downloaded from KitabYurdu.org
160
çıxandan sonra işləməyib. Evdə də, stolun üstündə bir araq
şüşəsi və yansı yeyilmiş duzlu xiyar gördük. Ekspertiza
göstərmişdi ki, Mahmud şam yeməyi yeməyib. Arağı da özü
içib. Əslində, sizin deməyinizə görə, içki həvəskarı olmayan
Mahmud yeməksiz ancaq xiyarla araq içib. Bütün bunlar onun
saat üçdən sonra həyəcanlı, daha doğrusu güclü stress
vəziyyətində olduğunu göstərirdi. Mən belə qərara gəldim ki,
əslində, bəzi etika qaydalarını pozan Mahmud tövlənin
qapısını birbaşa açıb və orada qeyri-adi bir şey görüb...
-
Nə?! - Nemət səbirsizlik göstərdi.
-
Elə bir qeyri-adi şey ki, ona görə öz həyatından məhrum
olub! - Qasımlı təmkinlə davam etdi. - Mahmudun tövlənin
qapısını açıb orada nəyisə görməyindən özü qədər Əhliman da
həyəcanlanıb və özünü itirib. Yadınızdadırım, uşaq deyirdi ki,
atam onu darvazaya qədər ötürdü. Mənə belə gəlir ki,
Mahmudu ötürmək lazım deyildi. Çünki o, həmin həyətə tez-
tez gəlib-gedən adam idi. Özünü tamamilə itirən Əhliman nə
edəcəyini bilmədiyi üçün onu qapıya qədər ötürmüşdü.
-
Axı nə görüb Mahmud? - Bu dəfə Mehdixan kişi sual
verdi.
- Elə məni də bu sual düşündürürdü. - Polkovnik ona maraq
və diqqətlə qulaq asanlara ani olaraq göz gəzdirib davam etdi:
- Ayın 18-də, gecə Bayəddin adlı sürücü kimisə kəndə
gətirmişdi. Kəndə deyəndə ki, Əhlimanın darvazası qarşısına.
downloaded from KitabYurdu.org
downloaded from KitabYurdu.org
161
Çünki onun darvazasının qarşısı ilə, Mahmudun darvazasının
qarşısı eyni bir yerdir. Bəs Bayəddin həmin gecə öz maşınında
oraya kimi gətirə bilərdi? Əlbəttə, mən artıq Əhlimana
inanmadığım üçün düşündüm ki, çoxları üçün naməlum olan
bu sərnişin onun öz arvadı Səfayə olub!
Mehdixan kişi dəhşətlə irəli əyildi. Elə bil polkovnikin
ağzından çıxan sözləri itirməkdən
qorxurdu. Elməddin isə özündən asılı olmayaraq «Ay Allah!»
- deyə səsləndi.
Qanbay Qasımlı onların reaksiyasına fikir vermədən söhbətini
davam etdirdi:
- Bayəddinin maşınını meşə yolunun başlanğıcında görən
şahid deyibmiş ki, sürücünün arxasındakı qapı açıq idi və
kimsə onu örtdü. Adətən həmin yerdə maşına tək minmiş
qadınlar oturur ki, sürücünün gözlərinə çox tuş gəlməsinlər.
Səfayə necə olub ki, Bayəddinin maşınına minib, bunu dəqiq
deyə bilmərəm, ancaq o istəməzdi ki, onu yad kişinin
maşınında görsünlər. Ona görə də, həmin adamın maşını
yaxınlaşanda Səfayə aşağı əyilib
ki, onu görməsinlər. Sözsüz ki, qapını örtən də qadın özü olub.
Onun oğlu burada danışanda fikir verdinizmi? O, əvvəlcə
maşın səsi eşidib, ayılıb. Elə o saat da, onu yenidən yuxu
aparıb. Uşaq qorxulu yuxu görüb. Yuxuda anasının
boğularkən onu səslədiyini eşidib ayılıb. Yəqin ki, bir az
downloaded from KitabYurdu.org
downloaded from KitabYurdu.org
162
sonra, yəni o, tam özünə gələndən sonra atası içəri girib və
uşaq soruşub ki, maşınla gələn kimdir? O, elə bilib ki, maşının
səsini atası otağa daxil olandan bir-iki dəqiqə əvvəl eşidib.
Ancaq bu mümkün deyil. Çünki uşaq maşının qapısı
çırpılandan sonra, maşının o saat işə salındığını, yoxsa bir az
vaxt keçdiyini xatırlaya bilmədi. Çünki onu həmin vaxt yuxu
tutmuşdu. Ancaq görürsünüzmü, atasına verdiyi sualı və onun
cavabını dəqiq xatırlayırdı. Deməli, atası, uşaq yuxunu görüb
ayılandan sonra, yəni ki, maşın gəlib-gedəndən xeyli sonra
evə çıxıb. Bu arada ən azı iyirmi dəqiqə, bəlkə də bir saat vaxt
keçib. Bəs həmin vaxt ərzində Əhliman həyətdə neyləyirmiş?
- Təcrübəli ekspert siqaretini axınncı dəfə sümürüb kənara atdı
və öz sualına özü cavab verdi:
- Əhliman həmin vaxt ərzində arvadını ya mübahisə
zəminində, ya da bilərəkdən, düşünülmüş şəkildə öldürmüş və
cəsədini aparıb tövlədə gizlətmişdir. Bu vaxt cəsədi görən
qoyunlar elə dəhşətli qorxu keçirib ki, səhəri gün Əhlimanın
oğlu onları açıb küçəyə çıxaranda
qaçıb meşəyə dağılıblar. Yadınızdadırsa, biz bunu həmin gün
Elməddindən eşitdik.
Elməddin təsdiq əlaməti olaraq başını tərpətdi. O, həddindən
artıq həyəcanlı vəziyyətdə idi. Mehdixan kişi yaranmış ani
fasilədən istifadə edib onu maraqlandıran suala cavab almaq
istədi:
downloaded from KitabYurdu.org
downloaded from KitabYurdu.org
163
-
Sözləriniz çox ağlabatandır, Qanbay müəllim! Ancaq bəs
nəyə görə Bayəddin həmin gecə kəndə kimi gətirdiyini
boynuna almaq istəmir?
-
Mənim mülahizəmə görə, - Qasımlı üzünü ev sahibinə
tutdu:
-
Əhliman arvadını öldürüb, meyitini tövlədə gizlədəndən
sonra, səhər tezdən durub şəhərə gedib. Orada Bayəddini
tapıb, onu ölüm qorxusu ilə hədələyib. Tapşırıb ki, Səfayəni
kəndə gətirdiyini boynuna almasın.
Kəndə qayıdan kimi, Əhliman buraya gəlmişdi və arvadının
yox olduğunu sizə bildirdi. O, evə qayıdıb nahar edərək,
tövləyə gedir və daş döşəməni söküb torpağı qazır. Meyiti
gizlətdiyi yerdən götürüb qazdığı çuxura qoyur. Mənim
fikrimcə, məhz elə bu vaxt Mahmud tövləyə girir. Çox güman
ki, özünü görməməzliyə vurub tez də tövlədən çıxır. Nə üçün
gəldiyini deyir və çəkici alıb gedir.
Bundan sonra Əhliman düşünür ki, Mahmud gec ya da tez onu
satacaq. Ona görə də, qaranlıq düşəndən sonra gizlicə
qonşusunun evinə gedib, onu öldürür. Mən, Mahmudun otağın
qapısına yaxın, arxadan zərbə alaraq, ağzı üstə yıxıldığını
görəndə təəccüblənmişdim. İndi isə başa düşürəm ki,
darvazanı açan Mahmud Əhlimanı görüb, onu könülsüz içəri
dəvət edib. Sonra isə həyəcanlı vəziyyətdə olduğu üçün onun
qabağına düşüb, otağa qədər gedib. Hörmət əlaməti olaraq
downloaded from KitabYurdu.org
Dostları ilə paylaş: |