Ümidlər və arzular
Yüklə 4,35 Kb. Pdf görüntüsü
|
- Bu səhifədəki naviqasiya:
- “Konstitusiya” Araşdırmalar Fondu
- Fikrət Qoca
| Ümidlər və arzular... Şeirlər toplusu Azərbaycan Respublikası Əmək və Əhalinin Sosial Müdafiəsi Nazirliyinin sifarişi ilə “Konstitusiya” Araşdırmalar Fondu tərəfindən həyata keçirilən “İstedadlı əlillərin cəmiyyətə inteqrasiyasına yardım göstərilməsi məqsədi ilə onların yaradıcılıq imkanlarının təbliği” layihəsi çərçivəsində hazırlanıb və nəşr edilib. Topluda 14 müəllifin şeirləri toplanıb. Müəlliflər haqqında məlumat və onların şerləri ilə həmçinin, www.menbacariram.com və www.nobarriers.az saytlarında tanış ola bilərsiniz. Kitab “N PRINT” Studiya mətbəəsində çap olunub. Tiraj: 1500 . © Bütün müəllif hüquqları qorunur. “Konstitusiya” Araşdırmalar Fondu Ünvan: AZ 1001, Bakı şəhəri, M.Əfəndiyev 7/24 Tel: (+99412) 4925726 E-mail: kafondu@yandex.ru www.kafondu.com Azərbycan Respublikası Əmək və Əhalinin Sosial Müdafiəsi Nazirliyi “Konstitusiya” Araşdırmalar Fondu 2 Ön söz Onu əvvəlcədən deyim ki, kitabın hazırlanmasında, şeirlərin seçilməsində mən iştirak etməmişəm. Bəlkə elə bu da işin xeyrinə olub. “Yalınış da bir naxışdır”, - deyib atalar. Seçmək, rəndələmək müəlliflərin əsl sifətini itirir. Onlar uğurları və nöqsanları ilə bir yerdə maraqlıdırlar. Ən güclü şeir müəllifinin də şeirləri arasında çox zəif şeirlər olub. Bu təbiidir. Yaradıcılıq prosesidir, zəif şeirin yanında güclü şeir olmasa onları necə müqayisə etmək olar. Bu kitab bir növ həm müəlliflərin özü üçün, həm də oxucular üçün poeziya dərs vəsaitidir. Müəlliflər bir-birinin həm uğurunda, həm də uğursuz misralarından görüb götürəcəklər. Ümumiyyətlə, kitab yaxşı alınıb. On dörd nəfər istedadlı əlil insanın böyük sevincinə səbəb olacaq. Azərbaycan Respublikası Əmək və Əhalinin Sosial Müdafiəsi Nazirliyinə bu təşəbbüsə görə Azərbaycan Yazıçılar Birliyi və şəxsən öz adımdan təşəkkürümü bildirirəm.1988-ci ildən başlayaraq hər üç ildən bir keçirilən İstedadlı Əlillərin Ümumrespublika baxış müsabiqəsinin yekun mərhələsində jüri üzvü kimi iştirak edirəm. Şairlərdən istedadlıları, hətta çox istedadlılarını tanıyıram. Respublika müsabiqəsinin tapıb üzə çıxardığı bu yaradıcı əlillərdən bir neçəsi Yazıçılar Birliyinə üzv qəbul olunub. Yaradıcılıq 3 ruhun, istedadın məhsuludur. Zahirən qüsurlu insanların istedadları sübut edir ki, onlar şeirlərində sağlam cüssəli, pəhləvan qamətli insanlardan daha sağlam, daha yenilməz olurlar. Aliyə Seyidqızı Lənkəran sakinidir. Bakı Dövlət Universitetinin filologiya fakültəsini 1979-cu ildə bitirib. Lənkəran Digah kənd orta məktəbində müəllimədir, onun “Qarabağ” qəzəlini sizə təqdim edirəm: QARABAĞ Ey ana yurdumun gül parçası, canım Qarabağ! Doğma yurdum, tacü-taxtım, xanədamım Qarabağ! Sağlığında qəm ilə zari-Natəvan qalmış, Zülfi-muyi xakə batmış, Natəvanın Qarabağ! Qulağımdan getməyib cəh-cəhi bülbüllərin, Seyidim, qəmli Qədir, xanəndə xanım Qarabağ! Ey dühalar diyarım, sinəmə dağ çəkdin axı! Nəğməli dilim, dodağım, süxəndanım Qarabağ! Bir zaman qılıncına Qacarın baş əyməmişəm! Uğurunda can qoyub saysız qurbanım, Qarabağ! Xocalı faciəsi yandırdı Seyyidqızını, Bu deyilməz dərd ilə mən necə yanım, Qarabağ! Şair Elxan Xəzərin “Şəhidlərin vida sözü” şeirindən sizə iki bənd təqdim edirəm: 4 Tükənməsin var-dövlətin, Hey boşalıb-dolan dünya! Daha gözəl, işıqlı ol, Bizdən sonra qalan dünya! Nur ələnsin dağ-daşına, Uğur çıxsın qoy qarşına. Ana günəşin başına Məhəbbətlə dolan dünya! Şair bu iki bənddə şəhərin tam obrazını yaradıb. Öldüyü anda belə son nəfəsində həyatın, dünyanın daha gözəl olmasını arzulayır. İkinci bəndi bir də təkrar etməyə bilmirəm: Nur ələnsin dağ-daşına, Uğur çıxsın qoy qarşına. Ana günəşin başına Məhəbbətlə dolan dünya. Obrazı, döyüşçü şəhidi şair böyüdüb yer üzü ilə yanaşı qoyur. O şəhid anasının evini, kəndini, şəhərini, ölkəsini deyil, bütün yer üzünü məhəbbətlə yaşamağa, günəşin ətrafına məhəbbətlə dolanmağa çağırır. Bxmayaraq ona güllə atan, onu şəhid eləyən namərd də bu yerin üstündə yaşayır. Bu şəhid Leonardo da Vinçi humanizmi səviyyəsində düşünən, yaşayan insan, adi bir əsgərdir. Kimin dili gələr belə bir şeiri yazan adama “əlil” desin?! 5 Və yaxud 1957-ci il təvəllüdlü, Qarabağ müharibəsi veteranı İslam Əzimovun “Nə mən, nə sən tale yazan deyilik” şerindən: Bu köç deyil yurddan yurda daşıyaq, Ləkə deyil yuyaq, silək, qaşıyaq. Bu taledir məhkumuq ki, yaşayaq, Nə mən, nə sən tale yazan deyilik. Misralarda sözlərin düzülüşündə ağır, müdrik, soyuq bir təsəlli var. Dözməliyik, yaşamalıyıq, qalib gəlməyin bir yolu da budur. SSRİ-yə məğlub olmuş almanlar ağılla, soyuqqanlıqla, dözümlə elə çalışdı ki, elə işlədi parçalanmış ölkəsini də birləşdirdi. Yenə güclü bir ölkə oldu. Qalib gəlmiş SSRİ-yə də yardım elədi. SSRİ dağıldı. İslam Əzimovun şeirinin altındakı qat bizi əzimli olmağa, daha yaxşı çalışmağa, ölkəmizi gücləndirməyə, birliyə səsləyir. Qələbəyə gedən bir yol da, bəlkə də əsas yol budur. Ölkə varlı və gözəl yaşayanda məğrurluğunu qoruyub başqalarına da yardım göstərəndə, düşməni də ayağına gəlir, yardım istəməli olur. Siz şeirləri elə belə oxumayın. Şairə şeiri yazdıran sözün altındakı mətləbdir. Belə bir layihənin həyata keçirilməsi alqışa layiqdir. Bu kitab şairlərə və oxucularına gözəl hədiyyədir. Fikrət Qoca Yüklə 4,35 Kb. Dostları ilə paylaş:
|