Mövzunun adı

Maliyyə yazışmaları

• Maliyyə yazışmaları müəssisələrin fəaliyyətini özündə əks etdirir. Bu sənədlər üzərində aparılmış əməliyyatlar qeyd olunur. Tərtibində aşağıdakı məsələlər nəzərə alınmalıdır:

Sənədlər normativ hüquqi aktlara əsaslanaraq hazırlanmalıdır.
Sənədlər vahid formada tərtib olunaraq, bütün rekvizitlər konkret və aydın doldurulmalıdır.
Bu sənədlər üzərində ilk nəzarət onu imzalayan rəhbərin üzərinə düşür.
Sonrakı nəzarət işlərini maliyyə və mühasibatlıq şöbələri yerinə yetirirlər. Sənədlərin tərtibinə cavabdehliyi onu imzalayanlar daşıyır.

Sifarişlər və ödəmələr

Sifariş sənədləri müəssisələr arasındakı münasibətləri formalaşdırır. Bura sifariş yerləşdirilməsi üçün müşayiət məktubu, ödəmə şərtlərinin qəbulunun təsdiqi, güzəştlər, tədarük tarixi, qablaşdırmalar haqqında məlumatlar, sifarişin alınması haqqında məlumat, yola salınma haqqında bildiriş, sifarişdən kənarlaşmalar daxildir. Bundan əlavə, sifarişin alınmasına və sifarişin saxlanılmasına dair sənədlər də bura əlavə edilir.
Sifarişlər bir qayda olaraq rəsmi blanklar üzərində tərtib edilir və bütün lazımi rekvizitlər göstərilir. Telefon vasitəsi ilə verilən sifarişlər üçün də sənədlər tərtib edilir və vərəqələr üzərində yazılır.
İşgüzar əməliyyatların qanuni aparılması üçün müşayiət məktublarından istifadə edilməlidir. Müşayiət məktubunda sifarişlərin şərtləri və razılıqlar qeyd olunur.

Kredit və bank

• Kredit dəyəri bir şəxsin, müəssisənin və ya dövlətin qaytarılmaq şərti ilə və adətən faizi ödənilməklə müvəqqəti olaraq dəyər verərkən meydana çıxan iqtisadi münasibətlərin bir formasıdır. Kredit məktubunu hazırlayarkən aşağıdakılara nəzarət edilməlidir:

Kreditin aparılması bankın təminatına əsaslanmalıdır.
Müraciət zamanı kreditin vaxtında verilməsini təkidlə anladın.
Kreditin verliməsi üçün razılıq əldə edilibsə, onda məktubunuzu qısa və sadə yazmalısınız.
Kreditin verilməsinə etiraz edilirsə, onda etirazın səbəbləri haqqında izahatlar verilməlidir.