CÜMHURİYYƏTİN TƏHLÜKƏSİZLİK ORQANLARI (1918-1920)
34
Azərbaycan xüsusi xidmət orqanlarının 80
illik yubileyində etdiyi
çıxışında Heydər Əliyev hər üç mərhələyə toxunaraq bildirirdi:
“Xalq Cümhuriyyəti zamanı Azərbaycanın təhlükəsizlik
orqanları gənc müstəqil dövlətimizə xidmət etmişdir. Sonrakı
70 il ərzində Azərbaycan təhlükəsizlik orqanları sovet
hakimiyyətinə, kommunist ideologiyasına xidmət etmiş, Sovet
İttifaqının təhlükəsizlik orqanlarının tərkib hissəsi olaraq
onların siyasətini və əməli tədbirlərini həyata keçirməklə məşğul
olmuşdur. Azərbaycan dövlət müstəqilliyini əldə etdikdən
sonra respublikamızın dövlət orqanlarının müstəqil fəaliyyət
göstərməsi prosesində Azərbaycan təhlükəsizlik orqanları da öz
yerini tapmışdır”. Bu mərhələlərin hər biri özünəməxsus xarakterik
xüsusiyyətlərə malikdir.
1. Azərbaycanda istiqlal mübarizəsi və AXC dövründə
təhlükəsizlik orqanları. Bu dövr Cümhuriyyətə qədərki və
Cümhuriyyət dövründəki milli intibah, milli müstəqillik və
istiqlal mübarizəsi ilə xarakterizə olunur. Əsrlərlə xalqın mənəvi-
psixoloji enerjisini hərəkətə gətirən, onu müstəqilliyə və istiqlal
mübarizəsinə hazırlayan proses XX əsrin əvvəllərinədək daha çox
ədəbi-bədii həyatda, milli hərəkatda, əsrin
birinci onilliyindən sonra
isə cəmiyyətdə və ictimai-siyasi həyatda vüsət aldı. Ədəbi-bədii
həyatda milli müstəqilliyə doğru meylin üç istiqaməti müşahidə
olunurdu: türkləşmək, islamlaşmaq, müasirləşmək
(avropalaşmaq).
Özünə qədər bir çoxlarının parçaladığı və hər hissəsini ayrılıqda
götürdüyü bu formula türkoloq alim və mütəfəkkir şəxsiyyət olan
Əli bəy Hüseynzadə vəhdətdə, bütövlükdə yanaşdı. Eyni zamanda
inandırdı ki, “türkləşmək, islamlaşmaq və müasirləşmək”
düsturundan
(formulundan) kənarda türk xalqlarının müstəqilliyi və istiqlaliyyəti
yoxdur. Bu ideyanı M.Ə.Rəsulzadə daha da inkişaf etdirərək həyata
keçirdi. AXC-nin fəlsəfi-nəzəri dövlətçilik konsepsiyası və milli rəmzi
də bu vahid formuldakı üç mənbə və üç tərkib hissədən doğdu. Bu
formul özünün ən bariz ifadəsini milli bayraqda və dövlətin digər
atributlarında tapdı. Qısa müddət yaşamasına baxmayaraq AXC
dövlətin və xalqın təhlükəsizliyini təmin etmək məqsədi ilə həm Hərbi
Nazirlikdə
(Kəşfiyyat və əks-kəşfiyyat bölməsi), həm də ayrıca
bir qurum
CÜMHURİYYƏTİN TƏHLÜKƏSİZLİK ORQANLARI (1918-1920)
35
kimi
(Əksinqilabla Mübarizə Təşkilatı) təhlükəsizlik orqanı yarada bildi.
Ölkənin milli maraqlarının, “türkləşmək, islamlaşmaq və müasirləşmək”
ideologiyasının təhlükəsizliyinin keşiyində dayanan AXC-nin xüsusi
xidmət orqanlarının fəaliyyətinə bolşevik işğalı son qoydu.
2. Sovet dövrünün təhlükəsizlik orqanları. Sovet dövrü “türk-
ləşmək, islamlaşmaq və müasirləşmək” ideologiyasının rəsmi dövlət
səviyyəsində dağıdılması, parçalanması və məhv edilməsi cəhdi ilə xa-
rakterizə olunur. “Türkləşmək” pantürkizm, panturanizm, “islamlaş-
maq” panislamizm kimi yozuldu və mürtəce bir ideologiya kimi yasaq
edildi. “Müasirləşmək” isə sovetləşmək (beynəlmiləlçilik)
məzmunu
ehtiva etməyə başladı. Bolşevik işğalı nəticəsində AXC Azərbaycan
Sovet Sosialist Respublikası ilə əvəz olundu. Say etibarilə adında bir
söz udan Azərbaycan xalqı mahiyyət etibarı ilə müstəqilliyini, mil-
li-mənəvi, əxlaqi dəyərlərini, dövlət atributlarını itirdi. “Azərbaycan
Xalq Cümhuriyyəti” adlı bir dövlətdən “Azərbaycan SSR” adlı bir ma-
ket qaldı. Milli düşüncəli şəxslər, Azərbaycanın müstəqillik və istiq-
laliyyətini bərpa etmək istəyənlər repressiyalara,
təqib və təzyiqlərə
məruz qaldılar. Azərbaycanda və SSRİ-nin bütün bölgələrində bu rep-
ressiyaların həyata keçirilməsində və baş tutmasında FK
(Fövqəladə
Komissiya), DSİ
(Dövlət Siyasi İdarəsi) və XDİK
(Xalq Daxili İşlər Ko-
missarlığı) mühüm rol oynadı. Stalinizmdən sonrakı mərhələdə tədri-
cən də olsa, milli dəyərlərin və yaddaşa dəyən zədələrin bərpası prose-
si başlandı. “Vətən xaini”, “xalq düşməni” elan edilərək güllələnənlərin
və sürgün edilənlərin bir çoxu bəraət aldı. Milli istiqlal uğrunda mü-
barizə yenidən canlandı. 1960-cı illərdən etibarən Azərbaycan xalqı
özündə təpər və cəsarət tapdı. Müstəqillik uğrunda mübarizə leqal for-
malardan müxtəlif qeyri-leqal formalaradək davam etdi və özünün zir-
və məqamına meydan hərəkatında çatdı. Heydər Əliyevin milli-mənə-
vi dəyərlər sahəsində həyata keçirdiyi tədbirlər Azərbaycanın
gələcək
istiqlalı üçün təməllər hazırladı. Ümummilli lider Heydər Əliyevin
də dediyi kimi, sovet dövründə xüsusi xidmət orqanları bolşeviklərin
və Sovet imperiyasının maraqlarının müdafiəçisi olmuşdu. Sovet çe-
CÜMHURİYYƏTİN TƏHLÜKƏSİZLİK ORQANLARI (1918-1920)
36
kistləri imperiyanın çirkin maraqlarına “sədaqətlə” xidmət etdiyindən
1920-1950-ci illərdə milyonlarla sovet vətəndaşının həyatına son qoy-
muşlar.
3. Müstəqil Azərbaycan Respublikasının təhlükəsizlik
orqanları. Xalq Cümhuriyyətinin mənəvi
varisi olan Azərbaycan
xalqı 1991-ci ildə yenidən öz müstəqilliyini bərpa etdi. Yenidən “türk-
ləşmək, islamlaşmaq, müasirləşmək” formulu bərpa olundu. Azərbay-
can Respublikası müstəqil dövlət kimi fəaliyyət göstərməyə başladı.
1991-ci il noyabr ayının 1-dən fəaliyyətə başlayan Milli Təhlükəsizlik
Nazirliyi xalqın, dövlətin və dövlətçiliyin, başqa sözlə, müstəqil Azər-
baycan Respublikasının milli maraqlarına
xidmət edən bir qurum
kimi formalaşdı. Bu qurumun formalaşmasında, onun struktur böl-
mələrinin təkmilləşdirilməsində Ulu öndər Heydər Əliyevin böyük
rolu olmuşdur.