258
formaya malik olmamasına baxmayaraq, aktiv hesab olunur, çünki bank tərəfindən onlardan
gələcəkdə iqtisadi səmərə əldə etmək gözlənilir və nəzarət olunur. Həmçinin mülkiyyət
hüququnun olması da aktivin mövcudluğu üçün birinci dərəcəli hesab edilmir. Belə ki, əgər bank
ə
ldə olunması gözlənilən mənfəətə nəzarət edirsə, icarə olunan əmlak da aktiv kimi tanınır.
Bankın aktivləri əvvəlki dövrlərin əməliyyatları və digər hadisələr nəticəsində yaranır. Yaranmış
xərclər və yaradılmış aktivlər arasında sıx əlaqə mövcuddur, lakin bunlar uyğun olmaya da bilər.
Belə ki, bank xərc həyata keçirdikdə, nəzərdə tutulur ki, bu xərc gələcəkdə mənfəət əldə etmək
məqsədi güdür, lakin bu o demək deyil ki, aktiv kimi tanınan obyekt yaranmışdır. Həmçinin
müvafiq xərclərin istisna olması, maddənin aktiv kimi tanınmasına mane olmur və mühasibat ba-
lansında tanına bilər.
Hər bir bank mühasibat balansında aparılan aktiv əməliyyatların xarakterinə əsaslanaraq,
qısamüddətli və uzunmüddətli aktivlər ayrı-ayrılıqda təsnifləşdirilir.
Aktivlər aşağıdakı hallarda qısamüddətli aktiv kimi təsnifləşdirilr:
1. aktiv satılmaq üçün saxlanıldıqda və ya bankın əməliyyat prosesinin normal şəraitində
istifadə edilmək üçün nəzərdə tutulduqda;
2. aktiv əsas etibarı ilə kommersiya məqsədləri üçün və ya qısa vaxt müddətində
saxlanıldıqda və hesabat tarixindən etibarən on iki ay ərzində realizə edilməsi nəzərdə
tutulduqda;
3. aktiv istifadəsi üzrə heç bir məhdudiyyət olmayan pul vəsaitləri və ya onların ekvivalenti
hesab edildikdə.
Bütün digər aktivlər uzunmüddətli aktivlər kimi təsnifləşdirilməlidir.
Bank aktiv və öhdəlikləri likvidlik səviyyəsini əks etdirən ardıcıllıqla və onların xarakteri
üzrə qruplaşdıraraq mühasibat balansında əks etdilir.
Mühasibat balansına aşağıdakı aktiv maddələr daxil edilir:
• nağd pul və digər ödəniş vasitələri;
• qızıl və digər qiymətli metallar;
• Mərkəzi Bankdakı hesablar;
• maliyyə sektoruna verilmiş kreditlər və avanslar;
• müştərilərə verilmiş kreditlər və avanslar;
• qiymətli investisiya kağızları;
• qeyri-maddi aktivlər;
• əsas vəsaitlər;
• digər aktivlər.
Aktivlər – bankın bütün kreditləri, investisiyaları, pul vəsaitləri və əmlakıdır (bank işində
istifadə olunmayan əmlak da daxil olmaqla). Aktivlər standart və qeyri-standart aktivlər qrupuna
bölünürlər. Standart aktivlər qrupuna "qənaətbəxş aktivlər" və "nəzarət altında olan aktivlər",
qeyri-standart aktivlər qrupuna "qeyri-qənaətbəxş aktivlər", "təhlükəli aktivlər" və "ümidsiz
aktivlər" aiddir.
Beləliklə, aktiv əməliyyatların nəticələri bankın balansmın aktiv hissəsində əks
etdirilir, bu göstəricilər əsasında bankm resurslarının yerləşdirilməsi xarakteri, onlardan
istifadənin səmərəliliyi yoxlanılır və təhlil edilir.
Aktivlərin keyfiyyətinin qiymətləndirilməsinin əsas məqsədi bankın aktivlərinin
keyfiyyətinin nəticələrinin sənədləşdirilməsidir. Qiymətləndirmə zamanı bütün riskli aktivlər, o
cümlədən bütün kreditlər təhlil olunur və onlara Aktivlərin təsnifləşdirilməsi və mümkün
zərərlərin ödənilməsi üçün ehtiyatlarin yaradilmasi qaydalarına uyğun olaraq müvafiq reytinqlər
verilir (müvafiq təsnifləşdirmə kateqoriyalarına aid edilir). Bank müntəzəm keçirilən
qiymətləndirmənin köməyi ilə problemli aktivlər üzrə risklərin azaldılması üçün vaxtında lazımi
tədbirlər görməli və kredit portfeli üzrə mümkün zərərləri minimuma endirməyə qadir olmalıdır.
1 yanvar 2011-ci il tarixinə Azərbaycanda bank sisteminin aktivləri 13,3 mlrd. Manat təşkil
edir.
259
7.2. AKT VLƏRIN TƏSN FLƏŞD R LMƏS
10
Təsnifləşdirmə borclunun maliyyə vəziyyətinin təhlili, onun öz borcunu ödəmək qabiliyyəti
və istəyi əsasında aparılır. Buna görə də borclunun öz borcunu ödəmək qabiliyyəti və istəyi çox
mühüm amil hesab edilməklə təsnifləşdirmə zamanı nəzərə alınır.
I. Qənaətbəxş aktivlər. Qənaətbəxş aktivlər yüksək keyfiyyətli aktivlərdir. Bu
kateqoriyaya aşağıdakı şərtlərin bir neçəsinə qaydaların 5.4.1-ci bəndində nəzərdə tutulan hal
istisna olmaqla cavab verən aktivlər aiddir:
1. əsas məbləği və faizləri nağd vəsaitlə və ya onun əvəzedicilərinın girovu ilə (məsələn,
bankda milli və sərbəst dönərli xarici valyutada yerləşdirilmiş depozitlərlə, xəzinə vekselləri ilə)
tam təmin olunmuş kreditlər (bu şərt aktivin bu kateqoriyaya aid edilməsinə kifayətdir);
2. əsas məbləği və ya faiz borclarının qaytarılma müddəti kredit müqaviləsinə uyğun
ödənilən (geçikdirilmiş borcu olmayan) işlək kreditlər;
3. əsas məbləği və ya faiz borclarının qaytarılma müddəti kredit müqaviləsində müəyyən
olunmuş tarixdən 30 günədək gecikdirilmiş (vaxtı keçməmiş) 10 min manatadək təminatsız və
məbləğindən asılı olmayaraq tam təminatlı işlək kreditlər;
4. sabit, likvid, yaxşı kapitallaşdırılmış, gəlirli və işgüzar borcalanlara verilmiş işlək kreditlər;
5. bank qarşısında öz borc öhdəliklərini uzun müddət müntəzəm yerinə yetirən etibarlı
müştərilərə verilmiş işlək kreditlər.
"Qənaətbəxş aktivlər" kateqoriyasına aid edilmiş kreditlərin qaytarılması ilə bağlı heç bir
problem olmasa da, banklar bu növ kreditlər üçün onun “qeyd olunmuş dəyər”inin 2 faizi
həcmində adi ehtiyatlar yaradırlar.
II. Nəzarət altında olan aktivlər. Nəzarət altında olan aktivlərin potensial çatışmazlıqları
vardır və onların aradan qaldırılmaması və ya qaydaya salınmaması aktivlərin keyfiyyətinin
pisləşməsinə səbəb ola bilər. Bu kateqoriyaya aşağıdakı şərtlərin bir neçəsinə cavab verən aktivlər
aiddir:
1. əsas məbləği və ya faiz borclarının qaytarılma müddəti kredit müqaviləsində müəyyən
olunmuş tarixdən 60 günədək (vaxtı 30 günə kimi keçmiş) geçikdirilmiş 10 min manatdan yuxarı
təminatsız işlək kreditlər;
2. əsas məbləği və ya faiz borclarının qaytarılma müddəti kredit müqaviləsində müəyyən
olunmuş tarixdən 31 gündən 60 günədək (vaxtı 30 günə kimi keçmiş) gecikdirilmiş 10 min
manatadək təminatsız işlək kreditlər;
3. əsas məbləği və ya faiz borclarının qaytarılma müddəti kredit müqaviləsində müəyyən
olunmuş tarixdən 31 gündən 90 günədək (vaxtı 60 günə kimi keçmiş) gecikdirilmiş tam təminatlı
işlək kreditlər;
4. qaytarılma müddəti bir dəfə uzadılmış tam təminatlı və yığılma prosesində olan kreditlər.
Lakin bu zaman faiz borcları kapitallaşdırılmamalı, onlar tam ödənilməli və kreditin vaxtının
uzadılması borclunun maliyyə vəziyyətinin pisləşməsi ilə əlaqədar olmamalıdır. Bunun üçün
bankda borclunun maliyyə vəziyyətinin sağlam olmasını sübut edən maliyyə hesabatları olmalıdır;
5. borcalan maliyyə hesabatlarını (balans hesabatı, mənfəət və zərərlər haqqında hesabat və
pul vəsaitinin hərəkəti barədə hesabat), yaxud krediti vaxtında ödəmək qabiliyyətini sübut edən
digər əməliyyat sənədlərini və ya biznes-planını təqdim etmədikdə;
6. bankın təcrübəsinin kifayət qədər olmamasına və ya kredit və girov müqaviləsinin qeyri-
adekvatlığına görə bankın lazımi qaydada nəzarət edə bilməyəcəyi kreditlər;
7. təminatın vəziyyətinin pisləşməsinin əlamətləri müşahidə olunduqda;
8. iqtisadi şəraitin dəyişkənliyinin borcluya təsir ehtimalı, yaxud artıq təsir göstərməyə
başlaması müşahidə olunduqda;
10
Aktivlərin təsnifləşdirilməsi və mümkün zərərlərin ödənilməsi üçün ehtiyatlarin yaradilmasi qaydaları -
aktivlərin təsnifləşdirilməsi və aktivlər üzrə mümkün zərərlərin ödənilməsi üçün xüsusi ehtiyat fondlarının
(irəlidə - “ehtiyatlar”) yaradılması qaydalarını müəyyən edir.
Dostları ilə paylaş: |