5. Mövzular üzrə proqram materialının planlaşdırılması
Məktəb hər sinfin şagirdlərinə tədris proqramı həcmində riyazi biliklərin verilməsini təmin etməlidir. Proqramdakı materialın sistematik keçilməsi üçün onun rüblərə görə planlaşdırılması zəruridir. Planda hər mövzuya verilən saatların miqdarı göstərilir.
Müəllim nə qədər təcrübəli olursa-olsun, ibtidai siniflərin, o cümlədən, öz sinfinin proqramını yaxşı bilməlidir. Rüblük və mövzu planlarını tərtib etmədən gündəlik dərs planının tərtib edilməsi çətinlik törədəcəkdir. Çünki gündəlik plan rüblük və mövzu planları əsasında tərtib edilir. Müəllim dərslik və metodik vasitələrə istinad edərək, hər dərsin məzmununu, zəruri olan əyani vasitələrini, politexnik təlim elementlərini təqvim-dərs planında göstərməlidir.
Təqvim-dərs planı əsasında gündəlik iş planı tərtib edilir.
Mövzu üzrə fərdi plan tərib edərkən, aşağıdakılara diqqət yetirmək zəruridir:
Plana daxil olan materialın proqram üzrə dəqiq həcmi və məzmununun müəyyən edilməsi.
Verilmiş materialın tədrisi üçün saatların ümumi miqdarının müəyyən edilməsi.
Metodik nöqteyi-nəzərdən materialın öyrədilməsi ardıcıllığının müəyyən edilməsi.
Nəzərdə tutulmuş mövzunun təqvim planının tərtib edilməsi. Bunun üçün rüblük plana istinad etmək lazımdır.
Dostları ilə paylaş: |