15
2. IPLIK VƏ SAPLARIN FIZIKI XASSƏLƏRININ EKSPERTIZASI
HAQQINDA ÜMUMI MƏLUMAT
Iplik və sapların fiziki xassələrinə onların sorbsion, hiqroskopik, nəmlik,
istilik və s. xassələri daxildir.
Sorbsiya (latınca sorveçe – hopmaq, udmaq sözündən alınmış) ətraf
mühitdəki müxtəlif cisimlərdə məhlul və mikroskopik bərk hissəciklərdə həll
olunan qaz və buxarların (məsələn, tüstülərin) bərk və maye cisimlərin udmasını
göstərən mürəkkəb fiziki-kimyəvi hadisədir.
Sorbsiyanın bir xüsusi halı da toxuculuq materiallarının ətraf mühitdən su
buxarını udmasıdır ki, bu da iplik və sapların fiziki xassələrinə, o cümlədən də
onların en kəsiklərinin ölçüsünə, kütləsinə, istiliyinə, dielektrikliyinə, optik, habelə
mexaniki xassələrinə (məsələn, gərilməyə, qırılma yükünə, möhkəmliyinə),
deformasiyalanma qabiliyyətinə və s. güclü təsir edir.
Iplik və saplarda su buxarının lifin məzmunundan asılı olaraq ətraf
mühitdəki müəyyən şəraitdə (temperatur və havanın nəmliyi) sorbsiya prosesi (su
buxarının sonrakı hopması) baş verə də bilər, yaxud proses əksinə də (desorbsiya
prosesi, yəni buxarın ətraf mühitə keçməsi) ola bilər.
Qaztəhər (qazabənzər) maddəni özünə hopduran (canına çəkən) cismə
sorbent, hopmuş maddəyə isə sorbat deyilir.
Iplik və saplar nisbətən az nəmliyi olan mühitdən çox nəmli düşdükdə
onların su buxarlarının hopması prosesi xarici səthlərindən başlayır. Belə ki,
səthlərdəki molekullar güclü sahəyə malik olub, ətraf mühitdəki su molekullarını
özünə cəzb edir.
Mühitdə nəmlik nə qədər çox və sorbentdə nə qədər az olsa, suyun
molekulları onun səthində daha çox qərarlaşırlar (sorulurlar, tutulub saxlanırlar,
toplanırlar).
16
Su buxarlarının sorbentin səth qatlarında udulmasına adsorbsiya deyilir.
Ətraf mühitdə şərait dəyişdikdə adsorbasiya, yaxud desorbasiya prosesi çox tez
davam edir (bir neçə saniyə, yaxud saniyənin bir hissəsi ərzində).
Liflərin və sapların sorbsiya tarazlığına uyğun nəmliyi tarazlıq nəmliyi
adlanır. Tarazlıq nəmliyini təkcə lifin (sapın) xassəsi və strukturundan deyil, həm
də onların temperaturundan, təzyiqindən və nisbi rütubətindən asılıdır. Bu şərtlərin
dəyişilməsilə, liflərin (sapların) tarazlıq nəmliyi də dəyişir.
Materialın tarazlıq nəmliyinin sabit temperatur şəraitində havanın nisbi
nəmliyindən asılılığını təsvir edən əyrilərə sorbsiyanın izotermamı deyirlər.
17
3. IPLIK VƏ SAPLARIN HIQROSKOPIK XASSƏLƏRININ
ONLARIN KEYFIYYƏTINƏ TƏSIRI
Suyun və su buxarının sorbsiyası və desorbsiyası, liflərin və sapların suyu və
su buxarını özünə çəkməsi (sorbsiya), onların ətraf mühitinə verilməsi (desorbsiya)
onların hiqroskopik xassələrini xarakterizə edir.
Fiziki proses olan sorbsiya və desorbsiya mürəkkəb hadisə olub,
molekullararası qarşılıqlı təsir qüvvəsi hesabına yaranır.
Adsorbsiya (səthi sorbsiya) kompensasiya olunmamış molekullararası təsir
qüvvəsi olduqda liflərin və sapların səthində su molekullarının tutulub
saxlanılmasına deyilir. Bu zaman tutulan su molekullarının miqdarı bir çox
faktorlardan, hər şeydən əvvəl material strukturundan və xassəsindən, təzyiqindən,
temperaturdan, ətraf mühitin nisbi rütubətliliyindən asılıdır.
Adsorbsiya çox sürətlə gedir və tarazlanmış vəziyyət bir neçə saniyəyə
qərarlaşır.
Sorbentin səthi nə qədər böyük olarsa, təzyiq və ətraf mühitin nisbi
rütubətliliyi yüksək, temperatur aşağı olarsa, suyun adsorbsiyası o qədər çox olar.
Absorbsiya su molekullarının iplik və sapların molekulları arasına diffuziya
etməsi yavaş-yavaş baş verir və qərarlaşma bəzən bir neçə saata qədər çəkir.
Liflərin və sapların daxilində kompensasiya olunmamış molekullararası
qarşılıqlı təsir qüvvəsi olarsa, bu qüvvə daxilə nüfuz etmiş molekulları tutub
saxlayır və desorbsiya zamanı onların çıxması çətinləşir.
Su buxarının desorbsiyasının nəmvermə göstəricisini bəzən də materialın
quruma müddəti ilə xarakterizə edirlər.
Nəmvermə bu düsturla müəyyən edilir.
=
(
−
)
(
−
)
∙ 100%
18
Burada:
m
100
və m
0
– nisbi rütubətlilik 100% olduqda materialın kütləsi.
m
2
– material quruduqdan sonrakı daimi kütləsi.
m
0
– materialın qurudulduqdan əvvəlki daimi kütləsi.
Nəmliyi birbaşa və dolayı yolla ölçmək olar. Birbaşa üsulla istilik (qurutma
aparatında), distilyasiya və ekstraksiya, ikinci qrupa elektrik üsulu aiddir.
8-10 kütləyə malik adi kiçik nümunə adətən quruducu şkafda, 100-150
kütləyə malik nümunə isə kondision (quruducu) aparatında qurudulur. Bu
quruducuda lif, sap nümunələri isti hava axınında (adətən 100-110
0
C
temperaturda) qurudulur.
Qurudulmanı o vaxt başa çatdırırlar ki, iki ölçmənin nəticəsi təkrarlanmasın
(ölçmələr arasındakı vaxt 10-15 dəqiqə olmalıdır) və ya təxminən təkrarlansın.
Axırıncı ölçmənin nəticəsi, qurudulmuş materialın daimi kütləsi kimi
götürülür.
Qurudulmanı sürətləndirmək üçün infraqırmızı lampalardan istifadə edilir.
Elektrik nəmölçən əsasən pambıq və yun liflərin nəmliyini ölçmək üçün istifadə
edilir. Bu qurğu kimyəvi liflərin nəmliyini ölçmək üçün yaramır.
Nəmliyi təyin etmək üçün sorbsiya tərəzilərindən istifadə edilir. Bu tərəzi
yüksək vakuumlu şüşə qurğuda yerləşdirilir.
Dostları ilə paylaş: |