15
Xilu adlı iki kəndin adını çəkir
45
, 13 əsr ərzində doyişikliyə uğramadan dövrümüzədək saxlanıb qalmış Xile
adının tarixi Azərbaycanın ərəblər tərəfindən istilasına gedib çıxır. İraqda müstəqil əmirliyə malik olduqları
Hillədən buraya köçüb gəlmiş rəbiə tayfaları kompakt
halda Bərdədə, Şamaxıda və Şirvanın digər yerlərində
məskən salırdılar.
46
Ehtimal ki, Abşerondakı Xilə kəndi İraqdakı Hilənin adı ilə adlandırılmışdır. Belə ki, burada
məhz həmin yerdən gəlmiş və sonralar türklərlə qaynayıb-qarışmış ərəblər məskən salmışdılar. Lakin ərəblər bu
yerin ilk sakinləri deyildilər. Abşerondakı Xilənin qədim əhalisi haqqında burada skiflərin yaşadıqlarını təsdiq
edən arxeoloji tapıntılar xəbər verir.
47
Şirvanın toponimikasının təhlili bizi aşağıdakı nəticələrə gətirib çıxarır. Qədim zamanlarda Şirvan
ərazisində buranın toponimikasında iz qoyan müxtəlif tayfalar məskən salmışlar.
Mənbələr və toponomik
məlumatlar göstərir ki, Qafqaz, irandilli və türkdilli tayfalardan ibarət yerli əhali eramızın əvvəlindən etibarən
köçəri türklərlə intensiv surətdə qaynayıb-qarışmışdır. Türk tayfalarının burada dərin kök salması Azərbaycan
xalqının etnogenezində mühüm komponentlərindən biri olmuşdur.
Azərbaycanda məskunlaşmış ərəb tayfaları yerli əhali ilə qaynayıb-qarışmış, dilləri aradan çıxmış, onun
izləri yalnız toponımıkada və məhəlli leksikada qalmışdılar. Bu, ərəb istilasınadək Azərbaycanda türk və İran
ünsürlərinin davamlı və sabit olduğunu göstərir.
48
§3. Şirvanın şəhər və kəndləri
"Erməni coğrafıyası"nın müəllifi Albaniyada şəhər və kəndlərin mövcud olduğunu qeyd edir: "Burada
bərəkətli çöllər, şəhərlər, qalalar, kəndlər, çoxlu çay və qamışlıqlar var"
1
.
Şirvan ərazisində aparılan qazıntı işləri nəticəsində burada Mezolit və Tunc dövrlərinə aid qədim
yaşayış məskənləri, I-II əsrlər antik müəlliflərinin verdikləri məlumatların da təsdiq
etdiyi qədim və erkən orta
əsrlərə aid şəhərlər aşkara çıxarılmışdır.
Böyük Plini (23-79-cu illər) yazırdı ki, Albaniyanın əsas şəhəri Kabalakadır.
2
Yunan coğrafiyaşünası
Ptolomey (70-147-ci illər) Qafqaz Albaniyasında 29 şəhər və kənd olduğunu xəbər verirdi. O, bunların arasında
Xabala, Moseqa, Albana, Samexiya, yaxud Kamexiya, Ketara, Baruka və başqalarının adını çəkir.
3
Bəzi alimlər
(d'Anvil, Tomaşek, Tsellari, Barbye və b.) həmin adları Qəbələ (Cabalaca, Chabala), Dərbənd (Albania),
Şamaxı (Samechia, Camechia), Bakı (Gaetara, Baruca) şəhərləri ilə eyniləşdirilir. Ptolomeyin xatırladığı
Moseqa (Mosega)
toponimində ola bilər ki, Quba rayonunda və Abşeronun cənub sahillərini əhatə edən ərazidə
yaşamış massaget - maskut tayfasının adı əks olunmuşdur.
Mitilenli Zəkəriyyənin (555-ci il) salnaməsində aşağıdakı məlumatlar verilir: "... bu şimal məmləkətində
iyirmi dörd yepiskopu olan beş mömin xalq yaşayır. Qurzan və Ermənistan dilləri
[35 - 36]
yunan dilinə bənzəyən
bir yerdir, onların İran şahına tabe olan xristian hakimi var. Arran da öz dili, xaçpərəst xalqı olan bir diyardır.
Onların İran şahına tabe olan hökmdarları var...
Bazqun öz dilinə malik olub, hunlar ölkəsi hüdudlarına yerləşən
Xəzər qapısına və sahilinə qədər uzanan bir ərazidir..."
4
Yuxarıda adı çəkilən mətndə VI əsrdə hökmdarları fars,
yəni Sasani şahlarına tabe olan Gürcüstan və Arrandan
-Albaniyadan danışılır. Onların öz dilləri gürcü və Arran
dilləri var idi və xristian dininə etiqad edirdilər. Beləliklə, Z. M. Bünyadovun haqlı olaraq göstərdiyi kimi "...nə
Qurzan,
nə Arran, etnik və ya siyasi cəhətdən Ermənistanın bir hissəsi olmamışlar. Bu birlik təkcə dini
birlikdir..."
5
Sonra Zəkəriyyə dili Arran dilindən fərqlənən Bazqun ölkəsini qeyd edir. Markvarta görə, mətndə
göstərilən ərazi hüdudları xəzər sahili boyunca Xəzər qapısına (Dərbənd keçidi) qədər uzanan Maskut ölkəsinə
məxsusdur.
6
Bazqunun Kürün Xəzər dənizi boyunca uzanan sağ sahil vilayəti Balasakanın adının
təhrif edilmiş
şəkli (Bazkan-Bazqun) olmasına dair N. Adontsun fərziyyəsi daha inandırıcıdır. Maskut-alanlar artıq eramızın
1-ci əsrində burada özlərinin dövlətini yaratmış irandilli tayfalar idi.
8
Ona görə də Böyük Plini 1-ci əsrdə
Albaniya ilə yanaşı "Massagetlər olkəsi"nin də Arran - Albaniyadan fərqlənən ayrıca siyasi və etnik birlik kimi
adını çəkir. Bunu Ravenli Anonimin IV-V əsrlərə aid olan məlumatları da təsdiq edir. Zaqafqaziya ölkələrinin
siyasi qurumlarından danışarkən onlar patria Siunia Caucasorum (Siunik), patria Albania, patria Masageton,
patria Caspiae (Balasakan –
S. A. )
və i.a. adlarını çəkirlər.
Göründüyü kimi, patria Masageton Zaqafqaziyanın
siyasi qurumları sistemində müəyyən yer tuturdu.
9
VI əsrin əvvəlində Massaget Arşakilər hökmdarlığı Sasanilər tərəfindən aradan qaldırıldıqdan sonra
Şabrançay və Gilgilçay hövzələri arasındakı ərazidə Şirvanşahlar adlı kiçik feodal məlikliyi yarandı.
10
Sonralar
X əsrdə Şirvanın ərazisi xeyli genişləndi. Şimali şərqdə Dərbənd, şimal-qərbdə Şəki və cənubda Muğan
müəyyən vaxtlarda onun tərkibində olmuşdur. "VII əsr erməni coğrafıyası"na görə Şirvana aşağıdakı şəhərlər
daxil idi: Şirvan, Xsran, Dərbənd, Təvəspar, Xeçmatak, Xenok, Xenuki, İjamax, Bakan, Maskut.
11
Bütün bu
toponimlər etnonim formasında verilmişdir. Sonra Şirvanın da daxil olduğu Albaniya bölməsində Şake, şərq
tərəfdən Vostani
- Martspan (yəni fars canişini - mərzbanın paytaxtı) adlandırılan Kavaqak (Qəbələ) şəhərlərinin
adı çəkilir. "Erməni coğrafiyası"nda və Gevondda adı çəkilən
Geqavu - Gelavu toponimi, ehtimal ki, Şamaxı
şəhərinin yaxınlığındakı Kalva kəndi ilə lokallaşdırılır.
12
[36 - 37]