Ovqatda
vitamin D
yetishmaganda, bolalar raxit degan kasallik bilan og‘riydi. Oyoq,
kо‘krak qafasi, umurtqa pog‘onasi suyaklarining о‘zgarishi raxitning xarakterli belgilaridir.
О‘zgarishlar shundan iboratki, tog‘ay tо‘qimasi va hosil bо‘layotgan suyak tо‘qimasi yetarlicha
ohaklanmaydi. Suyaklar diafizi epifizga tutashgan joylar kо‘proq о‘zgaradi. Suyaklar haddan
tashqari yumshoq bо‘lib, deformatsiyalanadi. Kasal bolalarda oyoq suyaklarining qiyshayishi
raxitning tipik simptomidir [11; 16; 18; 23].
Raxitda suyaklardagi kalsiy miqdori keskin darajada (og‘ir hollarda 3-3,5 baravar)
kamayadi. Suyak tо‘qimasida fosfor ham biroz kam bо‘ladi.
Katta yoshli kishilar organizmida vitamin D yetishmaganda kalsiy tuzlari suyaklarda kam
tо‘planishi va ortiqcha chiqib ketishi sababli kamayib, suyaklar yumshab qoladi
(osetomalyasiya). D avitaminozida kalsiy balansi manfiy bо‘ladi, ya’ni ovqat bilan kirganiga
nisbatan kо‘proq chiqib ketadi. Vitamin D kalsiy assimilyasiyasi uchun va fosfor-kalsiy
almashinuvi uchun zarur ekanligi odamlar va hayvonlarni kuzatish yо‘li bilan aniqlangan.
Vitamin D ning kimyoviy tuzilishini о‘rganib, raxitga qarshi ta’sir etadigan kimyoviy
jihatdan bir-biriga yaqin bir necha birikma bor deb, xulosa chiqaradilar. Ularni D
1
, D
2
, D
3
, D
4
,
D
5
vitaminlari deb atashadi. Bu birikmalarni hayvon yog‘laridagi 7-degidroxolesteringa va
о‘simlik yog‘laridagi ergosteringa ultrabinafsha nurlari ta’sir ettirib olishadi. Fotokimyoviy
reaksiya natijasida hosil bо‘luvchi birikmalar raxitga qarshi juda kuchli ta’sir kо‘rsatadi.
Masalan, vitamin D
2
– ergokalsiferol – kalamush bolalariga har kuni 0,025 mkg berib turilganda
raxitning oldini oladi [11; 37].
Vitamin D odam terisida ultrabinafsha nurlar ta’sirida 7-degidroxolesterindan hosil bо‘lishi
mumkin. Bolalar yozdan kо‘ra qishda raxit bilan kо‘proq og‘riydi, degan qadimgi kuzatish shuni
tasdiqlaydi. Oftobda yurish yoki sun’iy ultrabinafsha nurlardan bahramand bо‘lish raxitni
davolash va oldini olish uchun eng kuchli vositadir.
12
Baliq moyi bilan tuxum sarig‘i vitamin D ning eng boy manbalaridir. Emadigan bolaga bir
sutkaga 10-25 mkg vitamin D (kristall preparati) kerak [43]. Bu doza raxitning oldini oladi va
kalsiyning normal almashinuvini ta’minlaydi. Katta yoshli kishilar ham ovqat bilan oz-ozdan
vitamin D olib turishi zarur [49].
Dostları ilə paylaş: |