XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
49
hövzəsi”
hesab edilsin, istər beş ölkənin sərhədində yerləşən
“qapalı dəniz” olsun, Azərbaycanın reallaşdırmaq istədiyi layi-
hələri və həyata keçirdiyi fəaliyyəti qətiyyən inkar etmir. Əgər
BMT-nin ”Beynəlxalq dəniz hüquqları haqqındakı” Konven-
siyasına əsaslanılarsa, o zaman “ortaq dənizdə” hər sahil döv-
lətinin öz “iqtisadi zonasına” malik olmaq və bu zonada ayrıca,
yaxud başqa dövlətlərlə birgə sərbəst fəaliyət göstərmək
hüququ mövcuddur.
Azərbaycan həm də bəyan edirdi ki, əlbəttə o bütün bu
işləri reallaşdırarkən ilk növbədə öz milli maraqlarını təmin
etmək məqsədi daşıyır. Lakin Xəzərdə enerji layihələri reallaş-
dırarkən, Azərbaycan hər zaman region
ölkələrinin ortaq milli
maraqlarını və beynəlxalq hüququ əsas tutmuşdur. Buna görə
də Azərbaycanın fəaliyyəti heç bir Xəzərətrafı ölkənin iqtisadi-
siyasi maraqlarını pozmur, əksinə, bölgədə hamı üçün bərabər,
rəqabətə əsaslanan əməkdaşlıq şəraiti yaradaraq, bu layihələrdə
iştirak etmək və onlardan öz xalqının maraqları üçün istifadə
etmək, iqtisadi dividentlər qazanmaq imkanı təmin etmişdir.
Azərbaycan Rusiyanı istinad etdiyi və beynəlxalq hüquqi
əsası olmayan heç bir “öhdəliyi” və “dövlətüstü hüququ” qəbul
etmirdi və bundan sonra da etməyəcəyini birmənalı şəkildə
bəyan edirdi. O qeyd edirdi ki, “istər keçmiş SSRİ-İran saziş-
ləri, istər SSRİ-nin varisi olan Rusiyanın indiki hərəkətləri,
bunlar hamısı keçmişdə qalmışdır
və bütün bunlar Azərbayca-
nın müstəqil dövlət olaraq öz ərazisinin bir parçası hesab olu-
nan və 1995-ci ildən onun Konstitusiyasına salınmış, Xəzər
dənizinin ona məxsus milli sektoru üzərindəki fəaliyyət azad-
lığını məhdudlaşdıra bilməz. Azərbaycanın beynəlxalq hüquqla
qorunan milli ərazisi və onun üzərindəki suveren haqları heç
bir beynəlxalq müqavilə və dövlətlərarası sazişlərin, birgə və
ƏL İ H ƏS ƏNOV
50
ayrıca fəaliyyətlərin predmetinə çevrilə bilməz.” Mütəxəssis-
lərin fikrinə görə, əslində Azərbaycanın bu mövqeyi, yanaşma-
sı və müvafiq tələbləri sonrakı illərdə Xəzərin statusu ilə bağlı
imzalanmış Rusiya- Qazaxıstan birgə sazişinin əsas qayəsini
təşkil etmişdir.
68
Bundan başqa, Azərbaycan yuxarıda istinad olunan SSRİ-
İran sazişinə o dövrkü bəzi Rusiya rəsmi dairələrinin yanaşma-
sını da birmənalı şəkildə pisləyərək,
bəyan edirdi ki, “1921-
1940-cı illərdə bağlanmış SSRİ-İran müqaviləsi Xəzərin statu-
sunu bu gün bəzilərinin təqdim etdiyi və şərh etdiyi kimi heç
də mürəkkəbləşdirmir, əksinə onu daha aydın vəziyyətə gətirir.
Bu da ondan ibarətdir ki, SSRİ zamanında İran Xəzərdəki öz
14%-lik payını alır və beləliklə də, ona aid dəniz sərhədlərini
təsdiqləyir. O ki qaldı SSRİ-nin tərkibindən çıxan digər 4 Xə-
zərətrafı ölkənin milli sektoru və dəniz sərhədlərinə, bununla
bağlı da hələ 1970-ci ildə SSRİ zamanında
birgə müqavilə im-
zalanmış və Xəzərin bu məkanda qalan 86%-lik su hövzəsi
orta xətt üzrə dörd hissəyə- sektorlara bölünmüşdür. (Bax:
Xəritə 18) Deməli SSRİ-nin varisi olan Rusiya da bu ölkənin
öhdəliyini və qərarlarını təmin etməyə borcludur. Məhz bu
hüquqi vəziyyətdən çıxış edən Azərbaycan, öz milli haqqı kimi
Xəzərin ona məxsus sektorunda istənilən fəaliyyətlə məşğul
ola bilər. Bu fəaliyyət nə beynəlxalq, nə də ki, hər hansı Xəzər-
ətrafı ölkənin hüququnu pozmur”.
Ruslar, əlbəttə o dövrdə öz mövqelərinin əsassız olduğunu
bilirdilər, lakin Azərbaycanın
bu sahədə nümayiş etdirəcəyi
ciddi, əsaslandırılmış mövqeni və möhkəm milli iradəni, o
cümlədən də beynəlxalq aləmin bu işdə ona verəcəyi dəstəyi
68
Bax:Федоров Ю.Э. Правовой статус Каспийского моря. М., 1996, с.36.
XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
51
gözləmirdilər. Bəzi dairələr Azərbaycanın bu təzyiqlər qarşı-
sında sona qədər davam gətirə bilməyəcəyinə ümid bəsləyərək,
ondan öz xeyirlərinə “yeni-yeni güzəştlər” qoparmaq haqqında
düşünürdülər. Odur ki, 1997-ci ildə həmin dairələr İranın
1992-ci ildə irəli sürdüyü və o zaman nədənsə diqqətdən kə-
narda qalan “Xəzərdə birgə razılaşdırılmış regional əməkdaş-
lıq” ideyasını yenidən ortaya atır və bütün Xəzərətrafı ölkələri
buna qoşmağa cəhd göstərməyə başlayırlar. Əlbəttə, Azərbay-
can Xəzər hövzəsi ölkələrinin enerji sahəsində regional
əməkdaşlığının əleyhinə deyildi və reallaşdırmaq istədiyi bütün
layihələrdə onların hər birinin yüksək səviyyədə iştirakını arzu
edirdi. Lakin o öz milli hüququnu və maraqlarını hansısa təz-
yiq yolu ilə kiməsə güzəştə getmək fikrindən də uzaq idi. Ona
görə də Azərbaycan bəyan edirdi ki, biz regional əməkdaşlığın
əleyhinə deyilik. Lakin, regional əməkdaşlıq
heç bir ölkəyə öz
milli sektorunda ayrıca və başqaları ilə birlikdə sərbəst fəa-
liyyət göstərmək imkanını məhdudlaşdırmamalıdır. İstənilən
ölkə ona məxsus sektorda, iqtisadi səmərəliliyindən asılı olaraq
həm Xəzərətrafı ölkələrlə, həm də digər beynəlxalq qurumlarla
sərbəst iş aparmaq, birgə fəaliyyət göstərmək hüququna malik
olmalıdır.
Azərbaycan öz geosiyasi və geoiqtisadi mövqeyini həm də
onunla əsaslandırırdı ki, SSRİ-nin dağılması və onun yerində
dörd yeni müstəqil ölkənin yaranması ilə Xəzərin hüquqi statusu
hövzəətrafı beş ölkənin qarşılıqlı və birgə məsələsi olmaqla
yanaşı, həm də BMT-nin 1982-ci ildə qəbul
edilmiş və bütün üzv
dövlətlər üçün məcburi hüquqi öhdəlik yaradan “Dəniz hüquqları
Konvensiyasına” əsaslanmalıdır və deməli həm də beynəlxalq
məsələdir. Bəhs olunan Konvensiyada dənizlər və su hövzələri-
açıq, yarımqapalı, qapalı olmaqla üç qrupa bölünür. Su hövzəsi-
ƏL İ H ƏS ƏNOV
52
nin dəniz kimi qəbul olunmasının meyarı onun okeanla, yaxud
başqa su hövzələri ilə birbaşa, boğazlar və çaylar vasitəsi ilə bir-
ləşməsi hesab olunur. Konvensiya sahildən 12 millik su hövzəsini
dövlətin tam “suveren ərazisi”, 200 millik hövzəni onun “iqtisadi
suveren zonası”, ölkələrarası milli sərhədlərini isə qarşı dövlətlə
dənizin orta xətti üzrə
müəyyən edir. “İqtisadi suveren zona”da
hər bir dövlət müstəqil şəkildə elmi tədqiqat işləri aparmaq, iqti-
sadi
fəaliyyətlə məşğul olmaq, mövcud ərazinin təbii sərvətlərini
mənimsəmək və Konvensiya ilə qadağan olunmayan digər işlər
görmək hüququna malikdir.
69
Azərbaycanın bəhs olunan dövrdə “Xəzərin statusunun
əvvəlki illərdə formalaşmış praktikaya uyğun şəkildə olduğu
kimi” saxlanılması tələbini və “bu məsələni süni şəkildə qa-
bardaraq yenidən baxılmasının yolverilməzliyi ilə bağlı” möv-
qeyini Rusiya və İrandan başqa bütün Xəzərətrafı ölkələr və
beynəlxalq mütəxəssislər də müdafiə edirdilər. Beynəlxalq mü-
şahidəçilərin və dəniz hüquqları üzrə mütəxəssislərin fikrinə
görə, Xəzərin hüquqi statusu ilə bağlı həm SSRİ və İran ara-
sında imzalanmış tarixi müqavilələr və dövlətlərarası sazişlər,
həm SSRİ daxilində Xəzərin keçmiş müttəfiq respublikalar
arasında bölünməsi və mövcud sərhədlərin, real sektorların ne-
çə illərdir bütün ətraf dövlətlər
tərəfindən qəbul edilməsi, həm
də bütün bu reallıqların 1982-ci il “Beynəlxalq Dəniz hüquq-
ları Konvensiyası”na uyğun gəlməsi Xəzər dənizinin statusuna
yenidən baxılmasını tamamilə əsassız və mənasız edirdi. Onlar
hesab edirdi ki, hazırda statusa yenidən baxılması üçün heç bir
ciddi regional və beynəlxalq əsas yoxdur. Olsa-olsa hazırkı
vəziyyətdə Xəzərətrafı ölkələr BMT Konvensiyasından çıxış
69
Bax: Oрганизация Обьединенных Наций. Oсновные факты. M., 2000,
c.321.