Seyfəddin Qəniyev, Səadət Veysova
278
dövrün zəngin mülkədarlarından sayılan Əhməd Sultanın
əsasını qoyduğu və oğlu Mahmud Ağanın ömrünün sonuna
qədər apardığı musiqi məclisləri əyləncə, eyş-işrət xatirinə
təşkil edilmirdi. Bəzi mənbələrdə Əhməd Sultanın Şamaxı xanı
Ağası xanla yaxınlığı, həm də qohumluğu göstərilir. Atasının
nəcib əməllərini davam etdirən Mahmud Ağa muğam bilici-
lərini, qəzəlxanları uzun illər himayəsinə alır. Yəni görülən
işlərin miqyası adi musiqi məclisləri anlamından kənara çıxır,
daha geniş və daha böyük bir fəlsəfi məhfumu əhatə edir. Biz
muğamın əsrlər boyu insanların şüuruna müsbət təsirini,
mədəniyyətin bütün sahələrinin inkişafına təkan verən aparıcı
qüvvəsini görürük. Muğamı insanları bir-birinə bağlayan, səfər-
bərliyə alan və qələbələrə kökləyən sirli qüvvə kimi də dəyər-
ləndirmişik. Muğam insanların şüurunda, əxlaqında və davra-
nışlarında saflıq yaradır, qövmləri biliklərə, elmə istiqamət-
ləndirir. Tarixə müraciət edək. XVIII əsrin sonundan XIX əsrin
II yarısına kimi Şamaxıda əllidən artıq şəxsi məktəb olmuşdur.
Baxmayaraq ki, Azərbaycan artıq bölünmüşdü, xanlıqlar müs-
təqilliyini itirmişdi. Türkmənçay müqaviləsi ilə 1829-cu ildə
baş verən amansız zəlzələ üst-üstə düşərək, ümumxalq bəd-
binliyi üçün zəmin yarada bilərdi. Lakin, nədənsə, məhz bu
illərdə mədəniyyətin və musiqinin inkişafı vüsət alır.
Şamaxının təxminən iki əsrlik tarixini ağuşuna alan za-
manı və bu zamanın səmalarında ulduzlar kimi parlayıb sönən
müğənniləri, xanəndələri, şairləri, qəzəlxanları, xalqımızın
müdriklərini və mülk sahiblərini xatırlayanda Sədi ilə razılaş-
mamaq mümkün deyil. Həqiqətən də, "zaman sabitdir, ötüb
keçən bizik". Muğam zamandan, qərinələrdən yüksəkdə daya-
naraq inkişaf etdi, təkmilləşdi və xalqımızı da arxasınca apa-
raraq, bu günkü müdriklik və kamillik zirvəsinə ucaldı.
Mahmud Ağanın ətrafında olan istedadların, bilik və ağıl
sahiblərinin surətlərini yan-yana düzə bilsəydik, muğam və
qəzəl aşiqlərinin bənzərsiz rəsm qalereyası yaranardı. Xal-
qımızın mədəniyyətinin, maarifinin, elminin və incəsənətinin
Məşhur xeyriyyəçi Mahmud Ağa və naməlum muğam universiteti
279
inkişafı üçün heç kimdən mükafat gözləmədən, sonsuz bir eşq,
vətən sevgisi ilə əzmlə çalışan saysız-hesabsız sənət fədailərini
görürük. Söz və musiqi xiridarları ilə onlara arxa duran,
himayədarlıq edən mülk, sərvət sahibləri ecazkar bir harmo-
niyada, vəhdətdə əməkdaşlıq ediblər. Bu harmoniya bulaq kimi
çağlayaraq muğamdan bəhrələnib desək yanılmarıq. Şamaxıda
XIX əsrin ortalarında yaşayan varlı adamların sayı yüzlərlə
olub. Onlar maarifə, sənətə xüsusi rəğbət bəsləyər, Mahmud
Ağaya, onun məclisinə böyük hörmətlə yanaşardılar. Özləri də
saraya dəvət alan sənətkarlara, keçirilən müsabiqələrə, cəngilə-
rin rəqslərinə qayğı göstərər, məclisə dəvət alan İran, Tiflis,
Orta Asiya musiqiçilərini, rusiyalı səyyahları qonaq da
edirdilər. Onlar başa düşürdü ki, Mahmud Ağanın gördüyü
xeyirxah işlər Şamaxıya yalnız ucalıq gətirir. Çox güman ki,
Mahmud Ağa muğamın fəlsəfəsini, onun emosional gücünü
hiss edib, duyub. Əgər belə olmasaydı, o muğam sədaları
altında yatıb oyanmazdı, muğamla nəfəs almazdı və yüzlərlə
ehtiyacı olana da arxa durmazdı.
Mahmud Ağanın məclislərində, keçirdiyi müsabiqələrdə
sənətkarlarla yanaşı, musiqi təşnələri, sənət qədri bilən tacir,
mülkədar və eləcə də dövlət qulluqçuları da vaxtaşırı iştirak
edirdilər. Onlardan bir neçəsini xatırlayaq. Mahmud Ağanın
qonşusu Ağasadıq bəy Qocamanbəyov (1830-1908) Şama-
xının sayılıb-seçilən mülkədarlarından biri idi. Kifayət qədər
varlı, mülkləri, dəyirman və karvansaraları, bağ-bağatları var
idi. O, Şamaxı ziyalıları ilə ünsiyyət qurar, Mahmud Ağa məc-
lisinin iştirakçısı kimi onun qonaqlarını sarayına dəvət edərdi.
Memar Qasım bəy Hacıbabayev (1811-1874) Əhməd
Sultanın dostlarından biri idi. Mahmud Ağanın atası Əhməd
Sultanın musiqi gecələrində iştirak edərdi. Qasım bəy 1840-cı
illərdə Şamaxıda qubernatorun müavini işləmiş, ilk dəfə burada
teatr binası tikdirmişdir. 1859-cu il zəlzələsində şəhərin bərpa-
sına xüsusi kömək edib. Onun layihələri ilə şəhərin plan struk-
turuna uyğun olaraq bir çox dini, yaşayış, ticarət və sair təyi-
Seyfəddin Qəniyev, Səadət Veysova
280
natlı tikililər yenidən inşa olundu. Cümə məscidinin bərpasına
şəhərin baş memarı kimi bilavasitə rəhbərlik edib, bir çox
sarayların, dövlət binalarının, karvansaraların layihəsini də
şəxsən özü verib, Bakı və Şuşa şəhərlərində inzibati binaların
tikintisində, park və bağların qurulmasında da yaxından iştirak
edib. Bu qarşılıqlı münasibətlər mənəviyyatımızın və mədəniy-
yətimizin əsrlərin dərinliklərindən gələn zənginliyindən, eyni
zamanda muğamın aşıladığı nəciblikdən pöhrələnir.
Keçmişini dərk edən, gələcəyinin uğur kodlarını öz kökün-
də, tarixində axtaran xalq təkamülündə ləngimir, geridə qalmır,
əksinə, irəli sıçrayır, milyonlara, milyardlara nümunə ola bilir.
Bu baxımdan Mahmud Ağanın xeyriyyəçiliyinin, onun əliaçıq-
lığının fəlsəfəsinin araşdırılmasına ehtiyac var.
Mahmud Ağa Sadıqcana qızıldan tar, Qaryağdıoğlu
Cabbara qızıldan qaval hədiyyə edib. Onun muğam ustaları,
müsabiqə qalibləri, şair, aşıq və rəqqasələrə verdiyi mükafat-
ların siyahısı da uzundur: qızıldan hazırlanan təsbehlər, üzüklər,
saatlar, camlar, bazubəndlər, kəmərlər, boyunbağılar, sinəbənd,
araqçın, sırğalar, qolbaqlar, qızıl əsalar və Buxara papaqları,
zərli-baftalı əbalar, çərkəzi çuxalar. Hədiyyələrin qiyməti
Ağanın səxavəti ilə yanaşı, məclisin nüfuzunun da yüksək tutul-
masından xəbər verir. Bu məclisdə seçilənlər yüksək dəyərlən-
dirilər, heç kimin istedadı kölgədə qalmazdı. Mahmud Ağa
yaxşı bilirdi ki, Azərbaycan artıq Rusiyanın tərkibindədir. O bir
tərəfdən rus dilini öyrənir, çar hökumətinin yerli təmsilçiləri ilə
münasibətlərini qurur, övladlarının Rusiyadakı institutlarda təh-
sil almasına çalışır, digər tərəfdən də Azərbaycan mədəniyyəti-
nin, musiqisinin, muğamının inkişafı üçün səxavətini əsirgə-
mirdi.
Onun ətrafındakı söz və sənət adamları, elm xadimləri,
sərvət sahibləri və bir də Mahmud Ağanın nəsil şəcərəsindən
olan insanlar arasında ilk baxışda bir əlaqə, bağlılıq axtarmaq
mənasız görünə bilər. Həqiqətən də, iki yüzillik bir dövrü əhatə
Dostları ilə paylaş: |