MİLLİ GÖRÜŞ
12
bütün insanlığın xoşbəxtliyi üçün insanlığa böyük
xidmətlər etmiş və insanlıq mədəniyyətinə öz
töhfələrini vermişdir.
Müsəlmanlığın qayəsi bütün insanların dünya
və axirət xoşbəxtliyidir. Yaxşı bir insan ola bilmək
və dünya imtahanından keçə bilmək üçün hər bir
müsəlman bütün insanların xoşbəxtliyi üçün Cənabı-
Haqqın verdiyi yuxarıda bildirilən məziyyətlərlə:
a) Doğru və yanlışı ayırdıqdan sonra doğrunun
hakim olması üçün,
b) Yaxşı ilə pisi, gözəl ilə çirkini ayırd etdikdən
sonra yaxşı və gözəlin hakim olması üçün,
c) Faydalı və zərərlini ayırd etdikdən sonra
faydalının hakim olması üçün,
ç) Ədalət və zülmü ayırd etdikdən sonra ədalətin
hakim olması üçün bütün gücü ilə fəaliyyət göstərməyi
özünə vəzifə bilər və bunu ən böyük ibadət sayar,
çünki səadət və xoşbəxtlik doğrunun, yaxşı və gözəl
olanın, faydalının və ədalətin hakim olması ilə ortaya
çıxır.
Və yaxşı insan olmaq üçün hamının yaxşılığını
istəmək və bu yolda ciddiyyətlə işləmək lazımdır.
c. 2. İslam Mədəniyyətinin Səadət və Xoşbəxtliklə
Əlaqədar Əsas Xüsusiyyətləri:
Səadət və xoşbəxtliyin şərtlərini həqiqətə çevirə
bilmək üçün müqayisələr aparmaqdan ötrü bu
xüsusiyyətlərin qrafik şəkildə göstərilməsi böyük
əhəmiyyət kəsb edir.
Bu qrafikdən göründüyü kimi İslam mədəniyyətinin
əsas xüsusiyyətləri bunlardır:
1. Hüzur və sülh üçün: “Şəfqət, sevgi, tolerantlıq/
dözüm”.
2. Hürriyyət və azadlıq üçün: “İnsan haqlarına
hörmətlə yanaşmaq və əsas insan haqlarına böyük
əhəmiyyət vermək”.
3. Ədalət üçün: “Əsl haqq anlayışı. Haqqı üstün
tutmaq”.
4. Rifah üçün: “Özün üçün istədiyini qardaşın
üçün də istəmək”, “Hamı üçün Rifah”, “Ədalətli
Əməkdaşlıq”.
5. İzzət və Etibar üçün: “Hər şeydən əvvəl
əxlaq və mənəviyyat”a böyük əhəmiyyət vermək.
“Mənəviyyatçı olmaq”, “Nəfsin tərbiyə olunmasını
əsas götürmək”.
ç) Qərb Mədəniyyətinin Səadət və Xoşbəxtliklə
Əlaqədar Xüsusiyyətləri:
Buna zidd olaraq qərb mədəniyyətinin
xüsusiyyətləri aşağıdakılardır:
1. Hüzur və sülh ilə əlaqədar olaraq: “Müsəlmanlara
qarşı kin və nifrət hissi”.
2. Hürriyyət və azadlıqla əlaqədar olaraq:
“Təzyiq, təhəkküm (hakim olmaq, məhkum etmək),
müsəlmanlar üçün insan haqlarının olmaması”.
3. Ədalətlə əlaqədar olaraq: “Yanlış haqq anlayışı,
gücə üstünlük vermək, ikili standart”.
4. Rifahla əlaqədar olaraq: “Mənfəət, doymaq
bilməyən tamah, istismar, kapitalizmin insana verdiyi
“İnsan insanın qurdudur” – tərifi”.
5. İzzət və etibarla əlaqədar olaraq: “Materializm,
nəfsə əsir olmağı əsas götürmək”.
d) Qərb Mədəniyyəti Nə Özünü, Nə Də İslam
Mədəniyyətini Tam Şəkildə Tanımır:
Qərb mədəniyyətinə görə tərbiyə olunmuş insanlar
öz mədəniyyətlərinin əsasında yuxarıda açıqladığımız
əsas xüsusiyyətlərin dayandığının fərqində deyildirlər.
Bu vəziyyət tərbiyə şərtləri və yaşadıqları şəraitin
meydana gətirdiyi təbii bir nəticədir. Bu, balığın bütün
kainatın sudan ibarət olduğunu zənn etdiyi kimidir.
Onlar aldıqları təlqinlərlə əsrlərdən bəri əslində bu
xüsusiyyətlər içində yaşamış və inkişaf etmişlər və
onlara belə təlqin edilmişdir ki, bu xüsusiyyətlər
insanlara xoşbəxtlik gətirəcək ən gözəl və ən doğru
xüsusiyyətlərdir. Onlarla əlaqə yaratmaq, şəfqətlə və
dostcasına dialoqla onları həqiqətlər barəsində xəbərdar
etmək lazımdır. Bunun bütün insanlıq üçün böyük bir
rolu vardır. Və bu mövzu insanlığın problemlərinin həll
olunmasında ən önəmli nöqtələrindən birini təşkil edir.
e) İslam Mədəniyyəti və Qərb Mədəniyyətinin
Əsas Xüsusiyyətləri:
İslam mədəniyyətinin əsas xüsusiyyətləri ilə Qərb
mədəniyyətinin əsas xüsusiyyətlərini asan şəkildə
müqayisə edə bilmək üçün bu xüsusiyyətlərə ən təsirli
əsas bir xüsusiyyətlə tərif vermək zərurəti vardırsa,
onu belə müəyyənləşdirə bilərik:
– İslam mədəniyyətinin əsas xüsusiyyəti: “Haqqı
üstün tutmaq”.
– Qərb mədəniyyətinin əsas xüsusiyyəti isə: “Gücü
üstün tutmaq”dır.
İnsanlıq tarixi boyunca insanların xoşbəxt olub-
olmadıqları baxımından yaşanan dövrlər araşdırıldıqda
görünür ki, nə vaxt “haqqı üstün tutan” bir zehniyyət
və mədəniyyət dövründə yaşamışdırlarsa, xoşbəxt
olmuşlar. Nə vaxt da “Gücü üstün tutan” bir zehniyyət
və mədəniyyət dövründə yaşamışdırlarsa, o vaxt da
xoşbəxt olmamışlar, daim zülm içərisində və iztirab
çəkərək yaşamışlar.
MİLLİ GÖRÜŞ
13
Buna görədir ki, Hz. Əbubəkr Siddiq (r. ə)
əfəndimiz xəlifə olduqdan sonra ilk xütbəsində belə
buyurmuşdur: “Ey insanlar! Sizin içinizdə ən yaxşınız
olmamağıma baxmayaraq, sizə rəhbər seçilmişəm.
Bu vəziyyətdə şayəd mən yaxşı hərəkət edərəmsə,
mənə yardım edin. Şayəd mən pis davranaramsa,
mənim səhvlərimi düzəldin. Həqiqətən, doğruluq
etimad və təhlükəsizlikdir. Yalan isə təhlükəsizlik və
etimada qarşı bir sui-istemaldır
1
. İndi sizin içinizdə
zəif olan (zülmə məruz qalmış, məzlum) şəxs onun
naminə haqqı alıncaya qədər o, mənim nəzərimdə
güclüdür və sizin içinizdə (zülm edən, zalım) olan
şəxs, haqqı ondan qoparıb alıncaya qədər mənim
nəzərimdə zəifdir inşallah!” Bu xütbədə deyilənlərin
çox böyük əhəmiyyəti və mənası vardır.
B. II. Doğru və Yanlış Haqq Anlayışlarının
Fərqi və Bunun Mədəniyyətlər Tarixinə Təsiri.
a) Doğru və Yanlış Haqq Anlayışlarının Fərqi;
“Əsl haqq anlayışı” ilə, yəni “Haqqı üstün tutmaq”
zehniyyyəti ilə “Yanlış haqq anlayışı”, yəni “Gücü
üstün tutmaq” zehniyyəti arasındakı fərq budur.
Nəzərinizə çatdıraq ki, tarix boyunca fironlar
insanlara zülm edərkən “biz sizə zülm edirik və
zülm etməyə davam edəcəyik”, – deməmişlər, “bu
etdiklərimiz bizim haqqımızdır”, – demişlər.
Halbuki zülm və iztirab sözü əslində “yanlış haqq
anlayışı”ndan qaynaqlanmışdır.
Aralarındakı haqq anlayışı fərqi budur.
Doğru haqq anlayışına görə haqq dörd şeydən
meydana gəlir:
1. Doğulan gündən insanlara verilən haqlar, təməl
insan haqları;
– Yaşama haqqı,
– Mülkiyyət haqqı,
– Etiqad azadlığı (dörd ünsürü ilə; ifadə azadlığı,
təhsil azadlığı, təşkilatlanma azadlığı, inandığı kimi
yaşaya bilmə və ibadət azadlığı),
– Nəslin qorunması haqqı,
– Ağlın qorunması haqqı,
– Və digər təməl insan haqları azadlıqları, məsələn
səyahət, iş əldə edə bilmək, məslək seçə bilmə və s.
2. Əmək qarşılığı haqlar.
3. Qarşılıqlı razılaşma ilə bağlanan müqavilələr və
sazişlər.
4. Ədalətin tələbi olaraq ortaya çıxan haqlar.
Bax, həqiqi haqq anlayışına görə haqq yalnız bu
dörd səbəbdən meydana gələr, başqa səbəblərdən haqq
meydana gəlməz.
Buna qarşılıq “Yanlış Haqq Anlayışı”na görə isə
haqq sadəcə bu dörd səbəbdən meydana gələr, başqa
səbəblərdən haqq yarana bilməz.
1. Güc,
2. Çoxluq,
3. İmtiyaz,
4. Mənfəət.
Elə bu səbəblərə görə yanlış haqq anlayışı insanlara
xoşbəxtlik gətirə bilməz. İnsanların xoşbəxtliyi üçün
gerçək haqq anlayışını mənimsəmək və tətbiq etmək
əsas şərtdir.
b) Mədəniyyətlər Tarixinə Baxış: “Haqqı
Üstün Tutma”ğın xoşbəxtlik və səadət, “Gücü
Üstün Tutma”ğın isə zülm gətirdiyi həqiqətini bütün
insanlıq tarixi açıq bir şəkildə göstərir. Belə ki,
insanlıq tarixinə çox qısa bir baxış keçirdikdə də bu
həqiqəti görmək mümkündür: İnsanların səadət və
xoşbəxtliyə qovuşmalarının yolunu peyğəmbərlər
göstərmişdir. Onların açdıqları cığırla haqqı üstün
tutan mədəniyyətlər dövrü yaşanmış və insanlar
xoşbəxt olmuşlar.
Lakin insanların yanlış yollara sapmaları ilə haqqı
üstün tutan mədəniyyətlərin ardınca gücü üstün tutan
mədəniyyətlər hakim olmuş və ilahi təqdirə əsasən
müəyyən bir müddətdən sonra zəifləmiş, maddi
gücünü və yer üzündəki hakimiyyətini yavaş-yavaş
itirmiş və yıxılmışdır. Hətta bu dövrlərin ən güclü, ən
parlaq olduğu zamanlarda qarşı zehniyyətə dayanan
inkişaflar olmuş, bir müddətdən sonra bu qarşı
zehniyyət yer üzündə təkrarən hakim olmuşdur.
Bu günə çatana qədər insanlıq gecəni izləyərək
gündüz, gündüzü izləyərək gecə kimi bir “xoşbəxtlik
dövrü”, bir də “zülm dövrü” yaşamışdır.
Aşağıdakı tablo insanlıq tarixindəki haqqı və gücü
üstün tutan mədəniyyətlərin bir-birinin ardınca necə
gəldiklərini, gecə və gündüz dövrlərini xülasə şəkildə
göstərir.
Necə ki:
1. Tarixin yazı ilə başladığı, ilk yazıdan da
Mesopotamiyada istifadə edildiyi hamı tərəfindən
qəbul edilir.
İnsanlıq tarixinin 5000 illik tarixi dövrünə göz
atdığımız zaman 5000 il əvvəl Mesopotamiyada
Nəmrudların təsiri altında “Gücü Üstün Tutan” bir
mədəniyyət mövcud olduğu halda, bir müddətdən
sonra İbrahim (ə) gəlmiş və onun rəhbərliyi altında bir