27
Əgər insan heçliyi, çirkinliyi və pisliyi özündən yox etsə, onda
yalnız ilahi sifətlər qalar.
Ümumiyyətlə, xilqətdə Allaha ən yaxın olan və ən şərəfli
məxluq insandır. Quran ayələrində Allahın «Biz ona şah
damarlarından da yaxınıq» («Qaf», ayə 16) deyə insanı
nəzərdə tutması da bunu sübut edir. İnsanın ərəbcə «ənəs»
sözündən olub «göz bəbəyi» mənasını ifadə etdiyi də təsbit
olunur. Təbii ki, burada Haqqın insana «göz bəbəyi» qədər
önəm verməsi diqqəti cəlb edir. Deyildiyi kimi, insanda ilahi
varlıqla (ruh) maddi varlığa (cism) xas keyfiyyətlər qovuşuq
şəkildədir. İnsan hətta bir xilqət kimi mələklərdən belə
üstündür. Çünki mələklərdə Haqqın yalnız camal sifətləri,
insanda isə həm camal, həm də cəlal sifətləri cəmləşmişdir.
Allah özünəməxsus bir çox ali keyfiyyətləri insana əta etmiş,
onu özünəbənzər bicimdə xəlq etmişdir. Buna görə də Allah
«nüsxeyi-kəbir» («böyük nüsxə»), insan isə «nüsxeyi-səğir»
(«kiçik nüsxə») hesab olunur. Bütün xilqət də insana xatir və
insan naminə yaradılmışdır. Yaradılış nizamının özü də ilahi-
bəşəri cövhərdən başlayıb bəşərdə bitir. Belə ki, əvvəlcə də
deyildiyi kimi, ədəm (heçlik) Aləmi bərqərar ikən ilk yaradılış
nuri-Məhəmmədlə (əqli-küll) başladı. Məhəmməd peyğəmbər
isə ilahi xislətlə yanaşı, həm də bəşəri sifətlərə malikdir. Yəni
həm də bəşər övladıdır. Allahın Həzrəti Məhəmmədə (s.)
xitabən dediyi belə bir hədisi-şərif isə aləmlərin islam
peyğəmbərinə, son nəticədə insana görə yaradıldığını göstərir:
«Əgər sən olmasaydın, fələkləri yaratmazdım».
Tanrıya məxsus ilahi əmanətlərin daşıyıcısı da insandır.
Halbuki həmin əmanət insandan daha əvvəl göylərə, yerə və
dağlara təklif olunmuş və bunlar qorxudan həmin əmanəti gö-
türməkdən imtina etmişdir. İnsan isə əmanəti qəbul etmişdir.
Quranın «Əl-Əhzab» surəsinin 72-ci ayəsində deyilir: «Biz
əmanəti (Allaha itaət və ibadəti, şəri hökmləri yerinə yetirməyi)
göylərə, yerə və dağlara təklif etdik. Onlar onu götürməkdən
qorxub çəkindilər. Çox zalım və çox cahil olan insan isə onu
28
götürdü». İlahi əmanət dedikdə, Allaha itaət, ibadət, şəriət
hökmlərini yerinə yetirməklə yanaşı, ağıl, idrak, düşüncə, Haq-
dan ayrılıq dərdi, vüsal həsrəti, eşq yükü və s. də nəzərdə
tutulur.
İnsanın Tanrını tanıma və ona tapınma məqamı bəşəri ruh-
ların ilkin yaradılış günü ilə üst-üstə düşür. İnsanın cismani
yaradılışından çox-çox öncə baş verən bu yaradılış günü «ruzi-
ələst» və ya «ruzi-əzəl» adlanır.
Həmin gün Allah çox-çox sonralar yer üzünə enib cismani
bədənlə qovuşacaq bu intəhasız sayda ruhları cəm edib
onlardan soruşmuşdu: «Mən sizin rəbbiniz deyiləmmi?»
(«Ələsti rəbbiküm?») və onda ruhlar cavab vermişdi:
«Bəli,
Rəbbimizsən» («Qalu: bəli»). Quranın
«Əraf» surəsinin 172-ci
ayəsində xatırlanan bu məclis «bəzəmi-əzəl», həmin sual-cavab
isə Tanrı ilə bəndə arasındakı ilk müqəddəs misaq, yəni əhd-
peyman hesab olunur.
Bəşər övladı Haqqın yer üzündəki xəlifəsi və eyni zamanda
məxluqatın ən gözəlidir. Onun gözəl bir biçimdə yaranması
hətta Quranda da xüsusi olaraq vurğulanır: «Biz insanı ən gözəl
biçimdə yaratdıq» («Ət-Tin», ayə 4). Bu gözəllik həm zahiri,
həm də batini aləmi özündə ehtiva edir, yəni insan həm surət,
həm də daxili-mənəvi baxımdan gözəl yaradılmışdır. Haqqın ən
gözəl mənəvi keyfiyyətləri ruh, ağıl, düşüncə, nitq və s. də
məhz yalnız insana bəxş orlunmuşdur. Kamil insan, başqa
sözlə, vücudun ehtiraslarını tərk edib mənən tam kamilliyə
qovuşmuş insan əslində Haqq zərrəsinin timsalıdır.
Kamil insanın fiziki varlığını atıb yalnız ruhi varlığını
tutsaq, Allahın bir zərrəsi, son nəticədə Haqqın özü qalmış olar.
Həllac Mənsurun «ənəlhəq» şüarını sonrakı dövrün sufi
şeyxləri və irfan sahibləri məhz bu mənada təfsir etmişlər.
Onu da nəzərə almaq lazımdır ki, xilqətin ən gözəl
məxluqu insan olsa da, ümumiyyətlə, yaradılışda və
yaradılmışlarda heç bir nöqsan, kəsir yoxdur və ola da bilməz.
Çünki M.Şəbüstərinin təsəvvüfə dair dəyərli poetik nümunə
29
olan «Gülşəni-raz» əsərində israr etdiyi kimi: «Yaxşıdan hər nə
sadir oldusa, yaxşıdır» («Ze niku hər çe sader gəşt, nikust»).
Yəni Allah gözəl olduğu üçün onun yaratdığı heç nə nöqsanlı
və gözəllikdən uzaq ola bilməz. İmam Qəzali məxluqatın ideal
gözəlliyi və nizamı barədə daha qəti hökm verirdi: «Hər şey elə
yaranmışdı ki, ondan yaxşı ola bilməzdi. Bütün ağıllar toplaşıb
nə qədər yaxşı və gözəl düşünsələr də, bundan gözəl yarada
bilməzlər. Dünyada hər nə ya-ranıbsa hikmət və ədalətlə
yaranıb, bundan kamil yaranış mümkün deyildir».
Vəhdəti-vücud. Sufizmdə vəhdəti-vücud nəzəriyyəsinin
xüsusi rolu və tutumu vardır. Təsəvvüf və irfan əslində özünün
təkamül və yüksəliş tarixində bu nəzəriyyə ilə zirvəyə və
kamala çatır, bütöv, yetkin və sistemli təlim halına gəlir.
Vəhdəti-vücud nəzəriyyəsinin yarıdıcısı XII-XIII əsrlərin
hüdudlarında İspaniyada yaşamış və «Şeyxü-əkbər» («Böyük
şeyx») ləqəbi almış Mühyəddin ibn Ərəbidir (1165-1240).
Doğrudur, İbn Ərəbiyə qədər də bu nəzəriyyə ilə əlaqəli müəy-
yən fikirlər söylənilmiş, mülahizələr irəli sürülmüşdü. Ancaq
onu sistemli və mükəmməl bir təlim halına gətirən, vəhdəti-
vücudun tövhidə zidd olmadığını, əksinə bunların uzlaşan və
üst-üstə düşən müddəalar olduğunu əsaslandıran, islam dünya-
sında dini-fəlsəfi inanca daxil və qəbul etdirən İbn Ərəbi ol-
muşdur. O, öz ideyalarını «Fütuhati-Məkkiyyə», «Füsusül-
hikəm» və s. əsərlərində, risalə və şərhlərində vermişdir.
Məlumdur ki, islam monoteist, yəni təkallahlılıq dini olub
tövhid prinsipinə əsaslanır. Tövhid isə ilahi varlığın təkliyini,
vahidliyini, şəriksiz, yeganə, əzəli və əbədi reallıq olduğunu is-
rar və qəbul edir. Vəhdəti-vücud nəzəriyyəsinə görə də bütün
maddi və mənəvi gerçəkliyi özündə ehtiva edən tək bir varlıq
vardır. Quranda da Allahın hər şeyi özündə ehtiva etdiyi təsbit
olunur və vəhdəti-vücud təlimi üçün mötəbər qaynaq və çıxış
nöqtəsi də həmin ayələrdir. Məsələn, «Ən-Nisa» surəsinin 127-
ci ayəsində deyilir: «Göylərdə və yerdə nə varsa, hamısı Allaha
məxsusdur. Allah hər şeyi (elmi və qüdrətilə) ehtiva etmişdir».
30
Vəhdəti-vücud vücudun birliyi, vəhdəti,
bütövlüyü anla-
mındadır. Bu nəzəriyyəyə görə daimi və mütləq olan yeganə bir
həqiqət vardır. Bu əbədi reallıqdır. Yaradılmayıb və
yaradılmaq, yəni xilqət xassəsinə malik deyil. Daimi mövcud
olan həmin varlıq Haqqın özünün zatıdır ki, dərkolunmazdır.
İbtidası və intəhası olmayan Allah zatı mənəvi və maddi aləmin
əsasında dayanan vahid həqiqətdir. Həm də bu təklik və
vahidlik ədədlə, rəqəmlə ifadə oluna bilən fiziki vahidlik anla-
mında yox, ədədlə ifadə oluna bilməyən bütöv və dərkolunmaz
ilahi həqiqət anlamındadır. Həmin varlığa vacibül-vücud, yəni
vacib varlıq və yaxud
vücudü-küll də deyilir. Çünki onun
varlığı mütləq və heç nədən asılı olmayaraq vacib şəkildə
mövcuddur.
Bununla belə, kainatda sonsuz sayda maddi varlıqlar, cism-
lər, əşyalar da mövcuddur ki, insan da bu cismani varlıqlar sıra-
sındadır. Vəhdəti-vücud təliminə görə sonsuz sayda bu maddi
varlıq və cismlər Tanrı zatının təcəllisindən yaranmışdır. Yəni
gördüyümüz hər şey Allah vücudunun müxtəlif görkəm, forma
və rənglərdəki görünüşlərindən ibarətdir. Haqdan qeyri nə var-
sa, bütün masiva (Haqdan qeyri nə varsa) Haqqın zat və sifətlə-
rinin təcəllisi, başqa sözlə, onun çeşidli cismani varlıqlar şək-
lində təzahüründən ibarətdir. S.Ə.Şirvani bir şeirində bu
mətləbi belə ifadə edirdi:
Bəhri-vəhdət mövc edib, dışra dağıldı qətrələr,
Oldular ol qətrələrdən dürri-lala müxtəlif.
Başqa sözlə, Allah özünün sonsuz sayda ad və sifətlərini
əşyalar şəklində təzahür etdirmişdir.
Maddi gerçəklikdəki bütün
cismlər Haqqın ad və sifətlərinin təcəssümü və məzhəridir. Yə-
ni kainatdakı bütün qətrə və zərrələrdə ilahi ünsür vardır və
bunlar ilahi varlığın bir parçasıdır. Elə buna görə də hər zərrə
və qətrə «ənəllah» («mən allaham») söyləyir: