XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
5
GİRİŞ
Dünyanın inkişaf etmiş iqtisadi və siyasi
sistemləri ilə fəal
tərəfdaşlıq kursu seçmiş Azərbaycan Respublikasının qazan-
dığı mühüm nailiyyətlərin əsasında, ilk növbədə təməli 1994-
cü ildə ümummilli lider Heydər Əliyev tərəfindən “Əsrin mü-
qaviləsi” ilə qoyulmuş
yeni neft strategiyası dayanır. Özündə
Azərbaycanın müstəqil dövlət maraqlarını, beynəlxalq və
regional tərəfdaşlıq normalarını, regionun ümumi geoiqtisadi
mənafelərini, qarşılıqlı-faydalı əməkdaşlıq və s. prinsipləri əks
etdirən bu strategiya 2004-cü ildən bu yana Prezident İlham
Əliyevin rəhbərliyi ilə müxtəlif inkişaf mərhələlərindən keç-
miş, təkmilləşdirilmiş və dönmədən həyata keçirilərək ölkənin
davamlı inkişafını təmin etmişdir.
Oxucuların diqqətinə təqdim olunan bu kitabda ümumi
formada Xəzər-Qara dəniz hövzəsi və Cənubi Qafqazın regio-
nal geoiqtisadi münasibətlər sisteminin
xarakterik xüsusiyyət-
ləri və Azərbaycan Respublikasının bu sistemdəki iştirakı
məsələləri təhlil edilir.
Azərbaycan Respublikası üçüncü minillikdə Avropa və
dünya ölkələrinin enerji təhlükəsizliyinin təmin edilməsində
xüsusi rol oynamışdır. Onun yürütdüyü yeni neft siyasətinin
nəticəsi olaraq 1994-cü ildə “Əsrin müqaviləsi” adlanan trans-
milli neft kontraktları imzalanmış, bunun ardınca Bakı-Tbilisi-
Ceyhan, Bakı-Tbilisi-Ərzurum və s. transmilli neft-qaz kəmər-
ləri çəkilmiş, Bakı-Tbilisi-Qars dəmir yolu inşa edilmiş, Xəzər
dənizinin zəngin təbii qaz ehtiyatlarının dünya bazarlarına ix-
ƏL İ H ƏS ƏNOV
6
racını həyata keçirəcək Şahdəniz 2
layihəsinə start verilmiş,
TANAP və TAP kimi yeni kəmərlərin inşası gündəmə gəlmiş-
dir. Bütün bu nəhəng transmilli layihələr keçən müddətdə, həm
Azərbaycanın məxsusi enerji təhlükəsizliyini təmin etmiş, həm
mövcud sahədə onu Avropa ölkələrinin əsas tərəfdaşına çevir-
mişdir.
Kitabda sistemli şəkildə Xəzər hövzəsi və Cənubi Qafqa-
zın müasir geoiqtisadi vəziyyəti təhlil olunur, regionda trans-
milli dünya güclərinin və yerli ölkələrin nümayiş etdirdiyi
fərqli siyasətin xarakteristikası verilir, Azərbaycan Respubli-
kasının regiondakı maraqları və enerji strategiyası,
beynəlxalq
aləmlə münasibətlərinin geosiyasi nəticələri şərh edilir. Müəllif
Azərbaycanın Xəzər dənizinin karbohidrogen ehtiyatlarının
sərbəst istehsalı və ixracı siyasətinin beynəlxalq və regional
geoiqtisadi nəticələrini, Xəzərin hüquqi statusunun mahiyyəti
və tarixini, bu məsələ ətrafında Xəzərətrafı və digər ölkələrin
yanaşmaları və maraqlarını geniş tədqiq edir və müvafiq nəti-
cələrə gəlir. Kitabda, həm də ümumi formada Xəzərin neft-qaz
ehtiyatlarının Avropanın enerji
təhlükəsizliyindəki rolu, Azər-
baycanın enerji mənbələrinin dünyanın aparıcı şirkətləri ilə
birgə işlənməsi və sərbəst marşurutlarla dünya bazarlarına
çıxarılmasının dünyada və bölgədə yaratdığı müasir geoiqtisadi
vəziyyət və s. kimi aktual məsələlər tədqiq olunur. Müəllif
Xəzər hövzəsi ölkələrinin, beynəlxalq və regional güclərin
müasir enerji ixracı maraqlarını və Azərbaycanın enerji ixra-
cının şaxələndirilməsi siyasətinin bölgənin ümumi geoiqtisadi
vəziyyətinə təsirini əlaqəli formada təhlil edir və müvafiq
şərhlər verir.
Monoqrafiyada XX əsrin sonundan
başlayaraq Xəzər-Qara
dəniz hövzəsi və Cənubi Qafqazın regional geoiqtisadi proses-
XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
7
lərinin təhlili fonunda müasir dünya siyasətinin bəzi tendensi-
yaları və ölçüləri də nəzərdən keçirilir, yürüdülən beynəlxalq,
regional və milli fəaliyyətlərin, cərəyan edən transmilli hadisə-
lərin səbəb və nəticələri təhlil edilir. Müəllif Xəzər hövzəsində
XX əsrin sonlarından başlayaraq əsas
geoiqtisadi hadisələrin
və təşəbbüslərin mərkəzində dayanan Azərbaycan dövlətinin
həyata keçirdiyi yeni neft siyasətinin nəticələrini təhlil edir və
bu siyasəti “uğurlu enerji və təhlükəsizlik strategiyası” kimi
qiymətləndirir.
Azərbaycanın beynəlxalq aləmlə geosiqtisadi münasibət-
lərinin sistemli araşdırılmasını hədəf seçən monoqrafiyada
Xəzər-Qara dəniz hövzəsi regionunda transmilli maraq daşıyı-
cısı hesab olunan əsas güclər sırasında, ilk növbədə, Rusiya,
ABŞ və Avropa İttifaqı ölkələrinin adları qeyd olunur, onların
enerji təhlükəsizliyi problemlərini həll etmək üçün regionda
həyata keçirdikləri geoiqtisadi siyasətin mahiyyəti açıqlanır və
reallaşma mexanizmləri təhlil edilir.
Kitabda Avropanın alternativ enerji təminatındakı etibarlı
tərəfdaşı olaraq Azərbaycanın geoiqtisadi fəaliyyəti geniş araş-
dırılır,
qitənin və regionun enerji, tranzit-keçid, beynəlxalq da-
şıma və nəqliyyat-kommunikasiya təhlükəsizliyinin təmin
olunmasında oynadığı rol xüsusi qiymətləndirilir, regionda
Azərbaycanı və onun tərəfdaşlarını təhdid edən proseslər haq-
qında əsaslı mülahizələr yürüdülür və müvafiq praktiki töv-
siyələr verilir.
Azərbaycanın perspektiv inkişafında
mühüm rol oynaya
biləcək qlobal və regional güc mərkəzləri ilə geoiqtisadi əlaqə-
ləri və münasibətlərinə, xüsusən Xəzərin enerji resurslarının
birgə istismarı və dünya bazarlarına çıxarılması, neft və təhlü-
kəsizlik strategiyasının hazırlanması və həyata keçirilməsi,
ƏL İ H ƏS ƏNOV
8
Şərq-Qərb nəqliyyat-kommunikasiya dəhlizlərinin yaradılması
və təhlükəsizliyinin təmin edilməsi kimi məsələlərinin şərhinə,
bu sahədə yürüdülən strateji dövlət siyasəti və atılan praktiki
addımların təhlilinə həsr olunmuş
“XƏZƏR HÖVZƏSİ VƏ
CƏNUBİ QAFQAZIN GEOİQTİSADİ XARAKTERİSTİ-
KASI: AZƏRBAYCANIN YENİ NEFT SİYASƏTİ” kitabı
Xəzər-Qara dəniz hövzəsi ölkələri və Cənubi Qafqazın geo-
iqtisadi məsələləri, o cümlədən Azərbaycanın yeni neft siyasəti
ilə maraqlanan mütəxəssislərlə yanaşı,
ictimai-siyasi xadimlər,
millət vəkilləri, dövlət qulluqçuları, xarici siyasət, geoiqtisadi
planlama sahəsində çalışan analitiklər və ən geniş intellektual
oxucu təbəqəsi – milli elita üçün xüsusi maraq kəsb edə bilər.