58
ması, hər hansı məsələyə dair ictimai rəyin öyrənilməsi
məqsədi ilə informasiyaların toplanması mənasında işlədilir.
Monitorinq keçirmək üçün əvvəlcədən proqram hazırlanır.
Monitorinq faktiki vəziyyəti planlı şəkildə müqayisə edir və
proqramın məntiqi modelinə əsaslanır. Monitorinq keçirərkən
aşağıdakılar nəzərə alınmalıdır:
- Monitorinq obyektinin öyrənilməsi;
- Məlumatların toplanması;
- İzləmə (tədqiqat, müşahidə, sorğu, müsahibə, fotoçəki-
liş, videoçəkiliş və s.);
- Məlumatların təhlili;
- Qiymətləndirilməsi;
- Qanunvericilik, normativ akt və layihələrin öyrənilməsi.
Monitorinqin nəticələri cədvəl(lər)ə yerləşdirilir, ardıcıl-
lıq gözlənilir və monitorinq keçirən tərəf dövlət qurumlarının
qeydlərini əldə etməkdə maraqlı olmalıdır. Sonra hesabat hazır-
lanmalı və ictimaiyyətə çatdırılmalıdır. Hesabata layihə, icra-
çılar, monitorinqin keçirilmə üsulları və göstəriciləri, iş planı,
monitorinq edilən tərəf barədə məlumatlar daxil edilməli və dili
anlaşıqlı olmalıdır. Hesabat maraqlı tərəflərə paylanmalıdır.
Kitabxanalarda, xüsusilə uşaq və məktəb kitabxana-
larında adları çəkilən əyani təbliğat formaları sırasında
Kitabxana albomlarının da özünəməxsus yeri vardır. Kitab-
xananın həm kiçik yaşlı məktəblilər, həm də yeniyetmələr üçün
olan oxu zallarının kitabxanaçıları məktəbli oxucuların fəal
iştirakı ilə məktəblilər üçün vacib sayılan və məktəb proq-
ramına müvafiq olan mövzuları əks etdirən kitabxana albomları
hazırlayır. Bununla əlaqədar hər bir məktəbliyə müvafiq bir
mövzu verilir və həmin mövzuda albom tərtib etmək üçün
təlimatlandırılır. Məktəbli albom üçün lazımi materialları,
məlumatları kitabxana şəraitində, kitabxanaçının birbaşa
köməkliyi ilə toplayır. Albomun tərtibi modeli də kitabxa-
naçının iştirakı ilə hazırlanır. Məktəbli oxucu albomu hazır-
59
lamalı olduğu müddətdə həm müəllimlərin həm də valideyn-
lərin imkanlarından yararlana bilərlər.
Kitabxanada hazırlanan bu cür albomlar adətən məktəbli
oxucular üçün maraqlı mövzulara həsr olunmalıdır ki, bunların
sırasında ən çox görkəmli şair və yazıçıların, elm, mədəniyyət
və dövlət xadimlərinin həyat və yaradıcılığına müraciət olunur.
Ayrı-ayrı şəxsiyyətlərin həyat və yaradıcılığına həsr edilmiş
kitabxana albomlarında həmin şəxsiyyətin anadan olduğu
vaxtdan ömrünün sonuna qədərki bütün həyat və fəaliyyətini
əks etdirən mətnlər, faktlar, rəqəmlər, foto şəkillər, rəsmlər
xronoloji qaydada və məntiqi ardıcıllıqla verilir. Əlbəttə, bu cür
albomlar kitabxananın oxu zalının köməkçi fondunun tərkib
hissəsi kimi saxlanılır və məqsədəuyğun olaraq məktəbli
oxucuların istifadəsinə verilir.
Məktəbli oxucuların hər hansı konkret bir movzuda
müfəssəl məlumat almalarına kömək etmək üçün kitabxana
albomları ən yaxşı və münasib vasitə hesab olunur.
Kitabxanalarda
informasiya
təbliğatının
əsasını
kompleks tədbirlər – informasiya günləri və həftələri, sərgi-
baxış, mütəxəssis günləri kimi tədbirlər təşkil edir.
İnformasiya həftəsi – müəyyən mövzu üzrə kompleks
tədbirləri, sərgi-baxışı, biblioqrafik icmalları, söhbəti, məslə-
hətləri əks etdirir.
İnformasiya günü – kitabxana xidməti sistemində
kompleks kitabxana-informasiya tədbirlərindən biri kimi
kitabxanaya yeni daxil olan çap məhsulları haqqında oxucuları
məlumatlandırmaq məqsədi daşıyır. İnformasiya gününə (həftə,
ongünlük) hazırlıq bir neçə mərhələdə olur. Birinci mərhələ
tədbirin mövzusunun müəyyən edilməsidir. Bu mərhələnin ən
başlıca addımlarından biri sərgi-baxış üçün mövzuya uyğun
yeni daxil olan mühüm ədəbiyyatlara baxışın keçirilməsi və
onların seçilməsidir. Sərgi kitabxana işçilərinin (biblioqrafik
icmal) və müvafiq peşə mütəxəssislərinin analitik, faktoqrafik
60
informasiya xarakterli çıxışları ilə müşayiət olunur. Çox zaman
informasiya gününə mütəxəssislərin mütaliə və informasiya
mədəniyyətinin yüksəlməsinə təsir göstərən tədbirlər də daxil
edilir. Bu tədbirlərin sayəsində kitabxanalararası ünsiyyət
dərinləşir, kitabxananın reklamı genişlənir, oxucuların infor-
masiya tələbatının öyrənilməsi aktivləşir. Oxuculara informa-
siya günündə nəşrlər təqdim edilir, nəşrlərin surətlərinin
çıxarılması üçün sifarişlər qəbul olunur və nəticədə bu, tədbirin
effektivliyini artırır. İkinci mərhələ informasiya günü və ya
ongünlük (dekada) üçün iş proqramının müəyyən edilməsidir.
Üçüncü mərhələ tədbirin bilavasitə təşkilidir: pres-relizin
hazırlanması, reklam məlumatlarının göndərilməsi (dəvətna-
mə), fərdi dəvətlər, sərgi-baxışın xüsusi ayrılmış yerdə yerləş-
dirilməsi və s.
İnformasiya günü Elmi Texniki İnformasiya (ETİ)
orqanlarının təcrübəsində 1950-ci ildən müşahidə olunur.
Sonralar bu xidmət forması kitabxanalar tərəfindən bir sıra
dəyişikliklərə məruz qalmışdır. Bir qayda olaraq müəssisə və
təşkilatların aparıcı mütəxəssislərinin iştirakı ilə keçirilən
səyyar informasiya günləri daha effektlidir.
İnformasiya günləri həmçinin işgüzar informasiya
mühitində işləmək üçün daha xarakterik əhəmiyyətə malikdir.
Kompleks tədbirin ayrılmaz bir hissəsi olan sərgi-
baxışın xüsusiyyətlərinə nəzər salaq: sərgi-baxış kompleks
tədbirin, informasiyanın əsasını təşkil edir. Bu o deməkdir ki,
sərgi-baxışda tədbirdə müzakirə olunan problemlərə aid
mümkün olan maksimum informasiya mənbəyi göstərilməlidir.
Sərgi-baxış ayrıca bir yerdə, stollar və stellajların üstündə
yerləşdirilir. Tədbir sərginin təqdimatı ilə başlayır, onun bağla-
nışı ilə qurtarır.
Kompleks tədbir çərçivəsində sərgi-baxışdan istifadə
kitabxanaya daha çox oxucu cəlb edilməsinə səbəb olur.
Dostları ilə paylaş: |