www.kitabxana.net
– Milli Virtual Kitabxana
35
İnci sevilməli qız idi. Əvvəllər İnci ona nə qədər əlçatmaz görünürdü, daha çox istəyirdi. Son illər
əksinə, qızın ona qırsaqqız olub əl çəkməməsindən marağı azalmışdı. Başa düşürdü ki, İnci onu öz orbitində
saxlamaq üçün dəridən-qabıqdan çıxır. Yeni İl adı ilə evə dəvət etməsi də yəqin ki, bu qəbildən idi. Qızın belə
hərəkəti İkramda ikrah hissi yaratsa da, uşaqlıq sevgisinin gücü sonda bütün hissləri üstələyirdi.
- Sıxılma, daralma, özünü tam sərbəst, rahat hiss et. Qapını bağlamışam, heç kim bizi narahat edə
bilməz. Məsmə sabah gələcək. Telefonu çıxarmışam, zəhləmizi tökməsinlər. Yeməklər hazırdır. İçkimiz də
yerində, şampan almışam. Sənə demişdim: sən və mən. Vəssalam. Belə şərait bir də ələ düşəsi deyil. Bir də öz
evimiz olanda, - İnci İkramla divanda yanaşı əyləşib, qollarını onun boynuna sarıdı.
"Zavallı elə bilir mən onu alacağam", - İkram düşünərək öz-özünə gülümsədi. Uşaq olanda bu barədə
düşünmək istəməsə də, illər ötüb yaşa dolduqca insanların niyə birini sevib, digəri ilə ailə qurmasının
səbəblərini dərk etməyə başlayırdı. Evlənmək çətin iş deyildi, xoşbəxt olmaqsa müşkül məsələ idi. Yaşadığın
mühiti, ətrafındakı insanların münasibətini nəzərə almadan özünü hisslərinin qurbanı etmək insanı gec-tez
bədbəxtliyə aparıb çıxaracaqdı. Məsum sevgisindən savayı heç bir üstünlüyü olmayan bu mələyin nə vaxtsa
adiləşib onun üçün əcinnəyə dönməyəcəyinə kim zəmanət verə bilərdi?!
İnciyə qarşı ciddi fikri olmasa da gözəlliyinə biganə deyildi. Qadın kimi onu çox sevirdi. Qəlbindəkini
gizləməsə, İnciyə açıqlasaydı, onun ürəyini qırmaqdan, münasibətinin pozulmasından artıq nə qazanacaqdı.
Cürəti çatmırdı deməyə, hələ ki, ehtiyac yox idi...
- Nə olub sənə. - İnci onu özünə sarı çəkib, dodaqlarından öpdü, - nə fikirləşirsən, belə yaramaz, nə də
belə yeni il qarşılamaq olmaz.
- İçki nəyin var? Bəlkə kefimin lap düzəlməsi üçün yüz atım, hə, ağlın nə kəsir?
- Yox, üstünü düzəltsən saat on ikiyə tab gətirməyəcəksən. Kəlləni atıb yatacaqsan. Gəl indidən yat,
dincəl. Yeni il başlanana yaxın səni oyadaram, ili birlikdə qarşılayarıq.
- Şükür məsləhətinə.
İkram İncinin sözünə bənd imiş, oturduğu divana uzandı.
Keçmə də kişilərin bu işindən, - İnci təəssüfləndi, - nə ləzzət alırlar çox içməkdən bilmirəm. Bayramda
danışıb gülərlər, yoxsa içib yatarlar?
www.kitabxana.net
– Milli Virtual Kitabxana
36
O, otağın isti olmasına baxmayaraq yataq otağından örtük gətirib İkramın üstünə atdı. Gözü televizorda
stolu bəzəyib bayram süfrəsi hazırladı. Darıxanda İkramın yanında oturub, uzun-uzadı tamaşa etdi. Onun
yuxulu gözlərindən öpdü, saçlarını tumarladı, sifətini sığalladı. Xəyala daldı: görəsən onlar xoşbəxt ola
biləcəklərmi?
İkram elə şirin yuxuya getmişdi ki, sığalladıqca ayılmaq əvəzinə, xumarlanırdı. Yeni ilə bir saat qalmış
İncinin səbri tükəndi:
- İkram, canım, bəsdi yatdın, il ayrılan vaxt yaxınlaşıb...
İkram könülsüz ayılsa da, İncinin göstərdiyi nəvazişdən qəlbən ləzzət alırdı. Özündən asılı olmayaraq
onun öpüşlərinə cavab verməklə yanaşı, qucaqlayıb yanına çəkmək, bağrına basmaq istəyirdi.
- Ey, ey oğlan, şuluqluq vaxtı deyil, - İnci İkramın qolları arasından qalxıb ayağa durdu, - gəl əvvəl
çörək yeyək, mədəmizin qayğısına qalaq, Yeni ili qarşılayaq, sonra baxarıq özünü necə aparacaqsan...
- Mən maç-maç, quc-quc istəyirəm, - İkram ərköyün körpə kimi mızıldanırdı.
- Dəcəllik olmaz! Boş mədə ilə maç-maç yaramaz. Dur!
İkram tənbəl-tənbəl divandan qalxdı:
- Oho, süfrəni hazırlamısan? Birdənəsən! Elə isə başlayaq.
Stolun ətrafında üz-üzə oturdular. Qonaq süfrədəki bolluqdan xoşhallanmışdı:
- Hansından başlayaq?
- Hansından istəyirsən, ye. Çəkinmə, özünü evindəki kimi hiss et. Dayan, qulluq edim.
- Bəh, bəh, bəh, - ağzını marçıltdatdı, - İlk badəni sənin sağlığına içməmək nankorluq olar.
Onun yeməyə başlamamış içkiyə girişməsi İncinin xoşuna gəlməsə də dinmədi. Bu gecə qanqaraçılığa
yol vermək ağılsızlıq olardı. Qonağının sərxoşluğuna dözməkdən ayrı çarəsi yox idi. İnsanı tanımaq doğrudan
da çətin imiş. İkramın içkiyə aludəçiliyi, qəribə danışığı, hərəkətələri ona yad bir adamı xatırladırdı.
Baxmayaraq ki, İkramı neçə illərdi sevirdi. Əslində, indi yaxından tanımağa başlayırdı. Axı, onlar heç vaxt
birlikdə belə sərbəst, özbaşına olmamışdılar. Bəlkə də buna görə İnci onu dərindən tanıya bilməmişdi.
www.kitabxana.net
– Milli Virtual Kitabxana
37
- Məni nə hesab edirsən? Elə mən yeyirəm, içirəm, sən baxırsan. Məni görməmisən, təzəcə tanış
olmusan, yoxsa mən tamaşa göstərəcəyəm, sən baxacaqsan? Keçməz, sən də mənimlə yeyib içəcəksən. Dayan,
özüm sənə qulluq edəcəyəm.
O, İncinin qarşısındakı piyaləni şərabla doldurdu.
- Əzizim, mənə o qədər çox oldu, - İnci etiraz etdi.
- Eybi yox, heç nə olmaz. Bax, əsil vaxtıdır, - divardakı saatın on ikiyə yaxınlaşan əqrəblərini göstərdi, -
bunu içəcəyik ikimizin sağlığına. Qoy qarşıdan gələn yeni ilimiz xeyirli olsun. Bizi bir-birimizə ömürlük yaxın
etsin, sevdirsin, - nə düşündüsə, bir anlıq dayanıb davam etdi, - qoy sənin "mamaşanın" kafedə iş-gücü o qədər
artsın ki, nəinki gündüzlər, gecələr də evə gəlməsin, bizim görüşlərimiz üçün belə gözəl fürsətlər bol olsun...
Başqa vaxt olsaydı, İnci İkramın eyhamla vurğuladığı son cümləsindən inciyərdi. Ancaq indi qanını
qaraltmamaq üçün əhəmiyyət vermədi:
- Belə sağlıqdan sonra mütləq öpüşmək lazımdır.
Piyalələr cingildədi. İkram şərabı başına çəkib İnciyə yaxınlaşdı. Onu sinəsinə sıxıb, dodaqlarından
öpdü. İnci qeyri-ixtiyari aralanmağa çalışdısa da, qəlbindəki başqa bir hiss qoymadı: İstədiyin elə budur da,
dartınmağın nə mənası?
İnci ürəyində çoxdan gizlətdiyi hisslərini aşkarlamalı oldu. Eyni hərarətlə İkramı qucaqlayıb, axan
gözlərini, yanan dodaqlarını öpdü. Öpüşlərinə İncidən aldığı cavabdan ruhlanan İkram qızı divana uzadaraq
onun sinəsini açıb fəallığını artırdı...
İnci içdiyi şərabdan keflənsə də hissiyatını itirməmişdi. Çənəsindən, boynundan başlayıb üzü aşağı
baldırlarına sarı istiqamət alan İkramın əllərinin sığalını, gəzən nəfəsini duyduqca, bədəninə yayılan ehtirasdan
titrəyirdi. Ondan fərqli olaraq çox içdiyindən ola bilsin ki, İkram nə etdiyini anlamır, - düşündü. Bəlkə, bu yerə
gətirib çıxartmaq heç lazım deyildi. Özünü toplayıb, İkrama imkan verməsin? Heç ağlına gətirməmişdi ki,
sevgilisi onun yanına sərxoş vəziyyətdə gəlsin. Sabah ona etdiyini anlatmaqmı olar? Ağlının başında
olmadığını, sərxoşluğunu əlində bayraq etməzmi? Özünü mələk kimi göstərməyə dəyməz, - daxilində başqa bir
səs dilləndi. Məgər gizlincə kimsəsiz mənzildə gecəni ikilikdə keçirməyə dəvət edən qızın yanına gələn oğlan
bilmir ki, bu görüşdə nə baş verə bilər? Onlar bir-birlərini sevirlərsə, o, nədən ehtiyatlanır? Onu taleyinə
bağlamaq, sevgisini sübut etmək üçün özünü təslim etmək istəyən o deyildimi?
Dostları ilə paylaş: |