| V. DUNYA TƏSƏRRÜFATI
Dünya təsərrüfatı bütün ölkələrin təsərrüfatlarının məcmusu
olaraq bir-biri ilə sıx əlaqədə olan sahələrdən ibarətdir. Dünya
təsərrüfatı müxtəlif ictimai-iqtisadi və siyasi amillərin təsiri altında
formalaşmış və çox mürəkkəb quruluşa malikdir. O, ən sadə alətlər
istehsalından başlayaraq mürəkkəb elektron texnikasından robot
istehsalına qədər bir yol keçmişdir. Dünya təsərrüfatının inkişafında
elmi-texniki inqilab həlledici rol oynamışdır.
Dünya
təsərrüfatının
əsas
sahəsi
sənayedir.
Dünya
sənayesinin quruluşu çox mürəkkəb olub, onun formalaşması uzun
tarixi bir mərhələni əhatə edir. Hazırda dünya sənayesi özünün
yüksək inkişaf səviyyəsinə çatmışdır.
Sənaye maddi istehsalın aparıcı sahəsidir. Dünya sənayesində
500 mln. nəfərdən artıq işçi qüvvəsi çalışır. Bunun 64 mln. nəfəri
Çində, 23 mln. nəfəri ABŞ-da, 16,5 mln. nəfəri Rusiyada
cəmləşmişdir.
Sənayedə yanacaq - energetika, metallurgiya, maşınqayırma
və metal emalı, kimya və neft-kimya, tikinti, meşə, xalq istehlakı
malları istehsalı kompleksləri dünya təsərrüfatının tanınan sahələri
sayılır. Deyilənlərin hamısı böyük əhəmiyyət kəsb etsələr də
energetikanın özünəməxsusluğu vardır.
| 
