Müşahidə Şurası sədrinin müraciəti İdarə Heyəti sədrinin müraciəti
Yüklə 4,76 Mb. Pdf görüntüsü
|
43 42 Bakı şəhər bələdiyyəsi tərəfindən çap olunan pul əskinazları Nominalı 50 qəpik, 1 və 25 rubl təşkil edən ilk “Bakı pulları”, yanvar-iyul 1918-ci il
45 44 İnsan resursları Personalın inkişafı Azərbaycanın ən iri özəl banklarından biri olan «Unibank», məsuliyyətli iş təminatçısı statusunu təsdiqləyərək, əməkdaşlarının sayının daima artırır. Belə ki, 2011-ci ildə Bankın komandasına əlavə olaraq 245 yeni mütəxəssis cəlb olunub. Nəticədə işçilərin ümumi sayı 17,6% artaraq ilk dəfə 835 nəfərə çatıb. Artıq bu göstərici ölkənin özəl bank sektorunda çalışanların 10% deməkdir. İşə cəlb olunan əməkdaşların əksər hissəsi vakant yerlərə elan olunan açıq müsabiqələrdə seçilmişdilər. Vakansiyalar üzrə aparılan seçim namizədlərin səriştəsi, iş təcrübəsi, təlim və təhsil səviyyəsindən irəli gələn amillərə əsaslanırdı. Mikromaliyyə alətlərin və pərakəndə biznesinin sürətli inkişafını nəzərə alaraq, cəlb olunan yeni işçi heyətindən az olmayan hissəsi bu sahələrdə çalışacaq. İnsan Resursları bölməsi tərəfindən onlar üçün Bankın “Unitraining” təlim mərkəzində Alman-Azərbaycan Fondu (GAF) ilə birlikdə xüsusi treninq təşkil olunmuşdur. Bundan başqa, bankdaxili attestasiyalar nəticəsində aparılan rotasiyalar ötən il 150 işçiyə şamil olunub. Maraqlıdır ki, onlardan 120 nəfər məhz yuxarı vəzifələrə keçirilib. Eyni zamanda, mövcud işçi heyəti arasında maddi həvəsləndirmə addımları aparılıb. Əməkdaşların 50%-nin əmək haqları 10-15% qaldırılmış, işçi heyətinin 1/3 hissəsində isə maddi həvəsləndirmə addımları tutduqları vəzifə və peşə dərəcələrin artırılması ilə bərabər keçirilib. Belə ki, 2011-ci ildə menecerlər və supervayzer vəzifələrinə 24 nəfər sıravi işçi dəvət olunub. Eyni zamanda, bütün filial menecerləri və baş mühasibləri Azərbaycan Respublikası Mərkəzi Bankının tələblərinə uyğun Bank Tədris Mərkəzində müvafiq sertifakasiya prosedurunu uğurla başa vurublar. Motivasiya proqramları 2011-ci ilin aprel ayında kiçik və orta biznes sahiblərinin Banka cəlb olunması üzrə əməkdaşlar arasında motivasiya proqramına start verildi. Əsas müsbət nəticə kimi, Bankın 33 əməkdaşı tərəfindən ümumi məbləğləri 2,815 mln. manata çatan 53 kreditin ayrılmasında iştirakını qeyd etmək olar. Əməkdaşların fəallığı hesabına iki yeni müştəri 130 min manat həcmində zəmanətlərin verilməsinə cəlb olunub. Bundan başqa, daha 13 korporativ müştəri “Unibank”-ın hesablaşma-kassa xidmətlərindən istifadə etməyə başlayıb. Sadalanan əməliyyatlardan Bankın əlavə qazancı 65,47 min manat təşkil etdiyi halda, ötən ilin aprel ayında start götürən motivasiya proqramında iştirak edənlərə bu məbləğin 13% ödənilib. İnsan resursları bölməsinin iştirakı ilə 2011-ci ildə “Unibank”-da “Yeni İDEA” layihəsinə start verildi. Əməkdaşların təşəbbüsünü dəstəkləyən Bank rəhbərliyi, onlar tərəfindən irəli sürülən hər bir ideyaların göndərilməsi, toplanması və öyrənilməsi üçün xüsusi sistem yaratdı. “Yeni İDEA” layihəsi Bankın struktur bölmələrinin işinin təkmilləşdirilməsi, müştəri xidmətinin yaxşılaşdırılması, məhsul xəttinin genişləndirilməsi məqsədi ilə səmərələşdirici təkliflərin qeydə alınmasına və təhlil olunmasına yardım edir. Bir nəticə kimi il ərzində bu layihə çərçivəsində onlarla əməkdaşdan 100 yaxın təklif və ideyalar irəli sürülmüş. Təklif və təşəbbüslərin bir neçəsi artıq həyata keçirilir. Cəmi 75 müəllifin təklifləri sırasında 24 səmərəli təşəbbüs təqdirəlayiq və ən əsası aktual hesab edilib. Bankın İnsan resursları bölməsi tərəfindən mütəmadi təşkil olunan işlərdən biri “İşçi məmnunluğu” mövzusunda sorğudur. 2011-ci ildə keçirilən sorğuda ilk dəfə olaraq 406 nəfər iştirak edib. Əsas məqsəd əməkdaşların iş həyatında məmnun və qeyri–məmnun olduğu vəziyyətlər barədə kifayət qədər məlumat əldə etmək idi. İşçilərə təklif olunan 50 sualdan hər birinə cavablar məmnunlluq dərəcələrini əks etdirən hazır cavab formaları təklif olunurdu. Suallar 3 qrup üzrə bölünmüşdür: komanda ruhu və idarəetmə, motivasiya və HR ilə əlaqəli fəaliyyət. Motivasiya mövzusunda verilən sualların cavabları, əməkdaşların əksər hissəsində (71%) məsələyə müsbət yanaşmasını aşkarlayıb. Eyni zamanda, İnsan resursları bölməsinin işinə aid verilən cavablar, işçilərin “Unibank”-da tətbiq olunan HR-siyasətdən razı qalmaqlarına dəlalət edirlər. Qeyd edək ki, obyektivlik naminə sorğu məhz anonim sürətdə təşkil olunub. Gənclərlə iş HR-menecmentin təşəbbüsü ilə hesabat ili ərzində Bankda 200-ə yaxın tələbə təcrübəkeçmə proqramlarında iştirak edib. Onların cəlb olunması müxtəlif dövlət və özəl universitetlərin karyera mərkəzləri ilə yaradılan sıx əməkdaşlıq nəticəsində təmin olunub. Bu zaman, əlavə işçi qüvvəsinin dəvət olunması ilə bərabər, gənclərin gələcək peşələrinə adaptasiyaları üçün bütün lazımi şərait yaradılıb. İlin sonunda iqtisadi profilli universitetlərdə təhsil alan istedadlı tələbələr arasında “UniŞans” müsabiqəsi keçirildi. Seçilən tələbələrə 100 AZN məbləğində xüsusi iki illik təqaüdün ödənilməsi barədə qərar çıxarıldı. Layihənin daimi əsaslarda həyata keçirilməsi 2012-ci ildən aparılır. Unitraining İl ərzində “Unitraining” təlim mərkəzində 80 yaxın treninq keçirilib. Onlardan 27 təlim proqramı aktual sayılan bankdaxıli prosedurlara və qaydalara aid olub. Təlim proqramlara 800 nəfər işçi cəlb olunub. Təlim aparan Bank işçilərin sayı bu zaman 24-ə çatdırılıb. 2011-ci ildə “Unitraining” təlim mərkəzində məşhur rusiyalı biznes-trenerlərin iştirakı ilə idarəetmə strategiya və təlimlərin peşəkar təşkili üzrə xüsusi təlimlər keçirilib. Miqyaslı maliyyə və istehsal qurumlarda iyirmi illik təcrübəsi olan Rusiyanın “TrenerPROFİ” Mərkəzinin təmsilçisi Natalya Krasnova, Bankıın 25 menecerləri üçün layihələrin idarə olunması, strategiyaların qurulması, təşkilatı strukturların optimallaşdırılması, eləcə də hər bir işçinin töhvəsini əks etdirə bilən əmsalların (Кey Performance İndicators), hesablanması üzrə treninq keçirib. Üç gün davam edən intensiv təlimlərdə onlarla menecerlərlə bərabər, Bankın rəhbərləri də iştirak edib. Bu zaman xarici treyner tərəfindən operativ və strateji idarəetmə sahəsində müsbət xarici təcrübələrə xüsusi diqqət yetirilib. Bundan başqa, daha bir tanınmış xarici ekspert tərəfindən “Trenerlər üçün treninq” mövzusunda korporativ təlim təşkil olunub. Bu təlimlərdə 30-dan çox mütəxəssis iştirak edib. Treninqləri məşhur “DeltaKredit” bankının treninqlər və personalın inkişafı mərkəzinin rəhbəri, London Metropolitan University-nin yetirməsi Valentina Satarova keçirdi.
Yüklə 4,76 Mb. Dostları ilə paylaş:
|