downloaded from KitabYurdu.org
158
-
Sizin bu hadisə barədə bildiyiniz bir şey var? - Mehdixan
kişi özündən asılı olmayaraq həyəcanlandı.
-
Bəli...
-
Onda
xahiş edirəm, köməyinizi əsirgəməyin!
Nemət fəxrlə, bir az da məzəmmətlə qonşusuna baxdı:
-
Deməli, siz burada da işlə məşğul olmusunuz?! Ancaq
mənim bundan heç xəbərim olmayıb.
-
Yox! - Qasımlı etiraz etdi. - Mən heç bir işlə məşğul
olmamışam. Əlbəttə, hərdənbir düşünməyi iş hesab etməsək.
-
Elə sizin işiniz düşünməkdi də!.. - Nemət gülümsədi.
-
Qoy Qanbay müəllim öz fikrini desin! - icra nümayəndəsi
artıq söhbəti kəsmək istədi.
Qanbay Qasımlı stulunu qabağa çəkib danışmağa başladı:
-
Buraya istirahətə gəldiyimiz üçün baş vermiş cinayət
hadisəsinə qarışmaq fikrim qətiyyən yox idi. Mahirin xahişi
ilə biz hadisə yerində olduq və mən orada doğrusu, elə bir
qeyri-adi şey görmədim. Əlbəttə, çox xırda detalları nəzərə
almasaq. Və keçən iki gün ərzində hadisə barədə heç nə
düşünmək istəmədim.
Mayın 22-də, sahə müvəkkili burada olanda pəncərədə
görünən kölgə haqqında ilk dəfə onun dilindən eşitdim.
Əhliman deyibmiş ki, həmin gecə Mahmudun otağının
downloaded from KitabYurdu.org