Uot 81. 373. 47 BƏDİİ ƏSƏRLƏRİn diLİNDƏ DİalektizmləRİn yeri VƏ MÖvqeyi
Yüklə 5,03 Kb. Pdf görüntüsü
|
- Bu səhifədəki naviqasiya:
- Aqrar sənaye kompleksi
- “ELMİ XƏBƏRLƏR”
79 UOT 911.3:63 ABŞERON İQTİSADİ RAYONUNUN AQRAR SƏNAYE KOMPLEKSİ ABDULLAYEVA ZOYA HAMLET QIZI Sumqayıt Dövlət Universiteti, dosent VƏLİYEV ALLAHVERDİ CAMAL OĞLU Sumqayıt Dövlət Universiteti, baş müəllim e-mail:sdu.elmihisse@mail.ru Açar sözlər: Abşeron iqtisadi-coğrafi rayonu, kimyəvi vasitələr istehsalı, quru subtropik, aqrar-sənaye kompleksi, kənd təsərrüfatı, iqtisadi rayon, inteqrasiya. Məqalədə Abşeron iqtisadi rayonunda aqrar-sənaye kompleksinin səciyyəvi xüsusiyyətləri haqqında araşdırmalar öz əksini tapır. Bazar iqtisadiyyatının təsiri altında ölkənin kənd təsərrüfatının sahə və ərazi strukturunda daimi dəyişikliklər gedir. İqtisadi rayonun potensial imkanlarının iqtisadi-təsərrüfat göstəriciləri bəzi aqrar sənaye inteqrasiyalarını müəyyənləşdirmişdir. Aqrar sənaye kompleksi müxtəlif və geniş əlaqələrə malik olan istehsal sahəsidir. Müasir dövrdə ASK-nin ayrı-ayrı bölmələrinin səmərəli surətdə əlaqələndirilməsi və idarə edilməsi böyük aktuallıq kəsb edir. Aqrar sənaye kompleksinin müxtəlif istiqamətlərdə fəaliyyət göstərən, lakin dialektik vəhdət təşkil edən istehsal təmayüllü sahələrinin müəyyən qismi kompleks əmələ gətirən sahələr kimi üç bölməyə ayrılır: 1) kənd təsərrüfatı üçün istehsal vasitələri istehsal edən və həmçinin bu sahənin istehsal- texniki xidmətini təmin edən maşınqayırma sənayesi, mineral gübrələr və kimyəvi vasitələr istehsalı üzrə sənaye sahələri, meliorasiya texnikası sənayesi və s. 2) kənd təsərrüfatının özü-əkinçilik və heyvandarlıq. 3) kənd təsərrüfatı xammalının emalı sənayesi. Aqrar sənaye kompleksinə - tədarük, bütün infrastruktur sahələri arasında əlaqələr yaradan və onlara məhsulu qablaşdırılma, kommersiya, nəqliyyatdaşınma, saxlanılma, rabitə, mədəni-məişət, sosial və s. xidmət göstərən sahələr daxildir. İnkişaf etmiş ölkələrdə (İEÖ) ASK- nin bu 3 fəaliyyət sahələri arasında nisbət 3:1:6-dır. Lakin keçid iqtisadiyyatına malik ölkələrdə kənd təsərrüfatının payı Qərb ölkələrinə nisbətən yüksəkdir. Bu tip ölkələrdə kənd təsərrüfatı məhsullarının emalı, o cümlədən, yeyinti sənayesi zəif inkişaf etmişdir. İnkişaf etməkdə olan ölkələrdə (İEOÖ) ənənəvi istehlak(əmtəəlik) kənd təsərrüfatı üstünlük təşkil edir. Kənd təsərrüfatı xammalının emalı sənayesinin payı inkişaf etmiş ölkələrdə sürətlə artır. Məsələn, ABŞ-da bu sahənin payına bütün ərzaq məhsulunun təxminən 75%-i düşür. Hazırda yüksək inkişaf etmiş ölkələrdə aqrar istehsalda baş verən dəyişikliklər “biotexnoloji inkişaf” mərhələsindədir, yəni indiki mərhələ biotexnologiyaların geniş istifadəsilə səciyyələnir. İEÖ-də kənd təsərrüfatı XX əsrin əvvəllərində əməktutumlu, 40-60-cı illərdə kapitaltutumlu, son illərdə elmtutumlu sahəyə çevrilmişdir. İEOÖ-də 1960-cı illərdə müasir aqrotexnika əsasında kənd təsərrüfatının yeniləşdirilməsi istiqamətində işlər aparılır. “Yaşıl inqilab” adlandırılan bu prosesin üç tərkib hissəsi mövcuddur: yeni mədəni bitki növlərinin, ilk növbədə, taxıl bitkilərinin; suvarılan sahələrin genişləndirilməsi; kənd təsərrüfatının mexanikləşdirmə səviyyəsinin yüksəldilməsi, mineral gübrələrdən və bitkilərin mühafizəsi üçün kimyəvi vasitələrdən fəal istifadə. “Yaşıl inqilab” nəticəsində taxıl bitkilərinin məhsuldarlığı 2-3 dəfə çoxalmış, Çin, Hindistan, İndoneziya, Pakistan, Tailand və digər ölkələr özlərini taxılla tam təmin etməyə başlamışlar. Sumqayıt Dövlət Universiteti – “ELMİ XƏBƏRLƏR”– Sosial və humanitar elmlər bölməsi Cild 12 № 2 2016 80 Ölkəmizdə iqtisadiyyatın, xususilə kənd təsərrüfatının inkişafını müəyyən edən amillərdən biri də əhalinin sayının artması, əkin yerlərinin genişlənməsi və intensiv inkişaf yolunun seçilməsidir. Ümumuyyətlə kənd təsərrüfatı əhalini ərzaq məhsulları ilə təmin etməklə yanaşı, həm də məşğulluğun təmin olunmasında müstəsna rol oynayır. Hesablamalar göstərir ki, son illər ümumi daxili məhsulda aqrar sektorun payı 9,2 % olmasına baxmayaraq, bu sahədə çalışan əhalinin say göstəricisi isə 39,2 % olmuşdur. Göründyü kimi aqrar sektor məşğul olan əhalinin sayına görə iqtisadiyyat sahələri arasında birinci yerdə durmuşdur. Hazırda Azərbaycanın əhali məşğulluğunda “aqrarlaşma” fonu xeyli artmışdır. Geniş potensiala malik ölkəmizdə idxalı əvəz edən yerli kənd təsərrüfatı məhsullarının istehsalının artması ciddi aqrar siyasətin həyata keçirilməsini tələb edir. “Azərbaycan respublikası regionlarının sosial-iqtisadi inkişafı Dövlət Proqramları”(2004-2008-ci və 2009-2013 cü illər) kənd təsərrüfatının növbəti mərhələdə inkişafına dəstək verən tarixi bir sənəddir. Bu proqramdan irəli gələn tədbirlər planının həyata keçirilməsi neftlə məhdudlaşan ölkəmizdə qeyri neft sektorunun, xüsusilə kənd təsərrüfatının inkişafında əhəmiyyətli rol oynayacaq. Çoxsahəli kənd təsərrüftına malik olan Abşeron iqtisadi-coğrafi rayonunda aqrar sənaye kompleksinin xarakterik xüsusiyyətlərini nəzərdən keçirək. Abşeron iqtisadi rayonunda yaranan, bir-birilə əlaqədə olan təbii komponentlərdən təşkil olunmuş landşaftlar, ərazi təşkilinin təkmilləşdirilməsində mühüm rola malikdir. Ərazinin xüsusi aqroiqlim ehtiyatları qiymətli cənub bitkiləri olan zəfəran, badam, püstə, əncir, zeytun yetişdirməyə, ağ və qara şanı üzüm sortları, dadlı Zirə qarpızı və bir çox tərəvəz növlərini becərməyə imkan verir. Abşeron iqtisadi rayonu respublikamızın kənd təsərrüfatı regionlarından biri olub Sumqayıt şəhərini və Abşeron kənd rayonunu özündə birləşdirir. Son dövrlərdə yeni Qobustan və Xızı inzibati rayonlarının əmələ gəlməsi ilə əlaqədar olaraq, Abşeron rayonunun sərhədlərində dəyişikliklər əmələ gəlmişdir. Kənd təsərrüfatı istehsalı sənaye istehsalından fərqli olaraq bioloji qanunlar əsasında inkişaf edən təbii proseslərlə bağlıdır. Torpaq kənd təsərrüfatında əsas istehsal vasitəsidir. Abşeron iqtisadi rayonu özünəməxsus kənd təsərrüfatına malikdir. Rayonun təbii iqlim şəraiti kənd təsərrüfatının bitkiçilik sahələrinin inkişafı üçün əlverişlidir. Abşeron iqtisadi-coğrafi rayonunda şəhər əhalisinin sayının sürətlə artması əkinə yararlı torpaq sahələrinin kəskin azalmasına səbəb olmuşdur. Beləki, əkin yerləri sovet dövründə 30 min ha-dan 2012-ci ildə 4,7 min ha-a qədər azalmışdır. 2012-ci ilin statistik göstəricilərinə əsasən əkin yerlərinin 2,8 min hektarı Xızı, 1,2 hektarı Abşeron rayonu və 0,7 min hektarı Bakının payına düşür. Bu iqtisadi rayonda əkin sahələrinin çox hissəsində taxıl və yem bitkiləri, nisbətən az hissəsində isə tərəvəz, bostan və üzüm əkilir. 2011-2012-ci illərdə Abşeron iqtisadi rayonunda 15,2 min ton üzüm, 29,1 min ton tərəvəz, 3,7 min taxıl, 1,1 min ton bostan məhsulları, 5,8 min ton meyvə istehsal edilmişdir. Abşeronun iqlimi quru subtropik iqlim olub, istehsalın ərazi təşkili üçün optimal təbii-iqtisadi şərait yaradır. Ərazidə bitkilərin inkişaf fazası üçün fəal temperaturların cəmi 4000-4500°-dir. Maksimum temperatur iyul ayında müşahidə olunur. İyulun orta temperaturu 24-26°, maksimal temperatur isə 42°-yə bərabərdir. İlin 260-290 günü şaxtasız keçir. İlin 217-244 günü havanın orta temperaturu 10°-dən yuxarı müşahidə olunur( aprelin 10-14-dən başlayaraq noyabrın 17-20-dək). İl boyu fəal temperaturun nisbətən sabit qalması, günəşli günlərin çox olması Abşeron iqtisadi rayonunda ərazinin təsərrüfat cəhətdən mənimsənilməsi və inkişafı üçün İlkin əlverişli şərait yaradır. Ərazidə boz-qonur, boz, boz-qəhvəyi və s. torpaqlar yayılmış, Ceyranbatan su anbarı , Samur-Dəvəçi və Abşeron kanalları çəkilmişdir. Respublikanın coğrafi əmək bölgüsündə taxılın 7 %-i, tərəvəz-bostan bitkilərinin 16%-i, ümumi ətin 7,6 %-i, südün 3,4 %-i, yumurtanın isə 25,7 %-i Abşeron kənd təsərrüfatı rayonunda istehsal olunur. Bu rayonunun potensial imkanlarının iqtisadi-təsərrüfat göstəriciləri bəzi aqrar-sənaye inteqrasiyalarını müəyyənləşdirmişdir. Abşeron iqtisadi rayonunun aqrar sənaye kompleksi Yüklə 5,03 Kb. Dostları ilə paylaş:
|