozu preparatı
bu qayda ilə hazırlandıqdan 24 saat sonra baxılmağa yararlı olur. Tozcuq hüceyrələri mikroskopda
baxılarkən makrometrin okulyarları ilə ölçülür. Bunun üçün hər bir bitkinin 100 ədəd toz
hüceyrəsinin mikronlarla uzunluğu və eni ölçülür. Sonra isə bu və ya digər bitkinin çiçək
tozcuqlarının ölçülmüş hüceyrələrinin sayı, onların uzunu və eni nəzərə alınmaqla qrafik üsuldan
istifadə edilərək əyri hazırlanır. Qabaqcadan hazırlanmış preparatda tozcuqlar mikroskopda sayılır.
Bütün sayılmış tozcuq hüceyrələrinin 10 %-dən azını təşkil edən hər hansı bitki növü arılar üçün
əsas çiçək tozu verən bitkilər sırasına aid edilmir. Müayinə ediləcək çiçək tozu çiçəkdən, arıların
arxa ayaqlarının səbətciyindən və pətəktən götürülür. Kiflənməmək üçün dibinə formalinli
pambığın üzərinə quru və təmiz pambıq da qoymaq lazımdır .
- 94 -
Bu üsullar vasitəsilə çiçək tozunu öyrəndikdən sonra müxtəlif bal nümunələrini analiz
edərək tərkibinin hansı bitkiyə aid olduğunu demək mümkündür.
ƏDƏBİYYAT
1.
Quliyev Ə.M. Azərbaycanın bal verən bitkiləri Bakı,
Azərnəşr, 1958.
2.
Seyidov A.K., İbrahimov R. Arıçılara kömək, “Müəllim” nəşriyyatı, Bakı, 2013.
3.
Sorkun K., Balda Polen Analizi, 1994.
4.
Wodehouse, R. P.,
Pollen Grains, Hafner Publishing Co., New York, 1959.
5.
Sorkun, K., Pollen Analysis of Honey and Nectar Plants, Training Course on Apiculture, June 8
- July 19,
Kazan-Ankara, 1987.
6.
Arıcılık araştırma dergisi, Arıcılıq araştırma Enstitüsü Müdürlüğünün yayını, 2010.
ABSTRACT
Mehriban Alizade
Gulnara Hajiyeva
THE LEARNING OF THE FLOWER POLLEN OF THE PLANTS GIVING HONEY
WHICH HAVE SPREAD IN THE GANJA- GAZAKH REGION
The article presents some data on the study of the fervor of nectar plants.
And also the study
of the possibility of determining which plant relates the composition of honey.
The article contains some data on the study of pollen of honey plants
.
РЕЗЮМЕ
Мегpи
бa
н Ализаде
Гулнapa Гаджиева
О ИЗУЧЕНИИ ЦВЕТОЧНОЙ ПЫЛЬЦЫ МЕДОНОСНЫХ
РАСТЕНИЙ РАСПРОСТРАНЕННЫХ В ГЯНДЖИНСКО-ГАЗАХСКОМ ЗОНЕ.
В статье излагаeтся некоторые данные изучения пыльца медоносных растений. А
также изучение возможности определение какому растению относится состав мëда.