238
Özgə divarına daş olammıram
Özgə divarına daş olammıram
Yetən dığırrıyır, helliyir məni.
Yetim uşağıyam nənni dünyanın
Kim hara istəsə yelliyir məni.
Aqilin nadana sözü kimiyəm
Silinmiş, pozulmuş yazı kimiyəm.
Bir xəsis əcələ quzu kimiyəm
Gündə neçə dəfə əlliyir məni.
Köçkünlük tənəmi dastan eyləyib
İslamı yoldaşdan, dostan eyləyib.
Dərdlərim sinəmi bostan eyləyib
Eninə, boyuna belliyir məni.
239
Başım başdıqdan çıxdı
Yüküm əydi, daşım düşdü qürbətə
Başı daşdı, daşım daşdıqdan şıxdı.
O qədər qəfəsdə qaldı bülbülüm
Qanad açammadı, quşduqdan çıxdı.
Quru yanırmış ki, qurutsun yaşı
Bunu gec dərk etdim, çox oldum naşı.
Min qovğa yaşadı başımın başı
İtirdi başını, başdıqdan çıxdı.
Pis pisə sığındı, pisə sevindi
Topuq əyri bitdi, əsa sevindi.
Dədəsin öldürən yasa sevindi
Ehsan ofsanatdan, xoşduqdan çıxdı.
Didərgin düşdüyün gündən Ay İslam
Sevinc perik düşdü səndən Ay İslam
Yaz da gəlib keçdi gendən Ay İslam
Qışın əndazədən, qışdıqdan çıxdı
240
İtirmişəm
Saçımla yaşımın fərqini sorman
Ay olub içində il itirmişəm.
Vətəndə vətənsiz qəribəm Allah,
Oba itirmişəm, el itirmişəm.
Mənim bir dərdimi yüz eləməyin
Arxamca qımışıb göz eləməyin.
Həyatdi, büdrəsəm söz eləməyin
Çiynimə sökənmiş əl itirmişəm.
Sevincdən, fərəhdən yad gəzirəm mən
Buz yarib içində od gəzirəm mən.
İslama *status*.. Ad gəzirəm mən
Muncuqla aldatman, ləl itirmişəm,
Oba itirmişəm, el itirmişəm.
241
Gözləyir
Gör zaman hökmünü nələr dəyişib
Tülkü gədik güdüb, bərə gözləyir.
Bir zaman cəmdəyə həsrət qarğalar
İndi çolpa yemir, fərə gözləyir.
Tarixi etmişəm mən vərəq-vərəq
Nadandan dünyada qalmamış soraq.
Dünən şor görəndə çat verən dodaq
Qaymağı bəyənmir, kərə gözləyir.
İslam, yum gözünü çıxma eşiyə
Fərq qoyan yox gədoğluya, kişiyə.
Gör hansı bəxt açılıbdı pişiyə
Pələngi soymağa dərə gözləyir.
242
Qadınlar öz ömrün yaşamayır ki ...
Bu taleni yaşayan
qadınlara ittihaf
edirəm...
Yüz ölçər ,bir biçər addımın, izin
Üfürə-üfürə içərlər suyu
Eşidən nə deyər, görən nə deyər?!
Var yerin "qulağı", "danışan" quyu
Ananın öyüdü, atanın xofu
Çevrilər çəpərə hər addımbaşı
Bu olmaz, o olmaz, o biri olmaz
Günün göy əsgiyə düyər qardaşı-
Qadınlar öz ömrün yaşamayır ki.
Qəlbini göynədən sevdanın adın
Yasaqdı, dilinə gətirə bilməz
Bir soyun alnını açıq eyləyən
Bir qız vüqarıdır, itirə bilməz.
Bakirə bir adı qorumaq üçün
İynə ulduzundan keçər qadınlar
Ən böyük mükafat, ən böyük ödül
"Namuslu"- adını seçər qadınlar-
Qadınlar öz ömrün yaşamayır ki.
243
Gedər vağzalıyla ərköyünlüyü
Burda ev-eşiyin naxışı özgə
Ana baxışından xumarlanana
Daha qaynanın baxışı özgə.
Qaynata hikkəsi, qayın hikkəsi
Çalışıb, baldızın nazını çəkər
Baş əyər taleyin şıltaqlığına
Qismətin "çoxunu","azını" çəkər-
Qadınlar öz ömrün yaşamayır ki.
Çoxalır qayğılar körpə səsindən
Balanın qadasın almağa hazır
Çiçəkli bir həyat bəxş etmək üçün
Özü yarpaq-yarpaq solmağa hazır
Ömrü başdan- başa dolanbac yolu
Ucalmaq gözləyir, enmək gözləyir
Axşamdan səhərə kirpik yummamaq
Qapıda heykələ dönmək gözləyir-
Qadınlar öz ömrün yaşamayır ki...
244
Gedək, axtaraq məni...
Birazca səbrin olsun
Tez-tez kəsmə sözümü
Xəbərin var xəbərdən
İtirmişəm özümü.
İzgəzənlər gətirib
Qapınacan izimi
Aç sinənin qapısın
Sonra qapa gözümü
Gedək, axtaraq məni.
Dönmərəm dediyimdən
And yerim canın olsun
Gəl bir oyun oynayaq
Sözümüz “qanun” olsun.
Nə bəhanə axtaraq
Nə onun, bunun olsun
Bax.... sözümüz sözdü ha..
Kim tapsa onun olsun
Gedək, axtaraq məni
245
Nə mən, nə sən tale yazan deyilik
Bu köç deyil yurddan yurda daşıyaq
Ləkə deyil yuyaq, silək, qaşıyaq
Bu taledir, məhkumuq ki, yaşıyaq
Nə mən, nə sən tale yazan deyilik.
Alın yazın gəlmədisə xoşuna
Dərd eləmə ürəyinə, başına
Azca yüyür, azca yıxıl boşuna
Nə mən, nə sən tale yazan deyilik.
Qurma taleyinlə yarış, ay İslam
Arif tap, aqil tap soruş, ay İslam
Barış qismətinlə, barış, ay İslam
Nə mən, nə sən tale yazan deyilik.
246
Baxan elə bilir mələkdi...
Artdıqca günahlar şələ dəyişib
Hər addım başında tələ dəyişib.
Şeytanlar cilidin elə dəyişib
Baxan elə bilir mələkdi vallah.
Dözümüm, taqətim tökülüb, itib
Səbrim şadaradı, ələkdi vallah.
Dərdini deməyə dərdqananmı var.?!
Dünya başdan -başa kələkdi, vallah.
Baş çıxıb başdıqdan, baş saxtalaşıb
Gözə min kəf gəlir, qaş saxtalaşıb.
Bahar saxtalaşıb, qış saxtalaşıb
İçimdə tufandı, küləkdi, vallah.
Dərd aşıb həddini, şələ dəyişib
Hər addım başında tələ dəyişib.
Şeytanlar cilidin elə dəyişib
Baxan elə bilir mələkdi, vallah.
Girib göy zəmimi qəm elə biçib
“Ümid”-dən addıyıb, “pənah”-dan keçib
Alnımın qırışı qəlbimə köçüb
İslamın düşməni fələkdi, vallah.
247
Məni yollarında bitirmisən sən
Belə sevgi olmaz, məhəbbət olmaz
Məni yollarında bitirmisən sən.
Ürəyimi oğurlayıb getmisən
Özünü qəlbimdə itirmisən sən.
Mənə ki sevməyi sən öyrətmisən
İndi min cavabsız, min sual, niyə?
Gözümü dünyaya qapamışam ki
Əksin gözlərimdən getməsin deyə.
Bu bir son təsəllim,. son ümidimdir
Olsa da xam xəyal, ya şirin güman.
Düşünnəm udduğum hava zərrəsi
Bəlkə dodağına dəyib bir zaman.
248
Səni sevə-sevə günahkar oldum
Sənin taleyinə yağan qar oldum
Boranam, tufanam yolunun üstə.
Səni sevə -sevə günahkar oldum
Gəlim, al canımı qolunun üstə.
Neyləyim, günəşin, ayın olmadım
Fələk sayan oldu, sayın olmadım.
Bağışla,. qismətin, payın olmadım
Adım kök atsa da dilinin üstə.
Düşdü min dumana, çənə İslamın
Qovuşa bilmədi sənə İslamın.
Günahkar oldusa, yenə İslamın
Üz tut yaradana, ölümün istə
249
Təhminə Ramazan qızı
Məmmədova
1989-cu ildə iyulun 7-də Daşkəsəndə anadan olub.
Əsasən vətən, təbiət mövzularında şeirlər yazır.
Onun şeirləri müxtəlif KİV-lərdə çap edilib. Yazdığı
100-ə qədər şeirindən 25-i çap olunub. Əlillərin 2010-cu ildə
keçirilmiş Ümumrespublika Yaradıcılıq Müsabiqəsinin
qalibidir.
250
Bu məzarda şəhid yatır
Daha burda qurub bardaş
Qərənfillər ona sirdaş.
Ayaq saxla, yolçu qardaş
Bu məzarda şəhid yatır.
Dönüb qəlbin qəmli neyə,
Dərdim sığmır yerə-göyə.
Yurdu azad olsun deyə
Bu məzarda şəhid yatır.
Çiçəkləri vaxtsız solan,
Cavanlıqda saçın yolan,
Nəsillərə örnək olan –
Bu məzarda şəhid yatır.
Mərd ürəkdi sinədəki,
Oğul olmaz onun təki.
Yeri behişt olsun təki
Bu məzarda şəhid yatır.
251
Soyulsa da lap dərimiz,
Haqqdan dönməz heç birimiz...
Qəbri bizim and yerimiz-
Bu məzarda şəhid yatır.
252
Cəhənnəmlik olasız
(Mənfur ermənilərə)
Anadan olan gündən
Düşmən oldun bizlərə.
Dünyanı inandırdın
Yalan-yalan sözlərə.
Niyə xoflanırsan ki,
Türkün adı gələndə
Sir-sifətin qırışır
Türklər bir az güləndə.
Bilmirəm hardan gəlib,
Bu yerlərə obanız
Əlimin suyun görüb,
Andronik babanız.
Nəsilsiz “nəcabətin”,
Hansı taxtı qurublar
Görən deyir çatışmır
Başınızda “şuruplar”.
Heç də özündən çıxma
253
Mənim sözümə inan
Bu dardan qurtaracaq
Anamız Azərbaycan.
Döyüşə gedəcəyik
Hərəmiz bir nəfər tək.
Üzümüzə güləcək
Səadət ətək-ətək
Başınıza daş düşə
Qara yurdda qalasız
Görüm sizi ömürlük
Cəhənnəmlik olasız.
254
Ay Allah
Bu sevdaya kim inana, kim uya,
Yerdı qalmaz heç bir zaman aman, ah.
Ürəyimin yağın verdim qonşuya
Çörəyimin duzu yoxmuş ay Allah.
Ürəyimi xəncərləyir olanlar,
Gözlərimə soxulurlar yalanlar
Kimə lazım bu böhtanlar, yalanlar
Bu əzabın sonu yoxmuş ay Allah.
Düşmın yaxıb dağa-daşa qanımı
İtkin salıb sultanımı, xanımı
Bu axçiklər oda yaxır canımı
Niyə səbrin belə çoxmuş, ay Allah.
255
Fərid ilə Mübariz
Yağı düşmən üstünə
Aslan kimi getdilər.
Öz şirin canlarını
Yurda qurban etdilər
Fərid ilə Mübariz.
Yer də, göy də onlara
Ağladı için-için
Canlarından keçdilər
Vətən üçün, el üçün
Fərid ilə Mübariz.
Axşam qüruba gedən
Günəş kimi söndülər
Bağrı qana boyanmış
Qərənfilə döndülər
Fərid ilə Mübariz.
Dəyanətlə, vüqarla
Od-alovdan keçdilər
Qarışıb sonsuzluğa
Ürəklərə köçdülər
Fərid ilə Mübariz.
256
Yusifova Mələhət
Ələsgər qızı
1971-ci il, iyulun 2-də Bakı şəhərində anadan
olub. 1988-ci ildə orta məktəbi başa vurub.
Həmin
ildə
Maliyyə-Kredit Texnikomuna daxil olub, 1989-cu
ildə oranı bitirib, maliyyə-kredit ixtisasına yiyələnib.
Orta məktəb illərində ədəbiyyata xüsusi marağı ilə
seçilib. Məktəb illərindən başalayaraq
müxtəlif
mövzularda şeirlər yazır.
257
Qayıdar görəsən bir də Xocalı ?
Çiçəklər ağlayır, güllər ağlayır,
Dumana bürünən dağlar ağlayır,
Məzarda uyuyan ruhlar ağlayır,
Qayıdar görəsən bir də Xocalı ?
Hər kəsin gözündə yaşlar qalıbdır,
Xocalı qəlblərə nisgil salıbdır,
Ürəkdə nailələr, ahlar qalıbdır.
Qayıdar görəsən bir də Xocalı ?
O günlər dağ çəkdi millətimizə,
Xocalı dərd saldı qəlblərimizə,
Düşmən göz dikibdir vətənimizə,
Qayıdar görəsən bir də Xocalı ?
Tökdüyü qanlarla düşmən öyündü,
Xocalı köz tutmuş yaraya döndü,
Neçə igidlərin ulduzu söndü,
Qayıdar görəsən bir də Xocalı ?
258
Dünyaya heç sığmır dərdi millətin,
Məlahət dərdini çəkir millətin,
Görən sonu çatar nə vaxt həsrətin,
Qayıdar görəsən bir də Xocalı ?
259
Haray çəkir Azərbaycan
Qəmli-qəmli süzür hər an,
Həm ağlayıb, gülür hər an,
Göz yaşını tökür hər an,
Haray çəkir Azərbaycan,
Biz gözləyək haçanacan ?
Nahaq qanlar axıdılır,
Qarabağ sinə dağıdır,
Gözəl Şuşa da dardadır,
Haray çəkir Azərbaycan,
Biz gözləyək haçanacan ?
Böyük Turan qardaşımız,
Pakistan da sirdaşımız,
Vətənimiz baş tacımız,
Haray çəkir Azərbaycan,
Biz gözləyək haçanacan ?
Gücümüz də birlikdədir,
Vətənimiz kədərlidir,
Mərd oğullar hünərlidir,
Haray çəkir Azərbaycan,
Biz gözləyək haçanacan ?
260
Biz bir olaq, həmrəy olaq,
Düşmənləri yurddan qovaq,
Qarabağı tezcə alaq,
Haray çəkir Azərbaycan,
Biz gözləyək haçanacan ?
Şuşa, Laçın qəm dəryası,
Zəngilan könül yarası,
Qarabağ kədər dünyası.
Haray çəkir Azərbaycan,
Biz gözləyək haçanacan ?
Vətənimiz çox bölündü,
Qaçqınlıq da bir zülümdü,
Xalqımız da hökümlüdü,
Haray çəkir Azərbaycan,
Biz gözləyək haçanacan ?
Millət gücü birlikdədir,
Ordumuz da çox mətindir,
İlhamımız bizimlədir,
Haray çəkir Azərbaycan,
Biz gözləyək haçanacan ?
Bu, dünyamız çox dərdlidir,
Qarabağ da bizimkidir,
Vətən dərdi qəm-qüssədir.
261
Haray çəkir Azərbaycan,
Biz gözləyək haçanacan ?
Göyçəmizin gözü yolda,
Füzuli də qalıb darda,
Qarabağım qaldı harda ?
Haray çəkir Azərbaycan,
Biz gözləyək haçanacan ?
Ürəkləri dərd yandırdı,
Analar fəryad qopardı,
Şəhid ruhu nigarandı,
Haray çəkir Azərbaycan,
Biz gözləyək haçanacan ?
Daşaltının faciəsi,
Yanvarın da qəm-qüssəsi,
Məzarlarda gül dəstəsi.
Haray çəkir Azərbaycan,
Biz gözləyək haçanacan ?
Xocalı fəryad qoparır,
Anaların bağrı yanır,
Azərbaycan pərişandır,
Haray çəkir Azərbaycan,
Biz gözləyək haçanacan ?
Kim gələcək bu haraya ?
Faciəni duya-duya,
Biz qalmışıq saya-saya
262
Haray çəkir Azərbaycan,
Biz gözləyək haçanacan ?
Hara gedir qəm kərvanı ?
O, qış edir yüz baharı,
Birləşdirək biz Tehranı,
Haray çəkir Azərbaycan,
Biz gözləyək haçanacan ?
Dilimiz yasaq olmasın,
Millət kölə, qul olmasın,
Faciələr çoxalmasın,
Haray çəkir Azərbaycan,
Biz gözləyək haçanacan ?
Verək əl-ələ Turanla,
Biz dost olaq Pakistanla,
Dostluq edək biz dünyayla,
Haray çəkir Azərbaycan,
Biz gözləyək haçanacan ?
Cıdır düzü düşməndədir,
Məlahət, Vətən qəmlidir,
Oğullar çox hünərlidir,
Haray çəkir Azərbaycan,
Biz gözləyək haçanacan ?
263
Şəhidlər
Qarabağ savaşı başlayandan Qarabağ uğrundakı döyüşlərdə
Xalid Quliyev, Mübariz İbrahimov, Fərid Quliyev kimi
oğullar canlarını vətən uğrunda qurban verdilər. Mən də
onların simasında şəhidlərə aid bir poema həsr etdim.
Siz güllə önündə məğrur durdunuz,
Siz Vətən eşqiylə alovlandınız,
Çətinlik önündə mərd dayandınız,
Canınızı qurban verdiz, şəhidlər.
Al qana boyandız niyə, şəhidlər ?
Heç bir çətinlikdən siz qorxmadınız,
Siz vətən eşqiylə alovlandınız,
Torpağı düşməndən siz qorudunuz.
Vətən keşiyində durduz, şəhidlər.
Al qana boyandız niyə, şəhidlər ?
264
Sizə əziz oldu Vətən torpağı,
Hər an əziz oldu Vətən torpağı,
Vətənçin göstərdiz siz hər bir qayğı.
Bayrağı apardız öndə, şəhidlər.
Al qana boyandız niyə, şəhidlər ?
Üçrəngli bayrağı öpüb, and içdiz,
Hər qarış torpaqçın siz candan keçdiz,
Vətəni ürəkdən hər an sevdiniz.
Vətənçin qəm çəkdiz hər an, şəhidlər.
Al qana boyandız niyə, şəhidlər ?
Həyat vətən dərdi gətirdi sizə,
Şərik olmadılar kədərimizə,
Ancaq səs verdiniz siz səsimizə,
Düşmənlə çarpışdız hər gün, şəhidlər.
Al qana boyandız niyə, şəhidlər ?
265
Vətən sizin üçün əziz məkandır,
Vətən sizin üçün candır, cahandır,
Dediniz tək vətən Azərbaycandır.
Vətəni ürəkdən sevdiz, şəhidlər.
Al qana boyandız niyə, şəhidlər ?
Sizin qanınıza boyandı bayraq,
İlhamdır hər zaman vətənə dayaq,
Birləşib torpağı düşməndən alaq.
Sizə rəhmət deyək hər an, şəhidlər.
Al qana boyandız niyə, şəhidlər ?
Həyatın vidası çox ağır oldu,
Şəhid xəbəriylə bağrımız yandı,
Sizi Azərbaycan hər zaman andı.
Tarixdə ömürlük qaldız, şəhidlər.
Al qana boyandız niyə, şəhidlər ?
266
Bayraq ulu öndər yadigarıdır,
Bayrağı bu millət qorumalıdır,
Şəhidlər millətin qəhrəmanıdır,
Millət qəhrəmanı olduz, şəhidlər.
Al qana boyandız niyə, şəhidlər ?
İlham fəxr eləyir öz millətiylə,
Yurduyla, eliylə, öz sərvətiylə,
Vətən fəxr eləyir şəhidləriylə.
Cənnətə qovuşduz, siz də şəhidlər.
Al qana boyandız niyə, şəhidlər ?
Şəhidlər vətənçin qəm dəryasıdır,
Hər bir gedən şəhid yurd balasıdır,
Vətən də hər kəsin bir anasıdır.
Sizə doğma oldu vətən, şəhidlər.
Al qana boyandız niyə, şəhidlər ?
267
Qəddinizi bükdü Qarabağ dərdi,
O, Şuşa həsrəti, Laçının dərdi,
İnsan bu həyatdan gəlib-gedəndi.
Ürəklərdə qaldız hər an, şəhidlər.
Al qana boyandız niyə, şəhidlər ?
Qəlbiniz vətənçin döyündü hər an,
Düşmənə cəbhədə vermədiz aman,
Məlahətdir hər an vətənçin yanan.
Həyatı tərk etdiz vaxtsız, şəhidlər.
Al qana boyandız niyə, şəhidlər ?
268
İlhamla bərabər biz addımlayaq
Həmrəylik günüdür bu gün, millətim.
Bu gün həmrəy olaq, bu gün bir olaq.
Dünyanı lərzəyə biz gətirərək,
İlhamla bərabər biz addımlayaq.
Pozmayaq heç zaman vətən andını,
Hər an əzizləyək odlar yurdunu,
Yadlara verməyək bu ana yurdu,
İlhamla bərabər biz addımlayaq.
Çəkilsin bu yurddan top, güllə səsi,
Yayılsın hər yana vətən kəlməsi,
Ellərə yayılsın azadlıq səsi,
İlhamla bərabər biz addımlayaq.
Qoy tanrı yar olsun İlhamımıza,
Biz çataq hər zaman amalımıza,
Düşmənlər diz çöksün mərd xalqımıza,
İlhamla bərabər biz addımlayaq.
Azadlıq kəlməsin eşidək, duyaq,
İlhama hər zaman biz dayaq olaq,
Bu vətən eşqiylə hər an ruhlanaq,
İlhamla bərabər biz addımlayaq.
269
Məlahət Məhsəti, vətən sevinsin,
Böyük İlhamımız tez qalib gəlsin,
Bu milləm bir olub, hər an söyləsin,
İlhamla bərabər biz addımlayaq.
Dostları ilə paylaş: |