MİLLİ GÖRÜŞ
7
ifrata varan şəxs”. Yəni bizi ən aşağı dərəcələrə
salan. Orta yol bununla onun arasında bərabərlik
meydana gətirməkdədir.
Ondan sonra (yəni 185-ci ayədən sonra)
şərafətli ayə ramazan ayının fəzasında davam edir:
“Bəndələrim Məni səndən soruşduqda söylə
ki, Mən onlara yaxınam”. Allah-Taala ramazan
ayında və başqa aylarda bizə demək istəyir ki,
“Rəbbiniz buyurdu: “Mənə dua edin, Mən də
sizin dualarınızı qəbul edim!”
10
Yəni Mənə tərəf
gəlin. Təsəvvür etməyin ki, Mən qeyb, yaxud şühud
(müşahidə) dünyasında sizdən uzağam. Mənim
əslimə heç kim vara bilməz, lakin rəhmətim,
lütfüm, inayətim, əfvim, məğfirətim və rüfətimlə
Mən çox yaxınam. Deməli, Mən yaxınam və sizin
dərdlərinizdən, arzularınızdan, müşküllərinizdən və
məsələlərinizdən uzaq deyiləm. Mənə tərəf gəlin ki,
Mən yaxınam. “Biz ona (insana) şah damarından
da yaxınıq!”
11
, “Dua edib Məni çağıranın duasını
qəbul edərəm. Gərək onlar da Mənim çağırışımı
qəbul edib Mənə iman gətirsinlər”
12
. Mən bu ilahi
sözləri çox dostcasına və mehribancasına görürəm.
Sanki Allah buyurur ki, Mənə tərəf gəlin və Məndən
uzaqlaşmayın, çünki sizə Məndən yaxın heç kimsə
yoxdur.
“Biz ona sizdən daha yaxınıq, amma siz (bunu)
görmürsünüz!”
13
Nə üçün Məndən uzaqlaşmısınız?
Halbuki Mən sizə yaxınam və hər bir çağıranın
çağırışını qəbul edirəm. Əcəba, dərdiniz yoxdur?!
Mənə tərəf gəlin və onun dərmanını Məndən istəyin.
Əcəba, çətinliyiniz yoxdur? Mənim hüzuruma gəlin,
onu sizin üçün həll edim. “Dua edib Məni çağıranın
duasını qəbul edərəm. Gərək onlar da Mənim
çağırışımı qəbul edib Mənə iman gətirsinlər”. Sizi
çağırdıqda nə üçün cavab vermirsiniz?! Əbuhəmzə
Sumali duasında oxuyuruq: “Ondan başqa heç
bir varlığı çağırmadığım Allaha həmd olsun.
Əgər Ondan başqasını çağırsam, duam qəbul
olunmaz. Ondan başqasına ümid etmədiyim
Allaha həmd olun. Əgər Ondan başqasına ümid
bağlasam, naümid olaram. Mənə xəyanət etsinlər,
– deyə məni insanların öhdəsinə buraxmayan, Öz
öhdəsinə alan Allaha həmd olsun!” Beləcə, Allah
bizə öyrədir ki, Onun dəvətinə cavab verək. “Gərək
Mənə iman gətirəsiniz”, çünki Mən elə bir Allaham
ki, Ondan başqa Pərvərdigar yoxdur. “Bununla da
ola bilsin ki, doğru yola yetişsinlər”. Deməli, bu
yol həmin hidayət yoludur.
RAMAZAN AYININ AÇARI
Əzizlərim, bu ramazan ayının həmin açarıdır.
Buna əsasən sizi bu aya daxil etməyən digər
açarlardan istifadə etməyin. Çoxları bu ayı rəqs,
mahnı, oyun-əyləncə, ğina, içki və sərxoşluq ayına
çevirir. Bir çox dövlətlər məharətli xanəndələr və
rəqqasələr gətirirlər ki, ta ramazan ayında camaatı
Allahdan və özlərindən uzaqlaşdırsınlar. “Camaat
oruc tutmaqla yorulur və bu proqramlarla onları
şadlandırmaq lazımdır”, – sözünü deməklə özlərini
təmizə çıxarmaq istəyirlər. Camaatı çətinliyə düçar
edən orucun bihudə rahatlıqlara ehtiyacı yoxdur,
əksinə camaatı Allaha doğru qaldıran yüksəlişdəki
hüzura, Allah haqqında söhbət etməyə, Allah
qarşısında qəlbin qorxu və sayğı ilə dolu olmasına
(xüşuya), Allah qarşısında ağlamağa, Allaha itaətdə
olan şadlığa ehtiyac vardır.
Əzizlərim! Allahın bu ayda (günahlardan – müt.)
azad etdiyi şəxslər vardır. Allahdan istəyin ki, Onun
azad etdiyi şəxslərdən olasınız.
Necə ki Peyğəmbər (s) buyurmuşdur: “Bu ayda
Cənnətin qapıları açıqdır. Allahdan istəyin ki,
bu qapıları sizin üzünüzə bağlamasın; bu ayda
Cəhənnəm atəşinin qapıları bağlıdır, Allahdan
istəyin ki, bu qapıları sizin üzünüzə açmasın, bu
ayda Şeytanın əli bağlıdır, Allahdan istəyin ki,
Şeytanı sizə hakim etməsin. Bu ayda ilahi ziyafətə
dəvət olunmusunuz və bu ayda ilahi kəramətdən
faydalananların zümrəsində qərar tutmusunuz.
Bu ayda nəfəsləriniz təsbih, yuxularınız ibadət,
əməlləriniz və duanızsa qəbuldur. Buna əsasən
sədaqətdolu niyyətlər və pak qəlblərlə Allahdan
istəyin ki, sizi oruc tutmaqda və Quran oxumaqda
müvəffəq etsin, çünki bu böyük ayda ilahi
məğfirətdən məhrum qalan şəxs bədbəxtdir”.
* Xütbə 4 dekabr 1999-cu ildə söylənmişdir. Xütbəni
tərcümə etdi: Xəyyam Əliağa oğlu Qurbanzadə
1. “Ənkəbut”, 45
2. “Bəqərə”, 185
3. “Səhifeyi-Səccadiyyə”, “Sabah və axşam vaxtların-da
oxunan dua”
4. “Bəqərə”, 185
5. “Həcc”, 78
6. “Bəqərə”, 286
7. “Nəhl”, 53
8. “Nəhl”, 18
9. “Ənbiya”, 27
10. “Mumin”, 60
11. “Qaf”, 16
12. “Bəqərə”, 27
13. “Vaqiə”, 85
MİLLİ GÖRÜŞ
8
Rəhman, Rəhim Allahın Adı İlə!
Həmd olsun Allaha – aləmlərin Rəbbinə!
Səlam və rəhmət olsun bizə elçi olaraq göndərilmiş
Mühəmmədə və onun Əhli-Beytinə və bütün
əshabələrinə!
Çıxışıma başlamazdan əvvəl bütün iştirakçıları
sayğı və sevgi ilə salamlayıram. Və yenə hər şeydən
əvvəl insanlıq tarixinin bu qədər önəmli bir dönüş
nöqtəsində olduğunu diqqətinizə çatdırıram. Bütün
insanlığın xoşbəxtliyi qayəsilə mövzusu “İslam və
Mədəniyyətlər Dialoqu” olan bu beynəlxalq elmi
və mədəni simpoziumu təşkil etdiyinə görə əvvəla,
Səudiyyə Ərəbistanı Kralı Fəhd ibn Əbdüləzizə,
kral Əbdüləziz Xalq Kitabxanasının İdarə Heyətinin
qiymətli Sədri möhtərəm Vəliəhd Əmir Abdullah
ibn Əbdüləzizə və idarə heyətinin digər dəyərli
üzvlərinə təşəkkür edirəm.
Konfransa təşrif buyurmuş möhtərəm seçkin
zəvatın hamısına da eynən qəlbən təşəkkür edirəm.
Və bu beynəlxalq elmi və mədəni simpoziumun
İslam dünyası və bütün insanlıq üçün xeyirlərə
İSLAM-QƏRB
ƏLAQƏLƏRİ VƏ
ONUN GƏLƏCƏYİ
Prof. d-r Nəcməddin Ərbakan
Mərhum Ərbakan Xocamız həyatını bütün insanlığın
xoşbəxtliyi üçün “Yeni Bir Dünya”nı qurmağa həsr etmişdir.
Buna görə də müxtəlif sahələrdə ciddi şəkildə fəaliyyət göstərmiş,
müsəlman cəmiyyətləri bir yerə toplamış, layihələr işləyib hazırlamış,
konfranslar keçirmiş və nəticədə D-8-i qurmuşdur. D-8-ləri çəyirdək
olaraq quran Ərbakan Xocamız ardınca D-60 və D-160-ları
formalaşdırmağı da planlaşdırmışdır. Bu fəaliyyətlərlə əlaqədar
olaraq onun 2002-ci ildə Səudiyyə Ərəbistanının paytaxtı Riyadda
tərtib olunan və mövzusu “İslam və Mədəniyyətlər Dialoqu” olan
simpoziumda söylədiyi “İslam-Qərb Əlaqəsi və Gələcəyi” adlı nitqi
çox böyük tarixi əhəmiyyətə malikdir. Bu gün İslam dünyasının və
dünyanın mövcud sıxıntılardan xilas ola bilməsinin çarələri bu nitqdə
bəyan edilmişdir. İndi isə siz oxucularımızı Ərbakan Xocamızla baş-
başa buraxırıq.
