Seyfəddin Qəniyev, Səadət Veysova
272
verir, onlara arxa dururlar. Mahmud Ağanın keçirdiyi muğam
məclisləri belə qənaətə gəlməyə əsas verir ki, insanları bir amal
ətrafinda birləşdirən və irəli aparan harmonik qüvvənin
muğamdan bəhrəndiyini etiraf edək.
Son illərdə muğama artan diqqət, onun xalqımızın milli-
mədəni sərvəti kimi yüksək dəyərləndirilməsi, təbliği və
qorunması bizə yenidən keçmişə qayıtmağa, xalqımızın inkişaf
yolunun istinad nöqtələrinin musiqimizə, mədəniyyətimizə,
ədəbiyyatımıza, bütünlükdə milli-mənəvi dəyərlərimizə
söykəndiyini isbat edir. Muğam isə xalqımızn əsas aparıcı
qüvvəsidir.
Muğam elə bir musiqi janrıdır ki, o nota salınsa da,
olduğu kimi oxunmayacaq. İfalar fərqli olacaq.
Muğamatın ruhu, fəlsəfi tutumu və qüruru özünə hörmət
və nəcib davranış tələb edir. Bu qənirsiz musiqi janrının dünəni
sabaha, keçmişi gələcəyə, kiçik kəndləri böyük şəhərlərə, ayrı-
ayrı zamanlarda yaşayan insanları bir-birinə bağlamaq kimi
sehrli bir qüvvəsi vardır. Muğam xalqı birləşdirmək, irəliyə
aparmaq kimi möhtəşəm qüdrət sahibidir. Bu baxımdan
müstəqillik illərində muğamın dövlət tərəfindən qorunması,
təbliği və inkişaf etdirilməsi təsadüf yox, tarixi zərurətdir.
Məhz buna görə də UNESCO-nun xoşməramlı səfiri,
Heydər Əliyev Fondunun prezidenti Mehriban xanım Əli-
yevanın muğamı yalnız həyatımızın ayrılmaz hissəsi yox,
həm də özümüzün və ruhumuzun bir parçası olan unikal
fenomen adlandırması təsadüfü deyildir. Ölkənin Birinci xanı-
mının məhz muğamın özünəməxsus kamilliklə gələcək nəsillər-
də kökə bağlılığı, milli ləyaqəti, emosional zənginliyi və mə-
nəvi mükəmməlliyi yetişdirəcəyinə əmin olması təsadüfi deyil.
Əksinə, qloballaşan dünyada xalqı özünə, soy kökünə qaytaran,
keçmişlə gələcəyin vəhdətini yarada bilən və xalqımızı bayağı
yad təsirlərdən qorumaq gücünə qadir olan milli inkişaf
konsepsiyasının aparıcı ideyasdır.
Məşhur xeyriyyəçi Mahmud Ağa və naməlum muğam universiteti
273
Əsrləri geriyə vərəqlədikcə muğamın Azərbaycan xalqının
tarixində oynadığı möhtəşəm rolu görəcəksiniz, perspektivlərə
nəzər saldıqca bu musiqi janrının insanları bir-birinə bağlayan,
bir ideya ətrafında birləşdirib irəli aparan əfsanəvi qüvvəsini
dərk edəcəksiniz. Qərinələrin dərinliyinə baş vurduqca muğam
müqəddəs bir abidə kimi bütün möhtəşəmliyi ilə ucalır,
gələcəyi düşündükcə muğam xalqımızın milli mənliyini,
bütövlüyünü qoruyan aparıcı qüvvə kimi zamanın fırtınalarına
qalib gələ bilən gücünü ortaya qoyur. Çünki muğamat bir
musiqi janrı olsa da, özünəməxsus təbiəti, yaşam tərzi, minlərlə
insanın şüuruna təsir etmək gücünə qadir olan canlı varlıq kimi
də nəzərdən keçirilə bilər.
Sovet hakimiyyətinin ilk illərində muğamın proletariatın
qəzəbinə gəlməsi, ona qarşı təzyiqlər ayaq alması da hadisələrin
təbii axarı ilə bağlı idi. Muğam sovet hakimiyyəti üçün hansı
bir təhlükəni yarada bilərdi? Burada Azərbaycan Prezidenti
İlham Əliyevin ədəbiyyatımız, musiqimiz və mədəniyyətimiz
olmasaydı bir xalq kimi assimilyaysiya uğrayıb əriyərdik
sözlərini xatırlamaq yerinə düşərdi. Muğam hər bir azərbaycan-
lının, bütünlükdə xalqımızın gücünü, böyüklüyünü tərənnüm
edən, nəsilləri bir-birinə bağlayan, keçmişlə gələcək arasında
harmonik vəhdət yaradan qüvvə kimi proletariat və onun
reallaşdırdığı mədəni inqilab üçün Çin səddi kimi möhtəşəm
sipər idi, bolşevik şüarlarından, hədələrindən çəkinməyən,
sınmayan ciddi təhlükə idi. Bu sözlərin boş yerə yazılmadığına
əmin olmaq üçün bircə anlığa hər hansı muğamı dinləyin. Siz
uzaq keçmişlərdən, əsrlərin dərinliyindən sızıb bulaq kimi
çağlayan zəngulələrdəki ucalıqları, tükənməyən cəsarəti
duyacaqsınız və sizi soy kökünüzə, milli-mənəvi dəyərlərimizə
bağlayan səsin əsarətinə düşəcəksiniz.
Hər hansı bir xalqı məhv etmək üçün həqiqətən də onun
mədəniyyətini – musiqisini, ədəbiyyatını və genetik yaddaşını
unutdurmaq kifayətdir.
Seyfəddin Qəniyev, Səadət Veysova
274
Sovet Azərbaycanında çox şeylər dəyişildi. Lakin Əliağa
Vahid, Hüseyn Cavid, Mirzə Sabir, Mirzə Cəlil kimi muğam da
zamanın zülmünə baş əymədi, sınmadı, möhtəşəmliyini qorudu,
müqəddəsliyini yaşada bildi. İllər keçdikcə muğamata olan
sevgi səngimədən yüksəlişini yaşadı. Üzeyir Hacıbəyli ənənəvi
muğamla müasir Azərbaycan musiqisi arasında körpü rolunu
oynayan Şərqin ilk operasını, təntənəli şəkildə UNESCO
çərçivəsində 100 illiyi qeyd olunan "Leyli və Məcnun" ope-
rasını yaratdı. Xalqımızın genetik kodunu, istiqlal fəlsəfəsini
muğam əsrlər boyu qanadlarında ucaldaraq ruhumuza zənginlik
gətirən əsrarəngiz musiqi məbədi yarada bildi. Bu baxımdan
tariximizdə muğamın yeri əvəzsizdir. Ölkənin birinci xanımı
muğamın zəngin xəzinəsinin Azərbaycan bəstəkarlarının ilham
mənbəyinə çevrildiyini dəfələrlə qeyd edib. Bütövlükdə, demək
olar ki, muğam Azərbaycanın musiqi mədəniyyətinin bütün
janrlarına təsir göstərdi. Bütün bunlar ötən əsrdə Fikrət
Əmirovun, Niyazinin simfonik muğamlarına, Qara Qarayevin
simfonizminə yol açdı.
Azərbaycan müstəqilliyini qazandıqdan sonra muğam
yenidən dövlətin himayəsinə alındı, onun öyrənilməsi və təbliği
gücləndi. Sevindirici haldır ki, bu proseslərə XXI əsrdə ölkənin
birinci xanımı başçılıq etdi. 2003-cü ildə UNESCO tərəfindən
Azərbaycan muğamı bəşəriyyətin qeyri-maddi mədəni irsinin
inciləri siyahısına alındı. Ardıcıl muğam festivallarının, beynəl-
xalq muğam simpoziumlarının keçirilməsi, muğam ensiklo-
pediyasının, jurnalının və radiosunun yaradılması dövlətimizin
milli-mənəvi dəyərlərimizin qorunması, yaşadılması istiqamə-
tində atdığı ciddi addımlardır. Milli Konservatoriyanın yeni bi-
nasının istifadəyə verilməsi isə müstəqil Azərbaycan dövlətinin
muğama, musiqiyə və bütünlükdə mədəniyyətimizə göstərdiyi
böyük qayğının, təmənnasız himayənin təzahürüdür. Heç vaxt
belə olmayıb.
Azərbaycan muğamının tarixi minilliklərin dərinliyindən
bəhrələnir.
Dostları ilə paylaş: |