FfaflIq Azəbaycan t



Yüklə 491,86 Kb.
tarix06.02.2018
ölçüsü491,86 Kb.
#25964

Şəffaflıq Azərbaycan təşkilatının Təşkilati Idarəetmə Siyasətinə 1 saylı qoşma

İdarə heyətinin 31 yanvar 2017-ci il tarixli iclasında təsdiq edilmişdir.


ŞəffaflIq Azəbaycan təŞkilatı
2017-2019-cu iLLər üzrə strateji plan


  1. Giriş


Davamlılıq

Davamlılıq konsepsiyası layihələr vasitəsilə dəstəklənən təsisatların davamlı olmasını və layihə başa çatandan sonra da onun faydalarının davam etməsini ehtiva edir. Davamlılığın üç başlıca aspekti vardır: siyasi davamlılıq – vətəndaş cəmiyyəti fəaliyyətləri üçün əlverişli əməliyyat mühitinin hökumət tərəfindən dəstəklənməsi öhdəliyi; ictimai davamlılıq – QHT-nin həyata keçirdiyi proqramların sıravi vətəndaşlar tərəfindən qəbul edilməsi və ictimaiyyət tərəfindən dəstəklənməsi; və nəhayət, QHT-nin özünün institusional davamlılığı.

QHT-nin institusional davamlılığı müəyyən edilmiş ehtiyaclara cavab verən aydın baxışdan, maliyyənin cəlb edilməsi (fandreyzinq) strategiyasından və cəmiyyət üçün əhəmiyyətli problemlərin uzunmüddətli həlli üçün strateji plandan ibarət institusional strukturdur. Bundan əlavə, institusional davamlılıq üçün aşağıdakı tədbirlər də həyati əhəmiyyət daşıyır: işçi heyətin üzvləri arasında1, eləcə də kənar maraqlı tərəflərlə2 yaxşı kommunikasiyanın təşkil edilməsi; könüllü əsaslarla yeni əməkdaşların cəlb edilməsi üçün strategiyaların hazırlanması3; son olaraq, güclü hökumət dəstəyinə nail olunması.

Strategiyanın məqsədi

2017-2019-cu illər üçün strateji planın məqsədi Şəffaflıq Azərbaycan təşkilatının ölkədə korrupsiyaya qarşı mübarizə səylərinə ruh yüksəkliyi qatmaq, istiqamət göstərmək və yekdilliyinə nail olmaq, eləcə də Azərbaycanda korrupsiyaya qarşı mübarizənin gündəliyinə təsir edən siyasi və iqtisadi mühitin dəyişən tələb və ehtiyaclarına uyğunlaşa bilməkdir. Bu Strateji Plan 2013-2016-cı illərdə icra olunmuş strateji planın nəticələri əsasısında tərtib olunmuşdur və Şəffaflıq Azərbaycan və onun regional mərkəzlərinin korrupsiyaya qarşı proqramlarını hazırlaması və həyata keçirməsi üçün əsas verir. Beləliklə, bu strateji plan heç də Şəffaflıq Azərbaycan təşkilatının fəaliyyət planı deyil; Şəffaflıq Azərbaycanın İdarə heyəti və rəhbərliyinin görüləcək işləri planlaşdırması üçün geniş ümumi əsaslardır.

Strateji plan hazırlanan zaman Beynəlxalq Şəffaflıq təşkilatının, onun Beynəlxalq Katibliyinin və müxtəlif yerli bölmələrinin iyirmi illik təcrübəsindən bəhrələnilib. Bu plan Şəffaflıq Azərbaycan təşkilatının qarşılaşdığı çətinlikləri öz mövcud imkanlarından istifadə etməklə və ya yeni yanaşmalarla necə dəf edəcəyini müəyyən edir.

Bu strateji plan uzunmüddətli olub 2017-2019-cu illər arasındakı müddəti əhatə edir. Bu sənəd təşkilatın üç il ərzində öz fəaliyyətlərini planlaşdırması və həyata keçirməsi üçün yol xəritəsi rolunu oynayır. Şəffaflıq Azərbaycan bu strateji planını hazırlayan zaman aşağıdakı amilləri nəzərə alıb: öz institusional çərçivəsinin və öz fəaliyyət sahəsinin müəyyənləşdirilməsi və təhlili; cəmiyyətin ehtiyaclarını və hazırkı siyasi təmayülləri müəyyən etmək üçün kənar mühitin təhlili; öz missiyasını həyata keçirmək və öz baxışını gerçəkləşdirmək üçün təşkilatın daxili potensialı və inkişaf imkanlarının təhlili.



  1. SWOT (GZİT) təhlil







Güclü cəhətlər

Zəif cəhətlər

Təhdidlər

İmkanlar

Hədəflər

1

Şəffaflıq Azərbaycan Beynəlxalq Şəffaflığın ən təsirli alətlərindən olan ödənişsiz hüquqi məsləhət mərkəzlərinin (HMM) təşkili sahəsində zəruri bilik və təcrübəyə sahibdir.

Şəffaflıq Azərbaycan təşkilatının hüquqşünasları yalnız öz hüquqlarını müdafiə etmək istəyən şəxslərə hüquqi yardım göstərə bilirlər.

İnsanların korrupsiyaya qarşı müqavimətinin səviyyəsi çox aşağıdır.

HMM və Hüquqi Resurs Mərkəzlərinin (HRM) həm əhali arasında, həm də hökumət orqanlarının nəzərində yaxşı reputasiyası vardır.

Yerli səviyyədə əhalini korrupsiyaya qarşı mübarizəyə səfərbər etmək.

2

HMM mandatı hüquqşünasların məhkəmələrə getməsinə icazə vermir.

Məhkəmə sistemi icra hakimiyyətindən asılıdır və hüquqi maariflənmənin səviyyəsi aşağıdır.

Strateji məhkəmə çəkişmələri, eləcə də məhkəmələrin monitorinqi.

3

(a) Şəffaflıq Azərbaycan peşəkar hüquqşünaslar komandasına sahibdir.

  1. (b) Yardım proqramları üçün maliyyə vəsaitləri mövcuddur.

Kənd əhalisinin hüquqşünaslara çıxışı zəifdir.

Yerli hakimiyyət orqanlarının əməkdaşlığı tələb olunur.

Əhalinin daha geniş təbəqəsinə çıxış əldə etmək.

4

Hüquqşünaslar insanların problemlərinin həllinə köməklik göstərə bilərlər.

Hüquqşünaslar həmin problemlərin yaranmasının qarşısını ala bilməzlər.


İnsanlar hüquqi materialların texniki dilini anlamaqda çətinlik çəkir.


Hüquqi materiallara çıxış çox asandır.


Asan dildə tərtib edilmiş hüquqi materialların hazırlanması və paylanması vasitəsilə əhalinin hüquqi maariflənmə səviyyəsini artırmaq.

5

HMM fəaliyyəti nəticəsində korrupsiyanın fəsadlarını nümayiş etdirən zəngin informasiya bazası yaranır.

İnformasiya sadəcə hüquqşünaslar və dövlət qurumları üçün əlçatandır.


İnsanlar digər insanların uğurları haqqında xəbərsizdir.

Şəffaflıq Azərbaycan və media arasında yaxşı münasibətlər mövcuddur.


Korrupsiyaya qarşı mübarizə səyləri və halları barəsində empirik məlumatların toplanması və ictimaiyyətə açıqlanması.

6

HMM hüquqşünasları korrupsiyaya şərait yaradan hüquqi və institusional boşluqlarla birbaşa təmasdadır.

Şəffaflıq Azərbaycan hüquqi və institusional boşluqları öz imkanları hesabına bağlaya bilməz.

Dövlət məmurları hüquqi boşluqlardan, xüsusən də yardımçı qanunvericiliyin olmamağından sui-istifadə edir.

Dövlət idarəçilik sistemində bəzən vətəndaş cəmiyyətinin tövsiyələrinə qulaq asırlar.

Hökumət üçün tövsiyələr hazırlamaq.

7

Çoxsaylı hüquqi boşluqlar və institusional çatışmazlıqlar mövcuddur.

Strateji ictimai vəkillik.

8

Şəffaflıq Azərbaycan təşkilatının vətəndaş cəmiyyəti qurumları arasında yaxşı reputasiyası vardır.

Şəffaflıq Azərbaycan təşkilatının təkbaşına ictimai vəkillik aparması çox vaxt aparır.


Hökumət sadəcə bir QHT-yə qulaq asmaya bilər.


Azərbaycanda koalisiyaların qurulması prosesi olduqca fəal gedir.


Strateji koalisiyaların yaradılması və hökumət-vətəndaş cəmiyyəti münasibətləri üzrə yeni strategiyanın hazırlanması

9

Şəffaflıq Azərbaycan təşkilatının hüquqşünasları bəzi sahələr üzrə araşdırma aparır.

HMM və HRM hüquqşünaslarının dövlət idarəçiliyi sisteminin bütün aspektlərini araşdırmaq üçün imkanları yoxdur.

Azərbaycanda dövlət idarəçiliyinin çatışmazlıqları barəsində əsasən maliyyə sahəsində hərtərəfli anlayışın yaradılmasına ehtiyac vardır.

Milli Şəffaflıq Sistemi metodologiyası Şəffaflıq Azərbaycan tərəfindən fiskal şəffaflıq və ictimai büdcənin araşdırılmasında istifadə oluna bilər.


Biliklərin istehsalını artırmaq.

10

Şəffaflıq Azərbaycan təşkilatının dörd regional mərkəzi mövcuddur.

Dörd regional mərkəzin uzaqdan idarə edilməsi çoxlu vaxt və maliyyə aparır.


Regionlarda vətəndaş cəmiyyəti institutları zəif inkişaf edib.

Regional mərkəzlər regionlarda gələcəyin vətəndaş cəmiyyəti liderləri üçün təlim-tədris məkanı rolunu oynayır.

Paytaxtdan kənarda fəaliyyət göstərmək.

11

Bir çox insan korrupsiya halları barəsində məlumat verərkən anonim qalmaq istəyir.

Şəffaflıq Azərbaycan təşkilatı anonim şikayətlər əsasında fəaliyyət göstərə bilməz.

İnsanlar korrupsiya halları barəsində susmağa davam etdikcə, dövlət məmurları sistemdən sui-istifadə edəcəklər.

ŞA ASAN xidmət mərkəzləri ilə əməkdaşlığından istifadə edərək vətəndaşların fəal olması üçün məhdudiyyətləri azaldacaq .

Əhalini infrastruktur problemlərini bildirməyə təşviq etmək üçün xüsusi elektron platforma yaradılacaq.

12

ŞA-nın araşdırma apara bilən yaxşı hüquqşunasları var.

Hüquqi mühit çox tez dəyişir və bizneslər bu yenilikləri mənimsəməyi çatdırmır.

Bu, ictimai xidmət göstərənlərin korrupsiyalaşmış hərəkətlərinə bizneslərdə həssaslığın yüksəlməsinə səbəb ola bilər.

ŞA-nın hüquqi xidmətdən istifadə etmiş kiçik və orta biznesin təmsilçilərindən ibarət bazası var.

Hüquqi yenilikləri daha yaxşı mənimsəməkdə biznes qurumlarına dəstək olmaq.

13

Şəffaflıq Azərbaycan təşkilatının əməkdaşları güclü təhlil qabiliyyətinə malikdirlər.

Kənar hadisələr Şəffaflıq Azərbaycan təşkilatının nəzarəti xaricindədir.

Siyasi mühitdə baş verən dəyişikliklər Şəffaflıq Azərbaycan təşkilatının işinə mənfi təsir göstərə bilər.

Şəffaflıq Azərbaycan yeni tələblərə uyğunlaşa bilər və öz işində təshihlər apara bilər.


Ölkənin siyasi gündəliyində dəyişiklikləri mütəmadi izləmək.

14

Şəffaflıq Azərbaycan təşkilatının yaxşı daxili idarəçilik proseduraları vardır.

Daha çox institusional inkişaf üçün ehtiyac vardır.

Donorların tələbləri və qrantlar üçün rəqabət sərtləşməkdə davam edir.

BLDC layihəsi vasitəsilə texniki yardım imkanları mümkündür.

Şəffaflıq Azərbaycan təşkilatının institusional inkişafını təmin etmək.

15

Şəffaflıq Azərbaycan həm də beynəlxalq təşkilatın yerli bölməsi olduğundan beynəlxalq təcrübəyə çıxışı vardır.

Şəffaflıq Azərbaycan təşkilatının yerli tərəfdaşları onun reputasiyasına xələl gətirməməlidir.

Şəffaflıq Azərbaycan təşkilatının yerli tərəfdaşlarının daxili idarəçilik təcrübəsi zəif inkişaf edib.

Şəffaflıq Azərbaycan təşkilatının öz institusional inkişaf təcrübəsini yerli tərəfdaşları və digər QHT-lərlə paylaşması üçün maliyyə imkanlarına çıxışı vardır.

Azərbaycan vətəndaş cəmiyyətinin institusional inkişafına töhfə vermək.




  1. Strateji fokus və istiqamət

Qarşıdan gələn üç il ərzində öz fəaliyyətinin nəticələrini maksimal səviyyəyə çatdırmaq üçün Şəffaflıq Azərbaycan təşkilatı aşağıdakı beş prioritet sahə üzərində fokuslanacaqdır:

  • Ictimai siyasətin formalaşmasında iştirak, monitorinq və ictimai vəkillik;

  • Məlumatların paylaşılması və biliklərin istehsalı;

  • Vətəndaşların korrupsiyaya qarşı səfərbər edilməsi və məlumatlılıq dərəcəsinin artırılması;

  • Institusional potensialın artırılması və davamlılıq;

  • Vətəndaş cəmiyyəti sektorunun gücləndirilməsi və tərəfdaşlıqların qurulması;

  • Korrupsiya ilə mübarizəyə biznesin cəlb olunması.

Korrupsiyaya qarşı mübarizədə əhəmiyyətli uğurlara və irəliləyişlərə baxmayaq, Şəffaflıq Azərbaycan hesab edir ki, başlıca çətinliklər hələ də qalmaqda davam edir. Bizim əsas dəyərlərimiz və prinsiplərimizə görə daha çox şəffaflığa və dürüstlüyə nail olmaq üçün uzunmüddətli öhdəliklər tələb olunur. Bu isə yalnız maraqlı tərəflərin və ümumilikdə cəmiyyətin məlumatlılığı və dəstəyi ilə mümkündür. Şəffaflıq Azərbaycan ölkədə şəffaflığın təşviqi sahəsində əldə etdiyi nailiyyətləri və qarşılaşdığı çətinlikləri nəzərdən keçirərək qarşıdan gələn illər üçün öz hədəflərini müəyyən edib. bu hədəflər Azərbaycanda korrupsiyadan qaynaqlanan təhdidləri və imkanları, qarşıdan gələn illərdə korrupsiyaya qarşı atılmalı olan addımları, eləcə də bu sahədə ölkənin aparıcı QHT-si kimi oynamalı olduğumuz rolu əks etdirir. Bütün bunlardan çıxış edərək, Şəffaflıq Azərbaycan öz səylərini düzgün istiqamətə yönəltmək üçün aşağıdakı strateji hədəflərini müəyyən edib.

  1. Strateji hədəflər və başlıca fəaliyyətlər







Hədəflər

Strategiya

1

Yerli səviyyədə əhalini korrupsiyaya qarşı mübarizəyə səfərbər etmək.

HMM və HRM-lərin işinin təşkili




Korrupsiyaya qarşı fəaliyyət gündəliyini təşviq etmək üçün yerli səviyyədə əhali səfərbər edilməli, dövlət orqanları ilə münasibətlərdə öz hüquqlarını daha yaxşı anlamaq və müdafiə etmək üçün hüquqi məlumatlarla təmin edilməlidir.

Bakı, Quba, Gəncə, Şəki və Lənkəranda yerləşən HMM və HRM-ləri vasitəsilə Şəffaflıq Azərbaycan təşkilatı korrupsiya qurbanlarına ixtisaslaşmış və peşəkar yardım göstərir, eləcə də digər hüquqi məsələlərlə bağlı vətəndaşlara və biznes qurumlarına hüquqi məsləhətlər verir.

2

Məhkəmə sistemini islahatlar keçirməyə inandırmaq.

Strateji məhkəmə çəkişmələri və məhkəmələrin monitorinqi.




Məhkəmə sistemi korrupsiyaya qarşı bütün islahatların əsas sütunlarından biridir və insanların öz hüquqlarını müdafiə etməsi üçün alət olmalıdır. Lakin məhkəmələrin icra hakimiyyətindən asılılığı, eləcə də insanların hüquqi məlumatlılıq səviyyəsinin aşağı olması məhkəmə sistemində pozuntulara səbəb olur.

HMM və HRM-lərin hüquqşünasları məhkəmələri monitorinq edəcək və strateji məhkəmə çəkişmələrində (mülki işlərdə) müştəriləri təmsil edəcəklər.

3

Əhalinin daha geniş təbəqəsinə çıxış əldə etmək.

İctimai yardım proqramları təşkil etmək.




Vətəndaşları korrupsiyaya qarşı fəaliyyətlərə cəlb etmək və beləliklə, korrupsiyanın onların həyatında mənfi təsirini azaltmaq üçün Şəffaflıq Azərbaycan əhalinin daha geniş təbəqəsinə çıxış əldə etməyi hədəfləyir.

HMM və HRM-lər qadınlar və gənclər kimi nisbətən daha müdafiəsiz kateqoriyadan insanlar üçün hüquqi maariflənmə tədbirləri keçirəcək, eləcə də kənd sakinləri üçün yerlərdə hüquqi maariflənmə tədbirləri təşkil edəcək.

4

İnsanların hüquqi məlumatlılıq səviyyəsinin artırılması.

Hüquqi materialların hazırlanması.




İnsanların hüquqi məlumatlılıq səviyyəsi olduqca aşağıdır və bu da kiçik məmurların sui-istifadəsinə və xırda rüşvət hallarına yol açır.

HMM və HRM-lərin hüquqşünasları hüquqi və inzibati tələbləri sadə dildə və formatda izah edən təlimatlar və digər hüquqi materiallar hazırlamağa davam edəcəklər.

5

Korrupsiyaya qarşı mübarizə səyləri və halları barəsində empirik məlumatların toplanması və ictimaiyyətə açıqlanması.

HMM və HRM tərəfindən uğur hekayələrinin hazırlanması və dərc edilməsi.




Şəffaflıq Azərbaycan hesab edir ki, korrupsiya və ona qarşı mübarizə barəsində möhkəm empirik dəlillərin mövcudluğu böyük əhəmiyyətə malikdir. HMM və HRM-lərin təcrübəsi qanunverici və tənzimləyici aktlarda olan boşluqları müəyyən etməyə, dövlət idarəçiliyinin çatışmayan cəhətlərini üzə çıxarmağa, eləcə də dəyişiklik üçün daha fəal lobbiçiliyə imkan yaradır.

Digər insanların da korrupsiyaya qarşı mübarizə aparması və öz hüquqlarını müdafiə etməsi üçün biz mütəmadi olaraq HMM və HRM-lərin uğur hekayələrini toplayacaq və dərc edəcəyik.

6

Hüquqi çərçivənin inkişafı və institusional boşluqların aradan qaldırılması.

Hökumət üçün tövsiyələrin hazırlanması.




Korrupsiyanın səviyyəsini effektiv şəkildə aşağı salmağın əsas şərtlərindən biri də qanunvericilikdə olan boşluqların və institusional açıqların aradan qaldırılmasıdır.

Korrupsiya halları doğuran institusional açıqların, eləcə də qanunvericilikdə (həm qanunlarda, həm də qanun layihələrində) boşluqların aradan qaldırılması məqsədilə hökumət üçün tövsiyələr hazırlanacaq.

7

Strateji ictimai vəkillik.

İctimai vəkilliyə dair dəyirmi masaların təşkili.




Şəffaflıq Azərbaycan öz ictimai vəkilliyinin strateji aspektini vurğulayacaq. Korrupsiyaya qarşı mübarizə sahəsində bilik və təcrübəmizdən çıxış edərək, biz öz hədəflərimizə nail olmaq üçün aktiv mövqe sərgiləyəcəyik.

Biz dörd başlıca mövzu ətrafında ictimai vəkillik üçün dəyirmi masalar təşkil edəcəyik (mülkiyyət hüquqları, sosial müdafiə vergi və gömrük qanunvericiliyi). İctimai vəkillik vasitəsilə biz korrupsiya halları doğuran institusional açıqların, eləcə də qanunvericilikdə (həmçinin qanun layihələrində) boşluqların aradan qaldırılması məqsədilə tövsiyələr hazırlayacaq, vətəndaşların və məmurların məlumatlanması üçün yeni qəbul edilmiş korrupsiyaya qarşı qanunlara sadələşdirilmiş şərhlər hazırlayacağıq.

8

Strateji koalisiyaların yaradılması.

Korrupsiyaya qarşı geniş QHT koalisiyasının yaradılması.




İctimaiyyətin bizim fəaliyyətimizə artan marağı və ictimai siyasətə verdiyimiz töhfə bizdən tələb edir ki, dövlət və özəl sektorda korrupsiyaya qarşı yanaşmamızı gücləndirmək üçün strateji tərəfdaşlıqlar quraq. Strateji koalisiyaların yaradılması bizə imkan verir ki, ölkənin iqtisadi inkişaf, ətraf mühit və təhlükəsizlik gündəmində korrupsiyaya qarşı mübarizəni təşviq etmək üçün daha güclü mövqedə olaq.

Şəffaflıq Azərbaycan təşkilatı AŞT QHT Platforması və yenicə qurulmuş AHT QHT Platformasının üzvləri ilə əməkdaşlıq etməyə davam edir.

9

Biliklərin istehsalını artırmaq.

Büdcəyə ictimai nəzarəti artırmaq




Şəffaflıq Azərbaycanın məqsədi həm özünün, həm də digər maraqlı tərəflərin korrupsiya risklərini aşkarlaması və qarşısını almasına, dövlət və özəl sektorda şəffaflığı, dürüstlüyü və hesabatlılığı artırmasına imkan verəcək keyfiyyətli, yüksək standartlara uyğun araşdırma bazası yaratmaqdır. Obyektiv və peşəkar araşdırmalar bizim ictimai siyasətə töhfələrimizi daha cəlbedici edəcək.

ŞA büdcəyə ictimai nəzarət, tender və digər ictimai əhəmiyyətli məsələlər üzərində araşdırmalarını davam etdirəcək.

10

Paytaxtdan kənarda fəaliyyət göstərmək.

Regional mərkəzlər.




Şəffaflıq Azərbaycan hesab edir ki, korrupsiyaya qarşı fəaliyyətlər paytaxtdan kənarda da həyata keçirilməlidir və bu işdə bizim regional mərkəzlərimiz əvəzsiz rol oynayır. Onların fəaliyyəti nəticəsində Şəffaflıq Azərbaycan regionlarda kök atır, təşkilat üçün innovasiyalar, sinerji və dinamizm meydana çıxır və bir neçə cəbhədə ictimai vəkillik aparmamıza imkanlar yaranır.

Qarşıdan gələn illər ərzində Şəffaflıq Azərbaycan öz regional mərkəzlərinin inkişafına xüsusi diqqət ayırmaqda davam edəcək, onların institusional və proqram potensiallarını gücləndirəcək.

11

İnsanları korrupsiya halları barədə məlumat verməyə çağırmaq.

İcmalar ilə interaktiv münasibətlərin davamı ilə yanaşı, insanların sosial şəbəkələr vasitəsilə korrupsiya halları barədə məlumat verməsini təşviq etmək.

Şəffaflıq Azərbaycan vətəndaşları korrupsiya ilə mübarizədə fəal olmağa çağırmağa davam edəcək.

ŞA yerli problemlərlə bağlı Bakı şəhərinin və kəndlərinin vətəndaşları ilə yerli icra orqanları arasında birbaşa kommunikasiyanı asanlaşdıran açıq-mənbə onlayn platformasını yaradacaq. Bu, məhdudiyyətləri azaldaraq vətəndaşları daha fəal olmağa və sivil mövqe göstərməyə təşviq edəcək. Vətəndaşlar Platformaya Bakı şəhərinin infrakstruktur problemləri ilə bağlı video və şəkillər göndərə biləcək. Bu, açıq-mənbə olan FixMyStreet konseptinin uyğunlaşdırımış versiyasıdır və www.fixmystreet.com səhifəsində baxıla bilər.

12

Biznesi korrupsiya ilə mübarizəyə cəlb etmək

Sürətlə dəyişən biznes və hüquqi mühitdə biznesin güclənməsinə dəstək olmaq




Bugün Azərbaycanda biznesi idarə edən hüquqi aktların qəbulu heyrətləndirir. Bəzi hallarda yenicə qəbul olunmuş qanunların qısa zamanda ləğv olun ması ümumi çaşğınlığa yol açır.4 Kiçik və orta sahibkarlar çox vaxt çaşdırıcı və ya texniki və çətin dildə yazılmış və ya bir neçə hüquqi akta səpələnmiş yeni məlumatları mənimsəməyi çatdıra bilməz.

  1. Yeni qəbul olunmuş hüquqi aktların monitorinqi və təhlilini aparmaq;\

HMM-lərdən istifadə edən sahibkarların ehtiyaclarını öyrənmək;

Biznesə aid yeni qəbul olunmuş hüquqi qanunvericiliklə bağlı izahat sənədlərini ehtiyaca görə hazırlamaq və ŞA-nın vebsəhifəsində dərc etmək.





13

Ölkənin siyasi gündəmində baş verən yenilikləri izləmək.

Mediaya müsahibələr, analitik yazıların hazırlanması.




Ölkənin siyasi gündəmində baş verən yeniliklər Şəffaflıq Azərbaycan təşkilatının missiyası və işinə əhəmiyyətli təsir göstərmək iqtidarındadır.

Şəffaflıq Azərbaycan onun fəaliyyəti üçün maneələr və ya yeni imkanlar yarada biləcək bütün siyasi, sosial, iqtisadi və texnoloji yenilikləri yaxından izləyəcək, ölkədə baş verən yeniliklərə dair öz mövqeyini müsahibələr, analitik məqalələr, müxtəlif yerli və beynəlxalq seminarlarda təqdimatlar vasitəsilə ortaya qoyacaq, həmçinin ehtiyac olarsa, öz proqramlarını təshih edəcək.

14

Şəffaflıq Azərbaycan təşkilatının institusional inkişafını təmin etmək.

Daxili idarəçilik, menecment, maliyyə və inzibati qaydaları təkmilləşdirmək.




Ayaqda qalmaq, inkişaf etmək və yeni maliyyə mənbələri cəlb etmək Şəffaflıq Azərbaycan öz institusional inkişafını təmin edəcək.

Biz işçi heyətini təlimdən keçirərək və daxili idarəçilik, qaydalarımızı daha da təkmilləşdirərək daxili idarəetmə bacarıqlarımızı artırmağa davam edəcəyik.

15

Azərbaycan vətəndaş cəmiyyətinin institusional inkişafına töhfə vermək.

Təşkilatın daxili idarəçiliyi barəsində yerli QHT-lər üçün təlim proqramı hazırlamaq.




Azərbaycan vətəndaş cəmiyyəti qurumlarının əksəriyyətində daxili idarəçilik və menecment hələ də ibtidai səviyyədədir. Bir çox təşkilatlar nəinki maliyyə auditi keçirmir, hətta illik hesabatlar da hazırlamır. Ona görə də Şəffaflıq Azərbaycan öz tərəfdaşlarını seçərkən diqqətli olacaq.

Koalisiya üzvü olan təşkilatlar, xüsusilə də regionlardan olan və az tanınmış QHT-lər üçün şəffaflıq və menecment sahəsində təlimlər təşkil ediləcək.

16

Hökumət - vətəndaş cəmiyyəti münasibətlərinin inkişafına töhfə vermək

Hökumət - vətəndaş cəmiyyəti münasibətləri üzrə yeni strategiya hazırlamaq




Strategiyanın məqsədi QHT-lər arasında yeni tənzimləyici qayda ilə bağlı məlumatlılığı artırmaq və xidmətlərin çatdırılması, ictimai siyasət quruculuğu və ictimai inzibatçılıq (İctimai Şuralarda fəal iştirak yoluyla) sahələrində vətəndaş cəmiyyəti – ictimai sektor arasında əməkdaşlıq imkanlarını üzə çıxarmaqdır.

ŞA 2014-cü ilin yazında QHT-lərə olan təzyiqdən sonra QHT sektorundakı fəallığı öyrənmək məqsədilə vətəndaş cəmiyyətinin imkanlarını5 öyrənəcək; təşkilatın (təkrar) qeydiyyatı və rəhbərlikdə dəyişikliklər, qrantların qeydiyyatı və digər hüquqi məsələlərlə bağlı hüquqi tələblərin dərin təhlilini edəcək; yeni iqtisadi reallıqda vətəndaş cəmiyyəti tərəfindən qarşılana biləcək ictimai sektorun ehtiyaclarını üzə çıxarmaq üçün hökumətlə danışıqlar aparacaq.




  1. Xarici kommunikasiya strategiyası

Şəffaflıq Azərbaycan öz ictimai vəkillik kampaniyaları və proqram prioritetlərini hazırlayan zaman vətəndaşların iştirakı vasitəsilə kommunikasiyalardan istifadə edir. Biz inanırıq ki, kommunikasiya komponentini proqramların sonuna calaq formasında yox, məhz onların hazırlanması mərhələsinə ayrılmaz tərkib hissəsi kimi inteqrasiya etmək əsl innovativ yanaşmadır. Ona görə də Şəffaflıq Azərbaycan iştirakçı inkişaf, hərtərəfli dialoq, müsbət əlaqələrin qurulması və sosial səfərbərlik üzrə fəaliyyətlərinə davam edir. (Daha ətraflı bax: Xarici Kommunikasiya təlimatı, Təşkilati menecment siyasətinə 4 saylı qoşma)

  1. Dəyişən mühitə uyğunlaşma

Ölkənin siyasi gündəmində baş verən yeniliklər Şəffaflıq Azərbaycan təşkilatının missiyası və işinə əhəmiyyətli təsir göstərmək iqtidarındadır. Şəffaflıq Azərbaycan onun fəaliyyəti üçün maneələr və ya yeni imkanlar yarada biləcək bütün siyasi, sosial, iqtisadi və texnoloji yenilikləri yaxından izləyəcək, öz müstəqil və tərəfsiz QHT reputasiyasını qoruyacaq, hökuməti həm tənqid edəcək, həm də onunla əməkdaşlıq edəcək. Bizim kredomuz konstruktiv tənqid və əməkdaşlıqdır.

  1. Monitorinq və qiymətləndirmə

Şəffaflıq Azərbaycan təşkilatının fəaliyyətinin monitorinqi və qiymətləndirilməsi, eləcə də standartlar, hədəflər və göstəricilər təşkilatın "Monitorinq və Qiymətləndirmə Cədvəli"nə uyğun olaraq hər bir layihə üzrə ayrıca təsbit edilir və İdarə heyətinə, donorlara və digər maraqlı tərəflərə təqdim edilir.

  1. Nəticə

Qarşıdan gələn üç il ərzində Şəffaflıq Azərbaycan təşkilatı özünün ictimai vəkillik, ədalət və yaxşı idarəçilik sahəsində ən yaxşı təcrübələrini kapitallaşdıracaq. Planlaşdırılan strateji prioritetlərini həyata keçirməklə, Şəffaflıq Azərbaycan təşkilatı cəmiyyətin məlumatlılığını artırmaq, əhalinin geniş təbəqələri üçün yeni imkanlar açmaq, ölkədə şəffaflığı təşviq etmək və korrupsiyaya qarşı geniş tərəfdaşlıqlar qurmaq sahəsində rol oynamağa davam edəcək. Şəffaflıq Azərbaycan öz fəaliyyətlərini gücləndirmək və genişləndirməklə korrupsiyaya qarşı daha səmərəli mübarizə apara biləcək. Şəffaflıq Azərbaycan eyni zamanda öz fəaliyyətinin nəticələrini ictimaiyyətə açıqlamaq sahəsində işini daha da gücləndirəcək və bununla da potensial dəstəkçilərin nəzərində daha cəlbedici və anlaşılan olmasını təmin edəcək.

1 Bax: Daxili kommunikasiya təlimatı, Təşkilati Idarəetmə siyasətinə 3 saylı qoşma.

2 Bax: Xarici kommunikasiya təlimatı, Təşkilati Idarəetmə siyasətinə 4 saylı qoşma.

3 Bax: Şəffaflıq Azərbaycan təşkilatının Könüllülər üzrə rəhbərliyi.

4 Thus, Presidential decree dated 22 October 2015 on Simplification of Some of the Inspections Pertaining to Customs’ Oversight increased the cost of goods imported for personal consumption, exempt from customs’ dues from $1,000 to $10,000, however, on 13 January 2016 a presidential decree reducing the threshold back to $1,000 was published. No explanation was provided and, amazingly, the last decree is dated 24 December 2015.

5 See Mapping Civil Society research by TA, 2013, www.transparency.az

Yüklə 491,86 Kb.

Dostları ilə paylaş:




Verilənlər bazası müəlliflik hüququ ilə müdafiə olunur ©www.genderi.org 2024
rəhbərliyinə müraciət

    Ana səhifə