102
S O N U N C U FAT E H
At sahibi dedi:
– Yəhərin qiyməti ayrıdır ha. Özü də xalis Sə mər-
qənd yəhəridir.
– Yaxşı da, qoy Səmərqənd yəhəri olsun. Üçü nə
qədər eləyir?
– Cavan oğlan, – at sahibi dedi, – görürəm özbək
deyilsən, türkmən də deyilsən. Danışığından qızılba-
şa oxşayırsan. Kimsən, nəçisən, nə sənətin sahibisən,
atları hansı niyyətlə alırsan, məni əsla maraqlandır-
mır. Beh versən, nə vaxt istəsən gəlib həyətdən atları
yəhərləyib apara bilərsən.
Nadir dedi:
– Bu cür mərd-mərdanə danışığına görə çox sağ
ol. Bizdə məsəl var, deyərlər ki, «Zatını danan haram-
zadadır». Əslinə qalanda, eyni kökdənik. Yəni eyni
ağacın qol-budaqlarıyıq. Hələ, üstəlik, Allahımız bir,
dinimiz bir, peyğəmbərimiz də birdir…
– Ona qalanda, külli-aləm bir-birinə qohumdur,
ulu babamız Adəm, ulu nənəmiz də Həvvadır.
– Hə, görürəm, bir-birimizi başa düşürük. İki di -
nar da yəhərlərə görə verərəm. Gedərik, evini gös-
tərərsən. Özün evdə oldun-olmadın, tapşırarsan, nə
vaxt gəlsək, bəlkə də lap gecə gəldik, pulun qalanını
alıb, bizi yola salarlar. Hələlik, mən sənə beh kimi bir
qızıl dinar verirəm. Vəssalam, artıq heç bir söz-söhbət
olmayacaq. Əl verirmi?
– Verir, – deyə at sahibi əlini irəli uzatdı. Bir-
birilərinin əlini sıxdılar. At sahibi dedi:
– Gedək bizə, evimizi tanı. Yaxındadır. Bir piyalə
çayımızı da iç...
103
N A D İ R Ş A H Ə F Ş A R
* * *
...Beləliklə, at məsələsi həll olundu.
Nadir gəlib əhvalatı Əmirquluya danışanda, hə yə-
candan üz-gözü qıpqırmızı qızardı. Ürəyi hövl elədi.
– Nə cür elədin, necə behləşdin? – deyə soruşdu.
– Özünü ələ al, Əmirqulu, sonra, inşallah, yolda
deyərəm.
– Yəni o günü görəcəyik?
– Sən hələ də buna şəkk edirsən?
– Allah, Məhəmməd, ya Əli! – deyə Əmirqulu
əllərini göyə açdı. – Ey Xudavəndi-aləm, bizi darda
qoyma, niyyət edirəm, sağ-salamat gedib elimizə-oba -
mıza çıxaq, İmam Rza əleyhissəlamın ziyarətgahına
gedib, qurban kəsib, fəqir-füqaraya paylayacağam.
Axşam ikisi də sevinc və həyəcandan yata bilmir-
di lər. Allaha yalvarırdılar ki, Buxaralı Qəmbərlə arva dı
yenə harasa getsinlər. Bunu gözləmək də səbir is təyirdi.
Buxaralı Qəmbər hər gün harasa gedirdi. Am ma arva-
dı həmişə evdə olurdu. Qonşulara gedəndə də çox qal-
mırdı, necə deyərlər, «ciç» eləməmiş qayıdıb gəlirdi.
Günlər keçirdi. Nadirin səbri tükənirdi. Bilmirdi nə
etsin. Çünki aralarında, heç olmasa, yarım günlük məsa-
fə lazım idi ki, arxadan gəlib onlara çata bil mə sinlər.
Nadir arada girəvə tapıb, at satan adama baş
çəkmişdi, bu günlərdə amanatını gəlib aparacağını
demişdi. Kişi gülümsəyib atları həvəslə sığallayan Na-
diri süzsə də, bir söz deməmişdi… Nadir də, bəhanə
tapmış kimi, atları qəsdən özünə öyrəşdirirdi ki, sa-
bah yola çıxanda ortaya bir əngəl çıxmasın.
104
S O N U N C U FAT E H
Axır ki, bir gecə Nadirgil xəlvəti qaçıb getməyi
qərara aldılar. Gündüz bu işin çətin olacağını yaxşı
anlayırdılar... Arxadan gəlib onları haqlaya bilərdilər.
Amma qaçmaqları gecə baş tutsaydı, sözsüz ki, saba-
ha qədər atları çapardılar, səhər də Buxaralı Qəmbər
xəbər tutanda artıq gec olardı. Doğrudur, yenə dalla-
rınca gələ bilərdilər. Lakin çətin ki, çataydılar...
Həmin gün Nadir ilə Əmirqulu sürünü otlaqdan
evə tez gətirdilər. Buxaralı Qəmbərlə arvadı evdə yox
idi lər. Zöhrə ata-anasının uzaq qohumlarına baş çəkə-
cəyi ni demişdi. Hava bir balaca qaralan kimi, Zöhrənin
açıq qoyduğu qapıdan sivişib çıxdılar. Əvvəlcə yaxın-
lıqdakı dükana gedib, yemək-içmək və bir bardaq su
götürdülər, sonra at satan adamın evinə getdilər. Qa-
pını döyüb içəri girdilər. At satan adam aşağı enib:
– Hə, deyəsən, səfər vaxtı çatıb, – dedi. Və tövləyə
gedib, atları yəhərlədi, yüyənlərindən tutub gətirdi.
Nadir onun ovcuna beş qızıl dinar qoydu. Kişi qızıl di-
narları bir-bir işığa tutdu və dişlədi, sonra gülümsəyib
dedi:
– Barı yolu tanıyırsınızmı?
– Göydəki ulduzları tutub gedəcəyik.
– Özünüzü heyvandan, qaçaq-quldurdan qoru-
maq üçün bir şeyiniz varmı?
– Üçümüzə bir xəncərimiz var.
– Hə, bu da igid adam üçün kifayətdir. Cavan,
güclü oğlanlarsınız. Bir azdan Ay doğacaq. Karvan yo-
lu nu tutub gedərsiniz. Yoldan sapmayın, yoxsa azar-
sınız. Atları çox yormazsınız. Unutmayın ki, atının
qədrini bilən igid mənzil başına sağ-salamat çatar.
105
N A D İ R Ş A H Ə F Ş A R
Görüşüb ayrıldılar.
Nadir, Əmirqulu və İbrahim şəhərdən çıxan
kimi atları mahmızlayıb, elə sürət götürdülər ki,
deyirdin, bəs, yel olub uçurlar. Dördnala çapdıq-
ları atların ayaqlarından toz qalxırdı. Nadir atının
yalmanına yatıb, Zöhrənin onlar qapıdan çıxan-
da arxalarınca baxaraq, necə ağladığını xatırladı.
Qızın əlini bir az qaldırıb, barmaqlarını asta-asta
tərpətməsi – bu vida səhnəsi onun beynində ömür-
lük həkk olundu...
Atları bir xeyli çapandan sonra, Nadir əlini qaldı-
rıb, Əmirquluya və İbrahimə tərəf qışqırdı:
– Bir az yüyəni dartın, bu cür çox çapa bilmərik.
Əmirqulu da çığırdı:
– Atların özləri çapmaq istəyirlər.
– Hə, axı, bunlar vətən atlarıdır, qəribsəyiblər,
yurd-yuvanın iyini alan kimi oyur-oyur oynadılar,
bir də, tövlədə çox qalıblar, ona görə... Amma yorğa
getsələr yaxşıdır. Tərlədib tələf edərik.
Beləliklə, atların yüyənini bir az dartıb, yorğa sür-
məyə başladılar.
Nadirin arada gəlib tez-tez atları sığallaması, üzü-
nü onların üzünə sürtüb, alnını alınlarına söykəməsi
öz bəhrəsini vermişdi. Heyvanlar artıq onun iyinə
alışmışdılar. Bir də, həmişə bir yerdə olan atlar yenə
bir yerdə olduqlarını görüb həvəslə yorturdular.
Əmirqulu ilə İbrahim bir az qabaqda, Nadir də on-
ların arxasınca gedirdi. Bayaqdan yolu təxmini tutub
çapırdılar. Sonra Ay doğdu, tabaq kimi yumru Ayın
ziyası yolu işıqlandırdı, hər şey aydın göründü.
Dostları ilə paylaş: |