Bakı Dövlət Universiteti Tələbə Hüquq Jurnalı
Buraxılış 2 |
Say 1
– 38 –
Gülnar Atakişiyeva
✵
Müqavilə azadlığı prinsipi və Bona fide.
Sərhədsiz müqavilə azadlığı?
Annotasiya
Məqalə mülki hüququn əsas təməl prinsiplərindən olan müqavilə azadlığı və onun
çərçivəsində “bona fide” prinsipindən bəhs edir. Məqalədə müqavilə azadlığının yaranması,
onun yaranmasında iradə azadlığının rolundan bəhs olunur. Eyni zamanda məqalədə
müqavilə azadlığının əslində necə bir azadlıq vəd etdiyi, bu azadlığın nisbi və ya mütləq
olması, onun hansı hallarda məhdudlaşdırılmasına yol verilməsinin mümkünlüyü analiz
edilmişdir. Həmçinin məqalədə “bona fide” prinsipinin yaranması, onun hüquqi
xarakteristikasının təhlili aparılmışdır. Milli qanunvericiliyimizə bu prinsiplə bağlı
dəyişiklik edilməsi təklif edilmişdir. Müqavilə azadlığı çərçivəsində bona fidenin yeri və bu
prinsipə təsiri araşdırılmışdır.
Abstract
This article reveals freedom of contract, one of the basic principles of civil law and within it
depicts the principle of “bona fide”. It illustrates the appearing of freedom of contract and as
well as gives a description about the role of will principle. At the same time, the article
reveals what kind of promises that freedom gave, whether it was relative or absolute. There
is also analyzed in which situations it has to be limited. As well as the establishment and
legal characteristics of “bona fide” principle was analyzed. It was offered to our legislation
system to change it. Within freedom of contract, the place and influence of the “bona fide”
have been fully investigated.
Giriş
üqavilə azadlığı prinsipi Avropa müqavilələr hüququndakı
kimi bütün müasir hüquq sistemlərində XIX əsrdən etibarən
mənimsənmiş bir prinsipdir. Bu prinsip mülki hüququn ən
təməl prinsipi olaraq qarşıya çıxır. Bu isə şəxslər arasındakı münasibətlərin
fərdi azadlıqla idarə olunduğu cəmiyyətlərdə ən təbii olan haldır. Ancaq
bütün azadlıqlar kimi müqavilə azadlığı prinsipi də sərhədsiz və mütləq
deyil. Tarix boyu cəmiyyətin sürətli inkişafı, iqtisadi və sosial dəyişikliklər
bu prinsipin daha güclü olan tərəfindən sui-istifadəsinə gətirib çıxarmışdır.
Amma bu prinsipə olan böyük ehtiyac nəzərə alınaraq Avropa və digər
müasir hüquq sistemlərində həll yolu kimi müqavilələr hüququnda
prinsipin müəyyən qədər məhdudlaşdırılması nəzərdə tutulmuşdur.
Ümumi olaraq dürüst, qəbuledilən və nəticələri bilinən insan hərəkətlərini
əsas olaraq götürsək, cəmiyyət içində qarşılıqlı inam və etik qaydalara
əsaslanan vicdanlılıq (latınca – bona fide; ingiliscə – good faith) mövcuddur,
hansı ki
bu hüququn ümumi olaraq baxış bucağının bir parçasıdır.
Sözü gedən
vicdanlılığın müqavilələr hüququnda həqiqi yeri nədir və
hansı məhdudiyyətlərə
tabedir? Bu məhdudiyyətlər hüquqi münasibətlər,
✵
Bakı Dövlət Universiteti Hüquq fakültəsi, 3-cü kurs, SABAH qrupu tələbəsi
M
Dekabr | 2015
Mülki hüquq
– 39 –
hüquqlar və azadlıqlarla çərçivələnməlidirmi? Ya da son dövrlərdə roman-
german hüquq sistemlərində hakim olan baxışa paralel olaraq bu qaydalar
birbaşa hüquqların deyil, hüquqi münasibətlərin, yəni dolayısı ilə müqavilə
azadlığı prinsipinin sərhədi ola bilərmi?
I. Müqavilə azadlığının yaranması
Feodalizm dövrünün qaydalarına müvafiq olaraq insanların statusu
onların torpaq mülkiyyəti ilə bəlli olurdu. İnsanın cəmiyyətdəki yeri və
hüquqları birbaşa olaraq onun statusu ilə bağlı idi. Belə bir dövrdə cəmiyyətin
müxtəlif təbəqələrindən olan insanların istədikləri hər hansı bir məsələ ilə
bağlı müqavilə bağlamaq azadlıqlarının olması da real deyildi.
XVII və XIX əsrlərdə isə şəxsiyyətin azadlığını elan edən düşüncə axınları
meydana gəlmiş və bu axınlar siyasi təsirini 1789-cu il Fransa burjua
inqilabında göstərmişdir. XVII əsrdə başlayan və XIX əsrdə tam olaraq
yaşanan sənaye inqilabı sənaye cəmiyyətini yaradaraq istehsal sahəsində
“sərbəst sahibkar modeli”ni hakim mövqeyə gətirmişdir.
1
XIX əsrdə isə klassik liberal iqtisadiyyat nəzəriyyəsinin təməlini qoyan
Adam Smith`in “icazə verin etsinlər, icazə verin keçsinlər” şəklindəki
şüarında bazardakı qiymətin yaranmasına hüquqi yollarla müdaxilə edərək
müqavilə bərabərliyini yaratmağa çalışmağın bazar iqtisadiyyatının balansını
pozacağı ifadə edilmişdir.
2
İradə azadlığı ilk vaxtlar hüquqi olmayan anlayış
olaraq müqavilə azadlığını yaradan iradə azadlığı kimi, kökü etibarı ilə
dövlətin sosial həyatdakı qoruyucu (paternalist) siyasətini rədd edərək
tərəflərin hər bir sahədə müstəqilliyinin təsis edilməsini qarşıya məqsəd
qoyan iqtisadi və siyasi hərəkat olaraq qəbul edilmişdir.
3
Bu halda dövlətin
məsələyə qarışa biləcəyi tək vəziyyət bazarın bazar qiyməti ətrafında yarana
bilməsi üçün etibarlı olan sosial və siyasi çərçivə qaydalarını təmin etməkdir.
Kapitalist iqtisadi həyatda şəxslərin ehtiyac duyduğu bazar mühitini qoruya
bilən hüquqi qəlibin məhz “müqavilə” olduğu qəbul edilməkdədir.
4
II. Müqavilə azadlığını yaradan iradə azadlığı
Ümumiyyətlə, iradə azadlığı haqqında mübahisələr, fikirlər çox köhnə
dövrlərdən etibarən mövcuddur və dövrümüzdə iradə azadlığına dair
fikirlərin təməli Kanta əsaslanır. Kant iradə azadlığını “Die Metaphysik der
Sitten” (Groundwork of the Metaphysics of Morals) adlı əsərində göstərdiyi üç
prinsipdən sonuncusu olaraq göstərmişdir. Kanta görə bütün əmrlər birbaşa
iradənin məhsuludur. Buna görə də o, qayda qoyandır. Şəxs isə əxlaq
1
L. Sirmen, Modern Hukukta Sözleşme Kavramı ve Türk Hukuku, s. 41 (1972)
2
Adam Smith, An Inquiry into the Nature and Causes of Wealth of Nations, s. 29 (1776)
3
Nathan Isaacs, The Standardizing of Contracts, 27 Yale L.J. 34, s. 34 (1917-1918)
4
Zöllner Die, Privatrechtsgesellschaft im Gesetzes und Richterstaat, s. 24 (1996)
Bakı Dövlət Universiteti Tələbə Hüquq Jurnalı
Buraxılış 2 |
Say 1
– 40 –
qaydalarını həm qoyan, həm də onu icra edən subyektdir.
5
İradə azadlığının
mülki hüquqdakı əksi elə məhz müqavilə azadlığıdır.
6
Müstəqil olan hər bir
şəxsin mülki hüquq münasibətlərini arzu etdiyi kimi qura bilməsini və şəxsin
öz davranışlarının sərhədlərini yenə özünün müəyyən etməsini ifadə edən
iradə azadlığı anlayışı vasitəsilə hüquq münasibətinin tərəfləri öz azad
iradələrini ortaya qoyurlar.
7
İradələrin bu formada ətrafa əks etdirilməsi eyni
zamanda şəxsin fərdi mənfəətinə də uyğundur, çünki heç kim öz mənafeyinə
uyğun olmayan bir vəziyyəti öz iradəsi ilə yaratmaq istəmir. Üstəlik qurulan
hüquqi münasibət bir “müqavilə formasında” özünü göstərirsə, hər iki tərəfin
eyni azadlığa sahib olması da əslində qayda olaraq bərabər vəziyyətdə
olduqlarının işarəsidir. Tərəflər arasında haqlı mənafelərin balansını qoruyan
bu vəziyyət ilə şəxs mülki hüquq münasibətlərində özü özünün qanuni
qoruyucusuna çevrilir.
8
Müqavilələr hüququ tərəflərə iradələrini ifadə etmək
azadlığı verir və bunu qoruyur, iradəyə bu cür hörmət müqavilənin
təbiətindən irəli gəlir.
9
Mülki hüquqda müqavilə azadlığı prinsipi, iradə azadlığından yaranan 3
təməl prinsipdən biri olmasına baxmayaraq, bu prinsip, zaman-zaman iradə
azadlığı ilə eyni mənada işlədilmişdir və hətta zaman-zaman onu
üstələmişdir.
10
Bu vəziyyətin səbəbi isə əslində müqavilə anlayışının özü ilə
bağlıdır. Çünki müqavilələr qarşılıqlı, bir-birinə uyğun olan və bu
uyğunluqdan hüquqi nəticələr yaradan iradə bəyanlarının dəyişməsidir.
11
Dolayısı ilə azadlıq olmadan nə iradə, nə iradə bəyanı, nə də müqavilə
olmayacaq.
Müqavilə azadlığı prinsipinin tərəflərə münasibətlərini qanuni çərçivə
içində sərbəstcə formalaşdırmaq imkanı verdiyi XIX əsr “müqavilə illəri”
olaraq qəbul edilmişdir.
12
XIX əsrdə müasir hüquq sistemlərinin təməlləri
formalaşmağa başlayarkən hüquq sistemləri müqavilə tərəflərinə müqavilə
şərtlərini ümumi olaraq sərbəst iradə ilə qərarlaşdıra biləcəkləri bir sahə
5
Vasfi Raşit Sevig, Ahlakın Umumiyyetle Hukuk ve Hususiyle Mukaveleler Üzerindeki
Tesiri, s. 558 (1958)
6
Fikret Eren, Borçlar Hukuku. Genel Hükümler, s. 119 (2008)
7
Engel, Traite Des Obligations En Droit Suisse, s. 94 (1997)
8
Fransız Mülki məcəlləsində bu vəziyyət açıq bir şəkildə 1134–cü maddə də göstərilib. Beləcə
müqavilənin yaradıcı ünsürü olan şəxslərin iradəsi birbaşa hüquq mənbəyi halına gəlir.
Maddədə qanuni olaraq qurulan müqavilələrin tərəflər üçün qanun yerinə keçəcəyi qeyd
edilmiş, beləliklə ortaya çıxan tərəddüdlərdə müqavilənin lex contractus qanun rolunu
öhdəsinə götürməsi nəzərdə tutulub (Les conventions legalement formees tiennent lieu de loi a
ceux qui les ont faites).
9
Morris Cohen, The Basic of Contract, 46 Harv. L.Rev. 553, s. 553, (1933)
10
İradə azdlığından yaranan digər 2 təməl prinsip isə müqavilənin bağlayıcılığı (the binding
force of contract) və müqavilənin nisbiliyidir ( privity of contract). Bax G. Ripert, The Moral Rule
in Civil Obligation, s. 217 (1949)
11
Zufferrey-Werro, Le Contract Contraire aux Bonnes Mouerus, s. 7 (1988)
12
Hurst J. W., Law and the Conditions of Freedom in the Nineteenth Century United States,
s. 18 (1956)
Dekabr | 2015
Mülki hüquq
– 41 –
buraxaraq müqavilə azadlığı (freedom of contract) prinsipini qəbul etmişdir.
XIX əsrdən etibarən müqavilələr hüququnda hakim olan bu prinsip
müqavilənin şərtlərinin tərəflərin şəxsi iradəsi ilə müəyyənləşə bildiyi
müddətdə (individualism) yaxşı nəticə vermiş və bu müddət bir əsrə qədər
davam etmişdir.
13
Ümumiyyətlə, müqavilələr hüququnu delikt hüququndan
ayıran da elə məhz iradə azadlığıdır. Əgər delikt hüququnun əsasını
öhdəliklər və vəzifələr təşkil edirsə, müqavilələr hüququnun əsasını isə şəxsin
iradəsi nəticəsində yaranmış öhdəliklər və vəzifələr təşkil edir.
14
Mülki hüququn dinamik quruluşu ancaq müqavilə azadlığı prinsipi ilə
qoruna bilər və buna görə mülki hüquq, yeni əsrin və texnologiyanın gətirdiyi
yeniliklərə hər hansısa xüsusi bir qanun dəyişikliyi olmadan da uyğunlaşa
bilir.
15
III. Müqavilə azadlığının məhdudlaşdırılması
Heç bir azadlıq mütləq deyildir, təbii ki, müqavilə azadlığı da müəyyən
çərçivədə məhdudlaşdırılmalarla qarşılaşmışdır. Bu məqamda üzərində
düşünülən əsas sual isə bu cür məhdudlaşdırılmanın nə üçün lazım olduğu
və belə məhdudlaşdırılmaların müqavilə azadlığı prinsipinin təbiətinə zidd
olub-olmamağıdır. Bu sualların cavabı və məhdudlaşdırılmalar isə hər hüquq
sistemində müxtəlif cür tənzimlənir. Bu tənzimləmənin formaları hər ölkənin
qanunvericiliyinə uyğun olaraq fərqli və bəzən də oxşar normalar şəklində
təzahür edir.
A. Kontinental hüquq sistemində
Almaniya hüququnda Ümumi Əməliyyat Şərtləri hüququnun tənzimlən-
məsinə dair qanunda ümumi şərtlər istifadə olunaraq bağlanmış
müqavilələrin hər birindən iş, vərəsəlik, ailə və şirkətlər hüququ
sahələrindəki müqavilələr istisna olmaqla bəhs edilir.
16
Qanun ümumi
əməliyyat şərtlərinin müqavilənin qurulduğu anda açıq bir şəkildə digər
tərəfin diqqətinə çatdırılmasını, qarşı tərəfə ümumi əməliyyat şərtlərinin
məğzini anlaması üçün lazım olan vaxt və imkanın verilməsi ilə qarşı tərəfin
ümumi əməliyyat şərtlərinin istifadəsinə razılıq şərtini müəyyənləşdirir.
Burada olduqca müxtəlif normalar göstərilmişdir. Məsələn, müqavilənin hər
hansı hissəsi ilə bağlı iradələr uyğun olmazsa, bu hissə müqavilənin hissəsi
olaraq götürülmür, qeyri-adi şərtlər, digər tərəfin vəziyyətini ağırlaşdıran və
13
G. Güngör, Milletlerarası Özel Hukukta Tüketicinin Korunması, s. 35-36 (2000)
14
Randy E. Barnett, Contract is not Promise; Contract is Consent, 45 Suffolk U. L. Rev. 647, s. 651
(2012)
15
H. Hatemi, R. Serozen, A. Arapcı, Borçlar Hukuku Özel Bölüm, s. 27 (1992)
16
Y. Atamer, Sözleşme Özgürlüğünün Sınırlandırılması Sorunu Çerçevesinde Genel İşlem
Şartlarının denetlenmesi, s. 40 (2001) “Alman hukukunda, Genel İşlem Şartları Hukukunun
Düzenlenmesine İlişkin kanun, genel işlem şartları kullanılarak akdedilen sözleşmelerin
tümünü, iş, miras, aile ve şirketler hukuku alanlarında akdedilen sözleşmeler hariç olmak
üzere, konu edinmekdedir.”
Bakı Dövlət Universiteti Tələbə Hüquq Jurnalı
Buraxılış 2 |
Say 1
– 42 –
ya onun üçün əlverişsiz olan şərtlər də həmçinin bura daxildir. Əlavə olaraq,
bu qanunun 10-cu maddəsində etibarlılıq baxımından hakimin diskresion
səlahiyyətində olan hökm ifadə edə bilən “boz siyahı” (grey list) və 11-ci
maddəsində isə qadağan edilmiş müqavilə şərtlərini ifadə edən “qara siyahı”
(black list) göstərilmişdir.
17
Almaniya qanunvericiliyindəki qeyd etdiyimiz bu normaların böyük bir
qismi AR Mülki Məcəlləsinin “Əqdlərin etibarsızlığı” fəslində də müəyyən
olunmuşdur. Eyni zamanda AR Mülki Məcəlləsinin “müqavilə azdlığı” adlı
390-cı maddəsində prinsipin anlayışı verilərkən qeyd edilir ki, fiziki və
hüquqi şəxslər azad surətdə müqavilələr bağlaya və bu müqavilələrin
məzmununu müəyyənləşdirə bilərlər. Onlar bu Məcəllədə nəzərdə
tutulmayan, lakin ona zidd olmayan müqavilələr də bağlaya bilərlər. Bu
normadan da görünür ki, qanunvericilik hər kəsə azad müqavilə bağlamaq
imkanı verir, lakin bunu məcəllədə tutalan bəzi hallarla məhdudlaşdır
ır,
bunun əsas səbəbi isə, qanunveriliyin cəmiyyət və dövlətin mənafelərini
qorumaq məqsədindən irəli gəlir.
İsveçrə qanunvericiliyi isə müqavilə azadlığını böyük ölçüdə qoruyaraq
onun üç təməl ünsürünü göstərmişdir
18
:
1. Müqavilənin qarşı tərəfini seçərək müqaviləni bağlamaq və ya
bağlamamaq;
2. Müqavilənin şərtlərini tərəflərin müəyyən etməsi;
3. İsveçrə qanunvericiliyində göstərilmiş müqavilə tiplərindən ayrılmaq.
Və demək olar ki, İsveçrə qanunvericiliyində haqsız rəqabətin qarşısının
alınması haqqında qanun və mülki məcəllənin bəzi maddələri istisna
olmaqla, müqavilə azadlığının məhdudlaşdırılması və ya başqa sözlə,
müqavilə tərəflərinə hər hansı məhdudiyyət müəyyənləşdirən normalar
nəzərdə tutulmamışdır.
19
Fransada isə 10.01.1978 tarixli qanunla yaradılan komissiya vicdanlı
olmayan kommersiya fəaliyyəti ilə məşğul olan satıcıların istifadə etdikləri
müqavilə tiplərinin araşdırılması və vicdanlı olmayan müqavilə şərtlərinin
ləğvini, ya da yenidən təşkilini təklif etmək səlahiyyətinə sahibdir.
20
Hollandiya hüququnda da Almaniya hüququna bənzər normalar istifadə
edilməkdədir. Burada məqbul olmayan şəkildə çətinlik gətirən (unreasonably
onerous), dözülməsi çox çətin olan şərtlərin etibarsız sayılmağının
mümkünlüyü göstərilmişdir.
21
1994-cü ilin sonlarında International Institute for the Unification of Private Law
– UNIDROIT-in səyləri nəticəsində ortaya çıxan və Romada yayımlanan
Beynəlxalq Kommersiya Müqaviləsi üçün Prinsiplər (Principles of
17
Atamer, s. 41
18
F. Dessemontet, T. Ansay, Introduction to Swiss Law, s. 5 (2003)
19
Atamer, s. 44
20
Yenə orada, s. 45
21
The Dutch General Conditions Bill, Article 2.2 (1981)
Dekabr | 2015
Mülki hüquq
– 43 –
International Commercial Contracts) müqaviləyə söykənən və beynəlxalq
kommersiya müqavilələri üçün ümumi qaydalar ehtiva edən prinsiplərdir.
22
Bu prinsiplərin Ümumi Qaydalar başlıqlı birinci hissəsində yer alan müqavilə
azadlığı prinsipinin tənzimlənməsi ilə bağlı şərhdə müqavilə azadlığının
tətbiqində bəzi istisnaların ola biləcəyi vurğulanmışdır. Bu isə dövlətlərin,
cəmiyyətin marağının qorunması məqsədi daşıyır.
B.
Anqlo-amerikan sistemində
01.02.1978 tarixində İngiltərədə qüvvəyə minən “Haqsız Müqavilə Şərtləri
haqqında Akt” (Unfair Contract Terms Act) fərdi və standart müqavilələri
əhatə edir. Qanunda əsas etibarilə fərdi və standart müqavilələrdə yer alan və
kommersiya fəaliyyəti ilə məşğul olan müqavilə tərəfinin hüquqi
məsuliyyətini aradan qaldıran və ya məhdudlaşdıran haqsız məsuliyyət
qeydləri ilə təzminat qeydlərinin yer aldığı daşınar əşya satışı (sale) və ya
kreditlə satış (hire-purchase) müqavilələri ilə bağlı tənzimləmələr yer alır.
Qanun bəzi müqavilə şərtlərini etibarsız hesab etdiyi halda digərlərinin
“məqbul sayılan” meyarlara (reasonableness test) görə dəyərləndirilməsini
nəzərdə tutur.
23
İngiltərədə ən yüksək instansiya məhkəməsi olan Lordlar Palatasının
Director General v. First National mübahisəsi nəticəsində verdiyi qərarında
haqsız şərtlər (unfair terms) anlayışının tərifini vermişdir. Buna görə, haqsız
şərt istehlakçının zərərinə olaraq, xoş
niyyətə zidd və tərəflərin müqavilədən
yaranan haqq və öhdəlikləri arasında mühüm bir ölçüdə balanssızlığa yol
açan şərtdir. Xoş
niyyət isə hər mücərrəd hadisənin şərtlərinə görə şərh
edilərək diqqətə alınmalıdır.
24
Amerika hüququnda müəssisələrlə imzalanan standart müqavilələrə
bənzər müqavilələrdə yer alan şərtlər vicdanlılığa zidd olduqda (principle of
unconsionability), doktrina daxilində ələ alınmasına və vicdanlılığa zidd
müqavilə şərtləri hüquqi nəticə yaratmamaqdadır.
Vahid Kommersiya Məcəlləsində (Uniform Commercial Code) yer alan
vicdanlılığa zidd olmaq prinsipi müqavilənin mövzusu ilə müqavilənin
tərəflərinin hüquqi vəziyyətinin araşdırılması əsasına söykənir.
25
Qanun əsas
etibarı ilə standart halda bağlanan daşınar əşya satışlarında istifadə olunmaq
üçün yaradılmış olmaqla bərabər, həmçinin bütün müqavilə tiplərini əhatəyə
alacaq şəkildə istifadə olunmaqdadır. Əsas məqsəd isə güclü tərəfin öz
22
Tam mətn
http://www.unidroit.org/english/principles/contracts/principles2010/integralversionprincipl
es2010-e.pdf (son baxış 28 noy. 2015)
23
Atamer, s. 46-47
24
Director General of Fair Trading v First National Bank, 2001, UKHL 52, All England Law
Reports (2002) 1 ALL ERHL, s. 105
25
Arzu Oğuz, Karşılaştırmalı Hukuk, s. 59
Bakı Dövlət Universiteti Tələbə Hüquq Jurnalı
Buraxılış 2 |
Say 1
– 44 –
gücünü sui-istifadəsinin qarşısını almaq və zəif tərəfin gözlənilməyən hüquqi
nəticə ilə qarşı-qarşıya qalmasına mane olmaqdır.
Ümumi hüquq sisteminin əsasını təşkil edən presedent hüququnun (case
law) mühüm mənbəyi olan ”Restatement”lərə
26
baxıldığında müqavilə
azadlığının hər şeydən əvvəl qanunlar (statute) ilə qadağan olunmuş
məsələlərdə
və
ümumi
hüquq
sisteminə
zidd
olan
hallarda
məhdudlaşdırılacağı nəzərə çarpmaqdadır.
27
Göründüyü kimi, qoyulan belə məhdudiyyətlər heç də müqavilə
azadlığının məhdudlaşdırılması demək deyil. Sadəcə onun bəzi çərçivələrə
salınaraq zəif tərəfin hüquqlarını qorumaq və ya hər hansısa tərəfin qəsdən
zəif vəziyyətə salınmasının qarşısını almaq, ən əsası bu prinsipin ədalətli
işləklik mexanizmini təmin etməkdən ibarətdir.
IV. Bona fide
Ədalətin təməlini sədaqət və vicdanlılıq təşkil edər, bu, sözlərin və
müqavilələrin davamlılığı və gerçəkliyi deməkdir. Qanunlar nə qədər
təfərrüatlı normalar müəyyən etsə də, hüquqların istifadəsində və
öhdəliklərin yerinə yetirilməsi zamanı edilən hərəkətlərin hər birini
tənzimləmək imkanına malik deyildir. Elə buna görə də hər zaman bütün bu
münasibətləri doğru bir formada nizama sala biləcək qaydaya ehtiyac
duyulmuşdur. Belə ehtiyacın məhsulu da məhz “bona fide” prinsipidir.
Roma hüququnda “başqasına zərər verməmək, heç kimə pislik etməmək”
dəyərlərinə bağlı olan “bona fides” və daha sonralar “aequitas” anlayışları “sirr
saxlamaq, insanlar arası etibarla zəiflərin qorunması” dəyərlərini əsas
almaqdadır.
28
Bona fide termini Romada söz ilahəsi Fidesdən ilham alınaraq
ortaya çıxmışdır. O zamanlarda Fidesin oturduğu yer insanın sağ əli olaraq
qəbul edilməkdəydi. Dolayısı ilə razılığa gələn şəxslər əl verir və beləliklə,
vədlərini ilahənin ədalətinə etibar edərdilər ki, dövrümüzdəki əl verərək
26
“Restatement”lər bütün hüquq sahələrindəki mühüm qərarlara yer verən və bu qərarları
müqayisəli bir şəkildə tənqid edən qərarlar toplusudur. Restatement an attempt by the American
Law Institute “...to present an orderly statement of general common law of United States including in
that term not only the law developed solely by judical decision, but also the law that has grown from
application by the courts of statues” Bax Steven, Law Dictionary, s. 464
27
Restatements of Law, Contracts, Vol. I, Sections 1-346 as adopted and promulgated by the
American Law Institute at Washington D.C., 6.05.1923, s.181 (ALI Publications, St. Paul 1932)
28
Bu mənada “bone fide” anlayışı gündəlik dildə, əxlaqi dəyərlərdə (pudor, probitas,
continentia); sosial həyatda (dignitas, Gloria); qurumlaşmada (imperium) və hüquqda ( iustitia,
aequitas) da istifadə olunmuşdur. B.e.ə III əsrdən, b.e VII-VII əsrlərinə qədər davam edən bu
müddətdə bu anlayış əvvəlcə bone fide mübahisələrində və bone fide razılaşmalarında
(müqavilələri) istifadə olunmuş sonra isə, jus commun ilə bərabər ümumi hüquqda doğruluq
anlayışını içində əridən bir iradə ilə bərabər bir anlam qazanmış və aequitas anlayışına
yaxınlaşmışdır. Əxlaqın hüquq içində diqqət yetirilməsinə və tərəflərin iradələrinin müəyyən
bir nöqtəyə qədər əhəmiyyət qazanmasına imkan yaradan “bonus pater familias” anlayışı bu
məqamda önə çıxmağa başlamışdır. Bax Jaluzot, B., The Good Faith in Comparative Contract
Law, Japanese, German and French Law Compared, s. 19 (2001)
Dekabr | 2015
Mülki hüquq
– 45 –
razılaşmaq adəti də buradan gəlmişdir.
29
Bona fide heç bir aldatma və
fırıldaqçılıq olmadan xoş
niyyəti ifadə edir.
30
Elə bu səbəblə də demək olar
ki, bütün inkişaf etmiş hüquq sistemlərinin qanunvericiliyində bona fide öz
əksini “xoş
niyyət” (good faith)
31
termini ilə tapmışdır.
A. Azərbaycanda bona fide
Bona fide anlayışı keçdiyi dövr ərzində içində daha çox həqiqəti və ədaləti
axtaran bir forma alaraq dövrümüzdə “good faith”, Azərbaycan
qanunvericiliyində isə “vicdanlılıq” olaraq təsbit olunmuşdur. Düşünürəm
ki, “vicdanlılıq” termini “bona fide” və ya “good faith” anlayışlarını tam əhatə
etmir. Hətta Mülki Məcəlləmizdə bunun dəqiq anlayışı verilməmişdir, yalnız
məcəlləmizin müvafiq maddəsində
32
“öhdəliklərin icrası zamanı vicdanlılıq”
şəklində bəhs olunmuşdur. Vicdanlılıq çox geniş mənanı ifadə edən və hər
kəs tərəfindən müxtəlif qarşılanan və dərk edilən nisbi bir anlayışdır. Üstəlik
hər kəs tərəfindən dərk edilən “vicdan azadlığı” ifadəsi ilə mülki hüquqdakı
“vicdanlılığın” qarışdırılması və insanların vicdanlılığı hüquqi deyil, mənəvi
kateqoriya kimi qiymətləndirməsi müəyyən anlaşılmazlıqlara gətirib çıxarır.
Həmçinin məcəlləmizdə bona fidenin anlayışının verildiyi xüsusi normanın
olmaması da bu cəhətdən prinsipin mahiyyətinin anlaşılmasında və işləklik
mexanizmində çətinlik yaradır. Belə geniş və nisbi anlayışın qurulan hüquq
münasibətindəki rolu da ona verilən anlayışdan dolayı nisbi olur. Zənnimcə,
bunun daha dəqiq şəkildə ifadəsi üçün “vicdanlılıq” əvəzinə “xoş niyyət”
termini istifadə olunarsa və məcəlləmizdə bu prinsipə onun mahiyyətinin
açıldığı və anlayışının verildiyi xüsusi norma həsr olunarsa, prinsipin
istifadəsi təmin olunar və işləklik mexanizmi artar.
V. Bona fidenin hüquqi xarakteristikası
Dünya hüquq ədəbiyyatlarında bona fidenin necə qaydalar olduğu, necə
tənzimlənməsi, ümumiyyətlə, hansı xarakterə malik olması müəyyən suallar
yaratmışdır. Bu anlayışın əslində əxlaq norması, yoxsa bir hüquq norması
olması, əgər hüquq normasıdırsa, necə bir hüquq norması olması, imperativ
və ya dispozitiv xarakterə malik olması daim mübahisə mövzusu olmuşdur.
A. Bona fide əxlaq normasıdır, yoxsa hüquq norması?
Cəmiyyətdə insanlar arasındakı münasibətləri nizama salan yeganə vasitə
hüquq normaları deyildir. Çünki, qanunlar (yazılı hüquq normaları) bütün
şəxsi münasibətləri deyil, yalnız insanların bir-biri ilə olan münasibət və
davranışlardan tipik olanlarını nizama salır. Qalan digər münasibətlər isə
29
Vasfi Sevig, Ahlakın Umumiyyetle Hukuk ve Mukaveleler Üzerine Tesiri, s. 525 (1958)
30
Good faith: without fraud or deceit. Bax Stevan H. Gifis, Law Dictionary, Barron’s Legal Guides,
s. 60
31
A total absence of any intention to seek an unfair advantage or to defraud another party; an honesty
and sincere intention to fulfil one`s obligation. Bax Steven Gifis, Law Dictionary, s. 238
32
AR Mülki Məcəlləsi. Maddə 425
Bakı Dövlət Universiteti Tələbə Hüquq Jurnalı
Buraxılış 2 |
Say 1
– 46 –
cəmiyyətdə sosial normalar ilə tənzimlənir. Sosial normalar yazılı hüquq
normalarının yaranmasına birbaşa təsir edir. Əxlaq normaları bunlar
içərisində mühüm yer tutur və insanların həm mənəvi, həm də ətraf mühitə
təzahür edən hərəkətlərinin qaydaya salınmasında əhəmiyyətli rol oynayır.
Əxlaq normaları fəlsəfi olaraq cəmiyyətdəki haqq, ədalət, vicdanlılıq, ya da
ümumi əxlaq kimi anlayışlara bünövrə olan, hüquq normalarının mənimsə-
nilməsinə kömək edən və cəmiyyətdəki vicdanlılığı yaradan etik normalar
bütünüdür.
33
Bu anlamda əxlaq normalarının hüquq normaları ilə
bənzərlikləri və fərqli cəhətlərinə nəzər yetirdikdə görürük ki, bona fide də
qanununverici tərəfindən qanuni bir nizamlama mövzusu olaraq pozitiv
hüquq içində ümumi bir hüquq norması vəziyyətinə gəlmişdir.
34
O halda
ümumi və universal dəyərlərin ifadəsi olan bu prinsipə əməl olunmaması hər
nə qədər etik bir dəyərin ifadəsi olsa da, hüquqa əməl olunmaması nəticəsini
yaradacaqdır.
35
Bu məqamda, bəlkə də, Huberin ifadəsi ilə vicdanlılığın (bona
fide) “hüquq etikasına istinad etdiyini”
36
söyləmək məsələnin doğru bir
xülasəsi olacaqdır.
B. Bona fide hüquqi standartdır, yoxsa hüquq prinsipi?
Hüquqi standartlar xüsusi məsələlərə də uyğunlaşdırılan, hər vəziyyət
üçün istifadə olunan ortaq bir sosial davranış ölçüsü kimi nəzərdən keçirilir.
Bunlar dəyişdirilməz normalardan fərqli olaraq daha çox hakimə yol göstərici
ümumi təlimatlar kimi çıxış edir. Bu səbəblə müəyyən və dəqiq anlayışları
yoxdur və istifadə olunduqları formalara görə fərqli anlayışlar ifadə edə
bilərlər. Bundan fərqli olaraq prinsiplər hüquqi nəticəsi bəlli olan, hüququn
müəyyən bir tətbiq sahəsinin xüsusiyyətlərini əks etdirən, mücərrəd və
ümumi normalardır. Bunların ən diqqətə çarpan xüsusiyyətləri mücərrəd bir
hadisəyə birbaşa tətbiq olunmamaqlarıdır. XX əsrə qədər Almaniya
hüququnda bona fide (Treu und Glauben) normalarının icrasında (BGB, §242),
müqavilələrin şərhində, müqavilə şərtlərinin qiymətləndirilməsində və digər
vəziyyətlərdə bir təlimat kimi qəbul edilmiş, daha sonra Federal Ali
Məhkəmənin 26 may 1914 tarixli qərarı ilə bunların ümumi normaların xüsusi
33
Bu eyni zamanda əxlaqın da təməlidir. Ateş, s. 67
34
Jaluzot, s. 67
35
AR MM 425-ci maddəsində göstərilən öhdəliklərin icrası zamanı vicdanlılıq da bu mənada
vicdanlılığa əməl olunmamasının hüquqa zidd nəticələr yaratdığını göstərir.
36
Bone fide, mühakimə haqqının müqavilə hüququnda əxlaqi etikanı artırmağa yönəldiyini
düşünsək, müqavilə öncəsi və ya sonrası kimi bir fərqləndirmə etməyin məntiqli olmadığına
diqqət çəkir. Həmçinin müəllif müəyyən bir əxlaq prinisipinə bağlı qalmaqdansa, xoşniyyətin
(good faith) içində olan və realizə ola biləcəyi vəziyyətə görə şərh edilməsini üstün tutur.
Müəllifə görə xoş
niyyət universal həll yolu ola bilməz, ancaq ən sadə şəkildə əxlaqi
məsələlərin sadə şəkildə həll yolunu tapdığı bir mexanizma ola bilər.
R. Brownsword, N. J. Hird, G. Howells, Good Faith in Contract, Concept and Context, s. 7
(1998)
Dekabr | 2015
Mülki hüquq
– 47 –
bir ifadəsi olduğu qeyd edilmişdir. Bu vəziyyət Fransa Mülki Məcəlləsində də
(Maddə 1134 və 1135) eyni cür ifadə olunmuşdur.
37
Hər iki məcəllədə əksini tapan bu hal bona fidenin təlimat əhəmiyyətli bir
norma olmamasını, əksinə mühüm hüquqi nəticələr doğuran bir prinsip
olduğunu əks etdirir. Lakin bununla belə, bu demək deyil ki, bona fide
imperativ bir hüquq normasıdır. Ümumi qəbul edilən fikirlərə görə, bona fide
əsas etibarı ilə əmredici mahiyyətə malik olan hüquq norması deyildir.
38
O,
sadəcə mülki hüquq münasibətlərinin xoşniyyətə əsaslanaraq daha ədalətli
şəkildə qurulmasını özündə ehtiva edir.
VI. Müqavilə azadlığı çərçivəsində bona fide.
Məhdudiyyət, yoxsa təminat?
Hüququn hədəfi olan ədaləti yaratmaq üçün pozitiv hüququn (de lega lata)
kifayət etmədiyi məqamlarda həmin məsələlər bəzən ayrı bir hüquq sistemi
ilə (məsələn: İngilis hüququnda olduğu kimi Rules of Equity), bəzən də bizim
hüquq sistemimizdə olduğu kimi (de lega ferenda) əsas ədalət prinsipləri ilə
həll edilməkdədir.
39
Ümumiyyətlə, hüquq anlayışı, “hüquq münasibət-
lərindən”, “vəzifələrdən”, “azadlıqlardan” və “haqlardan” ibarətdir. Bu
mənada ümumi və obyektiv bir hüquq norması yaradan bona fide şəxslər
baxımından “ümumi bir vəzifə” rolunu oynayır.
Ümumiyyətlə, diqqət etsək görərik ki, ümumi, hər kəs üçün məcburi olan
vəzifələr fərdi azadlıqların da son sərhədini müəyyən edir. Bona fide də belə
bir ümumi vəzifə rolunu oynayır. Hər bir müqavilə tərəfi vicdanlı şəkildə
davranmağa borcludur. Tərəflər bu vəzifədən və ya başqa sözlə onların
üzərinə düşən bu öhdəlikdən imtina edə və ya onu məhdudlaşdıra bilməz.
Şəxslərin təsbit olunan hüquq və azadlıqları başqalarının hüquq və
azadlıqlarının ləğvinə yönəlmiş hər hansı fəaliyyətlə məşğul olmaq və ya hər
hansı əməl törətmək və ya onları məhdudlaşdırmaq hüququna malik olması
kimi şərh oluna bilməz.
40
Bona fidenin düzəldici və tamamlayıcı iki funksiyası mövcuddur.
41
İsveçrə
Federal Məhkəməsi öz qərarında müəyyən etmişdir ki, bona fide müqavilə
azadlığına məhdudiyyət gətirmir, lakin bütün müqavilələrdə bona fide
prinsipinə əməl olunmalıdır fikri məhdudiyyət sayılacaqdır. “Nə bona fide
(orada good faith), nə də hüquqdan sui-istifadə qadağası ümumi olaraq
müqavilə ədalətini təmin etmək üçün mövcud deyildir. Müqaviləyə bağlılıq
sadəcə müqavilənin məzmununun hüquq nizamının təməl prinsipləri ilə
qarşıdurması, iradənin meydana gəlməsində əskiklik olması (....) hallarında
37
Jaluzot, s. 69-70
38
Şener Akyol, Dürüstlük Kuralı ve Hakkın Kötüye Kullanılması Yasağı, s. 7 (1995)
39
Brownsword, Hird, Howells, s. 11
40
European Convention on Human Rights, article 17
41
Atamer, s. 171
Bakı Dövlət Universiteti Tələbə Hüquq Jurnalı
Buraxılış 2 |
Say 1
– 48 –
müqavilənin ləğvinə qərar verilməsinə imkan yaradır”.
42
Yekun nəticədə
qərarda ifadə olunur ki, müqavilə tərəflərin iradəsinə, istəklərinə və
qanunvericiliyin müəyyən etdiyi bütün qaydalara uyğundursa və tərəflərin
mənafeləri təmin olunursa, o zaman bəzi hallarda bona fide prinsipinə uyğun
olmaya da bilər.
Əgər bona fideni müqavilə azadlığı üçün məhdudiyyət hesab etsək, o zaman
hər zaman müqavilə tərəflərindən birinin hüquqlarının pozulması ehtimalı
ilə razılaşıb onu qəbul etmiş olarıq. Ümumiyyətlə, bona fidenin müqavilə
azadlığı üçün məhdudiyyət hesab edilməsi eyni zamanda bu iki prinsipin
müqayisəsi mənasına da gələr, hansı ki, subyektlərin belə bərabər olduğu
mülki hüquqda müqavilənin yaranması və davamlılığını təmin edən bu iki
prinsipin belə bir müqayisəsi düzgün olmazdı. Əksinə, bu iki prinsipi bir-
birini tamamlayan vahid bir struktur olaraq nəzərdən keçirmək daha məntiqli
bir yol olar. Çünki bir prinsipin varlığı digərinin daha ədalətlə işləməsini
təmin edir.
Nəticə
Keçmiş dövrlərdə təsəvvürü mümkünsüz olan müqavilə azadlığı prinsipi
müasir dövrdə hüququn ən əsas prinsipi halına gəlmişdir, hansı ki, müasir
dövrün hüquq sistemini müqavilə azadlığı olmadan təsəvvür etmək nəinki
mümkün deyil, hətta ağlasığmazdır. Məqalədə də bəhs olunduğu kimi
natarazlıq və bərabərsizlik vəziyyətləri bu prinsipin heç bir məhdudiyyət
olmadan işləməsinə icazə vermir. Bu səbəblə hüququn əsas məqsədi olan
ədaləti təmin etmək üçün müqavilə azadlığına müəyyən məhdudiyyətlər
gətirilib. Müxtəlif ölkələrdə müxtəlif cür təzahür edən bu məhdudiyyətlər
şəxslərin hüquqlarının çərçivəyə salınması deyil, əksinə onların inkişafını
təmin edən vasitə qismində çıxış edir. Lakin bu məhdudiyyətlər hər zaman
ədaləti bərpa etmək iqtidarında olmur. Bu zaman hüququn nizamlaya
bilmədiyi bu cür hallarda daha universal bir qaydaya ehtiyac yaranır ki, bu
da qarşımıza bona fide olaraq çıxır. Bütün inkişaf etmiş hüquq sistemlərində
(good faith), eləcə də Azərbaycan qanunvericiliyində vicdanlılıq adı ilə
müəyyən olunan bona fide ümumi qayda olaraq təsbit olunmuşdur. Bu prinsip
hüquq etikasına aid üstün bir qaydadır və elə buna görə də müqavilə
münasibətlərində tərəflər arasındakı inamı yaradan da bu prinsipin
təməlindəki etik və əxlaqi dəyərlərdir. Bona fide yalnız münasibət qurulan
zaman nəzərə alınmır, eyni zamanda müqaviləyəqədərki məsuliyyət (culpa in
contrahendo) zamanı da nəzərə alınır.
43
Mübahisə yarandığında məhkəmədə
42
ATF 115 II 232. Bu qərarda Federal Məhkəmə öhdəliklər və qarşı tərəfin öhdəlikləri
arasındakı natarazlıqların təkcə ümumi əxlaqa ziddiyyət yaratmayacağına və yenə həmin
qərarla hüququn sui-istifadəsinin təkcə öhdəliklər arası bərabərsizliyi düzəltməyə imkan
verməyəcəyi qənaətinə gəlmişdir
43
Mehran Əmirli, Culpa in contrahendo – Müqaviləqədərki məsuliyyət, 1 Baku St. U.L. Rev.
59, s. 60 (2015)
Dekabr | 2015
Mülki hüquq
– 49 –
hakimin nəzərə almağa borclu olduğu və hətta tərəflər bildirməsə belə, onun
nəzərə almalı olduğu qayda şəklində ortaya çıxır.
Bəzi fikirlərdə bona fide müqavilə azadlığını məhdudlaşdıran bir prinsip
olaraq dəyərləndirilir, lakin bu məhdudiyyət deyil, əksinə, müqavilə
tərəflərinin hüquq və öhdəliklərinin əhatəsinin müəyyən edilməsində,
müqavilənin şərh edilməsində, tamamlanmasında və qarşılıqlı inama məna
verilməsində ehtiyac duyulan bir prinsipdir.
Nəticə olaraq tərəflər qarşılıqlı iradələri bir-birinə uyğun olduğu müddət
ərzində müqavilə azadlığının sərhədlərini keçmədən müqavilənin
məzmununu istədikləri kimi müəyyən edə bilərlər və hətta qarşılıqlı
razılaşdırılmış iradə bona fideyə əks olsa belə, buna görə müqavilə etibarsız
sayılmayacaqdır.
Dostları ilə paylaş: |