sini 100% qəbul elsək, onun təxminən 19%-i atmosferdən keçərkən udulur,
34%-i geriyə kosmik fəzaya əks olunur, 47%-i isə düz və səpilən radiasiya
şəklində Yer səthinə daxil olur.
İonlaşmış radiasiyaya kosmik şüalar, həmçinin təbii və süni radioak-
tivlik daxildir, Yer səthində bu radiasiyanın orqanizmə təsiri əsasən təbii
radiasiya fonu ilə bağlıdır. Bizim dövrümüzdə bu, texnogen mənşəli
radiasiyanın kəskin artması ilə əlaqədardır.
Radiasiyanın bioloji təsiri əsasən subhüceyrə səviyyəsində (nüvə, mi-
toxondrin, mikrosom) baş verir. Müəyyən edilmişdir ki, belə təsir şüalanmanın
dozasından asılıdır: kəskin dozalarda şüalanma ilə zədələnmə effekti stimul
yaratmaqla əvəz olunur. İonlaşmış radiasiyanın genetik aparata təsiri (mitogen
effekt) məlumdur, spektrin bu hissəsinin ekoloji aspekti praktiki olaraq
öyrənilməmişdir.
Ultrabənövşəyi şüaların daha qısadalğalı (200-280 nm) zonası
(«ultrabənövşəyi C») dəri tərəfindən fəal adsorbsiya olunur; 'rəhlükəlik
baxımından UB-C X şüalara yaxındır, lakin o, praktiki olaraq ozon ekranı
(qatı) tərəifndən tamamilə udulur. UB şüaların sonrakı zonası dalğasının
uzunluğu 280-320 nm olan UB-B spektrin daha təhlükəli hissəsi olub
kanserogen təsir göstərir. UB-B zonasının əsas hissəsi də ozon ekranı
tərəfindən udulur; Yer səthinə UB şüaların yalnız təxminən 300 nm- dən
yuxarı uzunluqlu dalğaları çatır. Spektrin bu hissəsi böyük enerjiyə malik olub
canlı orqanizmlərə, əsasən, kimyəvi təsir göstərir. UB şüalar qismən hüceyrə
sintezi proseslərini stimullaşdırır. UB şüalanması kənd təsərrüfatı cavan
(körpə) heyvanlarının məhsuldarlığını artırır. Bu şüaların təsiri altında
orqanizmdə Ca və P-un mübadiləsini tənzimləyən və bununla da skeletin
minimal böyümə və inkişafına şərait yaradan D vitamini sintez olunur. D
vitamininin böyüməkdə olan cavan heyvanlar üçün əhəmiyyəti böyükdür.
Odur ki, yuvalarda doğulan məməlilərin çoxu müntəzəm olaraq (çox vaxt
səhər çağları) yuvanın yaxınlığında günəşlə işıqlanan yerə aparılır. Tülkü və
porsuqları buna misal göstərmək olar. Bir çox quşlar da bu məqsədlə «günəş
vannası» qəbul edirlər.
.UB şüaların təsiri onun dozasından asılıdır: artıq şüalanma orqanizmə
mənfi təsir göstərir. Qısa dalğalı radiasiyaya qarşı xüsusilə bölünən hüceyrələr
davamsız olur. Orqanizmlərin UB şüaların yüksək dozasına qarşı
ekranlaşmasına uyğunlaşması nəticəsində bir çox növlərdə bu şüaları udan
tünd piqmenllər formalaşır. İnsanda günəş altında yanma da (qaralma) bu
qəbildəndir.
UB şüalar (radiasiya) hidrosferdə də müəyyən əhəmiyyət kəsb edərək 65
m dərinliyə qədər keçir (çatır). Məsələn, Antarktikada buzda məskən salan
yosunlara yayda buz qatının aşağı hissəsində, fitoplank- tona isə buzun altında
kölgəli yerdə rast gəlinir. Bu «a» və «c» xlorofili-
35
nin UB şülarının təsirindən parçalanması ilə bağlıdır, fotosintezin pozulması
C02-dən istifadəni azaldır, bu isə okean və atmosfer arasında karbonun
balansına təsir göstərir.
Ultrabənövşəyi radiasiya yer səthinə çatan ümumi radiasiyanın təxminən
5-10%-ni təşkil edir.
Fotosintez prosesində işıq enerji mənbəyi kimi çıxış edərək ondan
piqment sistemində (xlorofil) istifadə olunur. Lakin fotositezdə spektrin bir
hissəsindən (380 nm-dən 760 nm-ə qədər) istifadə edilir, buna flzioloji aktiv
radiasiya (FAR) deyilir. Bunların daxilində fotosintez üçün qırmızı- çəhrayı
(600-700 nm) və bənövşəyi-mavi (400-500 nm) şüalar daha böyük
əhəmiyyətə malikdir, sarı-yaşıl şüalar (500-600) az əhəmiyyət daşıyaraq
xlorofildaşıyan bitkilərə yaşıl rəng verir.
Yaşıl yarpaq onun üzərinə düşən şüa enerjisinin orta hesabla 75%-ni
udur. Lakin onun fotosintezə istifadə əmsalı yüksək olmayıb aşağı işıqlanma
şəraitində 10%-ə qədər, yüksək işıqlanmada isə cəmi 1-2% təşkil edir. Qalan
enerji istilik enerjisinə keçərək transpirasiyaya və başqa proseslərə sərf edilir.
Fotosintezin səviyyəsinə təsir göstərən mühüm xarici faktorlar -
temperatur, işıq, karbon qazı və oksigen hesab olunur. Bitkinin özünün
səviyyəsində bu prosesə xlorofılin və suyun miqdarı xüsusilə yarpağın
anatomiyası, fermentlərin konsentrasiyası təsir göstərir. Mezofıt bitkilərin
yarpaqları kserofıtlərə nisbətən az şüaəksetdirmə qabiliyyətinə malikdir:
kserofıtlərin qalın yarpaqları praktiki olaraq işıq keçirmir, bununla belə nazik
mezofıt yarpaqlar görünən günəş şüalarının 20-40%-ni özündən keçirir. İşıq
rejimi şəraitinə tələbatına görə bitkilər aşağıdakı ekoloji qruplara bölünür:
1.
İşıqsevən bitkilər və ya heliofitlər - bura açıq sahələrin, daim işıqlanan
yerlərin (savanna, səhra) bitkiləri daxildir. İşıqsevən bitkilərin normal
böyüməsi üçün intensiv günəş radiasiyası, yaxud süni radiasiya tələb olunur.
Meşə zonasında bu bitkilərə az təsadüf olunur. İşıqsevən bitkilərə
bağayarpağı, suzanbağı, kəklikotu, günəbaxan, pambıq, qarğıdalı, kalış, şam
ağacı, safora, akasiya, palıd, saqqızağac, dağdağan, badam, məryəmnoxudu və
s. daxildir. İşıqsevən bitkilər bir sıra anatomik, morfoloji və fizioloji
xüsusiyyətlərə malikdir: nisbətən qalın yarpağının sütunlu və süngər
parenximinin hüceyrələrində 50-300 xırda xloroplast olur. Fotosintezin və
tənəffüs intensivliyinin yüksək olması işıqsevən bitkilərin xarakterik fizioloji
xüsusiyyətləridir.
2.
Kölgəsevər bitkilər və ya ssiofitlərə - kölgəli meşələrin alt yarusu-
nun, mağara və dərin suların bitkiləri aiddir; bu bitkilər düz günəş şüalarının
güclü işıqlanmasma az tab gətirir. Şimal enliyarpaqlı və tünd iy- nəyarpaqlı
meşələrin sıx çətri cəmi 1-2% FAR keçirə bilərək onun spek-
36