Mühazirə Bilik anlayışı. Biliklərin təsvir və təqdim üsulları

Qnoseoloji aspekt

Qnoseologiya – fəlsəfənin idrak nəzəriyyəsi ilə bağlı olan bir bölməsi olub, gerçəkliyin insan təfəkküründə əks olunması (inikası) nəzəriyyəsidir.

Bilik mühəndisliyi bir elm olaraq ikiqat qnoseolojidir. Çünki gerçəklik (G) əvvəlcə ekspertin təfəkküründə (M₁) əks olunur (inikas edir), sonra ekspertin fəaliyyəti və təcrübəsi bilik mühəndisinin təfəkküründə (M₂) interpretasiya edilir ki, bu da ekspert sisteminin diqqət mərkəzində gedən üçüncü interpretasiya (P_Z) üçün təməl təşkil edir:

Burada: M₁ – ekspertin dünya modeli; M₂ – bilik mühəndisinin dünya modeli; P_Z – bilik sahəsidir.

Bilik mühəndisini, ilk növbədə, ekspertin empirik (təcrübəyə əsaslanan anlayış) biliyi maraqlandırır.