11
cəhətlər islam təsəvvüfü və irfanla bənzərlik təşkil edir. Hətta
bəzən üst-üstə düşən nöqtələr də yox deyildir.
1
Məsələn,
«şaman təlimində ruhlarla ünsiyyət, ruhların şüa
ilə yerə enməsi və yenidən öz əslinə qovuşması, rəqs və səma
məclisi kimi tipoloji hallar təsəvvüf və irfanla qismən uzlaşan
amillərdir».
2
Zərdüştilikdəki kamil insan, xeyir-şər qarşılaşması, Tanrı
ilə ünsiyyət, hind mistikasında Nirvana, zöhd, nəfslə
mücadilə və onun vəsvəsəsindən qurtuluş, brəhmənizmdəki
vəhdət və batini mərifətlə ona çatmaq ideyası, yəhudi misti-
kasında maddi varlıqdan çəkinmə, Allahla ünsiyyət və onun
vüsalına yetmə, batini nurlanma və s., platonizmdəki varlığın
təkliyi, vəhdəti və Allahdan ibarət olması, «ölmək yaşamaqdır»
ideyası, yaradılış sisteminin vahid həqiqətdən başlayıb külli-
ağıl, külli-nəsf, ilkin materiya və nəhayət, maddi dünya
şəklindəki düzümü, mütləq varlığı tam dərk etməyin qeyri-
mümkünlüyü və s., xristianlıqda zahidlik, xəlvətə çəkilmək,
məhəbbət və bu kimi bir sıra tipoloji oxşarlıqlar təsəvvüf və
irfanla uzlaşan, onda özünü göstərən cəhət və əlamətlərdir.
Lakin təsəvvüf və irfanın adı çəkilən din və fəlsəfi sistem-
lərlə bağlılığı, onlardan qaynaqlanması, rişələnməsi barədə yek-
dil fikir yoxdur və bu fikirləri iki istiqamətdə qruplaşdırmaq
olar: bəziləri sufizmin nə qədər Quran və islam hadisəsi olsa
da, adı çəkilən və həmçinin bəzi başqa din və fəlsəfi
görüşlərdən də qaynaqlandığını iddia edir və bunu
əsaslandırmağa çalışır; ikinci qrup təfsirçilər və fikir sahibləri
isə təsəvvüf və irfanın Quran və islami dəyərlərdən başqa heç
bir din və fəlsəfi, əxlaqi görüşlə bağlı olmadığını, onlardan heç
nəyi əxz etmədiyini iddia edir, təsəvvüf və irfanın həmin din
və fəlsəfi, əxlaqi görüşlərlə uzlaşan cəhətlərinin səbəblərini isə
1
Bu barədə ətraflı məlumat üçün bax: Göyüşov
N., Quran və
irfan işığında. «İqtisad Universiteti» nəşriyyatı, B., 2004,
səh.49-68.
2
Yenə orada, səh.56.
12
bəşəriyyətin mədəni, mənəvi-əxlaqi inkişafında bir-biri ilə heç
bir əlaqəsi olmayan xalqlarda, toplumlarda özünü büruzə verən,
insan övladına aid ümumi bədii, estetik, etik, dini fəlsəfi, həyati
və s. tipoloji düşüncə tərzində, oxşar baxışlarda və
təsəvvürlərdə axtarırlar. Sufizmi isə sırf Quran və islam
hadisəsi kimi dəyərləndirirlər.
Yuxarıda deyildiyi kimi, daha çox təsbitləşmiş anlama görə
«suf» yun və ya qaba yundan hazırlanmış paltar, «sufi» isə hə-
min paltarı geyinənə deyilmişdir. Ancaq zaman keçdikcə bu
istilahın məna tutumu daha da genişlənmişdir. Artıq irfani
əqidə daşıyıcılarına «sufi» deməyə başlamışlar və bu ad daha
geniş coğrafi əraziyə yayılmağa üz tutmuşdur.
Quran kimi müqəddəs və kamil səmavi kitabı, doğru-
dürüst hökmləri, qanun-qaydaları, əxlaq və davranış normaları
olan mükəmməl bir dinin çərçivəsində təsəvvüf kimi yeni,
əhatəli, böyük şaxələri olan bir dini-fəlsəfi cərəyanın yaranma
səbəbi nə ilə bağlıdır? Bunu mümkün və zəruri edən amillər
hansılar oldu? Əlbəttə, bu geniş mövzudur. Biz isə mövzu ilə
əlaqədar olduğuna görə yığcam şəkildə bu problemə
toxunmaqla kifayətlənməyi lazım bilirik.
Məhəmməd (s.) peyğəmbərin zamanında islami
cəmiyyətdə ideal bir ədalət, bərabərlik və qardaşlıq prinsipi
hakim idi. Həmin prinsip icma başçısından tutmuş aşağıya
doğru ideal bir nizamla həyata keçirilirdi. Sonrakı dörd mötəbər
xəlifənin ruhani-dünyəvi başçılığı dövründə də deyilən prinsip,
əsasən, gözlənildi. Doğrudur, nübüvvətdən xilafətə keçid
müəyyən pillə aşağıya doğru eniş idi, amma hər halda sadə
həyat tərzi və ədalət nizamı pozulmamışdı. Lakin Əməvilərin,
daha sonra isə Abbasilərin hakimiyyəti dövründə xilafət
səltənətə, mənəvi-ruhani cəmiyyət dünyəvi cəmiyyətə çevrildi.
Həm də bu işin təşkili dövlət və rəhbərlər səviyyəsində həyata
keçirildi. Bəzi riyakar və zahirpərəst ruhanilər də göstərilən
ədalətsizliyə gizli və aşkar şəkildə bəraət qazandırmağa
başladılar. Tanrı cəmiyyəti mənfəətpərəstlik cəmiyyəti ilə,
13
Tanrı sevgisi sərvət və mənsəb sevgisi ilə əvəz olundu.
Şöhrət, rəyasət, dəbdəbəli həyat, maddi zənginlik ixtiyarlı
təbəqənin qanuni don geyindirdiyi yaşayış normasına çevrildi.
Ədalətsizlik qərarlaşdı və bu, dünyəvi, bəzən hətta dini başçılar
səviyyəsində müdafiə olundu, hər bir müsəlmanın bir-biri ilə
qardaşlığı və bərabərliyi prisnipi təbəqələşmə, «sərvətin və
vəzifən çoxdur, demək, ixtiyarın da çoxdur» – prinsipi ilə əvəz
olundu. Sufizm məhz həmin dünyapərəstliyə, mənfəətgirliyə,
sərvətpərəstliyə, haqqı atıb dünyanı tutmağa qarşı dinc etiraz
forması kimi təzahür edib intişar tapdı.
Sufizmin bir etiqad və düşüncə tərzi kimi özünəqədərki
başqa din və fəlsəfi görüşlərlə bağlılığı və oxşarlığı olsa da, o,
islam dininin bətnindən doğulmuş, mühüm bir islam hadisəsi
kimi nəşət etmişdi. Doğrudan da, onun əsas qaynaqları məhz
islami cəmiyyətin atributlarıdır. Quran, Məhəmməd (s.)
peyğəmbərlə əlaqəli sünnə və hədislər, səhabələrin kəlamları və
davranış normaları, əhli-beytin sadə həyat tərzi, zöhd, təqva,
təvəkkül, ixlas, şəriət qaydalarına dürüst əməl etmək, Tanrı eşqi
ilə yaşamaq, nəfslə mübarizə və s. təsəvvüfün ilkin qaynaqları
sırasındadır.
Əməli cəhətdən sufi həyatı yaşayan ilk dərvişlərdən Həsən
Bəsrinin (?-728) adı daha çox məşhurdur. «
Əs-sufi» ləqəbinin
işlədilməsi isə bir qədər sonraya aiddir. Belə bir ləqəblə tanınan
ilk şəxsiyyətlər kimi kufəli Əbu Haşimin və asketik həyat tərzi
və əqidəsi olan kimyagər Cabir ibn Həyyanın adı çəkilir. VIII
əsrin ikinci yarısında yaşamış hər iki mütəsəvvüf kufəlidir. De-
məli, «əs-sufi» ləqəbi ilk dəfə Kufədə işlədilmişdir.
Əməli fəaliyyət, mənəvi və fiziki yaşam tərzi olan təsəvvü-
fün fəlsəfə ilə qaynayıb qovuşması da sonrakı əsrlərə təsadüf
edir. Həm də belə bir proses təsəvvüf və ürfanın tarixi təkamü-
lündə, onun əməli və nəzəri cəhətdən yetkin, bitkin bir təlim ki-
mi formalaşmasında müstəsna əhəmiyyət kəsb edir.
İslam dininin gəlişi qədim din, mədəniyyət və fəlsəfi
görüşləri öyrənməyə də marağı artırdı. Hətta xəlifə Əl-
14
Mütəvəkkilin zamanında Bağdadda
tərcümə məktəbi də
yaradıldı. Yunan və başqa dillərdən çoxlu əsərlər tərcümə
edildi. Razi (?-932), Farabi (870-950), İbn Sina (980-1037)
və s. kimi universal zəka sahibləri həm qədim şərq və yunan
fəlsəfəsini, həm də Quranı və islam qaydalarını dərindən
mənimsəyərək və bunları sintez edərək fəlsəfə sahəsində böyük
yeniliklərə nail oldular. Fəlsəfi fikrin fundamental şəkildə islam
dünyasına daxil omlası təsəvvüf və irfanın da əməli yüksəlişinə
və nəzəri konsepsiyasının mükəmməl şəkildə işlənib
hazırlanmasına rəvac verdi.
Zaman-zaman yetişən qüdrətli elm, irfan, iman, fəzilət və
zəka sahibləri təsəvvüfün təkamülünə, elmi-nəzəri konsepsiya-
nın işlənib hazırlanmasına, onun dini-fəlsəfi sistem halına düş-
məsinə öz töhfələrini verdilər. Bu işi görən çoxsaylı şəxsiyyət-
lər içərisində Zünnun-əl-Misri (?-854), Bəyazid Bistami (?-
874), Həllac Hüseyn ibn Mənsur (858-922), Cüneyd
Bağdadi (
≈820-910), Əbülqasım Quşeyri (?- 1072), Əbu
Hamid Qəzali (1059-1111),
Mühyəddin ibn Ərəbi (1165-
1270), Mövlana Cəlaləddin Rumi (1207-1273) və
başqalarının xidmətləri daha böyükdür.
Zünnun-əl-Misri tanınmış sufi qadın Rəbiə Ədəviyyə
tərəfindən irəli sürülən «Haqqa təmənnasız xidmət və ixlas»
(səmimi, sədaqətli sevgi və qulluq) ideyasını daha da
dərinləşdirdi. Haqq sevgisində riyakarlığı rədd etdi. İlk dəfə
olaraq adi zahiri elmi ilahi mərifətdən ayırdı. Bu mərifəti
Tanrıya məhəbbət və batini nurlanma ilə əlaqələndirdi. Fəna
barədə ilkin elmi-təsəvvüfi izahat da Zünnun-əl-Misriyə
məxsusdur.
Zünnun-əl-Misrinin fəna barədə fikirlərini onun müridi, tə-
səvvüfdə Bağdad məktəbinin ən görkəmli nümayəndələrindən
olan Bəyazid Bistami daha da inkişaf etdirdi. O, eşq anlamını
qabardaraq ona xüsusi önəm verdi: «Mənim paklığım, şan və
dərəcəm daha əzəmətlidir» - ideyası da Bistamiyə məxsusdur