Cəlil Cavanşir
Yüklə 5,62 Kb. Pdf görüntüsü
|
147 qulağını çəkmək lazımdı. Hikmət yaxşı bilirdi ki, ağaları da onun planlarına mane olan ünsürləri ustalıqla təmizləməyi bacarır. Polisin atılıb-düşməyi, onunla namus-qeyrət söhbəti etməyi Hikməti əsla narahat etmirdi. Bilirdi ki, Polisin atılıb- düşməyi boş şeydir. Onun üçün qeyrət, namus kimi anla- yışlar çoxdan ölüb gedib. Lazım gəlsə mitinqə çıxan bacısını belə dubinkanın altına salıb əzişdirə, sürüyüb polis maşınına mindirə bilər. İndiyə qədər bütün planları səhvsiz və problemsiz, qaydasında getmişdi. Yeganə problem Nicat Aslanın Könü- lə aşiq olmağı idi. Bu sevgi məsələsi planlarına daxil deyildi. Sevgi işləri cızığından çıxara bilərdi. Başa düşürdü ki, sevgi qısqanclıq, narahatçılıq, yersiz söz-söhbət, lazımsız ro- mantikadır. Üstəlik Nicatın “ovlanması” planına daxil de- yildi. Nicatla bağlı göstəriş alanda, tərəddüdsüz razılaşdı. Nicatın Könülə aşiq olması, işini asanlaşdırırdı. Kafelərdə, PUB-larda qurulan məclislər, Nicatla Hikməti dostlaşdırmış- dı. Hikmətin gizlincə ötürdüyü narkotik, Nicat üçün əvəzsiz tapıntı idi. Üstəlik Könülün də Nicata biganə olmaması, giz- li-gizli görüşmələri Hikmətin ürəyindən idi. Nicat demək olar ki, sakitləşmişdi. Başı Könülə qarışdığından gəncləri unutmuşdu. Daha təhlükəli yazılar yazmırdı. Narkotik və Könül Nicatı süstləşdirmişdi. İndi Hikmətin yeganə proble- mi Polisə lazımi dərsi vermək idi. Bir xeyli düşünəndən sonra süyürməni çəkib, xidməti telefonu çıxardı. Zəng edəcəyi nömrəni tapıb, telefonu qu- lağına apardı. Söhbət qısa çəkdi. Polis çalışdığı bölmədə işini davam etdirmək şərti ilə onun sərəncamına verilmişdi. Hik- mətə lazım olan bu idi... 148 ...İndi deyəcəksiniz ki, bütün bunlar uydurmadı. Ni- catı zərərsizləşdirmək kimə lazımdır? Niyə onu öldürmək is- təsinlər? Haqlısınız. Mən də düşünürəm ki, onu siyasi sə- bəblərə görə öldürməmək də olar. Romanın maraqlı alınması üçün öz ölümünü uyduran adamın məsələyə siyasi don ge- yindirməsi bir az məntiqlidir. Həm də hamının siyasətdən qorxduğu bir vaxtda, qəhrəmanımı bilərəkdən si- yasiləşdirirəm ki, həyəcanlı olsun. Ümumiyətlə, mənə irad- zad tutumayın. Roman mənimdir, özüm bilərəm! Bir azdan gülmək istəyəcəksiniz, amma gülməyin. Romanın sonuna çox az qalıb. Siz hələ də israrla bu qarala- manı oxuyursunuz. Qısacası, sizə heyrət edirəm! 149 21 “Qadınların saxlaya bildikləri yeganə sirr bilmədikləri sirdir” Seneka Orxan Könülün son söhbətindən sonra uzun müddət düşünmüş, Könülün qardaşı Polisin təhdidləri ilə bağlı la- zımi yerlərə məlumat vermək istəmişdi. Bütün bunlara mü- əllif kimi imkan verə bilməzdim. Bütün həyəcan, bütün qu- rulan planlar məhv olardı. Uzaqbaşı Polisi tutmaqla, işi sadə bir cinayət hadisəsi kimi çözə bilərdilər. Mən isə istəyirəm ki, mənim qəhrəmanım Orxan hər şeyi özü şəxsən çözsün. Könül qardaşının Nicatı ölümlə təhdid etməsini gizli saxlamağı Orxandan xahiş etmişdi. Könül qardaşından, onun intiqamından qorxurdu. Yüngül həyat tərzi keçirmə- sini nə qədər gizlətməyə çalışsa da, qardaşı onun etdiklərin- dən xəbərdar idi. Nicatla görüşdüklərini qardaşına çatdıran adam, onun “pis yola” düşdüyünü də xəbərləmişdi. Kö- nülün bütün yolları çıxmaza dirənmişdi. Yeganə çıxış yolu rəfiqələrinin də dediyi kimi ölkədən çıxıb getmək, bir daha buralara dönməmək idi. Sadəcə getməmişdən Orxana Ni- catın ölümü ilə bağlı şübhələrini deməli idi. Bəs Könül ge- dəcəkdimi? Şəxsən mən Könülün heç yana getməyini istə- mirəm. Onun haradasa yaxında, əlçatan olmasını istəyirəm. ...Yarıqaranlıq gecə klubunda masanın ətrafında üç nəfər oturub susurdu. Daha doğrusu danışmağa söz ax- tarırdılar. Könül əlindəki siqaret qutusu ilə oynayır, hərdən əlinin arxasıyla gözünü silirdi. Şahin siqareti siqaretə ca- lamışdı. Orxan hərəkətsiz oturub gözlərini bir nöqtədən ayırmır. Könülün danışdıqları onları əməlli-başlı şoka sal- 150 mışdı. Könül qardaşı ilə Hikmətin qurduğu planlardan, Nicatın ölümünü necə hazırlamalarından ətraflı danışmış, Orxanın aylarla davam edən araşdırmalarını, ehtimallarını darmadağın eləmişdi. Könül Nicatın ölümündə təxminən ki- min günahkar olduğunu bilsə də, aylarla bu sirri gizləmişdi. Heç nə gözlədikləri kimi deyildi. Könül Nicatın öldü- rüləcəyini bilə-bilə heç nə etməmişdi... – Özümdən qorxurdum Orxan, özümdən. Sən bilmirsən Hikmət necə qəddar və arxalı adamdır. Bir gecədə məni də, qardaşımın ailəsini də məhv edərdi. Mən onlara mane ola bilməzdim, başa düş! – Heç olmasa Nicatı xəbərdar edərdin, ay vicdansız! Şahin əlindəki siqareti hirslə külqabıya basdı.(Şahinin vicdan an- layışı qarşısında əllərim əsir. Allah, haqqı Şahinin vicdan haqqında düşüncələrinə də bir “Cart!!!”... Hələ ada baxın, Şahin! Yox bir qartal!) – Bacarmazdım. Çünki buna imkan yox idi. Əslində Hik- mətlə qardaşımın mətbəxdəki söhbətini eşidəndən sonra Ni- cata neçə dəfə zəng elədim. Mesaj yazdım. Amma cavab gəl- mədi. Evinə gedə bilməzdim. Hikmətin də, qardaşımın da ora gələcəyini bilirdim. – Polisə xəbər verə bilərdin – , bu dəfə Orxan özündən çıxdı. – Deyəsən siz məni başa düşmək istəmirsiniz. Axı bu barədə polisə məlumat verib, heç nəyə nail ola bilməzdim. Əlimdə heç bir fakt yox idi. Həm də qardaşım həmkarları ilə asanlıqla dil tapacaqdı. Qorxurdum, başa düşürsən? Neçə vaxtdır kiminsə məni izlədiyini hiss edirəm. Deyəsən səninlə görüşdüyümü, sənin bu söhbəti qurcaladığını bilirlər. Çox qorxuram, uşaqlar. Bircə bu xarabadan çıxıb gedə bil- səydim... Yüklə 5,62 Kb. Dostları ilə paylaş:
|