Tibb elminin əhəmiyyəti
Sizin elminiz digər elmlərdən fərqlənir. Bəzi elmlər xalq üçün çörək kimidir, bəziləri də digər ehtiyaclar kimi. Bəllidir ki, çörək ayaq altındakı gözəl xalılarla, həyatın dəbdəbələri ilə, yaxşı səyahətlə və bu kimi işlərlə müqayisəediləsi deyil. Tibb elmi də belədir. Bəzən müalicə çörəkdən də əhəmiyyətlidir. İnsan bəzən aclığa dözür, lakin xəstənin əziyyət çəkməsinə və xəstə övladının ahına dözə bilmir. Müalicə məsələsi bu qədər mühümdür. İndi bu əhəmiyyət bizə nə deyir? Biz bundan nə nəticə çıxarmalıyıq?847
Tibb elminin inkişafında ədalət
Bu əhəmiyyətdən iki-üç zəruri nəticə çıxır: Biri budur ki, biz xəstəyə həqiqətən, kömək etmək üçün elmi inkişaf etdirməliyik. Bütün xəstələrin köməyinə tələsmək lazımdır; kənd xəstəsinin şəhər xəstəsi ilə, ucqar əyalətdəki xəstənin Tehrandakı xəstə ilə, pullu xəstənin pulsuz xəstə ilə fərqi yoxdur. Biz elmi çox inkişaf etdirsək, lakin pullular bundan ən yüksək səviyyədə bəhrələnsələr, pulsuzlara isə faydası toxunmasa, yetərli deyil. O zaman xalqımızın və ölkəmizin yalnız bir hissəsi üçün olacaq. Ölkəmiz nəinki hər bir milyon nəfər üçün ən azı min həkimi olmayan, heç yüz həkimi də olmayan geriqalmış bir ölkə kimi olacaq. Yəni biz o məqsədlərə çatmaq istəyiriksə, kəmiyyət və elm artımı məsələsini inkişaf məsələsindən ayıra bilmərik. Elə etməliyik ki, hamının həkimə getmək imkanı olsun.848
Həkimin əxlaqının cəmiyyətə təsiri
Cəmiyyətin əxlaqını formalaşdırmaqda həkimin əxlaq və rəftarının təsiri eyni nisbətlə çoxdur. Məsələn, nüvə elminin yüksək səviyyəli bir mütəxəssisi xalqla təmasda olmur. Əgər dindar, yaxud dinsiz, əxlaqlı, yaxud pulpərəst, xain, yaxud cinayətkar olsa da, xalq üçün fərqi olmaz; xalq onun elmini istəyir, özü ilə nə işi var?! Lakin həkim belə deyil. Həkim xalqın xanımı, övladı, həyatı və hissləri ilə təmasdadır.849
Tibb elmlərində tətbiqi araşdırmalar
Tibb elmində hər gün yeni bir nailiyyət əldə edilir. Bu sahədə bizim dünya ilə məsafəmiz olduqca çox deyil. Bəzi elmlərdə böyük fərqlərimiz var, amma bu elmdə dünya ilə məsafəmiz olsa da, hər halda, çox deyil. Çalışın dünyanın yeni tibb nailiyyətlərinin bir hissəsi sizə aid olsun. Yeni müalicə kəşf edin, yeni alətlər ixtira edin, tədqiqat işləriniz bu məsələlərə yönəlsin. Düzdür, buna şərait yaratmaq, çalışmaq, gözü gündəlik və ötəri şeylərdən sürətlə çəkmək lazımdır.850
Dostları ilə paylaş: |