196
Yaşatmaq üçün
Sinəndə döyünür böyük bir ürək,
Qəlbin fidan kimi olubdu kövrək.
Sənin tək insanlar olurlar tək-tək.
Mərdliyi həyatda yaşatmaq üçün.
Xoşbəxt günlər üçün çalışacaqsan,
Xalqın üçün yanıb-alışacaqsan.
Sönmüş ocaqlara köz olacaqsan,
Mərdliyi həyatda yaşatmaq üçün.
Hamını demirəm, mənəm deyənlər,
Özünü bucaqda, küncdə öyənlər,
Qoy sizi ucaltsın sizi sevənlər,
Mərdliyi həyatda yaşatmaq üçün.
Qardaşım bənzərsən uca bir dağa,
Nanəcib biveclər sənə sadağa,
Dönəsən həm şama, həm də çırağa.
Mərdliyi həyatda yaşatmaq üçün.
Sən gözəl, mehriban bir insan oldun.
Dərdlərə dərmanı, çarəni buldun.
Nakam ürəklərə sevinclə doldun,
Mərdliyi həyatda yaşatmaq üçün.
197
Sənə Allahımdan diləyim vardır,
Baharımız niyə çovğundur, qardır,
Dünya eşitməyir, elə bil kardır
Mərdliyi həyatda yaşatmaq üçün.
Həyatda qalacaq həmişə izin,
Saflığı axtarır həmişə gözün.
Necə ötərlidir, kəskindir sözün.
Mərdliyi həyatda yaşatmaq üçün.
Yaxşını da gördün, pisi də gördün.
Yamanı da gördün, tərsi də gördün.
Həyat yollarında nəhsi də gördün.
Mərdliyi həyatda yaşatmaq üçün.
Tanrı taleyini yazıbdı belə,
Ömrü verməyəsən çovğuna, yelə.
Nə deyim yaşayaq hələlik belə.
Mərdliyi həyatda yaşatmaq üçün.
07.03.2007.
198
Qoruyaq eşqimizi
Gəl dayanaq üz-üzə
Dalaq dərin xəyala.
Gəl dayanaq göz-gözə,
Biz də yetək vüsala.
Qınamayaq biz-bizi,
Tər qönçələr gül açsın.
Sınayaq eşqimizi,
Bəxtimiz işıq saçsın.
Hicran gendə dayansın.
Qəlbimizi qırmasın.
Aləm nura boyansın.
Şaxta, ayaz vurmasın.
Əsməsin aramızdan
Qasırğalı bir külək,
Yada salıb keçmişi,
Şirin-şirin sevilək.
Leyli, Məcnunu anıb,
Füzulini yad edək.
Kərəmtək odda yanıb,
Xoşbəxt günlərə gedək.
199
Qəlbimizdə yaşadaq,
Biz ömürlük bu günü.
Olaq qollu bir budaq
Görək toyu-düyünü.
O ülvi məhəbbətin,
Əziz qədrini bilək.
O şirin məhəbbətin
Eşqiylə deyib-gülək.
Sevinsin dil, həm dodaq.
Çağlayan bulaq kimi.
Daha mehriban olaq
Nur saçan çıraq kimi.
Gəl dayanaq üz-üzə
Dalaq dərin xəyala
Gəl dayanaq göz-gözə
Biz də yetək vüsala.
Qoruyaq eşqimizi
Tanrı bizə yar olsun
Yaşadaq sevgimizi
Dillərdə dastan olsun.
06.05.2008.
200
O günahsız mələyi
Deyirsən sevirəm.
Görməyəndə əsirəm
Görüşə tələsirəm,
Daha nələr, nələr
Hec inana bilmirəm
Doğrusu güvənmirəm
Axı gözlərin demir,
Axı ürəyin dinmir,
Dinən yalnız dilindir,
Həqiqəti soranda,
Aşır, daşır, coşursan.
Qəzəbinlə dənizə,
Daha çox oxşayırsan.
Budurmu məhəbbətin?
Bəs hanı ləyaqətin?
Axı necə dözüm mən,
Bunlara dözmək çətin
Bəzən günəşə dönür,
Parlayır, haraylayır,
Bəzən şəfəq saçırsan,
Gah itir, gah batırsan.
201
Gah da ki üz çevirib
Uzaqlara qaçırsan.
Anlamıram mən səni
Ürəyindən keçəni.
Bəzən tufan qoparan,
Qasırğaya dönürsən.
Bəzən göyə sovrulan,
Sərt küləyə dönürsən.
Külək kimi o yana,
Külək kimi bu yana,
Hər tərəfə əsirsən
Anladım mənim deyil,
Küləyin əsirisən.
Yenə, yenə yanıldım,
Əslində sən bunların
Heç birini sevmirsən
Nə dənizi,
Nə günəşi,
Nə küləyi,
Nə də səni çox sevən
O günahsız mələyi.
202
Dönmərəm
Görkəmin nə qədər gözəl olsa da,
O qədər də şirin dilin olaydı.
Nə qədər, nə qədər qəmzən olsa da,
Nə olar bir damla əqlin olaydı.
İlk gündən sözümü deyə bilmədim,
Çox məsum, çox sakin göründüyüncün.
Gözlərim kor oldu, görə bilmədim,
Ürəyim səninlə döyündüyüçün.
Bir gün peşman olub zəng etsən mənə,
Heç vaxt görüşünə gəlməyəcəyəm.
Sevdiyim çiçəkçün darıxsam belə,
Əyilib, qoxlayıb dərməyəcəyəm.
Daş-qaşçün döyünən soyuq qəlbini
Gec də olsa belə sonda anladım.
Xətt çəkib üstündən məhəbbətimin
Əqlimdə dumanlı xəyala daldım.
Bu sevgi versə də mənə işgəncə,
Sonunda anladım şükür Allaha.
Şeytanlar qəlbimə dolsa da belə,
Dönmərəm, dönmərəm, dönmərəm daha.
25.03.2006..
203
Qaytaracağam
Necə sevməyimi bilməyin üçün
Coşğun ürəyimi vermək istərəm.
Bütün şübhələri silməyin üçün,
Sonsuz diləyimi görmək istərəm.
Sükutun sızladır hey kaman kimi
Düşünsən incidir hər ikimizi.
Nə yaman soyudun dağda qar kimi
Od olaq isidək bir-birimizi.
Sevirsən bilirəm amma nə üşün,
O süzgün baxışın qəlbimi üzür.
Eşqimin isbatı gərəkliyiçün
Alışan sevgimiz aralı düşür.
Başımı sinənə qoymaq istərəm,
Bəlkə qəlbin deyə dərdini mənə.
Isti nəfəsini duymaq istərəm,
Bəlkə təsəllimdir düşündüm yenə.
Məndən uzaqlarda olsan da bil ki
Durmadan hər zaman axtaracağam.
Qoymaram büdrəyə, eşqim tükənə
Mən səni özümə qaytaracağam.
03.09.2005
Dostları ilə paylaş: |