Milli Təhlükəsizlik və Hərbi Elmlər – National Security and Military Sciences
№3 (4)/2018
HƏRBİ HUMANİTAR ELMLƏR
MILITARY HUMANITIES
72
Onlar biliyi yaxşı anlamadıqlarından onu tətbiq etməkdə çətinlik çəkirlər. Təcrübə göstərir ki,
bunun qarşısını almaq üçün mənimsəmə ünsürlərini əlaqələndirmək lazımdır.
Təlim prosesinin mahiyyətini dərk etmək üçün ona fəaliyyət nəzəriyyəsi baxımından
yanaşmaq lazım gəlir. Psixoloqlar təlimi fəaliyyət kimi səciyyələndirirlər. Fəaliyyət insanın öz
tələbatını ödəməyə yönəlmiş fəallığıdır. Təlim fəaliyyəti kursantın müəllim tərəfindən
istiqamətləndirilən fəal, müstəqil fəaliyyətidir. O, mürəkkəb quruluşa malikdir. Onun dörd başlıca
komponenti ayırd edilir: təlimin məqsədi və vəzifələri, təlim əməliyyatları, özünənəzarət və
özünüqiymətləndirmə. Bunlar bir-biri ilə şərtlənən müəyyən sistem təşkil edir.
Göründüyü kimi, kursantın (tələbənin) öyrənmə yolu idrak yoluna müvafiqdir: qavrama idrak
yolundakı canlı müşahidə, anlama mücərrəd təfəkkür, tətbiqetmə isə praktika ilə bağlıdır. Lakin
öyrənmə prosesi elmi idrak prosesi ilə eyni deyildir. Öyrənmə prosesi öz məqsədi, təşkili qaydası,
müddəti, praktikanın rolu, möhkəmlətmə ehtiyacı, müəllimin rəhbərliyinin zəruriliyi ilə elmi idrak
prosesindən fərqlənir.
Təlim prosesində öyrədən kursantın idrak fəaliyyətini təşkil edərkən bu xüsusiyyətləri nəzərə
almalı, onun tədricən elmi idraka yaxınlaşması üçün şərait yaratmalıdır. Təlim elə təşkil edilməlidir
ki, kursant (tələbə) müşahidələr aparsın, faktlar toplasın, onları mücərrəd təfəkkürdə təhlil etsin.
Eyni zamanda, fikri əməliyyatlar aparsın, problemləri həll etsin, nəzəri biliklərini həyata və
çalışmalara tətbiq etsin, müstəqil, yaradıcı düşünmək və işləmək bacarıqlarına yiyələnsin. Hərbi
pedaqoji prosesdə canlı müşahidə, mücərrəd təfəkkür və praktikanın vəhdəti təmin edilməlidir.
Təlim prosesi kursantın (tələbənin) idrak yolundakı hərəkəti ilə bağlıdır: o, biliksizlikdən
bilikliliyə doğru inkişaf edir.
Təlim prosesinin xarakteri, məzmunu və təşkili formaları cəmiyyətin tələbi, elmi-texniki
tərəqqinin təsiri ilə müəyyən olunur [3, s.192].
Təlim prosesi özü də inkişaf edir. Bu inkişafın mənbəyi ziddiyyətlərlə bağlıdır. Təlim prosesi
üçün xarakterik ziddiyyətlərə aiddir: cəmiyyətin artan tələbləri ilə təlim prosesinin real imkanları
arasında ziddiyyət; yeni vəzifələrlə təlimin mövcud səviyyəsi arasında ziddiyyət; müəllimin
öyrətmə fəaliyyəti ilə kursantın (tələbənin) öyrənmə fəaliyyəti arasında ziddiyyət; kursantın
(tələbənin) qavrama və anlaması arasında ziddiyyət; mövcud biliklərlə onları tətbiq etmək
bacarıqları arasında ziddiyyət və s.
Göstərilən ziddiyyətlərin həll olunması təlim prosesi və onun tərkib hissələrinin (təlimin
məzmunu, metod və formalarının) inkişafı və təkmilləşdirilməsinə, kursantların dərin bilik, bacarıq
və vərdişlərə yiyələnməsinə, zehni inkişafın, fəallıq və müstəqilliyin güclənməsinə səbəb olur [4,
s.109].
Təlim üç başlıca funksiyanı yerinə yetirir: öyrətmək, tərbiyə etmək və inkişaf etdirmək.
Təlimin
öyr
ə
dici funksiyas
ı
kursantların proqram dairəsində bilik, bacarıq və vərdişlərlə
silahlandırmaqda ifadə olunur. Təlimdə həm xüsusi (ayrı-ayrı fənlər üzrə), həm də ümumi (bütün
fənlər üçün zəruri olan) bacarıq və vərdişlər aşılanmalıdır. Ümumi bacarıq və vərdişlərə kitabla iş,
planlaşdırma, optimal tempdə oxumaq və yazmaq, ifadə və inşa yazmaq, mətni yığcam danışmaq,
özünənəzarət bacarıq və vərdişləri daxildir. Belə bacarıqlara yiyələnən kursantlar uğurla oxuyur,
təlimdə az vaxt və qüvvə sərf etməklə daha yüksək nəticələrə nail olurlar.
Təlimin
t
ə
rbiy
ə
edici funksiyas
ı
təlim prosesində kursantları tərbiyə etməkdə ifadə olunur.
Gənc nəsildə vətənpərvərlik, milli iftixar hissi, humanizm və digər ideya-mənəvi keyfiyyətlər
tərbiyə etməkdə, onlara yüksək hisslər aşılamaqda təlim əvəzsiz vasitədir. Tərbiyə funksiyası
təlimin məzmunu, təşkili formaları və metodları, müəllimin şəxsi nümunəsi və ünsiyyət prosesi
vasitəsilə həyata keçirilir.
Təlimin
inki
ş
afetdirici funksiyas
ı
təlim prosesində kursantların ümumi inkişafında, psixi
proseslərinin təşəkkülündə özünü göstərir. Təlim kursantların diqqəti, hafizəsi, təfəkkür və
təxəyyülünün inkişafını təmin etmir. Bu inkişafı təmin etmək üçün təlimi xüsusi istiqamətləndirmək
lazımdır. Müəllim təlim prosesinin imkanlarından istifadə edərək, gənc nəslin zehni, mənəvi, iradi
və emosional inkişafı üçün əlverişli şərait yaratmalıdır.
|