Müşahidə Şurası sədrinin müraciəti İdarə Heyəti sədrinin müraciəti
Yüklə 4,76 Mb. Pdf görüntüsü
|
| 41 40 Korporativ biznesə xidmət 2011-ci ili korporativ müştərilər və biznes-dairələrinə “Unibank” tərəfindən göstərilən xidmətlərin inkişafında önəmli dövr olduğunu adlandırmaq olar. İlk növbədə ona görə ki, hesabat ilində korporativ xidmətlər bloku üzrə bir neçə vacib göstəricilərin artımı müşahidə edilir. Korporativ müştərilərin kredit portfelində artım qeyd olundu, hesablaşma-kassa əməliyyatlarının həcmi və ən əsası sayı yüksəldi, xidmət olunan müştərilərin biznes-fəaliyyəti isə önəmli sürətdə genişləndi. Bundan başqa, il ərzində korporativ müştərilər və biznes sahiblərindən cəlb olunan depozit portfeli əvvəlki il ilə müqayisədə 11,1% artırılıb. Nəticə olaraq, son zamanlar bank xidmətləri bazarında ən çətin sayılan xidmətlər blokunun inkişafında, sadalanan göstəricilərlə bərabər maliyyə effektivlik də artıb. Bankın mənfəətinə birbaşa təsir göstərən problemli korporativ kreditlərin uğurlu idarə olunmasıdır. Bu növ borcalmaların sayı və həcmi 2011-ci ildə azaldılıb, bu da öz növbəsində yeni müştərilərin kreditləşdirilməsində konservativ yanaşmadan kənar olmağa imkan verir. 2011-ci ildə “Unibank” qarşısında duran prioritetlərdən biri tranzaksiya biznesinin inkişafı olub. Bunun üçün korporativ müştərilərin əməliyyatlar modeli təkmilləşdirilərək, Bankın komissiya siyasətində isə müştərinin loyallığı naminə güzəştlərin tətbiq olunması başlanıb. Atılan addımlarla bərabər korporativ müştərilər tərəfindən aparılan əməliyyatların daha tez və rahat həyata keçirilməsi üçün İnternet-bank proqram təminatının interfeysi və funksionallığı təkmilləşdirilib. İl ərzində korporativ müştərilərin sayı 3 926 –dan 4 041-ə qədər artıb. 2011-ci il ərzində «Unibank» fəal sürətdə müştərilərin ticarət və ixrac maliyyələşdirməsini aparıb. Bu növ əməliyyatlarının həcmi 2010-cu il ilə müqayisədə 37% artaraq, 16 milyon manata bərabər olub. Bank ixrac-kredit agentliklərinin zəmanətlərindən və strukturlaşdırılmış maliyyələşdirmə alətlərindən istifadə etməklə ticarət maliyyələşdirilməsi alətlərini inkişaf etdirib. Bu zaman zəmanətli əməliyyatlardan əldə olunan gəlir 280 min manata yaxın olub. Korporativ biznesə göstərilən inkassasiya xidmətlərinin göstərilməsi üzrə gəlirlər də 92 min manat təşkil edib. Ənənəvi olaraq, korporativ müştərilərin kreditləşməsi «Unibank» üçün əsas hədəflərdən biridir. 2011-ci il ərzində Bank korporativ müştərilərə 63 milyon manat məbləğində kreditlər ayırıb. Təbii ki, Bankın rəqabət üstünlükləri sırasında kiçik və orta biznesin dəstəklənməsi olub. Bu mənada hesabat ili də istisna təşkil etməyib, 2011-ci ildə Bank sabit maliyyə vəziyyəti olan kiçik və orta müəssisələrə 59 kredit vəsaiti ayırıb. Kiçik sahibkarlıq subyektlərinin müəyyənləşdirilməsində inkişaf etmiş ölkələrin təcrübəsinə əsaslanmış, beynəlxalq qurumların tövsiyələri nəzərə alınmışdır. Sənaye və tikintidə işçilərin sayı 50 nəfərdən az və illik dövriyyəsi 500 min manatadək, kənd təsərrüfatında işçilərin sayı 25 nəfərdən az və illik dövriyyəsi 250 min manatadək, topdansatış ticarətdə işçilərin sayı 15 nəfərdən az və illik dövriyyəsi 1 milyon manatadək, pərakəndə satış ticarət, nəqliyyat, xidmət və digər iqtisadi fəaliyyət növlərində işçilərin sayı 10 nəfərdən az və illik dövriyyəsi 250 min manatadək olan müəssisələr kiçik sahibkarlıq subyektləri hesab olunurlar. İl ərzində Bank Azərbaycan Respublikası Sahibkarlığa Kömək Milli Fondunun müvəkkil kredit təşkilatı kimi kredit yarmarkalarında iştirak etmişdir. Nəticədə güzəştli kredit almaq üçün sahibkarlıq subyektlərinin onlarla müraciətləri qəbul edilib və qeydiyyata alınıb. Qeyd edək ki, Fond tərəfindən aparılan monitorinq zamanı güzəştli kredit vəsaitlərinin təyinatdan kənar istifadə edilməməsi halları aşkar edilməyib. Bundan başqa, 2011-ci ilin sonunda sahibkarlar və korporativ müştərilər üçün «Faizlər hədiyyə» aksiyası keçirildi. Aksiyanın şərtlərinə görə, ilk ayda müştərilər tərəfindən ödənilməyəcək faizlər hesabına biznes- kreditlərin dəyəri aşağı endirilib. Belə ki, 2011-ci ilin dekabrın 1-dən 2012-ci ilin yanvarın 31-dək müraciət etmiş sahibkarlar və korporativ müştərilər üçün, kreditin cəlb olunduğu ilk ay ərzində faiz hesablanmırdı. Aksiyanın şərtləri biznes-kreditlərinin, demək olar ki, bütün növlərinə, o cümlədən dövriyyə vəsaitlərinin artırılması, əsas vəsaitlərin əldə olunması, malların alınması, xidmətlərin ödənilməsi, vacib sövdələşmələr üzrə öhdəliklərin yerinə yetirilməsi üçün cəlb olunan vəsaitlərə şamil edildi. Biznes- kreditlər üzrə tətbiq olunan illik faiz dərəcəsi 18% təşkil edib, kreditləşmə müddəti 1 ildən 4 ilə qədər, güzəştli şərtlərlə kreditlərin məbləği isə 20000- 500000 AZN-ə qədər olub. Aksiyanın əsas üstünlüyü kreditin qaytarılması müddətinin təxirə salınması yox, ilk ay üçün faiz dərəcəsinin ödənilməməsidir. Bu da müştəri xərclərinin azaldılması və “Unibank”- ın Azərbaycan biznesinin etibarlı tərəfdaşı kimi mövqeyini möhkəmlənməsinə xidmət edir. İnformasiya texnologiyalari “Unibank”-ın yenilikçi xidmətlərlə seçilməyi və uğuru bir çox hallarda tətbiq və istifadə etdiyi informasiya texnologiyalardan asılıdır. Hesabat ili ərzində kredit fəallığın nəzərə çarpacaq dərəcədə artımını nəzərə alsaq, informasiya texnologiyaları sahəsində də bir neçə layihənin həyata keçməsini qeyd etmək lazımdır. İlk əvvəl Bankın skorinq sistemləri yeni ORACLE platformasına keçirildi. Nəticədə bütün məhsullar üzrə paket sənədlərin formalaşması və çap edilməsi mümkün oldu. Bu məhsullar sırasına “Al Kart” kredit kartları ilə bərabər, Nağd kredit, blank kreditləri və Bankın tərəfdaşları vasitəsi ilə (Embawood, DNS və digər) təqdim edilən kreditlər daxil edildi. Bundan başqa, ilk dəfə olaraq 2010-cu ildə işə salınan “UCAS” Kredit risklərinin təhlili sisteminin korporativ müştərilərin sifarişlərinə şamil olunması təmin olundu. 2011-ci ildə Bankda İT-infrastrukturun daima artan əməliyyatların həcminə uyğunlaşdırılması prosesi başa çatdırılmışdır, server və kompüter parkının yenilənməsi yekunlaşdırılıb, yeni nəsil rabitə sisteminin proqram təminatı təkmilləşdirilib. Eyni zamanda, gələcəkdə xüsusi əhəməyyət kəsb edən və həyata keçirilməsi 2012-ci ilə planlaşdırılan taksit kartlarının satılması üçün xüsusi proqram təminatı hazırlanmışdır. Ötən ilin sentyabr-oktyabr aylarında isə problemli aktivlərin idarə edilməsi və problemli müştərilər tərəfindən verilən sifarişlərin xüsusi stop-listə avtomatik olaraq əlavə olunması sistemi tətbiq edildi. Bank xidmətinin yüksək texnoloji istiqaməti kimi 2011-ci ildə İnternet-bankinq sistemi inkişaf etdirilərək, müştərilərə vaxtlarına əhəmiyyətli dərəcədə qənaət etməyə imkan verən yeni interfeysdə təqdim olundu. Bundan başqa, bu sistemdə dünyanın istənilən nöqtəsindən həyata keçirilə bilən yeni funksiyalar tətbiq olundu. Qeyd edək ki, “Unibank”-da istifadə olunan informasiya texnologiyalarına dair hesabat hər Mərkəzi Banka verilən prudensial hesabatlarla birgə təqdim olunur. Bank İnformasiya Texnologiyaları sahəsində apardığı işləri 2012-ci ildə də davam etdirməyi planlaşdırır. «Unibank»-ın kredit xidmətlərinə biznes-qurumların ehtiyacı artır. Xidmətlərimizə artan tələbatı nəzərə alaraq, biz biznes-kreditlərimizi daha sərfəli edərək, ədalətli şərtlərlə maliyyə xidmətləri göstəririk və bununla da iş adamlarının etimadını qazanırıq» Vaqif Qəribli Korporativ xidmətləri üzrə direktor
Yüklə 4,76 Mb. Dostları ilə paylaş:
|