27
bağlı problemlər də daxildir. Ancaq narkomaniyaya aludə ol-
maq səbəbini yalnız sosial vəziyyətlə bağlamaq olmaz. Uşaqlıq
yaşlarından başlayaraq təlim-tərbiyə işlərini düzgün şəkildə
həyata keçirmək lazımdır ki, yeniyetməlik və gənclik dövründə
bu cür hallarla qarşılaşmayasan. Təbliğat cəmiyyətdən gəlsə də
bu ailələr səviyyəsində, məktəb səviyyəsində yetərincə aparıl-
malıdır. Məktəblərdə maarifləndirmə işləri lazımi səviyyədə
təşkil olunmalı, asudə vaxtın səmərəli təşkilindən tutmuş insa-
nın düzgün formalaşmasına qədər kompleks tədbirlər planı
həyata keçirilməlidir. Lazım gəldikdə kitabxanalar bu mövzu
ilə bağlı öz tədbirlərini böyük auditoriyalarda: məktəblərin,
mədəniyyət şöbələrinin akt zallarında təşkil etməli, bütün yerli
əhalini bu tədbirlərə cəlb etməlidir.
Narkomaniyaya qarşı mübarizədə ictimai təşkilat, mətbuat,
mədəni-maarif orqanları və kitabxanalarla yanaşı, valideynlərin
də rolu böyükdür. Onlar məktəb və kitabxanalarla sıx əlaqə
saxlamalı, övladlarının tərbiyəsində yaxından iştirak etməlidir-
lər. Lazım gəldikdə valideynlərlə uşaqlar arasında bu cür möv-
zular açıqlanmalıdır. Ümumiyyətlə, yaxşı mənada uşaqları təh-
sillə elə yükləmək lazımdır ki, onların boş vaxtı qalmasın və
başqa əyləncə axtarmaq niyyətinə düşməsinlər.
28
ƏLAVƏLƏR
Əlavə 1.
Narkomanlar üçün məhdudiyyətlər qoyulmuş peşə növləri-
nin və vəzifələrin siyahısının təsdiq edilməsi haqqında
AZƏRBAYCAN RESPUBLİKASI NAZİRLƏR
KABİNETİNİN QƏRARI
“Narkotik vasitələrin, psixotrop maddələrin və prekursor-
ların qanunsuz dövriyyəsi ilə mübarizə haqqında” Azərbaycan
Respublikası Qanununun tətbiq edilməsi barədə Azərbaycan
Respublikası Prezidentinin 1999-cu il 4 avqust tarixli, 174
nömrəli Fərmanının icrasını təmin etmək məqsədi ilə
Azərbaycan Respublikasının Nazirlər Kabineti qərara alır:
1. Narkomanlar üçün məhdudiyyətlər qoyulmuş peşə növ-
lərinin və vəzifələrin siyahısı təsdiq edilsin (əlavə olunur).
2. Bu qərar imzalandığı gündən qüvvəyə minir.
Azərbaycan Respublikasının Baş naziri A.Rasizadə
Bakı şəhəri, 15 mart 2000-ci il №47
29
Əlavə 2
Azərbaycan Respublikası Nazirlər Kabinetinin
2000-ci il 15 mart tarixli, 47 nömrəli qərarına
ƏLAVƏ
Narkomanlar üçün məhdudiyyətlər qoyulmuş peşə
növlərinin və vəzifələrin
Siyahısı
1. Dərman preparatlarının, narkotik vasitələrin, psixotrop mad-
dələrin, prekursorların tədqiqatı, istehsalı, qablaşdırılması, tətbiqi,
saxlanılması və satışı prosesində iştirak edən idarə, müəssisə və
təşkilatlarda bütün peşə və vəzifələr üzrə işçilər.
2. Təcili yardım stansiyalarının həkimləri, tibb müəssisələrində
anestezioloq-reanimatoloqlar, onkoloqlar və s. işçilər (bilavasitə nar-
kotik maddələrin istifadə edilməsi və məsləhət görülməsi ilə əlaqədar
olan tibb işçiləri).
3. Bütün tədris-tərbiyə müəssisələrinin işçiləri.
4. Uşaq və yeniyetmələrin (mövsümi) sağlamlıq müəssisələrinin
işçiləri, məktəbdənkənar müəssisələrin işçiləri.
5. Məktəbəqədər uşaq müəssisələrinin işçiləri.
6. İstehsalatda texniki təhlükəsizliyin təmin edilməsində çalışan
işçilər.
7. Xüsusi rabitə şəbəkəsinin işçiləri.
8. Hərbiləşdirilmiş
mühafizə xidmətlərində bütün peşə
növlərinin işçiləri.
9. Silah və sursatın daşınmasına, tətbiq edilməsinə və
saxlanmasına icazəsi olan işçilər.
10. Müdafiə, təhlükəsizlik, məhkəmə və hüquq mühafizə
orqanlarının işçiləri.
30
11. Bütün müəssisələrdə və bank sistemində xəzinə müdirləri,
xəzinədarlar və nəğd pul əməliyyatlarında məşğul olan mühasib və
nəzarətçilər.
12. İnkassatorlar.
13. Qaz xilasetmə xidməti, açıq qaz və neft fəvvarələrinin
qarşısının alınması və aradan qaldırılması üzrə dağ, dağxilasetmə
komandaları, yanğından mühafizə xidməti işçiləri.
14. Neft-qaz sənayesi müəssisələrində bilavasitə istehsalat
prosesi ilə bağlı bütün növ peşə və vəzifələr üzrə işçilər.
15. 127 V və daha yüksək gərginlikli qurğulara xidmət göstərən,
operativ dəyişmələr edən növbətçi heyət, həmin elektrik qurğularında
sazlama, quraşdırma və yüksək gərginlik altında sınaqlar və iş aparan
heyət.
16. İqtisadiyyatın bütün sahələri üzrə dispetçerlər.
17. Partlayıcı maddələr tətbiq olunan, partlayış və yanğın
təhlükəsi olan istehsalat sahələrində məşğul olan bütün işçilər.
18. Nəqliyyatın bütün növlərini idarə edən işçilər, o cümlədən
müəssisədaxili hərəkət ilə bilavasitə əlaqədar olan işçilər (avtoyüklə-
yicilərin, elektrokarların sürücüləri, nizamlayıcılar).
Dostları ilə paylaş: |