IV. DÜNYA ƏHALĐSĐ
Əhali məhsuldar qüvvələrin aparıcı elementi olmaqla ən
qiymətli kapital hesab edilir. O, istehsalla istehlak arasında körpü
rolunu oynayır. Đstehsal etdiyi məhsulun ən böyük istehlakçısı
əhalidir.
Əhalinin dinamikası onun təbii artımını, doğum və ölüm
göstəricilərinin fərqini müəyyən edir. Cəmiyyətin uzunmüddətli
tarixi inkişafı əhalinin çox zəif artımı ilə xarakterizə olunur ki, bu da
məhsuldar qüvvələrin inkişaf səviyyəsi ilə izah olunur.
2005-ci ilin yanvann 1-ə olan məlumata əsasən dünya
əhalisinin sayı 6,4 milyard nəfərə çatmışdır. Bəşər cəmiyyətinin
yarandığı gündən bu vaxta qədər isə 80 mlrd. nəfərdən artıq insan
dünyaya gəlmişdir.
Đlk dövrlər məhsuldar qüvvələr inkişaf etdikcə əhalinin artım
tempi də yüksəlməyə başlayır. Əkinçiliyin və heyvandarlığın
inkişafı ilə əlaqədar təbiətin insana təsiri azalmağa başlamışdır. Bu
da əhalinin dinamikasında həlledici rol oynayır. O vaxtları, yüksək
doğum (40-45% hər 1000 nəfər əhaliyə), yüksək ölüm (30-35%) və
zəif təbii artım kimi səciyyələndirmək olar. Əhalinin artımının əsas
tənzimləyicisi yüksək ölüm göstəricisi idi. Anadan olan uşaqların
çoxu tələf olurdu (50-60%).
Hazırda dünya əhalisinin təxminən yansının yaşı 25-dən az. 1
milyarddan çoxu isə 15-24 yaşındadır.
Dünyanın əhalisi eramızın ilk 15 əsrində cəmi 2 dəfə, XX əsr
ərzində isə 25 dəfə artmışdır. Tarixin bəzi dövrlərində əhalinin sayı
nəinki artmış, hətta çoxsaylı müharibə, yürüş və epidemiyalar
nəticəsində azalmışdır.
Demoqraflar əhalinin artım templərinin dəyişməsini 4
mərhələyə bölürlər. Birinci mərhələ üçün yüksək doğum və nisbətən
aşağı ölüm səciyyəvidir. Təbii artım bu mərhələdə kifayət qədər
yüksəkdir. Bəzən bu mərhələni demoqrafik inqilab adlandırırlar.
Đkinci mərhələ çoxuşaqlı ailələrdən azuşaqlı ailələrə keçid
kimi qiymətləndirilir. Burada ölüm göstəriciləri də azalır. Ancaq,
doğumun sürətlə azalması təbii artımın aşağı düşməsinə gətirib
çıxardı.
Üçüncü mərhələ üçün ölümün yüksəlməsi və doğum
tempinin azalması səciyyəvidir. Bu mərhələdə təbii artımın
zəifləməsi nəzərə çarpır. Bəzi yaş qrupları (nəsillər) arasında fərq
azalır.
Dördüncü mərhələdə doğum və ölüm göstəriciləri bir-birinə
yaxınlaşır, əhalinin yüksək artım tempi aşağı düşür. Bu dövrü
dünyanın ayrı-ayrı regionları müxtəlif cür keçmişlər.
Yuxarıda göstərilən demoqrafik keçid ilk dəfə XVIII əsrdə
Avropada baş vermişdir. Bu vaxt əhalinin təbii artımı hər min nəfər
əhaliyə 20-30 nəfər (2-3%) təşkil etmişdir. Bu, əsil demoqrafik
inqilab idi. Bu proses 100-150 il davam etmişdir. Sonra isə
Avropada ikinci mərhələ başlamışdır. Hazırkı dövrdə Avropa
ölkələrinin çoxu demoqrafik keçidin 3-cü mərhələsində yaşayırlar.
Hətta bəzi ölkələrdə əhalini sadə təbii artımı da təmin olunmur.
Bir çox inkişaf etmiş ölkələr isə demoqrafik keçidin 2-ci
mərhələsini yaşayırlar. Đnkişafda olan ölkələrin çoxunda vəziyyət
demoqrafik keçidin birinci mərhələsinə uyğun gəlir. Məhz bu
demoqrafik partlayış adlandırılır. Bu ölkələrdə hər qadına orta
hesabla 3-4 uşaq düşür. Afrika ölkələrində bu göstərici 5-ə çatır.
Türkdilli ölkələr arsında bu göstəricinin ən yüksəyi Türkmənistana
məxsusdur. Azərbaycan Respublikası bu sahədə (2,0) bütün türk
dövlətlərindən geridə qalır. Beləliklə, Türkiyə - 2,5, Qazaxıstan -
2,3, Özbəkistan - 3,4, Qırğızıstan - 3,2 göstərici ilə tanınırlar.
Son dövrlər bir çox Şərqi Avropa və MDB dövlətlərində
əhalinin artım tempi aşağı düşmüş və hətta əhali sayının azalması
müşahidə olunmaqdadır.
Hazırda dünyanın əhalisi ildə 89 milyon nəfər artır (1,33%).
Đldə 145 mln. nəfər doğulanlar qeydə ahnmışdır. Beləliklə, 2050-ci
ildə dünya əhalisinin sayı 7,3-10,7 milyard nəfərə çatacaqdır.
Əhalinin sayının bu həddə çatmasmın müsbət cəhətlərindən biri odur
ki, onun sosial vəziyyəti yaxşılaşmışdır. Səhiyyə, təhsil və xidmət
sahələrindən dünya əhalisi daha çox istifadə edir.
Digər müsbət cəhət - bir və beş yaşına çatmamış uşaqlar
arasında ölüm halları azalmışdır, əhali daha çox yaşayır - uzun
ömürlü olur və daha çox əhali ahıl yaşma çatır. Ailədə uşaqların sayı
son otuz ildə 2 dəfə azalmışdır (6-dan 3-ə), bu da onların sosial
təminatını yüksəltməyə imkan verir.
Mənfi hala gəldikdə isə, qeyd etmək lazımdır ki, ən kasıb
ölkələrdə əhalinin artımı ən yüksəkdir. Afrika, Asiya və Latın
Amerikasının 62 ölkəsində əhalinin 40%-i 15 yaşına kimi uşaq və
yeniyetmələrdir. Son dövrlər əhalinin artım tempi 2,04%-dən
1,33%-ə enmiş və gələcəkdə daha da aşağı enəcəkdir. 1985-1990-cı
illərdə əhalinin illik artımı ən yüksək - 100 milyon nəfər olmuşdur.
Ümumiyyətlə, əhalinin artımına bir çox amillər təsir edir.
Bunlardan ən vacibləri - məhsuldar qüvvələrin inkişaf səviyyəsi,
əhalinin etnik, dini və regional mənsubiyyəti, qadınların ictimai
əməyə cəlb olunması və cəmiyyətdə rolu, dövlətin doğumu
stimullaşdırması və ya əksinə, müharibələr, epidemiyalar nəticəsində
uşaq ölümü səviyyəsinin dəyişməsi və sairədir. Bundan başqa,
əhalinin artımına qadın və kişilərin sayının disproporsiyaları, cins və
yaş tərkibi kimi amillər də təsir edir.
Əhalinin artımına, eyni zamanda sağlamlığına ekoloji
vəzıyyəti və müxtəlif epidemiyalar da təsir edir. BMT-nin
məlumatlarına görə hər il atmosferin çirklənməsindən 21,7 mln.
nəfər ölür.
Demoqrafik vəziyyətə mənfi təsir göstərən amillərdən biri də
QĐÇS-dir (qazanılmış immunodefisit sindromu - AĐDS, SPĐD).
1998-ci ildə QĐÇS virusu ilə yoluxmuş əhalinin sayı 34 mln. nəfər
olmuşdur. Son illər bu xəstəliyə yoluxanların sayı 5,8 mln. nəfər,
ölənlərin sayı isə 2,5 mln. nəfər təşkil etmişdir ki, bunların da 80%-i
Afrika qitəsinin payına düşür.
Müəyyən edilmişdir ki, insan bioloji varlıq kimi 100-140 il
yaşaya bilər. Ancaq faktiki olaraq, müxtəlif sosial-iqtisadi və ekoloji
amillərin təsiri nəticəsində insan bu yaşdan çox az yaşayır. Doğrudur
son dövrlər insan ömrünün uzanması meyli hiss olunmaqdadır.
1950-ci ildə insanların dünyada orta ömrü 50 il idisə, 2004-cü ildə
66,7 yaşa qədər yüksəlmişdir.
Dünya əhalisinin orta ömür müddəti artsa da, regionlar üzrə
fərq çox böyükdür. Əsas fərq isə iqtisadi cəhətdən inkişaf etmiş
ölkələrlə zəif inkişaf etmiş ölkələr arasındadır - 28 yaş.
Qadın və kişilərin gözlənilən orta ömür müddəti də az maraq
doğurmur. Nepaldan başqa butün ölkələrdə qadınlar kişilərdən çox
yaşayırlar.
Əhalinin son dövrlərdə sürətli artımına təsir göstərən orta
ölüm göstəriciləri bütün ölkələrdə aşağı düşmüşdür. Bu meyl XIX-
XX əsrlərin keçidində hiss olunmaqla başlamışdı, lakin Đkinci Dünya
müharibəsindən sonra özünü daha çox göstərmişdir. Bu proses
regionlarda müasir səhiyyə yardımının yaxşılaşması, içməli su ilə
təchizatın və digər amillərin nəticəsində baş verir. 1950-ci ildən bəri
ölüm səviyyəsi hər 1000 nəfər əhaliyə qarşı 20-dən 10-a enmişdir.
Beləliklə, yaxın onilliklərdə əhalinin «qocalması» prosesi
davam edəcəkdir. Bu meyl yüksək inkişaf etmiş ölkələrdə özünü
daha yaxşı göstərir. Belə ki, bu ölkələrdə əhalinin median yaşı
hazırda 38-dirsə bu göstərici 1950-ci ildə 29 idi. Proqnozlara görə
2050-ci ildə bu 46 yaş olacaqdır.
Zəif inkişaf etmiş ölkələrdə bu proses təzə başlanır və orta
yaş səviyyəsi, o vaxtla müqayisədə demək olar ki, dəyişməyib (19-
24 yaş). Afrika, dünya əhalisinin ən sürətlə artan regionu kimi, həm
də ən «gənc» materikidir. Burada əhalinin orta yaşı 18-dir.
Proqnozlara görə zəif inkişaf etmiş ölkələrdə median yaş 2050-ci
ildə 37-yə çatacaq. Əgər 1950-ci ildə dünya əhalisinin orta ömrü 50
yaş idisə, 2050-ci ildə bu 76-ya, median yaş isə 38-40-a çatmalıdır.
Demoqrafik
siyasət
dövlətin
demoqrafik
proseslərə
məqsədyönlü təsiridir. Əgər demoqrafik vəziyyət və meyllər
xoşagələndirsə, belə təsir prosesin saxlanmasına, lakin demoqrafik
vəziyyət və meyllər məqsədəuyğun deyilsə, prosesin dəyişilməsinə
təsir edir. Bu geniş sosial-iqtisadi siyasətin bir hissəsidir.
Fransa ilk ölkə idi ki, orada doğum XVIII əsrdə təhlükəli
dərəcədə aşağı düşmüşdü. Ona görə də artıq XIX əsrdə doğumun
stimullaşdırılması istiqamətində cəhdlər göstərilməyə başlanılmışdır.
Baxmayaraq ki, əhalisinin sayı azalan ölkələr çox azdır,
ancaq dünyanın 61 ölkəsində orta hesabla hər ailədə uşaqların sayı
2,1-dən azdır. Bəzi mənbələrdə bu göstərici hər sağlam qadına düşən
uşağın sayı kimi göstərilir.
Əhali artımı zəif olan ölkələrdə demoqrafik siyasət doğumun
artmasına, artım yüksək olan ölkələrdə isə doğumun azalmasına
yönəlmişdir.
Avropa Birliyi ölkələrində demoqrafik siyasətin tədbirlər
sistemi oxşar olsa da, bəzi müavinət və güzəştlərin miqyasında
fərqlər mövcuddur. Məsələn, hər anadan olan uşağa görə birdəfəlik
dövlət yardımı AFR-də 100 marka, böyük Britaniyada 25 funt-
sterlinq, Fransada 2600 frank, Đspaniyada 300 peset təşkil edir.
Müavinətlər birinci anadan olan uşağa görə AFR-də ayda 50 marka,
ikinci uşağa ayda 100 marka, üçüncü və hər sonrakı uşağa ayda 200
marka, Fransada ikinci uşağa ayda 500 frank, altıncı uşağa ayda
3000 frank təşkil edir. Bu ödənişlər uşaq 16 yaşına çatanadək verilir.
Şərqi, Cənubi və Cənubi-Şərqi Asiya ölkələri içərisində ən
radikal demoqrafik siyasət Yaponiyaya və Çinə məxsusdur.
Hindistan və digər Asiya ölkələri də ikiuşaqlı ailələrə istiqamət
götürsələr də, belə demoqrafik siyasətin həyata keçirilməsi yolunda
problemlər və cətinliklər çoxdur.
Dünya fonunda ərəb-müsəlman regionunun xüsusi yeri var.
Milli və dini ənənələr demoqrafik siyasətin fəallığını heçə endirir.
Səudiyyə Ərəbistanı, Birləşmiş Ərəb Əmirlikləri, Liviya və digərləri
doğumun istənilən cür məhdudlaşdırmasının əleyhinə çıxırlar.
Qeyd etmək lazımdır ki, bu və ya digər müsəlman
ölkələrindəki demoqrafik vəziyyət həmin regiondakı ümumi
vəziyyətlə
təxminən eynidir. Yəni məhsuldar qüvvələrin inkişaf səviyyəsi və
regional amillər əhali artımına dini amillərə nisbətən daha cox təsir
göstərir.
Ən gərgin demoqrafik vəziyyət Saxaradan cənubdakı Afrika
ölkələrindədir. Bu ölkələrin çoxunda demək olar ki, heç bir
demoqrafik siyasət həyata keçirilmir. Əgər Asiya ölkələrində doğum
son 50 ildə hər qadına 5,9-dan 2,6 -ya enibsə, Afrikanm bu
hissəsində 6,5-dən 5,5-ə qədərdir.
Demoqrafik siyasətin vacib tədbirlərindən biri -ailəqurma yaş
həddinin tənzimlənməsidir. Qədim Roma qanunçuluğuna görə nigah
yaşının minimum həddi qızlar üçün 12, oğlanlar üçün isə 14
olmuşdur. Đndi də bu hədd bəzi katolik ölkələrində öz qüvvəsində
qalır, xüsusilə də Cənubi Avropa və Latın Amerikası ölkələrində.
Ümumiyyətlə, ölkələrin çoxunda qanun nigaha 16-18 yaşından icazə
verir.
Son onilliklərdə ailəqurmanın minimum yaş həddi artmağa
doğru meyl edir. Bu da demoqrafik siyasətlə bağlıdır. Məsələn, Çin
Xalq Respublikasında kişilər üçün bu yaş həddi 22, qadınlar üçün
20, Hindistanda uyğun olaraq 21 və 18 yaş qanunla müəyyən edilir.
Ancaq son bir neçə ildə nigah yenidən «cavanlaşmağa» başlamışdır.
Dolayı olaraq əhali artımına boşanma siyasəti də təsir edir.
Bu cəhətdən ən liberal qanunlar ABŞ, Böyük Britaniya, Niderland,
Skandinaviya ölkələrindədir. Ər və arvadın nigah münasibətlərini
saxlamamaq istəyi kifayət qədər əsaslanmış hesab olunur. AFR,
Belçika, Finlandiya qanunları da bu cəhətdən çox ciddi deyildir. Bu
sahədə Đtaliya, Fransa, Yunanıstan qanunları daha ciddidir. Đrlandiya,
Đspaniya və Portuqaliyada isə boşanma bu günə qədər, demək olar
ki, mümkün deyildir.
1994-cü ildə Qahirədə keçirilən əhali məskunlaşması və
inkişafı üzrə Beynəlxalq Konfransda 179 ölkə əhali ilə inkişaf
arasındakı qarşılıqlı əlaqə məsələsində konsensusa gəldilər.
Konfransda həm də 2015-ci il üçün məqsəd və vəzifələr müəyyən
edilmişdir.
Konfransdan sonrakı beşillik təcrübə göstərdi ki, qoyulmuş
məqsəd və vəzifələrin yerinə yetirilməsi nəinki real və mümkündür,
həm də insanların vəziyyəti ilə balanslaşdırılmış inkişaf labüddür.
Konfransda müəyyən oldu ki, ölkələr demoqrafik siyasəti və inkişaf
sahəsindəki istiqamətləri qəbul edirlər. Đnkişaf sahəsindəki siyasətə
aşağıdakı amillər-yaşayışın keyfıyyəti, şəxsi seçim, insan hüquqları
və s. amillər daxil edilmişdir. Aparılan iqtisadi siyasətdə yoxsulluq,
ərzaq təhlükəsizliyi, təbii ehtiyatların istifadəsi və ətraf mühitin
mühafizəsi, əhalinin sayı və artım templəri kimi aspektlər nəzərə
alınır. Konfrans qadın və kişilərin huquqlarının bərabərliyinin bütün
sahələrdə təmin olunmasını tövsiyə etmişdir. Məqsəd qoyulmuşdur
ki, kiçik yaşlı uşaqlar arasında ölüm göstəriciləri azaldılsın, çünki 5
yaşına çatmamış uşaqlar arasında bu göstərici o dövrdə çox yüksək
idi.
Konfransdan keçən 5 il ərzində əksər ölkələr öz demoqrafık
siyasətlərini konfransın məqsədləri ilə uyğunlaşdırmışlar.
Dünyada kişilərin sayı qadınların sayından 30 mln. nəfər
artıqdır. Ancaq bu ümumi faktın arxasında çox böyük fərqlər
gizlənir.
Birincisi, müxtəlif yaş qruplarında əhalinin cins tərkibi
müxtəlifdir (hər 1000 nəfər qadına düşən-kişilərin sayı):
Qeyd etmək lazımdır ki, bütün dünya və regionlarda uşaq
yaşında oğlanların sayı qızlardan çoxdur. Çünki hər il doğulan
uşaqların içərisində oğlanlar qızlardan 4 mln. çox olur. Yuxarı yaş
qruplarında isə qadınların sayı kişilərə nisbətən üstünlük təşkil edir.
Đkincisi, fərqlər müxtəlif regionlarda da özünü göstərir. Ikinci
Dünya müharibəsinin təsiri hələ də bütün Avropa (Đrlandiya və
Đslandiyadan başqa) ölkələrində hiss olunur. Asiya ölkələrində
kişilər qadınlardan çoxdur (Yaponiya, Đsrail, Yəmən, Đndoneziyadan
başqa).
Afrika ölkələri üçün əhalinin cins tərkibində kəskin fərqlər
yoxdur. Bu ölkələrin əksərində qadın və kişilərin sayı təxminən
eynidir. Materikin şimal hissəsində kişilərin sayı qadınlardan bir az
artıqdır, şərqdə isə qadınlar üstünlük təşkil edirlər.
Şimali Amerikada əhalinin əksəriyyətini immiqrantlar təşkil
etdiyi üçün uzun müddət kişilər əhalinin tərkibində üstünlük təşkil
etmişlər.
Əhalinin yaş tərkibi «artdıqca» əvvəlcə ABŞ-da, 70-ci illərdə
isə Kanadada qadınların sayı kişilərin sayını keçmişdir. Bu, əsasən
yuxarı yaş həddinə aiddir. Bu proseslər Avstraliya üçün də
xarakterikdir.
Latın Amerikası ölkələrində Afrikadakı kimi qadın və
kişilərin sayı təxminən eynidir. Ayrı-ayrı region və ölkələr arasında
da əhalinin cins tərkibindəki fərqlər bir o qədər də böyük deyildir.
Demək olar ki, bu ölkələrin hamısında qadınlar cüzi üstünlük təşkil
edirlər.
Son dövrlər BMT və digər beynəlxalq təşkilatlar əhalinin
təhsil səviyyəsinə, tibbi təminatına, ekoloji təhlükəsizliyinə xüsusi
diqqət yetirirlər. Təsadüfi deyil ki, həm insan potensialının inkişaf
indeksinin, həm də əhalinin yoxsulluq indeksinin hesablanmasında
təhsilin
səviyyəsi
nəzərə
alınır.
Təhsilin
səviyyəsinin
yüksəldilməsini həm də elmi-texniki tərəqqi tələb edir.
YUNESKO-nun məlumatlarına görə əvvəllər 15 yaşından
yuxarı əhali içərisində savadsızların payı 44% təşkil edirdisə, 2002-
ci ildə bu göstərici iki dəfə aşağı düşmüş və 22% olmuşdur.
Sənaye cəhətdən inkişaf etmiş ölkələrdə cəmi 1,3 % əhali
savadsızdır. Savadsızlığın bəzi ölkələrdə bu dərəcədə aşağı olması
son illərdə, yeni «funksional savadsızlıq» adlanan terminin meydana
gəlməsinə səbəb olmuşdur. Funksional savadsızlıq dedikdə insanın
cəmiyyətdə siyasi dəyişikliklərə, iqtisadiyyatda isə struktur, texniki
və
texnoloji
yeniliklərə
uyğunlaşmamaq
qabiliyyəti
(qabiliyyətsizliyi) başa düşülür. Bir çox ölkələrdə funksional
savadsızlıq işsizliyin əsas səbəbi hesab edilərək qalmaqdadır.
Đnkişafda olan ölkələrdə təhsilin səviyyəsi aşağıdır. Savadsız
əhalinin 96%-i bu ölkələrin payına düşür. Eyni zamanda burada da
özünəməxsus regionallıq nəzərə çarpır.
Afrikanın Saxaradan cənub hissəsində, Ərəb ölkələrində və
Cənubi Asiyada az qala əhalinin yarısı savadsızdır. Savadsızlıq
göstəricisinə görə bir sıra ölkələr: Niger (85,7%), Burkina Faso
(79,8%), Erıtreya (75%), Benin (66%), Qambiya (67%:), Seneqal
(65%), Butan (55%), Anqola (55%) kimi ölkələr daha çox fərqlənir.
Qeyd olunanlarla yanaşı əhalisinin milli tərkibinə görə dövlətləri
5 tipə bölmək mümkündür:
•
Birmillətli;
•
Əsasən birmillətli, ancaq az və çox dərəcədə milli azlıqlar
olmaqla;
•
Đkimillətli;
•
Etnik cəhətdən yaxın, mürəkkəb milli tərkibli;
•
Çoxmillətli, etnik cəhətdən mürəkkəb tərkibli.
Birinci tip dövlətlər dünyada az deyil. Avropa ölkələrinin yarısı
bu dövlətlərə aiddir. Asiyada belə dövlətlər azdır: Yaponiya,
Koreya, Banqladeş, Səudiyyə Ərəbistanı və s. bunlara misaldır.
Đkinci tip ölkələr sayca çoxdur. Avropada bunlara Böyük
Britaniya, Fransa, Đspaniya, Finlandiya daxildir. Asiyada Çin,
Monqolustan, Vyetnam, Kamboca, Tailand, Şri-Lanka, traq, Suriya;
Afrikada
Əlcəzair,
Mərakeş,
Zimbabve,
Botsvana;
Şimali
Amerikada ABŞ belə dövlətlərdəndir.
Üçüncü tip dövlətlərə az rast gəlinir. Ancaq belə dövlətlərdən
Belçikam, Kanadanı qeyd etmək olar.
Dördüncü tip ölkələrə Đran, Əfqanıstan, Pakistan, Malayziya,
Laos və s. aid edilir.
Beşinci
tip
ölkələrə
Hindistanı,
Rusiyanı,
Đsveçrəni,
Đndoneziyanı, Filippini və s. aid etmək olar.
Etnik proseslərin içərisində konsolidasiya və assimilyasiya
xüsusi yer tutur. Bəzən etnik inkişaf mürəkkəb xarakter daşıyır və bu
proseslər eyni vaxtda baş verir.
Konsolidasiya - bir nsçə qohum etnosun (tayfa, xalq) böyük bir
xalqa çevrilməsinə, ya da sosial-iqtisadi, mədənı inkişaf nəticəsində
formalaşmış xalqın daha da mütəşəkkilləşməsinə deyilir. Birinci
halda bu etnoslar arası, ikinci halda isə etnosdaxili konsolidasiya
adlanır.
Assimilyasiyannın mahiyyəti ondan ibarətdir ki, bir xalqın
müəyyən qrupları və ya bütöv xalq, başqa bir xalqın içərisində
yaşayaraq, uzunmüddətli təmas nəticəsində onun mədəniyyətini
götürür, dilini öz dili sayır və özünün əvvəlki etnik birliyə
mənsubiyyətini qəbul etmir. Milli özünüdərkin dəyişməsi bu
prosesin sonu sayılır. Assimilyasiya əsasən inkişaf etmiş ölkələr
üçün səciyyəvidir. Assimilyasiya təbii və məcburi ola bilər.
Hazırda, etnoqraflar hesab edirlər ki, dünyada 3-4 min
müxtəlif xalq vardır. Buraya sayı bir neçə yüz nəfər olan tayfalar da
aid edilir.
Məlumdur ki, son dövrlər mürəkkəb milli tərkibli ölkələrin
bəzilərində milli münaqişə ocaqları yaranmışdır. Bu münaqişələrin
tarixi kökləri müxtəlifdir. Təkcə keçmiş SSRĐ ərazisində etnik-ərazi
iddialı 70 potensial kərkinlik ocağı müəyyən olunmuşdur. Belə
ərazilər dünyada çoxdur.
Elmi-texniki inqilabın, mədəniyyət və təhsilin inkişafına
baxmayaraq dinin cəmiyyətdə və məişətdə rolu çox böyükdür. Bu,
demək olar ki, bütün ölkələrə aiddir.
Xristianlıq ən geniş yayılmış din sayılır (1 mlrd. nəfər).
Xristianlıq 3 hissəyə bölünür: katoliklər - 580 mln. nəfər,
protestantlar - 350 mln. nəfər, pravoslavlar -100 mln. nəfər əhaliyə
malikdir. Katoliklərin əksəriyyəti Amerikada (yarıdan çoxu),
Avropada (180 mln. nəfər), Asiyada və Afrikada (50 mln. nəfər)
yaşayır. Protestantların əksəri Avropa (yarısı) və Amerikada (2/5
hissəsi) cəmlənmişdir. Asiyada 65 mln., Afrikada 35 mln.,
Avstraliya və Okeaniyada 14 mln. protestant yaşayır. Pravoslavlar
Şərqi Avropa, MDB və Yunanıstanda cəmlənmişlər.
Müsəlmanların ümumi sayı da 1,2 mlrd. nəfərə yaxındır.
Əsasən Şimali Afrika və Asiyada yaşayırlar. Đnduistlərin sayı 520
mln. nəfər, buddist və lamaisüər isə 400 mln. nəfər təşkil edir.
Bunlardan başqa, digər dinlər də mövcuddur ki, onlara sitayiş
(itaət) edənlərin sayı müxtəlifdir. Belə ki, konfusianlıq – 180 mln,
sintoizm - 90 mln, daosizm - 30 mln., zərdüştçülük 250 min,
iudaizm - 10 mln. nəfəri özündə birləşdirir.
1960-cı ildə dünyanın əhalisi 3 mlrd. olanda onun 70% zəif
inkişaf etmiş regionlarda məskunlaşmışdı. 2002-ci ilin sonunda
həmin regionların əhalisi 4,8 mlrd. (80%) nəfərə çatmışdır. 2025-ci
ilə qədər proqnozlaşdırılan əhali artımının 98%-i bu regionların
payma düşəcəkdir.
Əhalinin qeyri-bərabər məskunlaşmasını çoxlu misallarla
şərh etmək olar. Məsələn, Şərq yarımkürəsində əhalinin 80%-i,
Şimal yarımkürəsində 90%-i, Asiyada 67%-i yaşayır.
Əhalinin məskunlaşması problemləri ilə əhalinin sıxlığı
məsələsi biri-birilə bağlıdır. Bu göstərici dünyanın hansı ərazilərində
əhalinin daha çox cəmlənməsi haqqında təsəvvür yaradır. Ənənəvi
olaraq əhalinin sıxlığı C = N/S formulası ilə hesablanılır. Burada: C
- əhalinin sıxlığı, N - əhalinin sayı, S -həmin ərazinin sahəsi, kv.km-
lə hesab olunur.
Əhalinin sıxlığına görə ölkələri 3 qrupa bölmək olar:
1.
Əhali sıxlığı yüksək olan ölkələr (hər kv.km-də 200 nəfərdən
artıqdır): Monako (22 min nəfər), Sinqapur (6100 nəfər),
Đndoneziya (2000 nəfər), Belçika, Niderland, Böyük
Britaniya, Đsrail, Livan, Banqladeş, Şri-Lanka, Koreya
Respublikası, Ruanda, Salvador və s. seçilirlər. Bu, şəhərlər
arasında 14 mln. nəfər əhalisi olan Parisdə aiddir ki, orada da
hər kv.km-də 26 min nəfər insan yaşayır.
2.
Əhali sıxlığı dünya əhalisinin orta sıxlığına (hər 1 km2 -da
45 nəfər) yaxın olan ölkələr.
3.
Əhalinin sıxlığı aşağı olan (hər km
2
bir nəfər və ya az)
Monqolustan, Liviya, Mavritaniya, Namibiya, Qviana,
Avstraliya və s. belə ölkələrdəndir.
Dünyada əhalinin sıxlığı müxtəlif olan ölkələr çoxdur. Buna
Misir, Çin, Avstraliya, Kanada, Braziliya, Türkmənistan, Tacikistan
və s. misal ola bilər.
Xarici miqrasiya kütləvi hal aldığı ölkələrdə. bu əhalinin ümumi
sayına da təsir göstərir. Əhalinin bu cür artımına bəzən «mexaniki
artım» da deyirlər. ABŞ, Kanada və Avstraliyanın tarixində elə
dövrlər olub ki, «mexaniki» artım təbii artımdan yüksək olub. Bu
ölkələrə miqrasiya indi də çox yüksəkdir, bu proses hazırda ölkənin
təbii artımına müəyyən «kömək» kimi səciyyələndirilir. Đsraildə isə
hazırda immiqrantlar əhalinin ümumi artımının 2/3-ni təşkil edirlər.
Đrlandiyada isə proses əks istiqamətdə getmiş və bir neçə dəfə təkrar
olunmuşdur.
Xarici miqrasiyalar öz xarakter, səbəb, ərazi əhatəsi, müddəti və
s.-yə görə bir-birindən fərqlənirlər. Xarakteri haqqında danışarkən,
könüllü və məcburi miqrasiyaları ayırmaq mümkündür. Məcburi
miqrasiyaya misal olaraq Afrikadan Amerikaya qul-zəncilərin
aparılmasını, Đkinci Dünya müharibəsində milyonlarla əhalinin
Almaniyaya köçürülməsini göstərmək olar.
Daha yaxın ərazi və tariximizdən məcburi miqrasiyaya türklərin
Gürcüstandan, tatarların Krımdan, çeçen-inquşların Çeçen-Đnquş
Respublikasından, azərbaycanlıların Ermənistandan köçürülməsini
(departasiyasını) misal göstərmək olar.
Xarici miqrasiyanın səbəbində isə əhalinin sosial, iqtisadi
vəziyyəti aparıcı olaraq qalır. Hazırda işçi qüvvəsinin miqrasiyası
geniş vüsət almışdır. Əhali inkişafda olan ölkələrdən Avropa, Şimali
Amerika (ABŞ, Kanada), ÇAR, Đran körfəzi ölkələrinə mühacirət
edirlər.
Đqtisadi səbəblərdən başqa, xarici miqrasiyanın siyasi səbəbləri
də mövcuddur. Bu ölkələrdəki siyasi rejimlə bağlıdır. 70-80-ci
illərdə keçmiş SSRĐ-ni də siyasi emiqrantlar tərk etmişdilər. Bu cür
proseslər hazırda Koreya Xalq Demokratik Respublikasında,
Kubada müşahidə olunur.
Ərazi əhatəsinə görə kontinentlərarası və kontinentdaxili
miqrasiyaları ayırmaq olar. Ölkədaxili miqrasiyaya daxili miqrasiya
deyilir.
Müddətinə
görə
daimi,
mövsümi
və
müvəqqəti
(qısamüddətli) miqrasiyalar da ayrılır.
Son dövrlərin ən qorxulu miqrasiyalarından biri qaçqınlıqdır. Bu
proses çox böyük əraziləri əhatə edir. Beynəlxalq təşkilatların səyinə
baxmayaraq bu proses ləngimir, bu problemlər hələ də həll
olunmamış qalır. Bu, əsasən müxtəlif cür separatçılığın, regional
konfliktlərin, aclığın, epidemiyaların və siyasi mübarizələrin
nəticələridir.
Yuqoslaviya və SSRĐ-nin dağılmasından sonra bu ərazidə 2,5
mln. nəfər qaçqın ordusu yaranmışdır ki, bunun 1 mln. nəfərdən
çoxu azərbaycanlardan ibarətdir.
Urbanizasiya müasir dövrün ən ciddi proseslərindən biridir.
Urbanizasiya əraziləri qurunun -1%-ni, əhalinin 47%-ni özündə
cəmləşdirir.
Urbanizasiya kənd əhalisinə nisbətən şəhər əhalisinin payının
artmasıdır. Bəzən bunu sadəcə şəhərləşmə və ya kənd əhalisinin
şəhərlərə köçməsi kimi izah edirlər. Bu proses kənd əhalisinin
şəhərlərə miqrasiyası, şəhər əhalisinin özünün təbii artımı, kənd
yaşayış məntəqələrinin şəhər tipli qəsəbələrə və şəhərlərə çevrilməsi
formasında baş verir.
Şəhərlərin statusu qanunvericiliklə müəyyən olunur. Dünya
ölkələrində şəhər əhalisinin minimum sayı bir-birindən kəskin
fərqlənir.
Dünya miqyasında əhalisinin sayı 10 mln.-dan artıq olan şəhərlər
inkişafda olan ölkələrdə sürətlə artır. 1960-cı ildə təkcə Nyu-York və
Tokioda əhalinin sayı 10 milyondan çox idi. Son illərdə meqa
şəhərlərin sayı 20-yə çatmışdır.
Urbanizasiya səviyyəsi regionlar üzrə bir-birindən kəskin
fərqlənir. Urbanizasiya səviyyəsinin artımı inkişafda olan ölkələrdə
və zəif inkişaf etmiş ölkələrdə daha yüksəkdir.
Dünya ölkələri içərisində Sinqapur - 100%, Belçika-97%
urbanizasiyaya məruz qalmışdır.
Urbanizasiya nəticəsində şəhər əhalisi va təsərrüfatı eninə, uzununa
və dərininə daha da genişlənərək şəhərətrafı sahələr hesabına nəhəng
aqlomerasiyalar formalaşmışdır. Belə aqlomerasiyalar dünyada 325-
dən çoxdur. Onun 144-ü Asiyada, 62-si Avropada, 42-si Latın
Amerikasında, 39-u Şimali Amerikada, 33-ü Afrikada, 5-i
Avstraliya və Okeaniyadadır. Ölkələrə gəldikdə isə Çində - 49,
ABŞ-da 45, Hindistanda - 36, Braziliyada - 16, Rusiyada - 11
aqlomerasiya formalaşmışdır.
Biri-birinə yaxın aqlomerasiyalar da get-gedə böyüyərək
birləşib daha nəhəng əhali məskunlaşması forması olan meqalo-
polislərin mövcudlaşmasım zəruriləşdirmişlər. Hal-hazırda ABŞ-da -
5, Yaponiyada - 1, Böyük-Britaniyada - 1, AFR-də 1 formalaşmamış
meqalopolis vardır. Yaxın gələcəkdə isə biri-birinə yaxın yerləşən
meqalopolislər inkişaf nəticəsində birləşərək daha iri əhali
məskunqlaşması forması - oykumenopolisləri yaradacaqlar.
Dünyada 400-ə qədər «milyoner» şəhər mövcuddur.
Bunlardan 23 şəhər super şəhər adlandırılmışdır ki, onların hər
birisinin ayrı-ayrılıqda 10 mln-dan artıq əhalisi vardır. Belə
şəhərlərin 8-i ĐEÖ-lərdə, qalanları isə ĐOÖ-də yerləşir. Bunlara
əhalisinin sayı 26,4 mln. nəfərdən artıq olan Tokio başçılıq etməklə,
23-cü yer -10,0 mln. nəfər əhalisi olan Seula məxsusdur.
Onu da göstərmək yerinə düşərdi ki, siyasi xəritədə Öz
əkslərini tapmış dövlətlərdən 11-nin hər birisinin 100 mln-dan artıq
əhalisi vardır. Buraya Çin, Hindistan, ABŞ, Đndoneziya, Braziliya,
Pakistan, RF, Banqladeş, Nigeriya, Yaponiya, Meksika daxildir.
Dostları ilə paylaş: |