Elxan Elatlı PƏNCƏRƏDƏ GÖRÜNƏn köLGƏ detektiv roman
Yüklə 4,8 Kb. Pdf görüntüsü
|
downloaded from KitabYurdu.org 173 - Polis şöbəsinə zəng vur, qoy Bayəddingilə adam göndərsinlər! Təcili! Sabir həyətdən çıxdı. Elməddin cəld evə qalxıb şöbəyə zəng vurmağa çalışdı. Telefon yaxşı işləmirdi. Növbətçi polis işçisinin səsini eşidən kimi əlaqə kəsildi. Növbəti cəhd də bir nəticə vermədi. Əlaqə alınmırdı ki, alınmırdı... UAZ-ın sükanı arxasında oturmuş Əhliman artıq kənddən xeyli uzaqlaşmışdı. Rayon mərkəzinə gedən asfalt yoldan burulub maşını başqa yola saldı. Bu torpaq yol bir qədər dolayı olsa da, onun bu yolla gedəcəyi heç kəsin ağlına gəlməzdi. Yol başqa tərəfdən şəhərə girib, birdaş Bayəddingilin küçəsinə çıxacaqdı. Sükandan bərk-bərk yapışmış Əhliman, dişlərini qıcayıb kiminsə qarasına söyüşlər yağdırırdı: - Səni yandıracağam. Satqın oğraş! Görəcəksən ki, mən dediyimi eləyən adamam. Yetimçənin başını cücə başı kimi üzüb arvadının əlinə verəcəm. Qabaqda bir kənd görünürdü. Bu kəndin içindən keçib yoluna davam etməli idi. Uşaqlarını fikirləşdi. «Görəsən biləndə nə deyəcəklər mənim haqqımda? Söyəcəklər məni... Əşi, cəhənnəm olsunlar! Görəsən meyiti tapıblarını? Şübhələnib gəliblərsə, deməli, tapacaqlar! İt kimi iy bilirlər köpəkuşağı. Mən onların əlinə downloaded from KitabYurdu.org downloaded from KitabYurdu.org 174 heç bir əsas verməmişəm ki, məndən şübhələnsinlər. Satıb məni ti oğlu, it! Mələdiblər orada, dözməyib satıb! İndi mən balasının başını kəsəndə lap bərkdən mələyəcək.» Yol üstündəki kəndə çatdığı üçün sürəti bir qədər azaltdı... Qanbay Qasımlı qəti qərara gəlib, «QAZ- 24»-ün qapısını açdı. Açar maşının üstündə idi. Çevrilib pilləkəndə dayanmış Elməddinə baxdı: - Darvazanı aç! Elməddin bu qətiyyətli səsə kor-koranə tabe olub darvazanı taybatay açdı. Yalnız bundan sonra polkovnikin məqsədini başa düşüb ona mane olmağa çalışdı: - Getməyin, Qanbay müəllim, indi onun gözünü qan tutub! Alçağın biridir o! Qasımlı Bakıdan çıxanda tapançasını götürmədiyinə peşman olmuşdu. Ancaq daha fikirləşməyə vaxt yox idi. Maşına əyləşib onu işə saldı. «QAZ-24» nərildəyib həyətdən çıxdı və küçədə toz-duman yaradaraq gözdən itdi. Torpağı qazıyanlar belin nəsə yumşaq bir şeyə toxunduğunu hiss edib, torpağı daha ehtiyatla kənara atmağa başladılar. Nəhayət, meyit aşkara çıxdı. Bu, rayon polis şöbəsinin bir həftədən bəri hər yerdə axtardığı downloaded from KitabYurdu.org downloaded from KitabYurdu.org 175 Səfayənin meyiti idi. Əhliman onu heç nəyə bükmədən, paltarlı vəziyyətdə basdırmışdı. Sifəti, paltarı torpağa bulaşmışdı. Meyiti həyətə çıxartdılar. Ətrafı üfunətli qoxu bürüdü. Xəlilovla prokurorun yanında dayanmış Mehdixan kişi cib dəsmalı ilə bumunu tutdu. Həyətə başqa adam buraxmırdılar. Hamı küçəyə, ya da evin qabağına yığışmışdı. Hamının üzündən zəhrimar tökülürdü. Tibb eksperti yaxınlaşıb meyitə baxdı. Əli ilə meyitin üstündəki torpağı təmizləməyə başladı. Səfayənin sol qolu onun gözünə birtəhər göründü. Yoxlayıb prokurora tərəf döndü: - Sol qolu biləkdən qırılıb! Prokuror dillənmədi. Ekspertin gözü Səfayənin başındakı yara yerinə sataşdı. Öz- özünə danışırmış kimi: - Küt alətlə başından vurublar! - dedi. Sonra ayağa qalxıb prokurordan soruşdu: - Şəhərə aparacağıq? - Mütləq! - prokuror cavab verdi. - Atası yəqin ki, şəhər qəbiristanlığında dəfn edəcək onu. - Mehdixan kişi söhbətə qanşdı. - Burada dəfn etməyə razı olmaz. Ona görə də apanlsa yaxşıdır. downloaded from KitabYurdu.org downloaded from KitabYurdu.org 176 Maşın dalınca adam göndərdilər. Tibb eksperti bir də meyitin üstünə əyildi. Nəyə görəsə, əlini Səfayənin sinəsinə sürtdü. Sonra donun yaxalığını qaldırıb meyitin sinəsindən bir fotoşəkil çıxartdı və onu prokurora göstərdi. Bu, Cavidlə Təhminənin birlikdə çəkdirdikləri fotoşəkil idi. Əhliman yolun üstündəki kəndi arxada qoyub rayon mərkəzinə üz tutmuşdu. Əli sükanda, gözü yolda olsa da, fikri başqa yerdə idi. “Məni Bayəddin satıb! Buna heç bir şübhə ola bilməz! Görəsən, buraxıblar alçağı? Buraxıblarsa özünü də öldürəcəm, uşağını da! Hamısını bıçaqdan keçirəcəm! Buraxmayıblarsa da, dediyimi edəcəm. Kəsəcəm gədəsinin başını! Arvadının da başına hər cür pislik açacam! Daha mənimki keçib. Sonra Bakıya qaçaram. Oradan da Rusiyaya! Nə olar, olar! Qaradan artıq rəng yoxdur...” Sürəti bir az da artırdı. Şəhərə çatmağa az qalırdı. Ağ rəngli bir “QAZ-24” rayon mərkəzinə gedən asfalt yolda yüksək sürətlə şütüyürdü. Meyiti maşına qoydular. Əhlimanı axtaran polis işçiləri onu tapa bilməyərək qayıdıb gəlmişdilər. Bu vaxt Sabir gəlib Əhlimanın maşınla kənddən çıxdığını xəbər verdi. Xəlilov cib telefonu ilə şöbəyə zəng vurmaq istəsə də, heç nə alınmadı. Onun əmri ilə hamı maşınlara doluşdu və tələsik yola düşdülər. downloaded from KitabYurdu.org downloaded from KitabYurdu.org 177 Həyət tamamilə boşaldı. Mahmudun ehsan mərasimi dağılmışdı. Hamı küçədə beş-beş, on- on yığışıb bu hadisəni müzakirə edirdi. Camaat nə baş verdiyini hələ də tam mənası ilə anlamırdı. Tövlədən Səfayənin meyiti tapılıb... Əhliman qaçıb... Deməli Səfayəni öz əri öldürüb. Bəs Mahmud? Bəs onu kim öldürüb? Onu da yəqin Əhliman öldürüb. Nə üçün? Nə səbəbə? Müxtəlif fikirlər səslənirdi bu barədə... ağlabatan, ağlabatmaz... Qara-qura fikirlər gəlirdi çoxunun beyninə... Mehdixan kişi Mahirgili də götürüb evə qayıtdı. Həyətə girən kimi Elməddin məsələni atasına anlatdı. Mehdixan kişi Qasımlının məqsədini başa düşüb cəld evə çıxdı və telefonu götürüb şəhərə zəng vurdu. Birtəhər şöbəni ala bildi. Əhlimanın qaçdığını bildirib xahiş etdi ki, Bayəddinin evinə polis göndərsinlər. Bu saat burada elə bir adam yoxdur. - deyə növbətçi cavab verdi. - Ancaq Əmirəliyev indi şöbəyə gəlməlidir, ona deyərəm... Qanbay Qasımlı maşını Sabirin nişan verdiyi küçəyə döndərən kimi, dam örtüyündən sarmaşıq gülü sallanan ev diqqətini cəlb etdi. Evə çatmamış maşını əylədi. Düşüb təmkinlə darvazaya yaxınlaşdı. Darvaza bağlı deyildi. Onu itələyib açdı və həyətə daxil oldu. Bu kiçik və sadə bir həyət idi. Həyətin bir küncündə yığılmış maşın hissələri nəzərə downloaded from KitabYurdu.org Yüklə 4,8 Kb. Dostları ilə paylaş:
|