171
Şair tanrı hüzurunda
Dərdin qapısı yox,dərdin damı yox,
Dərdlə doğuluruq,dərdlə ölürük.
Hamının dərdi var,dərd adamı yox;
Kefli ağlayırıq, dərdli gülürük...
Bir dünya dərdi var,bir də axirət,
Qalan yarı azar-dərd tutumu yox.
Dünyanın işləri tanrı sınağı;
Dərdinin çarəsi,əlacı yoxsa
Adam şair olur, ya qan çanağı...
Bu gidi şairlik bir tale mərci,
Padşah hüzurunda şöhrətin tağsa
Tanrı hüzurunda yarın axır ad...
Azdı şairlərin nicat tapanı,
Hər iki dünyanın bəxtəvəri az
Az deyil Allaha, bəndəyə borcu,
Özündən kənarda haqsevəri az.
Özünü müqəddəs sırıyanların
Dünyada qoyduğu qara oyundu-
Mələk cəhənnəmə sürüyənlərin
Qiyamət qopmamış kitabı yandı...
172
Şəhid oğulun diliylə
Könüllü getdim döyüşə,
Şəhid oldum Güllücədə.
Vətən,qeyrət,din döyüşü,
Sinəm sipər,güllə cida...
Qanım tökülən torpağı,
Vətənsizlər alan deyil,
Qovulmasa yurddan yağı,
Ruhum rahat olan deyil...
< >da bölünəndən
Millətimiz yurdda xəcil,
<> bilinəndən
Şəhid ruhum burda xəcil.
Səbr qırx gün,qırx ay olar
Nəyi gözləyirsiz axı ?!
Partizanlar tutuldular...
Yer aldı düşmən ayağı...
173
Çəkirsiz səngər keşiyi...
Ümidimiz üzüldü ki,
Vətən,qeyrət,din düşüyü
Tarixlərə yazıldı ki.
Barışıq təklif edənlər
Xocalını yada salsın...
On beş il qəhər udanlar
Qisasını kimdən alsın...
16.12.2006
174
Birlik müjdəsi
Tanınmış türk-müslüman alimi,
ustadımız prof. dr. Haydar Baş
hocaya sayğılarla
Bir Allahın,Muhammədin yolu bir,
“Quran”ı bir, Qibləsi bir,dili bir,
Əbu Bəkr,Ömər,Osman,Əli bir,
Sünni, şiə-bütün ümmət ola bir-
Siyasətlər böldü bizi, İlahi !
Müslüman qardaşlarıq,anamızdır Fatimə,
Məzhəblərdə birləşib bağlanmışıq Xatəmə;
Cəfəriyik,Şafei,Malikiyik,Zeydiyik,
Hənəfiyik,Hənbəli, Zahiriyik-yeddiyik
Əqidəmiz İmami, Maturidi, Əşəri,
Sələfilik, Sufilik, Ələvilik aşırı
Niyyətimiz,qəlbimiz,əxlağımız-təmiz ad,
Varlığımız təkamül,yoxluğumuz-təmiz ad.
İmanımız Allaha,Qurana,Peyğəmbərə,
Mələklər və İmamlar, Qiyamət və qədərə.
Ağlımız elmə möhtac, elmimiz də imana,
175
Əməlsiz imanımız yetə bilməz amana...
Namaz,oruc,zəkat və xümsdü,həccdi,cihaddı,
Yaxşılıq amalımız,pislik bizlərə yaddı.
Düşmən də haqqa gəlsə, dost olarıq haqq üçün,
İstəyimiz ədalət, can atmarıq taxt üçün...
Nə məzhəb yaratmadıq, nə də özgə təriqət,
“Məktəbi-ümmət”adı verdi Nuri-həqiqət;
“Quran”, Sünnə,Əhli-Beyt Allahın ayətləri,
Səhabə şahidliyi, övliya öyüdləri...
İstiqamət üzrəyik, türkük-müsəlmanıq biz,
Nuhun gəmisindəyik, hamımız bir canıq biz
Türkü, farsı, ərəbi...kim Allahın əsgəri ?!
Mömin ola bilmədi əfsuslar ki, əksəri
Gözləyirik zühuru səbrü-intizar ilən,
Mehdi, Xızır bərabər, enər İsa Nur ilən...
Ümmətiyik, Ümmətin nicatıdır yolumuz,
Peyğəmbər əmanəti,höccətidir yolumuz
176
1960-cı il fevralın 18-də Samux rayonda, Qarayeri
qəsəbəsində anadan olub. Azərbaycan Yazıçılar Birliyinin
üzvüdür. 1985-ci ildən yaradıcılıqla məşğuldur. Əlillərin
2001, 2004, 2007 və 2010-cu illərdə keçirilmiş
Ümumrespublika Bədii-Yaradıcılıq Baxış Müsabiqəsinin
qalibi olub.
İlk şeirlər kitabı olan “Mənim iztirablarım” kitabı
2001-ci ildə çap olunub. Kitabda şairin şəxsi iztirablarından,
yurd-vətən dərdlərindən obrazlı dildə söhbət açılır. “Şəfalı
əllər” kitabı öz həyatını yazan taleyinin əzab və iztiarbları əks
olunub. Ofeliya xanımın anlamında dünyanın başlanğıcı da
axırı da sözdür. Onun adı 20-ci əsr Azərbaycan yazıçı və
şairlərinin Ensklopediyasına salınıb.
Ofeliya Xəliova
177
Dözərmi ürək ...
Qəzavü-qədərdən açılmır başım,
Qapılar bağlıdır, axır göz yaşım.
Ağrı-acılardır mənim sirdaşım,
Belə yaşamağa dözərmi ürək.
Fələk xoşbəxtliyi əlimdən alıb,
Gözlərim illərlə yollarda qalıb.
Başımın üstünü duman, çən alıb.
Belə yaşamağa dözərmi ürək.
Sınaq qarşısında qalıb taleyim,
Yandırır dünyanı ahım-gileyim.
Niyə çiçək açmır küskün diləyim,
Belə yaşamağa dözərmi ürək.
Həyatın hər üzün çox görmüşəm mən,
Dərdi unutmağa söz vermişəm mən.
Köksümü yandıran köz görmüşəm mən.
Belə yaşamağa dözərmi ürək.
Bu küskün qəlbimdən sevinc azıbdı,
Fələk taleyimi qəmli yazıbdı.
Ötən günlərimi niyə pozubdu,
Belə yaşamağa dözərmi ürək.
Ayağım yer tutmur gedə bilmirəm,
Könlüm istədiyin edə bilmirəm.
Günahım nədədir, nədə bilmirəm?
Belə yaşamağa dözərmi ürək.
178
Sevincli günləri görəydim barı,
Gəzəydim laləli, güllü dağları.
Sevinən görəydim gözü ağları,
Belə yaşamağa dözərmi ürək.
Zülmət gecələrim nura boyansın,
Yatan bəxtim yuxusundan oyansın.
Mənim də ömrümdə bir məşəl yansın,
Belə yaşamağa dözərmi ürək.
Namərd, nadanlardan uzağa qaçım,
Günəş olub bu aləmə nur saçım.
Üzümə bağlanan qapını açım.
Belə yaşamağa dözərmi ürək.
18.III.2005
Dostları ilə paylaş: |