Cəlil Cavanşir
Yüklə 5,62 Kb. Pdf görüntüsü
|
144 – Görüşərik, Polis qardaş. Sən özünü çox incitmə. Bu hadisə tək bizim başımıza gəlmir. Evlənmək nə qədər sadə məsələ- dirsə, boşanmaq da bir o qədər sadədir. Lütfən, heç nəyi bö- yütmə. Könüllə iki mədəni insan kimi ayrılmağımız daha yaxşıdır. Bunu namus söhbətinə, düşmənçiliyə çevirməyini istəməzdim. O öz həyatını seçib. 30 yaşı var. Qərar vermək, onu həyata keçirmək haqqı var. – Mən Könülün verdiyi qərara güvənmirəm. Burda söhbət mənim ailəmin namusundan gedir. İstəmirəm ki, hər cındır arxamca ağzına gələni danışsın! Başa düşdün? Bu mənim üçün çox ciddi məsələdir! – Oldu qardaş. Görüşərik hökmən! İndi gömrükdəyəm. İrandan gələn malları qarşılayacam. Həftə içi rahatlıqla gö- rüşüb danışarıq. – Oldu. Hələlik! Hikmət telefonu söndürüb masanın üstünə atdı. Kresloya söykənib qarşısındakı soyumuş çaydan bir udum aldı. Həyatı ağ-qara film kimi gözlərinin önündə canlanma- ğa başladı. Anası onları uşaq evinə verəndə 3 yaşı vardı. Atası öləndə isə 2 yaşındaydı. Anası başqası ilə evlənmişdi və bir daha onların arxasınca gəlməmişdi. Hikmət bacısın- dan uzaq düşmüşdü və uşaq evinin köşələrində demək olar ki, bütün dünyaya və insanlara nifrətlə böyümüşdü. Ana- sının onu atıb getməsi, bacısından ayrılıb uşaq evinə atılma- sı, müəllimlərinin qəddarlığı onun psixologiyasında silinməz izlər buraxmışdı. Hikmət insanlara nifrət edirdi. Humanizm, insan sevgisi ona yad idi. Heç kəsi, hətta Könülü belə sev- mirdi. Hamıdan istifadə etməyə çalışırdı. İnsanların faciəsi üzərində özünə xoşbəxtlik qurmaq ona ləzzət verirdi. İlk də- fə universitet illərində müxalifətçilərə qoşulan, rejimə etiraz 145 edən tələbə yoldaşları haqqında polisə raportlar yazanda, hiss etmişdi ki, insanların əzilməsi, incidilməsi, çarəsiz və- ziyyətə düşməsi ona ləzzət edir. O etdiyi bütün pisliklərdən zövq alırdı. Baş tutmayan mitinqlər, həbs olunan etirazçılar, universitetdən qovulan tələbələr onun içində izaholunmaz rahatlığa səbəb olurdu. Bütün iyrəncliklər, insan əzabları və məğlubiyyəti ona xoş gəlirdi. Polislə ilk tanışlığı da həmin illərdə baş tutmuşdu. Tez-tez polis idarəsinə yolu düşdüyü üçün, bu cavan “iş- verənlə” də rastlaşırdı. İkisinin də qeyri-rəsmi “peşəsi” oğ- raşlıq, nadürüstlük idi. İkisi də bu işi “şərəflə” icra edir, başqalarının çəkdiyi əzabdan, düşdüyü uğursuzluqdan zövq alırdılar. Hikmətlə polis “sənət yoldaşı” idi. Sonra Polis işini rəsmiləşdirmiş, bölmələrin birində rəsmən işə başlamışdı. Hikmət isə gizli fəaliyyəti üstün tutmuş, deşifrə olunmadığı üçün daha da irəli çəkilmişdi. Son 3 ildə isə gənc etirazçıların içinə sızdırılmışdı. ...Könüllə tanış olanda onun Polisin bacısı olduğunu bilmirdi. Çünki heç bir həmkarı ilə ailəvi tanışlığı yox idi. Ailəsi olmadığı üçün, ailəvi tanışlıqlar ona görə deyildi. Universiteti bitirdikdən sonra ağaları onun üçün bir əmlak ofisi qurmuşdu. İşləri qaydasında gedirdi. Könüllə tanış olanda artıq işinin çəmini tapmışdı. Əsas vəzifəsi sosial şə- bəkələrdə hakimiyyət və rejim əleyhinə statuslar yazan, mitinq təşkil edən, etiraz edən gəncləri izləmək idi. Böyük- ləri Hikmətə müxalifətçi gənclərlə yaxınlaşmağı, universitet illərindən tanıdığı etirazçıları nəzarətdə saxlamağı tapşır- mışdı. Hikmət isə işinin öhdəsindən layiqincə gəlirdi. İçki məclislərinə qatılmaq, özünü sərxoşluğa vurub “yağdan qıl çəkirmişcəsinə” sərxoş gənclərdən söz çəkmək, dindən, men- talitetdən söz salmaq və bunu mübahisəyə çevirmək onun 146 əsas işi idi. İstəyinə demək olar ki, çatmışdı. Gənclərin ara- sında yaranan mübahisələrdə onun təxribatçı fikirləri əsas rol oynayırdı. İkinci əsas işi gəncləri narkotiklə təmin etmək idi. Ba- şıpozuq, narkotik aludəçisənə çevrilmiş gənc inqilabçılar onun ağaları üçün rahat “ov” hesab olunurdu. “Yamayka” onun sayəsində etirazçı və intellektual gənclərin arasına yol tapmışdı. Könüllə evlənməyə qərar verəndə, əsas məqsədi evlə- nib boşanmış, azadlığa və sərbəstliyə meyilli, rahatlıq və şöhrət arzusunda olan bu yüngül xarakterli qadından istifadə etmək idi. Könülün Polisin bacısı olduğunu biləndə planında korrekt olmağa məcbur olmuşdu. İlk işi Könülü hi- cabdan azad edib, bütün gün azadlıqdan, insan haqlarından, azad seksdən, demokratiyadan danışan gənclərin arasına bu- raxmaq idi. Bunu bacarmışdı. Hamı Könüllə münasibət qur- mağa çalışır və bu münasibətlər Könülü də, Hikməti də qane edirdi. Könül Hikmət üçün balığı cəlb etmək üçün qarmağa taxılmış soxulcan idi. Qarmağın ucunda çapaladıqca beyin- siz və ağılsız balıqları cəlb edirdi. Hikmət isə sahildə durub ustalıqla qarmağa düşən balıqlarla məşğul olurdu. Könülün sayəsində gənclərin arasında söz sahibi olmuş, cibində si- çanlar oynaşan gənclərin çoxusunu özünə borclu etməyi ba- carmışdı. Planı qaydasında gedirdi. Nicatı məhv eləməklə bağlı heç bir problem yox idi. Polis isə Hikmətin gizli plan- larından bixəbər, onun planlarına daxil olmuşdu. Hikmət nə qədər peşəkar idisə, Polis bir o qədər küt və qorxaq idi. İndi zəng edib onunla hədələyici tonda danışması, Hikməti özün- dən çıxarmışdı. Polisə yerini göstərməyin məqamı idi. Özün- dən yüksək rütbəlilərə yaltaqlanmağı yaxşı bacaran Polisin Yüklə 5,62 Kb. Dostları ilə paylaş:
|