Kimya məktəbdə
83
2)
Doymuş və ifrat doymuş məhlulların alnması.Maddələrin həll
olunmasına tempraturun təsiri.
Bir stəkana 30 ml su töküb üzərinə 0,1 q BaCl
2
kristalları əlavə edir və
qarışdırırıq(
duru məhlul), sonra duzun miqdarını 5 dəfə artırır və yenidən
qarışdıraraq həmin stəkanda həll edirik(qatı məhlul). BaCl
2
-nin yeni-yeni
porsiyalarını əlavə etməklə qarışdıra-qarışdıra həll edirik. Müəyyən miqdardan
sonra daha həllolma baş verməyəcək. Həll olmayan duzun üzərindəki məhlul çox
qatı məhlul və ya həmin temperaturda doymuş məhlul adlanır. Bu məhlula bir
azca da BaCl
2
duzu əlavə edir, qarışdırır və onun daha həll olmadığını
təsdiqləyirik. Stəkandakı həmin məhlulu üzərində asbestli tor olan sacayağın
üstünə qoyub qızdırır və şüşə çubuqla qarışdırırıq. Məhlulun dibindəki duz həll
olacaqdır. Sonda alınan bu məhlula ifrat doymuş məhlul deyilir.
İfrat doymuş məhlul olan stəkanı kran suyu ilə soyutduqa yenidən isti
məhlulda həll olunmuş duz kristalları məhluldan ayrılacaqdır, dibə çökəcəkdir.
3)
Bərk maddələrin suda həll olunmasının müxtəlifliyi.
6 sınaq şüşəsinə onların həcminin 1/3-i qədər distillə suyu töküb hər
birinin üzərinə eyni miqdarda şəkər, NaNO
3
, NaCl, MgSO
4
, kömür tozu və narın
qum əlavə edirik. Sonra hər birinin ağzını barmağımızla tutub möhkəm
çalxalayırıq. Həll olmayan maddələr dibə çökdükdən sonra, məhlulların üst
hissəsindın pipetlə damcı götürüb böyük şüşə lövhə üzərinə keçiririk. Şüşə
lövhəni dəmir ştativin həlqəsi üzərinə qoyub spirt lampası alovu ilə ehtiyyatla
qızdırırıq. Hansı maddə məhlulundan götürülən damcıların yerində daha çox bərk
maddə qalığı əmələ gəldi? Hansı sınaq şüşəsindən götürülən damcıların yerində
bərk maddə qalığı əmələ gəlmədi?Nə üçün? Suallar şagirdlərlə birlikdə
aydınlaşdırılır və maddələrin suda necə həll olması barədə nəticə çıxarırıq.
Laboratoriya təcrübələri
1-ci mövzu. Maddə, maddələrin xassələri. Qarişıqların
ayrılması üsulları.
Təcrübə 1.1. Maddələrin fiziki xassələrinin öyrənilməsi.
Maddələrin fiziki xassələrinin öyrənilməsi üçün şagirdlər təlimatlandırılmalı və iş
prosesində istiqamətləndirilməlidir. Bu məqsədlə onlara məqsədəuyğun tapşırıqlar
verilir və təqdim olunan maddələrin xassələrinin müxtəlif cəhətdən təsvir
edilməsi tələb olunur. Məsələn:
1)
Sizə verilmiş maddələrin adi şəraitdə (otaq temperaturunda) aqreqat
halını, iyini və rəngini təsvir edin. Maddələrin iyini yoxladıqda təhlükəsizlik
texnikası qaydalarına əməl edin;
2-3(50-51)2015
84
2) Verilmiş maddələrin suda həll olmasını yoxlayın. Bunun üçün maddədən yarım
çay qaşığı götürüb stəkana tökün və qarışdırın. Qarışdırmaq üçün qabı ehtiyatla
silkələyir və ya şüşə çubuğu stəkanda ehmallıca hərəkət etdiririk. Əgər bərk
maddə yox oldu və ya azaldısa deməli maddə suda həll olandır. Sınaq şüşəsində
həll olmanı onun ağzını tıxacla kip bağlayıb bir neçə dəfə başı aşağı çevirib
düzəlmək yolu ilə də aparmaq olar. Təhlükəsilik baxımından, qarışdırmaq üçün
sınaq şüşəsinin ağzını barmaqla tutub çalxalamaq olmaz.
3) Maddələrin suya görə təxmini sıxlığını təyin etmək üçün ondan bir azca
götürüb stəkandakı suya salıb müşahidə aparın. Əgər maddə suda batırsa, deməli,
onun sıxlığı suyun sıxlığından (1 q/l ) çoxdur, əgər suda batmır,onun səthində
qalırsa, suyun sıxlığından azdır. (Maddələrin dəqiq sıxlığını, qaynama və ərimə
temperaturunu və s. fiziki xassələrini xüsusi məlumat kitablarından öyrənmək
olar).
Təcrübə 1.2. Qarışıqların ayrılması üsulları.
Qarışıqdakı maddələri biri-birindən ayırmaq üçün onun tərkibindəki hər bir saf
maddənin xassələrini bilmək vacib şərtdir. Məsələn, verilmiş dəmir və kükürd
tozlarının qarışığındakı maddələri ayıra bilmək üçün şagirdlər dəmirin maqnitlə
cəzb olunduğunu və suya tökdükdə batdığını bilməlidirlər. Onlar həmçinin
bilməlidirlər ki, kükürdü maqnit cəzb etmir və o, suya tökuldükdə flotasiya edir,
yəni suda üzür. Müəllim bunları şagirdlərə dedikdən (və ya yazılı şəkildə bu
məlumatı onlara verdikdən) sonra təklifedir ki, dəmir və kükürdü onların
qarışığından ayırmaq üçün plan tərtib edin və bu planı icra edin.
2-ci mövzu . Maddələrin tərkibi və quruluşu. Molekullar və atomlar.
Təcrübə 2-1. Atom və molekulların mil – kürəcik modellərinin hazırlanması.
İki müxtəlif rəngdə plastilin, 3-4 sm uzunluğunda millər (plastik
kütlədən,
metaldan, taxtadan ola bilər) götürülür və fərqli rəngdə plastilinlərin birindən
kiçik ölçülü 18 ədəd (hidrogen atomu), o birindən isə böyük ölçülü 14 ədəd
(oksigen atomu) hazırlanır. Əvvəlcə 2 kiçik ölçülü və 2 böyük ölçülü kürəciklər
öz aralarında birləşdirilib hidrogen və oksigen molekulları quraşdırılır. Sonra bir
oksigen atomu kürəciyi götürüb ona iki hidrogen atomu kürəcikləri elə
birləşdirilir ki, millərin arasında 104,5 dərəcəlik bucaq əmələ gəlsin. Beləliklə, H
2
,
O
2
və H
2
O molekullarının mil-kürəcik modelləri hazırlanmış olur.
Hazırlanmış atom və molekulların modellərinin köməyi ilə bəsit və mürəkkəb
maddələrin əmələ gəlməsi və parçalanması reaksiyalarını nümayiş etdirmək olar.
Bu reaksiyaların sxem–tənlikləri:
H + H → H
2
O + O → O
2