MİLLİ GÖRÜŞ
15
böyük xidməti yəqinliklə bildiyi üçün onunla uzun
müddət bir yerdə işləyən və eyni sahədə professorluq
edən dostumuz Fuad Sezgin bəy: “Prof. Hartnell
müsəlmançılıq haqqında hər dəfə danışdıqda
paltarını düymələyər və böyük bir ehtiramla
müsəlmançılığı yad edər”, – deyir.
Bu həqiqətlərə baxmayaraq, qərbdə vaxtsız hökm
verən şərqşünasların təbliğatları ilə bir çox şəxs
müsəlmançılıq haqqında həqiqətlərlə uyğunlaşmayan
təlqinlərə məruz qalır. Və əsrlərdən bəri müsəlmançılığı
yanlış tanıtdırmaq üçün və hətta indi son dövrdə
olduğu kimi terrorizmlə əlaqədar göstərmə cəhdi daxil
olmaqla, əsrlərdən bəri insanların diqqətini düzgün
yoldan yayındıran bir fəaliyyət aparılır. “Lakin Günəşi
palçıqla suvamaq olmaz”. Nə qədər cəhd etsələr də,
həqiqətləri dəyişdirmək mümkün deyildir.
Əslində bugünkü elmlərin əsl sahibi və yaradıcıları
müsəlmanlardır.
Hər nə qədər pisniyyətli qərbli şərqşünaslar İslam
dininin elmə etdiyi qiymətsiz böyük xidməti kölgə
altına salmaq üçün bu təbliğatı aparmağa çalışsalar
da, həqiqətlər qarşısında bu təbliğatların baş tutması
mümkün deyildir.
Necə ki şərqşünaslar deyirlər:
– İslam dininin elmlər üçün etdiyi xidmət normal
bir hadisədir. Bugünkü elmlər insanlıq tarixinin hər
dövründə edilmiş xidmətlərlə meydana gəlmişdir.
Elmlər üçün müsəlmanlardan əvvəl qədim Hind,
Misir və Yunanlılar önəmli xidmətlər etdikləri kimi
bunların davamı olaraq da miladi təqvimilə VII əsrdən
XVI əsrə qədər müsəlmanlar hər bir elm sahəsində
bir çox xidmətlər etmişlər. Lakin bu dövrdən sonra
elmlərə rəhbərlik etmək qərblilərin əlinə keçmiş və
bugünkü vəziyyətə qərblilər tərəfindən gətirilmişdir.
Buna görə də tarixi normal bir seyr yaşanmışdır.
Müsəlmançılığın elmlərə xidməti baxımından bir
fövqəladəlikdən söhbət gedə bilməz.
– Bu təbliğat həqiqətə ziddir.
Tam əksinə həqiqət budur:
1. Bugünkü elmləri elm halına gətirən
müsəlmanlar olmuşdur.
2. Müsəlmanların elmə etdiyi xidmət əvvəlki
dövrlərlə və son əsrlərdəki inkişaflarla müqayisə
edildiyi zaman belə çox böyük fövqəladəlik ortaya
çıxır.
3. Elm sahəsində bundan sonra da yeni cığırların
açılması üçün yenə müsəlmançılığın qaynaqlarından
yararlanmağa böyük ehtiyac vardır.
b) Müsəlmançılığın Elmlərə Xidmətinə
Çox Qısa Bir Baxış:
Müsəlmançılığın elmlərə xidməti nə bir
simpoziumla izah edilə bilər, nə də yalnız bu mövzu
təkbaşına ələ alınsa, aylarla, illərlə danışılsa yetərincə
ortaya qoyulub istifadə edilə bilər.
Biz simpoziumun əsas mövzusu ilə əlaqədar
olduğuna görə bu sonsuz ümmanın yalnız bir nöqtəsini
izah etməklə iktifa edəcəyik.
Müsəlmanların elmə xidməti yalnız elmləri qədim
Hind, Misir və Yunanıstandan alıb qərbə ötürməkdən
ibarət deyildir. Tam əksinə olaraq elmləri əsl elm
halına gətirmək müsəlmanların xidmətləri ilə mümkün
ola bilmişdir. Sadəcə bir neçə misal:
1. ASTRONOMİYA
Əsrimiz və qarşımızdakı gələcək kosmik elmlərin
əhəmiyyətini açıq bir şəkildə göstərir. Astronomiya
elmini elm halına gətirən müsəlmanlardır.
Qədim Misirli astronom Ptolemey kitablarında:
“Günəşin fəzada olduğu yerdən həmin yerə təkrarən
gəlməsi üçün, yəni bir illik bir zamanın keçməsi üçün
bizim bugünkü təbirimizlə Yerin öz ətrafında 260 dəfə
fırlanması lazımdır”, – demişdir. Yəni bir ili 260 gün
zənn etmişdir.
Astronomiya elminin qurucusu böyük İslam alimi
əl-Bəttani Ptolemeyin yanıldığını, bir ilin 365 gün 5
saat 46 dəqiqə və 22 saniyə olduğunu söyləyir. Bu
gördüyümüz rəqəm bugünkü ən həssas ölçü alətləri ilə
ortaya çıxarılan ölçüyə nisbətən bir ilin həqiqi müddəti
baxımından sadəcə 2 dəqiqə və 4 saniyə qədər fərqli
bir miqdardır.
Qaldı ki, hətta əl-Bəttanidən bu günə qədər keçən
1000 illik əsnada 1 ilin müddətində bu qədər bir
fərqlilik vaqe olmuş ola bilir
2
.
İndi bu həqiqət qarşısında “müsəlmanlar elmləri
qədim Misirdən almışdır”, – fikri deyilə bilərmi?
2. TRİQONOMETRİYA
Qədim misirlilər Aralıq dənizinin genişliyini
bugünkü həqiqi məsafənin iyirmidə biri qədər
olduğunu zənn edirdilər. Xəlifə Məmunun zamanında
İslam alimləri Aralıq dənizinin genişliyini müəyyən
edərkən Mersindən İskəndəriyyəyə qədər olan
məsafəni ölçmüş və bugünkü bildiyimiz genişliyi
hətta o zaman təsbit etmişlər. Bu genişliyi ölçə bilmək
üçün triqonometriya elmini yaratmışlar. Bugünkü
triqonometriyadakı sinus, kosinus, tangens, kotangens
anlayışlarını icad etmişlər.
Qərblilər isə bunun nə olduğunu əsrlər boyu başa
düşə bilməmişlər. Ərəbcə istifadə olunan ceyb və
taceyb təbirlərini lüğətə baxaraq sinus və kosinus kimi
tərcümə etmişlər.
Yenə xəlifə Məmunun zamanında bir dərəcəlik
meridian qövsünün uzunluğunun 111.000 km olduğu
sübuta yetirilmişdir.
Böyük müsəlman alim xorasanlı Qiyasəddin
Cəmşid “ər-Risalətun Muhitiyyə” (“Çevrə Haqqında
Traktat”) adlı kitabında ilk dəfə bir dərəcənin sinusunu
MİLLİ GÖRÜŞ
16
hesablamışdır. Baxın hansı dəqiqlikdə hesablanmışdır.
0, 017 452 404 437 238 371. Təqribən vergüldən sonra
18 rəqəm həssaslıqla sinus bir dərəcəni hesablamışdır.
Bu gün bu hesablamanı elektron maşınla apardığımız
zaman bir rəqəmi belə çaşmır.
Qiyasəddin Cəmşid bununla da iktifa etməmiş,
triqonometriya cədvəllərini həmin həssaslıqla sübuta
yetirmişdir.
Həmçinin Qiyasəddin Cəmşid riyaziyyatın
əhəmiyyətli rəqəmlərindən olan “P” rəqəmi üçün
bu rəqəmləri verir; π=3,141 592 635 589 743. Yəni
vergüldən sonra 15 rəqəm səlis şəkildə “P” rəqəmini
doğru olaraq hesablayır.
3. RİYAZİYYAT
Müsəlmanlar bu gün gördüyümüz və bildiyimiz
riyaziyyatın təməl əsaslarını kəşf etmişlər.
Müsəlmançılıqdan əvvəl Hindistanda və Misirdə
əlifba hərflərindən başqa say işarəsi yox idi. Onların
say dünyası əlifbanın hərfləri qədər idi və 60-da sona
çatırdı.
Müsəlmanlar say dünyasını sonsuza çıxardılar.
“Əşəri” (“onluq”) sistemini qurdular, 10 işarə ilə
sonsuz sayı ifadə etmək imkanını insanlığa bəxş
etdilər.
İnsanlığa toplama, çıxma, vurma və bölmə
əməliyyatını
qazandırdılar.
Qədim
yunanlar
bu əməliyyatı yerinə yetirmək üçün çubuqlarla
işləyirdilər. Müxtəlif ölçülərdə çubuqları uc-uca
düzməklə hesablamalar aparırdılar.
Əl-Cabir (Cabir ibn Əfləh İşbili nəzərdə tutulur)
əvvəldən sona qədər cəbr elmini qurdu. Birdərəcəli,
ikidərəcəli və üçdərəcəli tənliklərin həll yollarının
izahını verdi. Kvadrat kök, kub kök almağı göstərdi.
Sıfır məfhumunu insanlığa müsəlmanlar tanıtdırdılar.
Cəbrin ən yüksək hissələrini göstərən limit
hesablarını insanlara müsəlmanlar bildirdilər.
Əl-Xarəzmi insanlığa loqarifmanı tanıtdırdı.
Müsəlmanlar yalnız riyaziyyat elmini yaratmaqla
kifayətlənməmiş, fizika, kimya, tarix və coğrafiya
elmlərini də yaratmışlar.
4. FİZİKA
Qərblilər fizikadakı qırılma qanununu qədim
yunanıstanlı Evklidin kəşf etdiyini təbliğ edirlər.
Halbuki böyük İslam alimi İbn Heysəm ilk dəfə
maddənin atom və molekullardan ibarət olduğunu,
bu atom və molekullara istinadən qırılma qanunlarını
tapan şəxs olmuşdur.
Evklidə görə işıq prizmanın bir tərəfindən digər
tərəfinə keçərkən işığın sürəti kəsilir və bu kəsilən sürət
aradakı bucaqlarla mütənasibdir. Halbuki İbn Heysəm
Evklidin səhv düşündüyünü, əslində bucaqların özləri
ilə deyil, sinusları ilə mütənasib olduğunu irəli sürür
və deyir ki, bu sürətlərin qırılması bu materialların
ardıcıllıqları ilə mütənasibdir. Və bu materialların
içərisindəki molekul nəzəriyyəsinə istinadən bu
hesablamaları aparıb ortaya çıxarır.
5. KİMYA
Kimya elminin yaradıcıları müsəlman alimləridir.
Cabir ibn Həyyan hicrətin II əsrində yaşamışdır.
Atom nəzəriyyəsini ortaya çıxarmışdır. Lavuazye
prinsipini, Gey-Lussak prinsipini və Nyuton qanununu
qərblilərdən 10 əsr əvvəl hicri təqvimlə II əsrdə, miladi
təqvimilə VIII əsrdə kitablarında izah etmişdir. Cabir
ibn Həyyan bütün elm tarixində ilk dəfə laboratoriya
quran və ilk dəfə müşahidə və təcrübə metodunu elmə
gətirən insandır.
6. TARİX:
Tarix elmini qədimə aid hekayə olmaqdan çıxarıb
bütün insanların və millətlərin yaşayışlarını səbəb və
nəticələrilə araşdıran, bunların təhlilini verən bir elm
halına İbn Xəldun gətirmişdir.
7. COĞRAFİYA:
Coğrafiya elminin yaradıcısı da İslam alimləridir.
İlk dəfə dünyanın coğrafi xəritəsini çəkən, hətta
Amerikanı ilk dəfə kəşf edən İslam alimləridir.
8. ÜMUMİ BAXIŞ:
Avropa elmlərin bir çoxunu Əndəlis İslam
mədəniyyətindən əxz etmişdir.
Bu gün Avropanın istifadə etdiyi rəqəm işarələri
Əndəlisli müsəlmanların, məğribli müsəlmanların
işarəsidir.
Avropalılar xaç yürüşləri keçirdikdə elmləri
müsəlmanlardan öyrəndilər və öz dillərinə tərcümə
etməyə başladılar.
Fransızlar müxtəlif yürüşlər edib İspaniyada bəzi
İslam şəhərlərini zəbt etdikləri vaxt bu şəhərlərdəki
İslam alimlərinin fəaliyyətlərinin nə olduğunu başa
düşmək bir tərəfə qalsın, bu kitabları yığdılar və
yandırdılar. Yalnız Kordova (Qurtubə) şəhərinin
meydanlarında 30000 kitab yandırdılar.
Qərblilər
İslam
alimlərinin
qurduqları
rəsədxanaların nə olduğunu uzun müddət başa düşə
bilməmişlər. Və sonra bunları başa düşdükləri zaman
müsəlmanlara qarşı böyük heyranlıq hissi duymuşlar.
İki əsr əvvələ gəlincəyə qədər Parisdəki Sorbon
Universitetində dərs deyən professorlar kürsüyə
müsəlman xocaların paltarı ilə, çiyinlərində cübbə,
başlarında sarıqla çıxırdılar.
Hülakü Bağdadı istila etdikdə Bağdad
kitabxanasındakı kitablar Dəclə və Fərat çaylarına
atıldığı vaxt kitablarn axışı bir həftə davam etmişdir.
Qərblilər yalnız elmləri deyil, təmizliyi də
müsəlmanlardan öyrənmişlər.
1. Almaniyadakı Dusseldorf şəhərində bir