7
177
• VII fəsil •
İqtisadi-sosial həyat və onun inkişaf yolları
•
Nepal, Banqladeş, Efiopiya, Qvineya, Mozambik, Ruanda, Butan, Uqanda kimi
inkişafdan geri qalmış ölkələrdə iqtisadi cəhətdən fəal əhalinin 5–20%-i üçüncü
sektorda, mütləq əksəriyyəti isə birinci sektorda çalışır.
Hazırda dünyada, xüsusilə də inkişaf etmiş ölkələrdə iqtisadiyyatın
dördüncü
sektoru formalaşır. O,
informasiya sahəsini (məlumatların yığılması, təhlili, infor-
masiyalar əsasında idarəetmə), elmi-tədqiqat və onların tətbiq yollarını əhatə edir.
1. Təsərrüfat sahələrinə uyğun olaraq cədvəldə verilənlər əsasında ölkələr üçün
diaqramlar qurun və ölkələri gəlir mənbələrinə görə qruplaşdırın.
Ölkələr
İl ərzində müxtəlif sahələrdən əldə olunan gəlirlər, %-lə
Kənd təsərrüfatı
Sənaye
Xidmət sahələri
Küveyt
0
53
47
ABŞ
2
25
73
Fransa
2
27
71
Polşa
6
39
55
Rusiya
7
39
54
Çin
21
48
31
Hindistan
29
30
41
Efiopiya
57
10
33
2. Avstraliyada boksit istehsalı Yamaykadan yeddi dəfə artıqdır. Lakin Avstraliyada bu
sahədə əhalinin 1%-i, Yamaykada isə 25%-i çalışır. Bunu nə ilə izah etmək olar?
Kənd təsərrüfatında işləyən əhalinin payı
Müzakirə edin:
– İnkişaf etməkdə
olan ölkələrdə əhalinin
əksəriyyətinin kənd təsərrüfatı sahələrində
işləməsinə baxmayaraq, bu məhsulların əsas
ixracatçısı inkişaf etmiş ölkələrdir.
Səbəbini
izah edin.
Diaqram üzrə iş
Biliklərin tətbiq edilməsi və yoxlanılması
Cədvəl üzrə iş
Ətrafınızdakı insanlar arasında iqtisadi cəhətdən fəal əhalinin ən azı 20 nəfəri ilə
sorğu keçirin. Onların harada işlədiklərini müəyyənləşdirin və mətndəki sektorlara
uyğun qruplaşdırın. Nəticəni cədvəl və ya diaqram şəklində təqdim edin.
Soyadı və adı
Kənd təsərrüfatı
Sənaye
Xidmət
Dərsdən sonra
178
M
ADDİ VƏ QEYRİ-MADDİ İSTEHSAL SAHƏLƏRİ
İqtisadiyyatın müxtəlif sahələrinin bir-biri ilə əlaqəsi olmadan onların inkişafı
qeyri-mümkündür.
Hər hansı məhsulun istehsal edilməsi prosesi müxtəlif sayda təsərrüfat müəs-
sisələrini əhatə edir. Eyni tələbatı ödəyən müəssisələr
təsərrüfat sahələri yaradır.
Məsələn, insanların qidaya olan tələbatını ödəmək üçün fəaliyyət göstərən müəs-
sisələr
yeyinti sənayesi adlanır. Kənd təsərrüfatı məhsulları istehsalı isə kənd tə-
sərrüfatı sahəsini əmələ gətirir.
Maddi və
qeyri-maddi istehsal sahələri vardır. Təsərrüfat sahəsinin tərkibi və
istehsal olunan məhsullar nə qədər mürəkkəbdirsə, istehsal sahələri də bir o qədər
çoxsahəlidir; məsələn: bir təyyarə yüz iyirmi mindən çox hissə və detaldan ibarətdir.
Onların hazırlanması yüzlərcə müəssisədə xeyli sayda ixtisaslı kadr, daim yenilənən
texnoloji avadanlıq və s. tələb edən mürəkkəb bir istehsal prosesidir. Hər hansı
istehsal prosesi elektrik enerjisi, nəqliyyat vasitələri və yolları olmadan fəaliyyət
göstərə bilməz.
50
I. İqtisadiyyatın müxtəlif sahələrinin inkişafında
elektrik enerjisinin rolu nədən ibarətdir?
II. Yeni elmi nailiyyətlərin əldə edilməsinin və
ixtisaslı kadrların istehsal
prosesinə nə kimi
təsiri vardır?
III. Xidmət sahələrinin inkişafının hər hansı
məhsul istehsalı prosesinə nə kimi təsiri
vardır?
IV. İstehsal prosesində nəqliyyatın rolu nədən
ibarətdir?
Sxem üzrə iş
Suallara ətraflı cavab yazın və sxemi dəftərinizdə tamamlayın:
7
179
• VII fəsil •
İqtisadi-sosial həyat və onun inkişaf yolları
•
Maddi istehsalın ən mürəkkəb sahəsi sənayedir. Sənaye iki qrupa bölünür:
A qrupu. İstehsal vasitələri istehsal edən, yəni digər məhsulları istehsal etmək üçün
istifadə olunan avadanlıqların istehsalını birləşdirir və
ağır sənaye adlanır. Onun tər-
kibinə energetika, dağ-mədən, maşınqayırma, metallurgiya, kimya və meşə sənayesi
daxildir. Hər hansı məhsulun istehsalı prosesində təbiətə xeyli miqdarda tullantı atılır.
İstehsal tullantılarının qarşısının alınması müasir dövrün ən mühüm problemlərindən
biridir. Elmi-texniki tərəqqinin nailiyyətlərini tətbiq etməklə istehsal tullantılarını
minimuma çatdırmaq mümkündür. Lakin tamamilə tullantısız istehsal prosesini yarat-
maq hələlik mümkün deyil.
B qrupu. İstehlak malları, yəni bilavasitə əhalinin istifadə etdiyi məhsulları is-
tehsal edən sahədir. Bura yüngül və qida sənayesi sahələri daxildir.
Maddi və qeyri-maddi istehsal sahələrinin əhalinin tələbatına xidmət edən sahəsi
xidmət sahələrini əmələ gətirir. Bu sahədə hər hansı maddi məhsul istehsal edilmir.
Xidmət sahəsini digərlərinə fayda verən, rahatlıq yaradan sahə adlandırırlar. Xid-
mət sahələri оlduqcа müxtəlifdir.
1. İnfrastruktur xidmətləri – istеhsаl prosesini tənzimləmək üçün göstərilən xid-
mətlərdir:
nəqliyyat, rabitə, elektrik, su, qaz təchizatı, təmir və s. Bu xidmət növləri tətbiq
edilmədən A və ya B qrupuna daxil olan sahələri inkişaf etdirmək qeyri-mümkündür.
Maddi istehsal. İstehsalatda maddi ne-
mətlər yaradan və onu istehlakçıya çatdı-
ran bütün sahələri əhatə edir. Bura səna-
ye, kənd təsərrüfatı,
tikinti və tədarük
sahələri daxildir.
Qeyri-maddi istehsal. İnsanların mənəvi tələbatını təmin
edir. Səhiyyə, təhsil, elmi-tədqiqat, mədəni-maarif, idman,
incəsənət,
istirahət, turizm, mənzil-kommunal xidmətləri,
məişət xidməti, dövlət idarələri, nəqliyyat, rabitə, ticarət və
ictimai asayişin mühafizəsi daxildir.
TƏSƏRRÜFAT SAHƏLƏRİ
1 ton polad istehsalı üçün
tələb olunan
RESURSLAR
Müzakirə edin:
1. Ətraf mühitə zərər verməsinə baxmayaraq, qara metallurgiyanın inkişafı vacibdir.
Bu sahənin
inkişafının hansı əhəmiyyəti var?
2. Əvvəllər yalnız metaldan hazırlanan hansı məhsullar hazırda plastik kütlə ilə əvəz olunur?
1 ton polad istehsalı zamanı
yaranan
TULLANTILAR
Sxem üzrə iş
• Hindistanın poladəritmə zavodunda
1000 nəfər işçinin istehsal etdiyi
məhsulu əldə etmək üçün Yaponiyada cəmi
17 nəfər çalışır.