AZƏRBAYCAN MİLLİ ELMLƏR AKADEMİYASI
NİZAMİ adına ƏDƏBİYYAT İNSTİTUTUNUN ELMİ ƏSƏRLƏRİ
“ƏDƏBİYYAT MƏCMUƏSİ”, 2015, № 1
Mahmizər MEHDİBƏYOVA
Filologiya üzrə fəlsəfə doktoru
Nizami adına Ədəbiyyat İnstitutu
Afaq10@mail.ru
MƏHƏMMƏDƏLİ MƏHZUNUN LİRİKASI
Açar sözlər: lirik əsər, Cənubi Azərbaycan, ədəbi yaradıcılıq, ədəbi irs,
təsirlilik, poetik xüsusiyyət, ictimai motivlər
Key words: lyrical works, South Azerbaijan, literary activity, heritage,
expressiveness, poetic peculiarities, social motives
Ключевые слова: лирические произведения, Южный Азербайджан, ли-
тературное творчество, наследие, выразительность, поэтические особенности,
общественные мотивы
Sənət aləminə Rza xan diktaturasının təqibli-yasaqlı illərində
gələn Məhəmmədəli Məhzunun yaradıcılığı XX əsrin 40-cı illərindən
sonra yeni məzmun və məna kəsb etməyə başladı. Onun döyüşkən
qəzəlləri ilə uzun əsrlik formalaşma və tərəqqi yolu keçmiş qəzəl ka-
şanəsinə yeni ab-hava gəldi .
Həyata XX əsrin özü ilə birgə qədəm qoyan Məhəmmədəli ata-
sını çox erkən itirmiş, böyük qardaşının himayəsi altında yaşamış, ağır
iqtisadi həyat şəraiti onu dəmirçilik və fotoqraflıq sənətini öyrənməyə
məcbur etmişdir.
Uşaqlıq və gənclik illərini Şimali Azərbaycanda – Gədəbəydə
keçirən Məhəmmədəli Məhzun 1938-ci ildə ailəsi ilə birgə Sovet
vətəndaşlığı olmadığı üçün SSRİ-dən İrana köçməyə məcbur edilir.
İranda onun özü və ailəsi təqiblərlə üzləşir və o, şah xəfiyyələrinin
fəallaşdığı bir mühitdə yaşamağa məcbur olur. Qəlbində poeziyaya,
xüsusilə, Füzuli sənətinə sönməz bir atəş alovlanan Məhəmmədəli
Məhzun poetik əsərləri ilə bu qənaətə gəlir ki, yarın vəfasızlığından,
cövri-cəfasından gileylənmək özü də dövr və zamanın əzab və işgən-
cələrindən şikayətlənmək kimi bir şeydir. O, şeirlərinin birində o
yazır:
Qızarmış lalətək bağrım sənin daği-fərağından,
Gəzər Məcnun olan könlüm , gecə -gündüz sorağında (1, 10).
Güney Azərbaycanda hər günü, ayı qaynar hadisələrlə zəngin
olan XX əsrin 40-cı illərinin birinci beşilliyi Məhzun yaradıcılığına
döyüş və səfərbərlik ruhu bəxş etdi. M.Məhzun 1942-ci ilin yan-
varından “Vətən yolunda” adlı qızıl əsgər qəzetinin nəzdində təşkil
edilən “Şairlər məclisi”nin fəal iştirakçılarından olmuşdur. “O za-
manadək adətən pərakəndə halda, həm də başlıca olaraq epiqonçu
Şərq ədəbiyyatının təsiri altında yazıb-yaradan şairlərin mütəşəkkil-
ləşməsində və onların yaradıcılıqlarına müasir tələblər mövqeyindən
istiqamət verilməsində bu məclisin tarixi rolu olmuşdur” (2).
O zamanlar özünün müasir ruhlu qəzəlləri ilə şöhrət tapan Mə-
həmmədəli Məhzunun “Qəzəllər” adlı ilk kitabı məhz “Şairlər məc-
lisi”nin nəşri kimi işıq üzü görmüşdür.
Milli Hökumət dövründə “Şairlər məclisi”nin təsiri ilə yaranan
və təkcə Təbrizdə yaşayan qələm sahiblərinin deyil, digər şəhərlərdə
olan ədəbi qüvvələri öz ətrafında birləşdirən “Şairlər və yazıçılar
cəmiyyəti”nin tərkibində də M.Məhzunun geniş fəaliyyəti olmuşdur.
Həmin illərdə Ə.Fitrət, M.Etimad, M.Çavuşi, İ.Zakir kimi şairlərlə
yanaşı, M.Məhzunun da səsi eşidilməkdə idi.
Məhzun, əsasən qəzəl və məhəbbət şairidir. Lakin xalqın ağ
günlərə çıxdığı vaxtlarda o, ictimai mövzulara daha çox üstünlük verir
və xalqın azadlıqla dolu olan əhvali-ruhiyyəsini tərənnüm edərək
şeirlərindən birində yazırdı:
Qurtarıb fəsli-xəzan, gəlmiş bahar əyyamımız,
Badeyi-məşrutədən ləbriz olubdur canımız.
Huri-hürriyyət tapıb, çatdı zamandan dadımız,
Vaxt gəlib çatmış, oyan, ey kamran oğlanları (2).
M.Məhzunun şəxsi və ədəbi taleyi elə gətirmişdir ki, onun vətən
üçün kədərləndiyi və göz yaşları axıtdığı günlər vüsal anlarından qat-
qat çox olmuşdur.
Onun mübariz ruhlu şeirləri qurtuluş uğrunda döyüşə gedən fə-
dailərin “cərgələrinə qoşuldu”. M.Məhzun qələminin məhsulu olan
“Qoy vətən gülzarə dönsün, barı dolsun bağımız”, kimi misralar oxu-
nan nəğmələrin nəqəratına çevrildi.
Güney Azərbaycan, yəni Vətən azadlığa qovuşduqdan sonra 21
Azər 1945-ci ildə M. Məhzun yaradıcılığı yeni ahəng və məzmun kəsb
etməyə başladı. Bir zamanlar gözəllərin vəfasızlığından söz açan,
giley dolu misralar indi cananın sədaqətindən bəhs edən misralarla
əvəzlənməyə başladı. Təbii ki, şairin nikbin misraları yalnız nazlı ni-
garın vəslindən nəşət etmirdi və bu misralar vətənin ağ günlərə qo-
vuşmaq bəxtəvərliyindən doğan fərəh idi:
Bəsdir Məhzun, gəl vəfalı məhliqalardan danış,
Dərdinə dərman olar ancaq bu cür dərman ilə (3, 50).
Məhəmmədəli Məhzunun həmin illərdə yazdığı bir çox qəzəllə-
rinin ədəbi həyatda canlanma yaratması heç də gözlənilməz hadisə
deyildi. Şair həmin qəzəllərin bir çoxunu musiqiyə, ictimai motivlərə
həsr etmişdir. Burada ümdə cəhət müəllifin həyata məhz yeni mühitin
doğurduğu əhvali-ruhiyyə ilə yanaşmasındadır. Bu dövr elə bir dövr
idi ki, kəndli öz torpağını əkib-becərir, fəhlə istehsal etdiyi məhsulun
əsl sahibinə çevrilirdi. Bütün bunlarla yanaşı, musiqinin cəmiyyət
həyatında oynadığı rolu da şairin yüksək qiymətləndirməsi oxucunu
razı salır. Şeirlərinin birində o yazır:
Tapıldı dərdinə dərman cahanda, ey Məhzun,
Sənin də dərdinin axır davası musiqidir (4, 20).
Ümumgüney poeziyasına xas olan bir motivin M.Məhzunun ya-
radıcılığında qirmızı xətt kimi ötüb keçdiyini müşahidə etmək çətin
deyil. Bu motivin araşdırılması şairin poetik aləmi ilə daha yaxından
tanış olmaq üçün də gərəklidir. Bu motiv isə 1946-cı ilin məlum ha-
disələrindən sonra doğma ata-baba torpağından didərgin salınaraq
düşdüyü qürbət diyarda vətənə bəslənən ikili münasibət məsələsi idi.
Bunları bir-birindən fərqləndirməkdə şair alqışa layiq müdriklik gös-
tərmişdi. Bu baxışın – motivin bir qütbündə vətəni göz bəbəyi hesab
edən “aşağı təbəqəyə” mənsub safniyyətli adamlar, o biri qütbündə isə
vətən torpağında yaranan ədalətsiz mühitdən faydalanmağa can atan
nankorlar, ölkədə hökm sürən qəddar siyasi rejim dayanırdı. Şairin bu
vəziyyətə münasibəti, doğma torpağa bəslədiyi övlad məhəbbəti
“Təbriz” adlı şeirində özünün paklığı və səmimiyyəti ilə əksini tap-
mışdır:
Halal südündədir bədəndə qanım,
Əvvəli varlığım, biləyim, canım.
Dostları ilə paylaş: |