262
ə
məliyyatların tənzimlənməsi Qaydaları" ilə müəyyən olunmuş əlavə müddətin verildiyi hal
istisna olmaqla, bank daşınmaz əmlakı yaratdığı müvafiq ehtiyatlar hesabına balansdan silir.
Ödəməmələrə görə bankın mülkiyyətinə keçmiş tarixdən bank işində istifadə olunmayan
daşınmaz əmlak aşağıdakı kimi təsnifləşdirilir və onun üçün müvafiq xüsusi ehtiyatlar yaradılır:
daşınmaz əmlakın bazar dəyəri onun balans dəyərindən çox olduqda o, birinci il balans dəyəri
məbləğində ən azı "qeyri-qənaətbəxş aktivlər" kimi təsnifləşdirilir; daşınmaz əmlakın bazar
dəyəri balans dəyərindən az olduqda o, birinci il bazar dəyəri məbləğində ən azı "qeyri-
qənaətbəxş aktivlər" kimi, fərq isə "ümidsiz aktivlər" kimi təsnifləşdirilir.
Bir illik müddət başa çatdıqdan sonra bankın balansında ödəməmələrə görə qalmış
daşınmaz əmlak ən azı "təhlükəli aktivlər" kateqoriyasına aid edilir.
Üç illik müddət başa çatdıqdan sonra ödəməmələrə görə balansa götürülmüş daşınmaz
ə
mlak (AMB-nin "Bankların əsas vəsaitlərlə (əmlakla) apardıqları əməliyyatların tənzimlənməsi
Qaydaları" ilə müəyyən olunmuş əlavə müddətin verildiyi hal istisna olmaqla) "ümidsiz aktivlər"
kateqoriyasına keçirilərək balansdan silinir. Balansdan silinən daşınmaz əmlak müvafiq
balansdankənar hesabda uçota alınır.
Ödəməmələrə görə balansa götürülmüş daşınar əmlakın təsnifləşdirilməsi və onun üçün
müvafiq xüsusi ehtiyatın yaradılması aşağıdakı kimi həyata keçirilir: daşınar əmlak bank
tərəfindən fərdi qaydada təhlil edilib təsnifləşdirilir.
Ödəməmələrə görə balansa götürülmüş bank işində istifadə olunmayan daşınar əmlak
üzərində mülkiyyət hüququ əldə edildiyi tarixdən onun 120 gün müddətinə realizə edilməsi üçün
bütün zəruri tədbirlər görülür. Ödəməmələrə görə bank balansa götürülmüş daşınar əmlaka dair
mülkiyyət hüququ əldə etdiyi tarixdən etibarən onu aşağıdakı kimi təsnifləşdirir və onun üçün
müvafiq xüsusi ehtiyatlar yaradır: daşınar əmlakın bazar dəyəri balans dəyərindən çox olduqda o,
60 gün ərzində balans dəyəri məbləğində ən azı "qeyri-qənaətbəxş aktivlər" kimi təsnifləşdirilir;
daşınar əmlakın bazar dəyəri balans dəyərindən az olduqda o, 60 gün ərzində bazar dəyəri
məbləğində ən azı "qeyri-qənaətbəxş aktivlər", fərq isə "ümidsiz aktivlər" kimi təsnifləşdirilir; 60
günlük müddət başa çatdıqdan sonra bankın balansında ödəməmələrə görə qalmış daşınar əmlak
ə
n azı "təhlükəli aktivlər" kateqoriyasına aid edilir. 120 günlük müddət başa çatdıqdan sonra
ödəməmələrə görə balansa götürülmüş daşınar əmlak "ümidsiz aktivlər” kimi təsnifləşdirilərək
balansdan silinir. Balansdan silinən daşınar əmlak müvafiq balansdankənar hesabda uçota alınır.
Ödəməmələrə görə götürülmüş əmlak (daşınmaz və daşınar) üzərində bank mülkiyyət hüququnu
ə
ldə etdikdə əmlak onun bazar dəyəri ilə kreditin ümumi dəyərinin müqayisəli aşağı məbləği ilə
balansda uçota alınır.
Balansdankənar öhdəliklərin təsnifləşdirilməsi və ehtiyata dair tələblər.
crası mümkün ola bilən balansdankənar öhdəliklər gözlənilməyən risklərlə bağlı
olduğundan banklar tərəfindən təsnifləşdirilir. Bu öhdəliklərə əsasən kreditin verilməsinə dair
öhdəliklər, kredit xətləri, qarantiyalar, akkreditivlər və banklar tərəfindən verilən digər potensial
öhdəliklər aiddir. Bu Qaydaların məqsədləri üçün balansdankənar öhdəliklərlə bağlı risklər kredit
riskləri kimi tanınır və bu növ risklər və onun xüsusiyyətləri bank rəhbərləri tərəfindən nəzərə
alınır. Bu məqsədlə gözlənilə bilən riskləri müəyyən etmək üçün bank qarşısında öhdəlik
götürdüyü müştəridən borcu ödəmək qabiliyyətini müəyyən edə bilən maliyyə hesabatlarının
təqdim olunmasını tələb edir. Müvafiq əməliyyatları həyata keçirən banklar aşağıdakıları nəzərə
almaqla balansdankənar öhdəlikləri bu Qaydaların 5-ci bəndində müəyyən olunmuş şərtlər
ə
sasında təsnifləşdirirlər: təsnifləşdirmə balansdankənar öhdəliyin yarandığı tarixdən aparılır və
onlar üzrə xüsusi ehtiyatlar borclunun gözlənilən öhdəliklərinin ödənilməsində potensial risk
ehtimalı olduqda yaradılır; qarantiya, akkreditiv və banklar tərəfindən verilən digər potensial
öhdəliklər balans aktivlərinə çevrildiyi andan ən azı “nəzarət altında olan aktivlər” kateqoriyasına
aid edilir; kredit xəttinin qalıq hissəsi ən azı, müqavilədə başqa şərtlər nəzərdə tutulmadığı halda,
bank tərəfindən faktiki verilmiş hissənin təsnifləşdirmə kateqoriyasına aid edilir.
Bank mümkün zərərlərin ödənilməsi üçün yaradılmış ehtiyatların aktivlər üzrə adekvatlığını
müəyyən etmək üçün onları ayda ən azı bir dəfə qiymətləndirir. Ehtiyatların yaradılmaması və ya
263
lazımi səviyyədə saxlanmaması faktları əmanətçilərin və digər kreditorların vəsaitlərini təhlükəyə
məruz qoyur və qeyri-sağlam bank fəaliyyəti kimi qiymətləndirilir.
Bankın aktivlər üzrə mümkün zərərlərin ödənilməsi üçün yaratdığı ehtiyatlar ayrıca bir
aktiv üçün deyil, aktivlər qrupu üçün (kreditlər, banklararası tələblər, qiymətli kağızlar, debitor
borcları, digər aktivlər və s.) nəzərdə tutulur. Yaradılmış ehtiyatlardan həmin qrupa daxil olan
bütün aktivlər üzrə mümkün zərərlərin ödənilməsi üçün istifadə edilir.
Bu Qaydaların hər hansı müddəası bank rəhbərliyinə və ya AMB-nin inspektorlarına
aktivlərin keyfiyyəti ilə yanaşı, iqtisadi meylləri, mümkün zərərin həcmi və xarakterini, bank
rəhbərliyinin idarəetmə qabiliyyətini və s. amilləri nəzərə almaqla ehtiyatların daha yüksək
səviyyədə saxlamasına və ya onu tələb etməyə mane olmur. Bu zaman Qaydaların 5.2-ci
bəndinin tələblərinə əməl olunur.
Mümkün zərərlərin ödənilməsi üçün ehtiyatlar bankın xərclər hesabının debetləşdirilməsi
yolu ilə yaradılır. Bu xərclər öz mahiyyətinə görə digər xərclərdən (məsələn, əmək haqqı,
amortizasiya və s.) fərqlənmir və bankın bölüşdürülməmiş mənfəətinin və ya cari gəlirinin olub-
olmamasından asılı deyildir. Aktivlərin qiymətləndirilməsinin nəticəsinə əsasən ehtiyat kifayət
qədər olmadığı halda o, çatışmayan məbləğ qədər xərclər hesabının debetləşdirilməsi ilə artırılır.
Banklar tərəfindən aktivlərin hər bir qrupu, kateqoriyası və ya sinfi üzrə "Ehtimal olunan zərərlər
üzrə ehtiyatların yaradılmasına ayırma" adlı subhesabların açılması istisna olunmur.
Aktivlərin aylıq qiymətləndirilməsi zamanı onların keyfiyyətinin yaxşılaşması müəyyən
edildikdə artıq yaradılmış ehtiyatlar müvafiq xərclər hesabının kreditləşdirilməsi yolu ilə azaldılır
və ya xərc hesabında qalıq olmadığı halda gəlirlərə aid edilir.
Ə
vvəllər balansdan "ümidsiz aktivlər" kimi silinmiş (əsas borc məbləğində) və sonra
onların ödənilməsi üçün banka daxil olan vəsait müvafiq xərclər hesabının azaldılmasına və ya
xərc hesabında qalıq olmadığı halda gəlirlərə aid edilir.
Konkret aktiv üçün yaradılan məqsədli ehtiyatın məbləği həmin aktivin dəyərindən çıxılır.
Konkret aktiv üçün yaradılan adi ehtiyatın məbləği isə hesabatlarda ayrıca maddə kimi "Kapital"
hesablarında əks etdirilir.
Ehtiyatlar hesabında debet qalığının yaranmasına yol verilmir. Ehtiyatlar hesabına silinəcək
aktivlər ehtiyat hesabının qalığından çox olduqda tələb olunan məbləğ əməliyyat günü ərzində
xərclər hesabına yaradılır. Ehtiyatların "Bölüşdürülməmiş mənfəət", yaxud kapitala aid olan digər
maddələr hesabına yaradılmasına yol verilmir. Bir qrupa daxil olan “məqsədli ehtiyatlar”ın və “adi
ehtiyatlar”ın öz aralarında bir-birinə köçürülməsinə icazə verilir.
Kreditlərin təsnifləşdirilməsi üzrə tələb olunan sənədlər
Banklar aktivlərin təsnifləşdirməsini və onlar üzrə mümkün zərərlərin ödənilməsi üçün
adekvat ehtiyatların yaradılmasını Muşahidə Şurasının təsdiq etdiyi daxili qayda və prosedurlarına
uyğun həyata keçirir.
Kreditlərin təsnifləşdirilməsi üçün aşağıdakı sənədlərin bir neçəsi və ya hamısı tələb olunur:
1. kreditin alınması üçün ərizə;
2. borçalanın maliyyə hesabatı (balans hesabatı, mənfəət və zərərlər haqqında hesabat və
pul vəsaitinin hərəkəti barədə hesabat);
3. biznes-plan;
4. ipotekaya və ya digər girova dair hüquqi sənədlər;
5. kredit müqaviləsi və kreditin verilməsi haqqında başqa məlumatlar;
6. kredit vəsaitlərinin istifadəsi və geri qaytarılması üzrə monitorinq və s.
AMB və bank tərəfindən aparılan təsnifləşdirmənin nəticələri fərqli olduqda bu məsələ
AMB və həmin bank arasında müzakirəyə çıxarılır. AMB zəruri saydığı hallarda hesabatlar və ya
aşkar olunmuş faktlar əsasında hər hansı bir aktivin təsnifləşdirilməsi ilə bağlı mümkün zərərlər
üzrə ehtiyatların dəyişdirilməsini və ya artırılmasını banklardan tələb etmək hüququna malikdir.
Həmin dəyişikliklərə aşağıdakılar əsas olur:
1. kreditlərin verilməsi üzrə bankın daxili qayda və prosedurlarında kredit risklərinin
idarəedilməsinə dair adekvat qaydaların olmaması;
Dostları ilə paylaş: |