See discussions, stats, and author profiles for this publication at
UNING MOHIYATI VA TARKIBIY ELEMENTLARI
Yüklə 5,35 Mb. Pdf görüntüsü
|
| UNING MOHIYATI VA TARKIBIY ELEMENTLARI
1.1-§. Iqtisodiy xavfsizlik fanining predmeti va vazifalari Iqtisodiy xavfsizlik iqtisodiyot nazariyasi fanining sintetik kategoriyasi bo‗lib, iqtisodiy mustaqillik va qaramlik, barqarorlik hamda bog‗liqlik, iqtisodiy bosim, majburlash, agressiya, iqtisodiy suverenitet va h.k. tushunchalar bilan bog‗liq bo‗lib hisoblanadi. Mamlakat, davlat xavfsizligi, shuningdek, ularning tarkibiy qismlari bo‗lgan hudud, korxona (tashkilot), alohida olingan shaxs xavfsizligini ta‘minlash muammosi hozirgi davrda muhim ahamiyat kasb etmoqda. Ammo xavfsizlik masalasi insoniyat paydo bo‗lgan barcha davrlarda mavjud bo‗lgan. Iqtisodiy xavfsizlik iqtisodiy kategoriya sifatida davlatchilik shakllangan hamda jamiyat o‗z manfaatlarini anglab yetgan davrlardan paydo bo‗la boshlagan. Iqtisodiy xavfsizlik – zamonaviy fanlardan biri bo‗lib, iqtisodiy xavfsizlik tizimi qonunlari, qonuniyatlari, tamoyillari, omillari va shu bilan birga, tizim elementlari bo‗lgan iqtisodiy xavfsizlikning metodlari hamda mexanizmlarini o‗rganuvchi va tadqiq qiluvchi fan hisoblanadi. Iqtisodiy xavfsizlik kategoriyasining mazmunini tushinish uchun ―xavfsizlik‖ tushunchasining mazmunini aniqlash lozim. ―Xavfsizlik‖ tushinchasi ijtimoiy organizmning hayotiy muhim manfaatlarini, uning tuzilmasini tashqi va ichki negativ omillardan himoyalanganlik holati hamda uni rivojlanish tendensiyasi tushuniladi. Hayotiy muhim manfaatlar – bu yalpi talab bo‗lib, uni qondirilishi davlat va uning hududlarini, jamiyatni, xo‗jalik subyektlarini, shaxsni barqaror mavjud bo‗lishini hamda ularni progressiv rivojlanishini ta‘minlaydi. 9 Ushbu ta‘rif ―xavfsizlik‖ tushunchasi mazmunini to‗la ifoda etib, unda obyektga hech qanday tahdid yo‗q, uning mustaqilligi, yaxlitligi ta‘minlangan va mavjud turli xavf-xatarlardan, tahdidlardan himoyalangan holati deb baholash mumkin. Har qanday obyektning xavfsizligi – bu uning oldida turgan muammolarni hal eta olishi, agarda kutilmagan holatlarda xavf- xatar, tahdidlar paydo bo‗lsa, ulardan himoyalanishi va o‗zining to‗la ishchanlik holatini tiklay olishi tushuniladi. Xavfsizlikka intilish har qanday biologik tizimlarga xos bo‗lgan xususiyat bo‗lib hisoblanadi. Biroq faqatgina insonlargina xavf-xatarlarning tavsifini tadqiq etish asosida tahdidlardan himoyalanadigan, ularni yo‗qqa chiqaradigan yo‗nalishlarni, kerak bo‗lsa, ularni to‗la bartaraf etadigan mehnat jarayoni bilan bog‗liq bo‗lgan yangi mexanizmlarini tashkil etish orqali mehnat faoliyatining mos shakllari va metodlarini tanlashi mumkin. Insonlarni xavfsizligini ta‘minlash mexanizmi (tahdidlarga bo‗lgan munosabat va undan himoyalanish chora-tadbirlari) ijtimoiy va biologik individlarni bir-biridan farqlovchi asosiy mezon bo‗lib, jamiyatda xavfsizlikning ijtimoiy-iqtisodiy hodisa sifatida uning mazmunini ochib beradi. Ijtimoiy tafakkurda xavfsizlikka intilish uni ijtimoiy-iqtisodiy hodisaga aylantiradi. Xavfsizlik asosida mehnat faoliyati yotadi, uning hisobiga jamiyat mavjud bo‗ladi, o‗zgaradi va rivojlanadi. Biroq xavfsizlik ijtimoiy, shu bilan birga, iqtisodiy omillarga tayanadi, ya‘ni mehnat mahsulotlarini yaratish va uning harakati bilan bog‗liq bo‗ladi. Xavfsizlikni ta‘minlashda ijtimoiy va iqtisodiy omillarning o‗zaro bog‗liqligi, xavfsizlikni jamiyatda zaruriy ijtimoiy-iqtisodiy hodisa sifatida ifoda etadi. Shu nuqtayi nazardan ham ―Iqtisodiy xavfsizlik‖ fani xavfsizlikni o‗rganadi. |