Elbəyi CƏLALOĞLU
202
X X V F Ə S İ L
Varlıq darlıqdır
Mövlana Cəlaləddin Ruminin söhbətləri Yunus Əmrəni
əməlli başlı ovsunlamışdı. Onun ara-sıra verdiyi suallar, bil-
gilərini qeyri-adi biçimdə ifadə etməsi də Mövlananı heyran
qoyur və onun bu gəncə olan rəğbətini günü-gündən artırır-
dı. Mövlana Cəlaləddin Yunus Əmrənin bilik səviyyəsinə
və təfəkkürünün dərinliyinə bələd olmaq məqsədilə ona
meydan vermək qərarına gəldi. Mövlana bu fikirlə oğlu Sul-
tan Vələdin vasitəsi ilə Yunus Əmrəni öz hücrəsinə dəvət
etdi. Yunus Əmrə ədəb-ərkanla hücrəyə daxil olduqdan
sonra Mövlana ona oturması üçün yer göstərdi. Onların
ümimi söhbətləri çox qısa sürdü və Mövlana təzə şəyirdinin
təfəkkür qıfılına açar salmağa başladı:
– Əzizim Yunus, insan nə zaman Allah qarşısında
üzüağ olur və ruhu işıqlanır? – Mövlananın sualından Yu-
nus diksinən kimi oldu və ani bir vaxtda özünü yenidən tə-
səffüf dəryasına dalmış kimi sandı. Odur ki, mürşidinin
sualını cavablandırmağa başladı:
– Əziz Ustadım, Allahın əmanət etdiyi ruhu nəfsinin çir-
kabına bulamadan pak saxlayanlar üzüağ olar və onlar baqi
günəşin nurlarında qərq olarlar! Çünki İlahi nurlardan ayrı
düşən insan ruhən qaralar. Ruhunu ilahi məqamdan ayıran,
ona doğru meyillənməyib, əksinə ondan uzaq düşən adam
üzüqara qalar.
Yunus Əmrə düşündüyünü ifadə etdikdən sonra Möv-
lana Cəlaləddin razılıq əlaməti olaraq başını irəli-geri yırğa-
ladı və öz əlavəsini dedi:
– Torpaqdan yaranan adam, Allahın ruhu ona üfürülən-
Eşq dənizləri qovuşanda
203
dən sonra cana gəldi, cilvələndi, gözəllik tapdı, nurlandı.
Lakin bunu anlamayıb pak ruhdan ayrılanlar, sonu yaman-
lığa gedən, cəhənnəmə yuvarlanan insanlar oldu. Üzüqara-
lar ehtirasa, dünyavi hisslərə, keçici var-dövlətə, mal-mülkə
könül verənlər oldu. Lakin könlünü ulu Tanrıya verənlər
Onun nemətlərindən Onun özünü sevmək və Ona ibadət et-
mək üçün canında güc olsun deyə istifadə etdilər. Hər şeyin
qədəri olduğu kimi, onun qəzası da var. İnsanın yarandığı
xam maddə torpaqdır ki, o qədərincə sulansa İlahinin istə-
diyi nemətlər əmələ gələr, lakin həddindən çox sulansa ça-
mırlaşar, – Mövlana bu fikirləri söylədikdən sonra müridinə
yeni bir sualla müraciət etdi:
– Ruhun gəlişi və qayıdışını necə əlaqələndirə bilərsən?
Bədən, varlıq və onların irtibatı nədən ibarətdir?
Yunus Əmrə mürşidinin bu sualından bir az fikrə getdi,
beynində nəyisə vuruşdurdu və nəhayət başını qaldıraraq
tələsmədən danışmağa başladı:
– İnsan ruh ilə gövdə kimi iki ayrı varlıqdan qurulmuş
bir sevgi varlığıdır. Ruh tanrısaldır, ölümsüzdür, o, gövdə-
də qaldığı müddətdə Tanrı dərgahına dönmə həsrəti içində
çırpınır. Sonda isə ruh Tanrıya qayıdır, gövdə onu əmələ
gətirən ünsürlərə ayrılır. Torpaq, su, od və küləkdən ibarət
olan həmin ünsürlər boşluq və ya yoxluqla vəhdət təşkil
edərək insan və irili-xırdalı bütün mövcudiyyatlar da daxil
olmaqla varlıq kainatını yaratmışdır, – Yunus bunları deyib
bir anlıq dayandı, Mövlana Cəlaləddin isə onun dediklərinə
bir az da açıqlama gətirdi:
– Bəli, doğrudur, bu əvəzsiz varlığın yaradıcısı isə ulu
Tanrıdır. Gerçəkdə insan, Tanrı və kainat üçlüyü birlik için-
dədir, bu bir görüntüdür, var olan isə tək Tanrıdır. Çünki
Tanrı özünün yaratdığı bütün varlıqların hər birində əks
olunur. Kainatı əmələ gətirən ünsürlərlə insanın gövdəsini
meydana gətirən ünsürlər eynidir. Bu eynilik ona görədir
ki, əgər Tanrı yaranmış varlıqda əks olunursa, bu, əsl varlıq
hesab olunar, – Mövlana dayandı, əlini çay stəkanına uzatdı
və Yunusa davam etməsini söylədi. Yunus Əmrə mürşidi-
Elbəyi CƏLALOĞLU
204
nin bəhsindən bir az da ruhlanmışdı və bu minvalla təfək-
kürünün qızıl guşəsini töküşdürməyə başladı:
– İnsan eşq yoluyla Tanrıya çatar, çünki insanla Tanrı
arasında eynilik, oxşarlıq vardır. Ancaq, insanın bu fani
dünyada olması, ruhun Tanrı məqamından uzaqda qalması,
bir ayrılıqdır. Bu ayrılıq, insanı həyatı boyunca Tanrını dü-
şünməyə, Onun həsrətini çəkməyə vadar etmişdir. Eşq in-
sanla Tanrı arasında birləşdirici xüsusiyyətdir. İlahi sevgi-
nin qayəsi insanı uca Tanrıya – Ölümsüz olana qovuşdur-
maq, Onun varlığında bütünlüyə çatmaqdır. İnsanın Tan-
rıyla eyni olduğundandır ki, özünü sevən Tanrını sevər,
Tanrını sevən isə eynilə özünü sevər. “Özünü sevmək”
maddi anlamda qəbul olunmamalıdır. “Özünü sevmək”
ürəyini pisliklərdən arındırmaq, Allah eşqi ilə yaşamaq və
ənbiyaların, övliyaların buyurduğu şərtlərlə davranmaqdır.
Sevgi həm də özünü başqasında, başqasını özündə tapmaq-
dır. Tanrının yaratdıqlarını sevmək elə Tanrının özünü sev-
məkdir. Sevginin olmadığı yerdə, hirs, inciklik, mənçilik,
bir-birindən qopmaq, ayrılmaq kimi xoşagəlməz hallar orta-
ya çıxar, – Yunus Əmrə mürşidi Mövlananın üz-gözündə
razılıq əlamətlərini görürdü və onun nəsə demək istədiyini
hiss etdiyindən söhbətinə ara verdi. Bu zaman Aşiqlər sulta-
nı verilən cavabdan məmnunluğunu ifadə edərək danışma-
ğa başladı:
– Çox gözəl, oğlum! Eşqin dəyərini, sevginin qiymətini
təkcə eşq əhli bilər. Özündə İlahi eşqi tapa bilənlər, bu eşqin
əzəli və əbədi sahibi olan Tanrını sevər. Sevmək bir müdrik-
lik əlaməti, bir mövcudluq göstəricisidir. Yetərincə işıqlan-
mamış və ya Tanrı işığından məhrum qalmış bir könüldə
eşqin, sevginin yeri yoxdur. Bütün varlıq növlərini bir-biri-
nə bağlayan, onları Tanrı dərgahına yönəldən eşqdir. İlahi
sevgi insan hisslərinin ən uca qatında yerləşdiyindən, se-
vənlər qarşılıq gözləməz. Dost adam – gerçək sevən kimsə-
dir, aşiqdır. Dost başqa bir mənada da Tanrıdır, adamın kö-
nlünü ışıqlandıran baqi günəşdir. Yaşamaq Tanrı kölgəsinin
əks olunduğu kainatda sevinc duymaqdır. Çünki bütün
Dostları ilə paylaş: |